حكاية ام اسماعي

[د. فوزى أبو دنيا]

:os: :tree: :os: حكاية ام اسماعين :os: :tree: :os:

اعدة فى دهليزها ام اسماعين
بتقول منايا كان ولد
يقوى قلبى ع السنين
ويشد ضهرى ينسند
واما دريتبو فى الحشا
عنيها بصت للفضا
ورجعت تعيد الى انقضا
شافت اللضا
عمر ومضا
وقفت تردد فى المعانى
الحلم جانى
بعد سهرى فى الليالى
والضحك جالى
والحزن آم مشى من اوبالى
كان الفضا ناصيبلى دايما مصيدة
دايما عنية بتبصلى بعدم الرضة
مكتوب عليا فى سنينى المخمضة
متلونة ياسنينى من لون الردا
الموت عاميلى ف كل ركن مصيدة
دايما ملونلى امالى
بالزرقة مرة
والسواد ميت الف مرة
ومكانش فيه مرة ريحة نقطة بيضة منورة
كان حلمى لما يصرخ
ويتفرد طول وعرض
احتج وانهض
ارتمى تانى ع الارض
ابكى لحالى على حالى
وحالى يشكى الى جرالى
ونقول ونلضم كلامنا لبعضنا
تنعى السواقى لنعينا
واة يانعى السواقى
انا اروح ياولدى وانتى الى بعدى باقى
بس فين انت ياولدى
رفضك حشايا
والا انت الى رافضنى
كنا نسكت نلقا دمعتنا سوى
بتصير معانى
ونبض تانى
لحد يوم مالتئيتو جانى
وحضن حضنى ابنى اسماعين
*** *** ***
جانى اسماعين اول ماجانى
حليت ضفايرى ع البنانى
الدنيا مالها شكل تانى
رجعت بعمرى الاولانى
الفين سنة ....
الله ... جميلة المسئلة
عمرى رجع بيا لورا
انا كنت مشتاقة للى ياخد بايدى
وياخدنى اودام مش يجيبنى لوار
مش يفتنى ف الانين متحيرة
واهو اسماعين حبيبى جانى
مد ايدو ف ايدى
صحيح ايدو صغيرة
لكنها بتشد حيلى
وحبة حبة فرحت اكتر
لما شفت خطوتو
صحيح الخطوة عاجزة آه
لكن انا دايما وراه
لحد ماتصلب عودو
ولئيتو اودامى جرى
الفرحة فيا تهزنى
وتشدنى
اضحك معاه
لحد مرة منى تاه
ساعيتها دمعة من عيونى
اعلنت للناس جنونى
يومها خرجت عن شعورى
وضلمت ف وشى الحياة
وصبرت بس ماقولت أه
من يومها فوق كتفى وشايلاه
ماطلبش مرة منى حاجة وقولت لا
الكلمة كانت كلمتو
والشورة شورتو
*** *** ***
كبر اسماعين
واد معجبانى
بس ياخسارة مايكملش الغالى
ماخدش درسه م الليالى
معرفش معنى الالم
ولا شوق السنين
مشافش قلب انظلم
ولا قلب اتعسر حنين
مشافش دمعة فى عيون المقهورين
ولاحلم يوم كان صغير
بعد السنين يصبح كبير
فاقد المعانى
داخلة المعانى فبعضها
كل الى فاكرو منها
انو اما يزعل
يجرى بسرعة لحضنها
وفيوم نسى انو ابنها
وانو رضع من صدرها
وانو اتولد من حلمها
وانو قمرها وشمسها
وكان بخيل
آم فك ايدو وردلها الجميل
قاعدة حزينة مسهمة
ماكنتش يوم مفكرة
ان الى جرالها جرا
وان كابوس الحلم يوم
يبقى اسماعين
*** *** ***
قاعدة ف داهليزها ام اسماعين
عمالة تدعى لربها
على ولدها
الى مقصر جهدها
والى مضيع حقها
والى مخلى كبدها مهرى وحزين
الواد خلاص ركبو الجنان
ماحترمهاش وسط الجيران
وآم يلطخ وشها ودماغها طين
حزنانة كرمش جلدها فى وشها
مهمومة ضيع حسها
مش حاسة عطف ولدها
الواد دا لية ساء ف الادب
قايم يقلعها الدهب
قالع خلاص برقع حياة
عايز يودعها الحياة
آة يامرارة حزنها
الواد كان اخر صبرها
ضيع شقاها وآم يضيع عمرها
صعبان عليا ام اسماعين
*** *** ***
:noc:

[د.جمال مرسي]

قلبي فداك يا أمنا
يا ام اسماعين
علشان ضناك جنسه مش من جنسنا
ابليس في صورة آدمي
مفهوش حنين
ملعون ابوه اللي يخلي دمعتك في يوم تسيل
و يأكلك خبز الأنين
خبز المرار اللي الأبالس صنّعوه
علشان ولد من حضن امه ينزعوه
و يغيروه
و يخلوا طبعه من طباعهم مفتري
و يبيع في أمه و يشتري
أمه اللي يا ما رضّعت
سهرت ليالي عليه و يا ما دمَّعت
علشان يشيلها لما يكبر في العنين
ملعون أبوه اللي يبعها و يشتري ناره اللي فيها يكتوي
لما في جوف الليل تقوم تدعي عليه
و برضه مسكين قلبها
مش بيطاوعها في الدعا في يوم عليه
تسيل دموع فوق خدها
تقول يا رب سامحه و ارحمه
دا انا برضه أم مسيره يعقل
و يعود لي ابني اللي سهرت عشان رضاه
بدعوك يا رب تكون معاه


أخي المبدع د. فوزي
مجاراة بسيطة لقصيدة كبيرة عشت أحرفها حرفاً حرفا
و ما أكثر هذه القصص بكل أسف في حياتنا و ما أكثر اسماعين و امه في الدنيا
العقوق قضية خطيرة و لذا قال عز و جل في محكم التنزيل :
أعوذ بالله من الشيطان الرجيم
( و قضى ربك ألا تعبدوا إلا لإياه و بالوالدين إحسانا ، إما يبلغن عندك الكبر أحدهما أو كلاهما فلا تقل لهما أف و لا تنهرهما و قل لهما قولا كريما ( 23)
و اخفض لهما جناح الذل من الرحمة و قل ربِ ارحمهما كما ربياني صغير( 24 )
الإسراء

شكرا لك و جزاك الله الخير على هذه القصيدة المؤثرة

و تقبل الود

[د. فوزى أبو دنيا]

قلبي فداك يا أمنا
يا ام اسماعين
علشان ضناك جنسه مش من جنسنا
ابليس في صورة آدمي
مفهوش حنين
ملعون ابوه اللي يخلي دمعتك في يوم تسيل
و يأكلك خبز الأنين
خبز المرار اللي الأبالس صنّعوه
علشان ولد من حضن امه ينزعوه
و يغيروه
و يخلوا طبعه من طباعهم مفتري
و يبيع في أمه و يشتري
أمه اللي يا ما رضّعت
سهرت ليالي عليه و يا ما دمَّعت
علشان يشيلها لما يكبر في العنين
ملعون أبوه اللي يبعها و يشتري ناره اللي فيها يكتوي
لما في جوف الليل تقوم تدعي عليه
و برضه مسكين قلبها
مش بيطاوعها في الدعا في يوم عليه
تسيل دموع فوق خدها
تقول يا رب سامحه و ارحمه
دا انا برضه أم مسيره يعقل
و يعود لي ابني اللي سهرت عشان رضاه
بدعوك يا رب تكون معاه


أخي المبدع د. فوزي
مجاراة بسيطة لقصيدة كبيرة عشت أحرفها حرفاً حرفا
و ما أكثر هذه القصص بكل أسف في حياتنا و ما أكثر اسماعين و امه في الدنيا
العقوق قضية خطيرة و لذا قال عز و جل في محكم التنزيل :
أعوذ بالله من الشيطان الرجيم
( و قضى ربك ألا تعبدوا إلا لإياه و بالوالدين إحسانا ، إما يبلغن عندك الكبر أحدهما أو كلاهما فلا تقل لهما أف و لا تنهرهما و قل لهما قولا كريما ( 23)
و اخفض لهما جناح الذل من الرحمة و قل ربِ ارحمهما كما ربياني صغير( 24 )
الإسراء

شكرا لك و جزاك الله الخير على هذه القصيدة المؤثرة

و تقبل الود

كان لازم ترد علشان نتعلم منك الحرف والمعنى
تصدق باية انى كلما وجدتك على صفحلت شعرى اشعر بالفخر والاعتزاز
اسعد الامور عندى انك ابن بلدى
حماك الله ولاحرمنا حرفك

[ينابيع السبيعي]

فتى مصر
كم يروق لي حرفك ونزفك
دمت بصدق المشاعر
يا شاعر
اختك
ينابيع السبيعي

[عبلة محمد زقزوق]

من لبن الحنيه ساقيته
ومن نهر المحبه راويته
ومن لحم الكتاف اللي إنبرى
كبرته وخليته
وهو إللي ما خلى ولا بقى
الله يهديه
وترضى عنه أمه
أم إسماعين
يارب أهديه

تحياتي أخي الفاضل ـ فتى مصر

وتقبل كلماتي السالفة الذكر كعربون محبة وتأكيد على حُسن وجمال الشعر منك .

تحياتي أخي الفاضل .

[د. فوزى أبو دنيا]

فتى مصر
كم يروق لي حرفك ونزفك
دمت بصدق المشاعر
يا شاعر
اختك
ينابيع السبيعي


:tree: :os: :tree:
الفاضلة الكريمة الاستاذة ينابيع السبيعي
سلم لنا قلمك
واشكر لكى مرورك
كم انتى انسانة رقيقة الحس والمشاعر
اشعر بان كلماتى لاتعطيكى ماتستحقى ولاتعبر عن احترامى لكى
دمتى لنا اخت فاضلة

[د. فوزى أبو دنيا]

من لبن الحنيه ساقيته
ومن نهر المحبه راويته
ومن لحم الكتاف اللي إنبرى
كبرته وخليته
وهو إللي ما خلى ولا بقى
الله يهديه
وترضى عنه أمه
أم إسماعين
يارب أهديه

تحياتي أخي الفاضل ـ فتى مصر

وتقبل كلماتي السالفة الذكر كعربون محبة وتأكيد على حُسن وجمال الشعر منك .

تحياتي أخي الفاضل .


الله الله كم جميلة هى كلماتك اختى الفضلة
اشكرك انا على مرورك اختى الفاضلة عبلة محمد زقزوق
واشكر ثانية على كلماتك وحسك المرهف
سلمتى لنا

[خليل حلاوجي]

حرفك الباهر ... لامس مني ... الشغاف
ثم أبكاني ... لانه أورد قصة العقوق

نحن نتناسى أن من أوجدنا .... ( أم أسماعين ) هي سبب أستنشاقنا للنسيم
وسبب ولوجنا في هذه الدنيا وماحوته من نعيم

مساكين نحن ... أن خذلناها ... ( أم اسماعين )

وهي باب من ابواب الجنة

محبتي لك يادكتور ... وافرة

[د. فوزى أبو دنيا]

حرفك الباهر ... لامس مني ... الشغاف
ثم أبكاني ... لانه أورد قصة العقوق

نحن نتناسى أن من أوجدنا .... ( أم أسماعين ) هي سبب أستنشاقنا للنسيم
وسبب ولوجنا في هذه الدنيا وماحوته من نعيم

مساكين نحن ... أن خذلناها ... ( أم اسماعين )

وهي باب من ابواب الجنة

محبتي لك يادكتور ... وافرة

تسلملى وتلملى عيونك
تسلملى ويسلملى كلامك
يالى كلامك كلة معانى
كل ماتيجى تمر عليا
الئى مرورك بقى شيء تانى

اشكرك على مرورك
واشكر قلمك الجميل ياخى دمت لنا
:noc:

[أحمد حسن محمد]

روح مصر حاضرة ف كلمتك
الله يجازي مشية القلم فْ إديك يا ابن مصر الطيبة
ويجازي عن هذي القصيدة بالمسرة حضرتك

[د. فوزى أبو دنيا]

الشاعر الرقيق احمد حسن
نعم ام اسماعين قصدت بها مصر نفسها
اشكرك انك اعادتها مرة اخرى