باعوا القضية - اهداء لناجى العلى رحمه الله

[عماد رجب]

الى ناجى العلى رحمه الله

http://www.javannewspaper.com/1384/840717/053694.jpg
طفل صغير
على الحيطان مرسوم
ايده ورا ضهرة
خايف من المقسوم
خايف يناجى الليل
يسال هيجى اليوم؟
ومن ليله بقى خايف
بقى مهموم
ماهو ناجى رسم الولد
وقال دا كل العرب
بكرة برسومى
تتحرك وتتاثر
والليل اكيد ينتهى
والحلم يتفسر
باعوا القضية يا ناجى اتحسر
باعوا القضية وحلمك اتفسر
باعوا القضية يا على
وبنو بيها
بيوت الرمل
اللى سهل تتهدم
وتكسر
والطفل بقى عالحيطان صورة
لا اقل ولا اكتر
باعوا القضية يا ناجى اتحسر
باعوا القضية وحلمك اتفسر
عماد رجب – مصر
Ultra_writer@yahoo.com

[د.جمال مرسي]

حتى أحلامنا بيعت يا عماد
و كل يوم يفسرها مفسر جديد ليلقى نفس المصير
رحم الله ناجي العلي
و كل شهيد
و بارك الله لك هذا القلم النابض
تحياتي يا عزيزي

[عماد رجب]

دكتور جمال مرسى

انت دائما تضىء مشاركاتى بقلمك الطاهر المتمكن فلا تحرمنى دائما من دعمك لى

[أحمد حسن محمد]

يا عْماد علي والدنيا دي زي الكتاب
مليان غرايب واغتراب
بيضيع ثبوتنا
والكرامة بْتنجلد في أرضنا
من غير حساب
يا عماد..
د أسطورة عذاب
بتدق فينا قسوة المر اللي ممزوج بالمهانة والتراب

أنا باشكرك
على حرفك المغسول ف حزنك تكتبه أو يكتبك
تغسل دموعه بْدم عينك
يغسل الدم فْ عيونك
يا صديقي في الطريق المر لا الفرح القريب
عبّر القلب اللي ساكن في ضلوعي
يا صديق ولا عبّرك
نفسي بجد ان الكريم في يوم كريم
يبعت لنا ويزفنا على نصرنا
ويبشرك

وعلى العموم أنا باشكرك