من غير سبب مات الخلايق في دهب

[د.جمال مرسي]

أيها الأحباب في الواحة

السلام عليكم و رحمة الله و بركاته

أعادتني التفجيرات الآثمة التي وقعت مساء أمس الإثنين 24\4\2006م
في دهب بيد الإرهاب والتي كان معظم ضحاياها من أخوتنا و أبنائنا المصريين السائحين أو العاملين هناك
بالإضافة لما أحدثته من خسائر مادية و معنوية بغية ضرب السياحة و استقرار أمن مصرنا الحبيبة .
أعادتني هذه الأحداث المفجعة بقصيدة جديدة تمنيت أن تشاركوني نبضها بما تجود به أقلامكم الجسورة :


من غير سبب


شعر د. جمال مرسي


من غير سبب
ماتوا الخلايق في دهب
و قلوبنا بالحزن اتملت
و عقولنا شيّطها الغضب
على إيد عصابة مجرمه
سفك الدماء ليهم سمه
سرقوا ابتسامة شعبنا
و كأنهم ..
مستخسرين الفرح يسكن قلبنا
زرعوا القنابل ، فجروا
قتلوا الخلايق ، دمروا
و الفل يوم شم النسيم شنقوه
و راحوا يسكروا
و يدوروا
على فل تاني يخنقوه من غير سبب
يا دي العجب .
***
عصبة بشر ؟
لأ مش بشر
مين اللي قال سافل يموّت حلمنا كان م . البشر ؟
مين اللي يقتل أبرياء مالهومش ذنب يكون بشر ؟
مين اللي يقطع عيش أخوه و يكون بشر ؟
قلبي من الحزن انفطر
و الوغد قلبه من حجر .
طابا و شرم الشيخ بتشهد غدرهم
و الجرح جوانا التهب
و اليوم بيزداد الأسى في القلب من صورة دهب .
***
في شرع مين بيقتّلوا
و عن الطريق يتحولوا
إرهاب بيجري ف. دمهم
لو يطلعوا أو ينزلوا
و بأي دين صوت الضمير بيسكتوه
يا ناس خلاص قربت اتوه
أصل اللي كان ..
سبّب لنا حالة تعب
و لا عمره ف. كتاب انكتب .
***
يا مصر اوعي ف. يوم يهزك غدرهم
ايدنا في ايدك ضدهم
هنقول لهم :
إرهابكو مش بيهزنا
لو حتى سيّل دمنا
و ف. كل شبر عزيز و غالي
م. الحبيبه مصرنا
هنقف لكم
نضرب بكف من الغضب
وش الجبان اللي هرب
بعد الأسى و القتل ف. الحلوه دهب .



و دمتم و دامت مصر الحبيبة بخير

[نسيبة بنت كعب]

السلام عليكم

ما شاء الله د. جمال مرسى

صادقة .. و مؤسفة !
فعلا القتل من غير سبب قلة ادب !
هكذا يسخر الشعر فى الدعوة ونبذ التطرف
ندعو الله ان يقى مصرنا الحبيبة من كل الفتن - ما ظهر منها وما بطن
حتى نستطيع ان نقول للناس بحق
ادْخُلُواْ مِصْرَ إِن شَاء اللَّهُ آمِنِينَ

احسنت شعرا وشعورا

تقبل تحياتى وتقديرى :001:

[ابراهيم محمود الخضور]

(.........)
بقلم إبراهيم الخضور



آدي القلوب ..حزينة

للي حصل في سينــا

كانتْ دهب مدينة

بتزغرد ملفرحْ

* * * *
وجالها اليوم دا جماعة

وفي خلال التلت ساعة

صارت دهبْ دمار

وتقلبْ الفرح

* * * *
طبْ إنتو عاوزين إيه

وعملتو كده ..ليه..

ما تقولو..جرالكمْ إيه..

أصل الكيل طفحْ

* * * *

الحبّ في القلوبْ

يطفي نار الحروبْ

ولما قستْ قلوبكمْ

منها الخير إتمسحْ

* * * *

دمّ المسلمْ حرام

يتمس ع الدوامْ

ودا خير الكلامْ

نبينا فيه نصحْ

* * * *

[د.جمال مرسي]

السلام عليكم

ما شاء الله د. جمال مرسى

صادقة .. و مؤسفة !
فعلا القتل من غير سبب قلة ادب !
هكذا يسخر الشعر فى الدعوة ونبذ التطرف
ندعو الله ان يقى مصرنا الحبيبة من كل الفتن - ما ظهر منها وما بطن
حتى نستطيع ان نقول للناس بحق
ادْخُلُواْ مِصْرَ إِن شَاء اللَّهُ آمِنِينَ

احسنت شعرا وشعورا

تقبل تحياتى وتقديرى :001:

أختي الكريمة نسيبة
هؤلاء لا يتقون الله و إلا لما فعلوا ما فعلوه في اخوتهم ( إن كانوا مسلمين ) بحجة الجهاد أو خلافه مما يتسترون وراءه
جزاك الله الخير على المرور
و حفظ الله لنا الحبيبة مصر من كل مكروه
تحياتي و احترامي

[ابراهيم خطاب]

الشاعر الجميل حقا/ جمال مرسى
لك الشكر مرتين , الأولى لأن هذا العمل الإبداعى المشرق كشمس سيناء , أضاء لى قلبى بعد إحترقة لدى سماعى للخبر , مساء يوم شم النسيم , وأطفالى يسألونى فى براءة , لماذا هذه الدموع يابابا, فقلت لهم غدا ستعرفون , ولم أجد جوابا أرد به على أطفالى , سوى كلماتك هذه يا جمال (يا مصر اوعي ف. يوم يهزك غدرهم
ايدنا في ايدك ضدهم
هنقول لهم :
إرهابكو مش بيهزنا
لو حتى سيّل دمنا
و ف. كل شبر عزيز و غالي
م. الحبيبه مصرنا
هنقف لكم
نضرب بكف من الغضب
وش الجبان اللي هرب
بعد الأسى و القتل ف. الحلوه دهب .)
والثانية : _
على هذه الشحنة العاطفية الصادقة والمخلصة , التى خرجت بها فعليا , بعد قراءتى لقصيدتك آملا فى الغد القادم , ومستبشرا خيرا 0000
صديقى الحبيب جمال/ كلام كثير أود أن أقوله لك ليس بخصوص هذه القصيدة فقط , ولكن بمنتهى الصدق والصراحة , فى كتاباتك بشكل عام , سواء كانت فصحى أو عامية , أقولها لك كما تعلمناها , من أجدادنا القدامى , أنت شاعر مطبوع يا جمال , يسكنك الحس والغربة والوحشة والإحساس المتدفق , إضافة الى مخزون معرفى ثرى جدا , تسطيع من خلاله , أن تلبس حالتك الإبداعية الثوب المناسب لها ببراعة , دمت لنا مبدعا كبير وهامه أدبية نفتخر بها , وتقبل منى مودتى وتقديرى لك 000 :noc:

[حسن القماطى]

ايه اللى بيحصلك يامصر
وايه اللى بيجرى فيك
لسه جرح طابه ماالتئم
جاكى جرح ثانى يدميك
هم فى غيرهم اكيد عرفينهم
يقتلوا القتيل ويمشو فى جنزته
يجردو السكين فى ايدين اولادك
ويقلولنا دول مجانين وخلاصنه
والا العبارة هو انتم نسيتوا
جرح لسه ينبض ليه سكتوا
ربنا يحميك يامصر
ربنا يحميك يامصر

استاذى الفاضل:د جمال مرسى
هذه الكلمات هى تعبيرا من عربيا محبا لمصر وعراقة تاريخها
ولااعتقد ان اى عربى لم يتألم مما يحصل لمصر هذه الايام
من حرب عليها من اعدائها.
ولعل المثل الشعبى ( يقتل القتيل ويمشى فى جنازته)
هو خير تعبير للذى يجرى.

[د.جمال مرسي]

(.........)
بقلم إبراهيم الخضور



آدي القلوب ..حزينة

للي حصل في سينــا

كانتْ دهب مدينة

بتزغرد ملفرحْ

* * * *
وجالها اليوم دا جماعة

وفي خلال التلت ساعة

صارت دهبْ دمار

وتقلبْ الفرح

* * * *
طبْ إنتو عاوزين إيه

وعملتو كده ..ليه..

ما تقولو..جرالكمْ إيه..

أصل الكيل طفحْ

* * * *

الحبّ في القلوبْ

يطفي نار الحروبْ

ولما قستْ قلوبكمْ

منها الخير إتمسحْ

* * * *

دمّ المسلمْ حرام

يتمس ع الدوامْ

ودا خير الكلامْ

نبينا فيه نصحْ

* * * *

أخي الحبيب إبراهيم الخضور
كتبتها كأحسن ما تكون العامية و كأنك تنطق باللهجة المصرية
بارك الله بك أخي الحبيب
و شكرا لك مشاعرك الطيبة
دمت بخير و سعادة
أخوكم د. جمال

[د.جمال مرسي]

الشاعر الجميل حقا/ جمال مرسى
لك الشكر مرتين , الأولى لأن هذا العمل الإبداعى المشرق كشمس سيناء , أضاء لى قلبى بعد إحترقة لدى سماعى للخبر , مساء يوم شم النسيم , وأطفالى يسألونى فى براءة , لماذا هذه الدموع يابابا, فقلت لهم غدا ستعرفون , ولم أجد جوابا أرد به على أطفالى , سوى كلماتك هذه يا جمال (يا مصر اوعي ف. يوم يهزك غدرهم
ايدنا في ايدك ضدهم
هنقول لهم :
إرهابكو مش بيهزنا
لو حتى سيّل دمنا
و ف. كل شبر عزيز و غالي
م. الحبيبه مصرنا
هنقف لكم
نضرب بكف من الغضب
وش الجبان اللي هرب
بعد الأسى و القتل ف. الحلوه دهب .)
والثانية : _
على هذه الشحنة العاطفية الصادقة والمخلصة , التى خرجت بها فعليا , بعد قراءتى لقصيدتك آملا فى الغد القادم , ومستبشرا خيرا 0000
صديقى الحبيب جمال/ كلام كثير أود أن أقوله لك ليس بخصوص هذه القصيدة فقط , ولكن بمنتهى الصدق والصراحة , فى كتاباتك بشكل عام , سواء كانت فصحى أو عامية , أقولها لك كما تعلمناها , من أجدادنا القدامى , أنت شاعر مطبوع يا جمال , يسكنك الحس والغربة والوحشة والإحساس المتدفق , إضافة الى مخزون معرفى ثرى جدا , تسطيع من خلاله , أن تلبس حالتك الإبداعية الثوب المناسب لها ببراعة , دمت لنا مبدعا كبير وهامه أدبية نفتخر بها , وتقبل منى مودتى وتقديرى لك 000 :noc:

أخي و صديقي الشاعر الناقد لإبراهيم خطاب
و الله لقد كادت أدمعي تنسال مني لشهادتك التي توجت بها هامتي و لا سيما أنها جاءت من ناقد بصير

أخي الحبيب :
و الله بعد أحداث دهب لم أشعر إلا و الكلمات تتدفق مني حتى أنني اضطررت لكبح جماحها
لقد كان الألم شديدا
و الفاجعة عظيمة
و قد اختار هؤلاء القتلة أن يقتلوا حتى فرحتنا في شم النسيم و تحرير سيناء
و قبلها عيد أكتوبر و عيد ثورة يوليو
الغيظ و الحنق يملأ قلب و صدر كل مصري و عربي شريف من تصرفات هؤلاء .
و لا نستطيع إلا أن ندعو الله أن يحمي الغالية مصر و كل شبر في أمتنا العربية و الإسلامية

دمت بخير أخي الحبيب
و لا تحرمني إطلالتك

تحياتي و تقديري و امتناني

و سلامي للأسرة

[زاهية]

بيقولوا ليه الحزن ساكن في القلوب
وليه ماعادش فسكِّتي بسمة أمل
بالمختصر مات الأمل
والدمع بات يعمي المُقل
والدنيا تعبت مل حروب
والطفل والطفلة بيبكوا من الكروب
والأب والأم في تعب
إيه العمل ؟
ماعادشي حالنا يُحتمل
ياناس خلاص
بلاش نخرَّب عشِّنا
بشهقة غضب
بلاشْ نحارب بعضنا من غير سبب

بقلم
بنت البحر

[سمير الفيل]

د. جمال مرسي ..

أثرت القصيدة فيّ كثيرا ..
ربما لبساطتها وصدقها .
ربما لخطابها الواضح والصريح ..

تسلم يا رجل.

[د.جمال مرسي]

ايه اللى بيحصلك يامصر
وايه اللى بيجرى فيك
لسه جرح طابه ماالتئم
جاكى جرح ثانى يدميك
هم فى غيرهم اكيد عرفينهم
يقتلوا القتيل ويمشو فى جنزته
يجردو السكين فى ايدين اولادك
ويقلولنا دول مجانين وخلاصنه
والا العبارة هو انتم نسيتوا
جرح لسه ينبض ليه سكتوا
ربنا يحميك يامصر
ربنا يحميك يامصر

استاذى الفاضل:د جمال مرسى
هذه الكلمات هى تعبيرا من عربيا محبا لمصر وعراقة تاريخها
ولااعتقد ان اى عربى لم يتألم مما يحصل لمصر هذه الايام
من حرب عليها من اعدائها.
ولعل المثل الشعبى ( يقتل القتيل ويمشى فى جنازته)
هو خير تعبير للذى يجرى.

بارك الله بك يا قلم الشهادة
و شكرا على هذه الكلمات النابعة من قلب صادق
و هذا هو شعور كل عربي حر غيور
بارك الله بك و دمت بخير
د. جمال

[د. فوزى أبو دنيا]

أيها الأحباب في الواحة

السلام عليكم و رحمة الله و بركاته

أعادتني التفجيرات الآثمة التي وقعت مساء أمس الإثنين 24\4\2006م
في دهب بيد الإرهاب والتي كان معظم ضحاياها من أخوتنا و أبنائنا المصريين السائحين أو العاملين هناك
بالإضافة لما أحدثته من خسائر مادية و معنوية بغية ضرب السياحة و استقرار أمن مصرنا الحبيبة .
أعادتني هذه الأحداث المفجعة بقصيدة جديدة تمنيت أن تشاركوني نبضها بما تجود به أقلامكم الجسورة :


من غير سبب


شعر د. جمال مرسي


من غير سبب
ماتوا الخلايق في دهب
و قلوبنا بالحزن اتملت
و عقولنا شيّطها الغضب
على إيد عصابة مجرمه
سفك الدماء ليهم سمه
سرقوا ابتسامة شعبنا
و كأنهم ..
مستخسرين الفرح يسكن قلبنا
زرعوا القنابل ، فجروا
قتلوا الخلايق ، دمروا
و الفل يوم شم النسيم شنقوه
و راحوا يسكروا
و يدوروا
على فل تاني يخنقوه من غير سبب
يا دي العجب .
***
عصبة بشر ؟
لأ مش بشر
مين اللي قال سافل يموّت حلمنا كان م . البشر ؟
مين اللي يقتل أبرياء مالهومش ذنب يكون بشر ؟
مين اللي يقطع عيش أخوه و يكون بشر ؟
قلبي من الحزن انفطر
و الوغد قلبه من حجر .
طابا و شرم الشيخ بتشهد غدرهم
و الجرح جوانا التهب
و اليوم بيزداد الأسى في القلب من صورة دهب .
***
في شرع مين بيقتّلوا
و عن الطريق يتحولوا
إرهاب بيجري ف. دمهم
لو يطلعوا أو ينزلوا
و بأي دين صوت الضمير بيسكتوه
يا ناس خلاص قربت اتوه
أصل اللي كان ..
سبّب لنا حالة تعب
و لا عمره ف. كتاب انكتب .
***
يا مصر اوعي ف. يوم يهزك غدرهم
ايدنا في ايدك ضدهم
هنقول لهم :
إرهابكو مش بيهزنا
لو حتى سيّل دمنا
و ف. كل شبر عزيز و غالي
م. الحبيبه مصرنا
هنقف لكم
نضرب بكف من الغضب
وش الجبان اللي هرب
بعد الأسى و القتل ف. الحلوه دهب .



و دمتم و دامت مصر الحبيبة بخير

قلبك دهب
مهما حاولو يشوهوه
مهما حاولو يغتالوه
والى مد ايدية يطولك
مكانش منك
عمرو ماسكن حشاكى
علشان كدة هنتى واذاكى

انكرية
واتبرى منو وابعدية
واوعى يوم يصعب عليكى
او تحاولى تكلمية
وانسى يوم مديتى ايدك مرة ليه
اشمعنا هوا ماصعبتيش عليه
لما بالغدر اتمدت ايدية

الى ياذى مرة ولدك
او يحاول ينهش ف كبدك
اوعى مرة يحس ودك
او فيوم تخدية ف حضنك
اشمعنا هو باع ف عرضك
اشمعنا هو هان عليه

[د.جمال مرسي]

بيقولوا ليه الحزن ساكن في القلوب
وليه ماعادش فسكِّتي بسمة أمل
بالمختصر مات الأمل
والدمع بات يعمي المُقل
والدنيا تعبت مل حروب
والطفل والطفلة بيبكوا من الكروب
والأب والأم في تعب
إيه العمل ؟
ماعادشي حالنا يُحتمل
ياناس خلاص
بلاش نخرَّب عشِّنا
بشهقة غضب
بلاشْ نحارب بعضنا من غير سبب

بقلم
بنت البحر

جزاك الله كل الخير يا زاهية الواحة
شعر جميل من قلب مخلص له رسالة
و ما شاء الله تجيدين اللهجة المصرية بروعة
شكرا لمشاعرك النبيلة
و تقبلي الود
د. جمال

[د.جمال مرسي]

د. جمال مرسي ..

أثرت القصيدة فيّ كثيرا ..
ربما لبساطتها وصدقها .
ربما لخطابها الواضح والصريح ..

تسلم يا رجل.

أخي الحبيب سمير الفيل
سعيد بمرورك على قصيدة لي لأول مرة
ربما أثرت القصيدة فيك و في الكثيرين بسبب بشاعة الجرم الذي نسأل الله ألا يعيده على مصرنا الحبيبة
و لا أي دولة عربية أو مسلمة أخرى .
شكرت لك و أهلا بك دوماً
مع خالص مودتي

[د.جمال مرسي]

قلبك دهب
مهما حاولو يشوهوه
مهما حاولو يغتالوه
والى مد ايدية يطولك
مكانش منك
عمرو ماسكن حشاكى
علشان كدة هنتى واذاكى

انكرية
واتبرى منو وابعدية
واوعى يوم يصعب عليكى
او تحاولى تكلمية
وانسى يوم مديتى ايدك مرة ليه
اشمعنا هوا ماصعبتيش عليه
لما بالغدر اتمدت ايدية

الى ياذى مرة ولدك
او يحاول ينهش ف كبدك
اوعى مرة يحس ودك
او فيوم تخدية ف حضنك
اشمعنا هو باع ف عرضك
اشمعنا هو هان عليه


أخي الحبيب الشاعر الثائر المحب لوطنه د. فوزي
بارك الله بك و بمشاعرك الصادقة نحو الغالية مصر
و ندعو الله ألا يتكرر مثل هذا الحدث المؤسف لا في مصر و لا في غيرها
تقبل مودتي و تقديري
د. جمال

[عبلة محمد زقزوق]

قامت الصبيه من الفجريه
تسقي زرعتها وتملى زلعتها
لجل ما تجْهز لليلة حنتها
بعد كام يوم حيرجع لها فارسها
ومن الدهب ح تكون شبكتها
وزعت كروت الفرح
وإتجهزت
ما هو خلاص
راجع
وبيأكد لها أن يوم وصوله
ح يكون بعد طلعة شم النسيم

وفي طلعة النهار
جالهم خبر !!
يقول هناك فجيعه وابن اتقتل
خرجت الصبيه وحماتها يجروا
لجل ما يعرفوا إيه الخبر !!
لقوا لمه وناس كتير متجمعه
والدم والنواح يملى بحور
ويسمع ودان اللي ...غدر
عرفوا إن أبنهم راح
مع اللي راح من ضحايا دهب
راحوا يدوّروا ويلفوا المكان
لجل ما يلقوا وجه الصبي
ويكدب الخبر
مبتسم وبالأحضان يستقبل
ويضم البشر

لقوا الكل على الارض نايم
بين ضحايا ودموع أهلهم
وواحده حضنه راس وحيدها
من نارها تصرخ تقول
ده اللي باقي ....
يا حسرة عمرها
والتانيه حضنه دراع أبوها
وتقول ده أخويا مش أبويا
يا ناس راح وحيدي
راح كفيلي
راح بإيد الظلم ...
ولا اترحم

الصبيه حايره تقول فينك يا حبيبي
الشبكه لسه فلوسها في إيدي
والفستان والطرحه ما لمسوا جيدي
لا الفرحة ولا طلت عيونك
ح تنضرها عيوني
بصت هناك
لقت واحده بتكشف
عن جسم ضاعت ملامحه
وبتقول ده ابني سعيد
انا اعرفه حتى ولو عضمه بقى
من غير لحم واتهرى
دمه بيناديني
روحه تناغيني
سلمت له امري لما قالي
حروح اكَون نفسي
وارجع يا امه ليكي
شايل مهر عروستي
لجل الدار ما تكبر
ويبقى ليكي من الأحفاد كتير
أستنيني
بكره راجع

وآدي خاتم ابويه في صباعي
يفكرني
ويخليني أحافظ
على وعدي ليكي

وآدي الخاتم ...
وراح ضنايا
ولا بقى لي منه إلا الشظايا

تاهت الصبيه وهيه تقول
كل دول عريسي
كل دول فرحتي وعيدي
راحوا
راحوا
راحوا نتيجة غدر
وقسوة قلب
يا حسرتك
يا أمي يا مصر
مشت بين الضحايا ما تعلم
ولا تعرف فين النهايه
رجعت الدار
لبست الفستان الابيض
وهيه تقول عريسي مات شهيد
عريسي مات شهيد

الشكر الجزيل والتقدير الوفير أخي الفاضل د. جمال مرسي
لجميل وعظيم ما قدمت وتقدم
تحياتي أخي الفاضل

ولا عزاء إلا بعد التطهر من رجس الإرهاب

[د.جمال مرسي]

قامت الصبيه من الفجريه
تسقي زرعتها وتملى زلعتها
لجل ما تجْهز لليلة حنتها
بعد كام يوم حيرجع لها فارسها
ومن الدهب ح تكون شبكتها
وزعت كروت الفرح
وإتجهزت
ما هو خلاص
راجع
وبيأكد لها أن يوم وصوله
ح يكون بعد طلعة شم النسيم

وفي طلعة النهار
جالهم خبر !!
يقول هناك فجيعه وابن اتقتل
خرجت الصبيه وحماتها يجروا
لجل ما يعرفوا إيه الخبر !!
لقوا لمه وناس كتير متجمعه
والدم والنواح يملى بحور
ويسمع ودان اللي ...غدر
عرفوا إن أبنهم راح
مع اللي راح من ضحايا دهب
راحوا يدوّروا ويلفوا المكان
لجل ما يلقوا وجه الصبي
ويكدب الخبر
مبتسم وبالأحضان يستقبل
ويضم البشر

لقوا الكل على الارض نايم
بين ضحايا ودموع أهلهم
وواحده حضنه راس وحيدها
من نارها تصرخ تقول
ده اللي باقي ....
يا حسرة عمرها
والتانيه حضنه دراع أبوها
وتقول ده أخويا مش أبويا
يا ناس راح وحيدي
راح كفيلي
راح بإيد الظلم ...
ولا اترحم

الصبيه حايره تقول فينك يا حبيبي
الشبكه لسه فلوسها في إيدي
والفستان والطرحه ما لمسوا جيدي
لا الفرحة ولا طلت عيونك
ح تنضرها عيوني
بصت هناك
لقت واحده بتكشف
عن جسم ضاعت ملامحه
وبتقول ده ابني سعيد
انا اعرفه حتى ولو عضمه بقى
من غير لحم واتهرى
دمه بيناديني
روحه تناغيني
سلمت له امري لما قالي
حروح اكَون نفسي
وارجع يا امه ليكي
شايل مهر عروستي
لجل الدار ما تكبر
ويبقى ليكي من الأحفاد كتير
أستنيني
بكره راجع

وآدي خاتم ابويه في صباعي
يفكرني
ويخليني أحافظ
على وعدي ليكي

وآدي الخاتم ...
وراح ضنايا
ولا بقى لي منه إلا الشظايا

تايهت الصبيه وهيه تقول
كل دول عريسي
كل دول فرحتي وعيدي
راحوا
راحوا
راحوا نتيجة غدر
وقسوة قلب
يا حسرتك
يا أمي يا مصر
مشت بين الضحايا ما تعلم
ولا تعرف فين النهايه
رجعت الدار
لبست الفستان الابيض
وهيه تقول عريسي مات شهيد
عريسي مات شهيد

الشكر الجزيل والتقدير الوفير أخي الفاضل د. جمال مرسي
لجميل وعظيم ما قدمت وتقدم
تحياتي أخي الفاضل

ولا عزاء إلا بعد التطهر من رجس الإرهاب

أختي الغالية عبلة
مش عارف أقول لك ايه على الكلام الجميل و الحزين اللي كتبتيه هنا
و لكن هذا ليس غريبا عليكِ و لا على كل مصري حر أبيّ
و لا سييما في مثل هذه الأمور التي لعب فيها الارهاب لعبته
و سقط ضحيته اخوتنا و أبناءنا الذين لا ذنب لهم إلا أن ذهبوا لأجل لقمة العيش
الجرح كبير و غائر و ربمل يحتاج قصائد و قصائد
شكرا على شعرك الذي كتبتيه بقلبك
و لك مودتي
د. جمال :noc:

[إكرامي قورة]

وأنا باقرا شعرك ده اللى بيدخل للكيان ويشدني
مني ويرميني على رمل البحور الممكنة
معرفش ليه بتهزني
رعشة سعادة حنينة
وألقاك هناك
فارد شراعك للمدى
والريح مطاوعة مركبك
وكأن ربك ركبك
قارب هدى
بتحط إيدك ع الجراح تبرد
وتلقى وقتها الفرح ابتدا
و"عيون بهية" تندهك
فتقوم وتبعت للوطن مليون ندا
غرقت قلوعي في بحارك يا وطن
تايه "زمان العولمة"
وانت السكن
اديني ودنك لحظتين
نرجع معا
دا انا كنت با صرخ من زمان
وأقول " أعرني مسمعا )
..
نادي عليه لازم في مرة هيسمعك
نادي بهية يا ياسين
نادى عينيها الطيبين
هتمد كف حنينة
ولحضنها
هترجعك
..

صدقني رد كيبوردي وليد لحظته

الشاعر الخلوق المبدع
د. جمال

جعل الله في ميزان حسناتك كل ما تكتبه لأمتك
جميل شعرك
ومعطاءة شاعريتك

دمت بخير

[د.جمال مرسي]

وأنا باقرا شعرك ده اللى بيدخل للكيان ويشدني
مني ويرميني على رمل البحور الممكنة
معرفش ليه بتهزني
رعشة سعادة حنينة
وألقاك هناك
فارد شراعك للمدى
والريح مطاوعة مركبك
وكأن ربك ركبك
قارب هدى
بتحط إيدك ع الجراح تبرد
وتلقى وقتها الفرح ابتدا
و"عيون بهية" تندهك
فتقوم وتبعت للوطن مليون ندا
غرقت قلوعي في بحارك يا وطن
تايه "زمان العولمة"
وانت السكن
اديني ودنك لحظتين
نرجع معا
دا انا كنت با صرخ من زمان
وأقول " أعرني مسمعا )
..
نادي عليه لازم في مرة هيسمعك
نادي بهية يا ياسين
نادى عينيها الطيبين
هتمد كف حنينة
ولحضنها
هترجعك
..

صدقني رد كيبوردي وليد لحظته

الشاعر الخلوق المبدع
د. جمال

جعل الله في ميزان حسناتك كل ما تكتبه لأمتك
جميل شعرك
ومعطاءة شاعريتك

دمت بخير

و ما أجمل كيبوردك الذي يسعفك بهذا الرد الجميل
بارك الله بك أخي و شكرا لكل حرف كتبته هنا عني
ليتني أسطيع رد الجميل
تقبل مودتي و احترامي