يابلدنا يازيس

[د. فوزى أبو دنيا]

:os: :tree: :os:
يابلدنا يازيس
قلبى ساكنه اوزريس
دورى فيه هتلائيه
واسكنى انتى وهو فيه
وابنى فيه حواريكى
وسكنى الناس الى ليكى
واوعى تنسى الى هاويكى
او تبيعى الى شاريكى
قلبى راح يسهر عليكى
يازيس انتى الى ليا
وانا اوزريس الى ليكى
قلبى نبضة لسة فيا
نبض قلبك لسه فيكى؟
**** ****
الف عام وعام وعدو
وملوك كتير عليا عدو
بنو ياما كتير وهدو
ناس بتيجى وناس يعدو
وانا قلبى على عهدو
لسه شايل فيه كتير
لسه ليكى انتى اسير
يازيس انتى الى ليا
وانا اوزريس الى ليكى
قلبى نبضة لسة فيا
نبض قلبك لسه فيكى؟
**** ****
الف عام وعام سكات
فاكرة ان القلب مات
وضاع معاه الذكريات
واتشمتو فيكى البنات
الى قالو راح وولا
والى قالو زمانو ولا
وان زمن العشق بينا صبح سراب
والى قالو مع واحدة تانيه
وفاتك انتى للعذاب
قالو ياما كتير وقالو
بس قلبى لساه باقى على حالو
وانو عاشقك
وانه نبته فى حضن ارضك
انتى قلبك ويا مين
ياعز المعشوقين
نبض قلبى لسه فيا
انتى نبضك ويا مين؟
**** ****
فى هواكى قلبى داخ
بس عمرو فيوم ماشاخ
ياما بينا نصبو الفخاخ
عدا منها وعمرو ماطلب التمن
وعمرو فى هواكى ما لعن الزمن
ولا عمرو قصر ناحيتك رغم المحن
طول عمرو حاسس انو نابتك
وانو ساكن حضن حضنك
رغم مشوار السنين
كان بيسئيكى الحنين
انتى قلبك ويا مين؟
ياعز المعشوقين
نبض قلبى لسه فيا
انتى نبضك ويا مين؟
**** ****
قلبى شاف دمعتك ع الخد تجرى
قام سباقنى
واترما ف حضنك وسابنى
خدتك انتى وهو جوه حضنى
ساعتها حسيت ان جرحك
هو جرحى
وان دمعك هو دمعى
ساعتها حسيت نبض قلبى
ساعتها حسيت ان قلبى
لسه قلبى
وان لسه نبضه نبضك
وانه نبتة فى حضن ارضك
انتى قلبك ويا مين؟
ياعز المعشوقين
نبض قلبى لسه فيا
انتى نبضك ويا مين؟
**** ****
الف لايم لامو فيكى ولامو فيا
الف عايب عابو فيكى وعابو فيا
وانتى لاهمك ملامة ولا اسية
ولا استحيتى م الى ساكن فيكى ليا
لاريح الناس نفسهم
ولا ريحو الانبيا
كام الف عام وانا ساكن فيكى
وانتى ساكنه فيا
كام الف عام وانتى
عطشانه لحنينى الى بيا
كام الف عام وانتى
مشتاقة ف زنازين الزمن حرية
مكسور جنحك
والزمن ساكن براحك
والليالى الاسية فرحانه ف جراحك
وانتى عمرك مانستينى
ولابعتى فيا
قلبى حالف يفرحك
ويشبعك حنية
نبض قلبى لسه فيا
انتى نبضك ويا مين؟
**** ****
يابلدن يازهر لوتس
قلبى ساكنه قلب حورس
ع الشط واقف سرب نورس
مستنى فجرو الى يناديه
وفجرو تايه اراضيه
مستنى ومين هيجيبو ليه
غير قلب ساكن جوه حورس
ماسك ف ايدو فجر نورس
وانتى ياغاليه تجيبيه
*** ****

:noc:

[د.جمال مرسي]

الله الله عليك يا دكتور
صدقت في تسميتك لنفسك فتى مصر
و أضيف أنك الفتى المحب بل و المولع بمصر
فلله أنت من شاعر جميل
لك حبي و احترامي
و الحمد لله على السلامة

[زاهية]

فتى مصر
بمصر يكتب أحلى موال
وقصيده
والجديد إنو القصيدة
جت بأحزانها شديده
مصرمن أيام زمان
بتحب أهلا وبتعاهدهم
إنها مش يوم هتخلف وعدها
بالحب معهم
وإن حصل واتحط في اديها الكلابش
زي سمكه ف شبكه وقعت
حتحاربهم بالحرافش
قوم ياابن الأرض
ياابن النيل
وغنِّيلها ف ليله البدر طالع
هتلقيها ويَّا أحبابها بسهرهم
بتواسيهم بالمحبة والمدامع
غصن الأمل مابينحني ف حضن الحنان
بلحظة شجن أو امتهان
مها الزمان ياابن مصر يجور عليهم

مرتجل


بانتظارك هنا
https://www.rabitat-alwaha.net/showthread.php?t=14103

[د. فوزى أبو دنيا]

فتى مصر
بمصر يكتب أحلى موال
وقصيده
والجديد إنو القصيدة
جت بأحزانها شديده
مصرمن أيام زمان
بتحب أهلا وبتعاهدهم
إنها مش يوم هتخلف وعدها
بالحب معهم
وإن حصل واتحط في اديها الكلابش
زي سمكه ف شبكه وقعت
حتحاربهم بالحرافش
قوم ياابن الأرض
ياابن النيل
وغنِّيلها ف ليله البدر طالع
هتلقيها ويَّا أحبابها بسهرهم
بتواسيهم بالمحبة والمدامع
غصن الأمل مابينحني ف حضن الحنان
بلحظة شجن أو امتهان
مها الزمان ياابن مصر يجور عليهم

مرتجل


بانتظارك هنا
https://www.rabitat-alwaha.net/showthread.php?t=14103


اشكر ممرورك الكريم رغم انشغالك بالمهرجان
بصراحة مهرجان جميل تستهلو عليه الف الف تحية عطرة من القلب

[د. فوزى أبو دنيا]

فتى مصر
بمصر يكتب أحلى موال
وقصيده
والجديد إنو القصيدة
جت بأحزانها شديده
مصرمن أيام زمان
بتحب أهلا وبتعاهدهم
إنها مش يوم هتخلف وعدها
بالحب معهم
وإن حصل واتحط في اديها الكلابش
زي سمكه ف شبكه وقعت
حتحاربهم بالحرافش
قوم ياابن الأرض
ياابن النيل
وغنِّيلها ف ليله البدر طالع
هتلقيها ويَّا أحبابها بسهرهم
بتواسيهم بالمحبة والمدامع
غصن الأمل مابينحني ف حضن الحنان
بلحظة شجن أو امتهان
مها الزمان ياابن مصر يجور عليهم

مرتجل


بانتظارك هنا
https://www.rabitat-alwaha.net/showthread.php?t=14103


اشكر مرورك الكريم رغم انشغالك بالمهرجان
بصراحة مهرجان جميل تستهلو عليه الف الف تحية عطرة من القلب

[أحمد حسن محمد]

يا إزيس الحرة إوعى تكذبيه
أصلي عارفه
عارفه جدا يا حبيبتي ويجي كام مرة قريت له
فيك شعر جميل وأجمل ما رأيته يا حلوه فيه
كان مشاعره الخضرا لما تسيل على حروف الكلام
تتهادى بيه

[د. فوزى أبو دنيا]

يا إزيس الحرة إوعى تكذبيه
أصلي عارفه
عارفه جدا يا حبيبتي ويجي كام مرة قريت له
فيك شعر جميل وأجمل ما رأيته يا حلوه فيه
كان مشاعره الخضرا لما تسيل على حروف الكلام
تتهادى بيه
ياسلام على رقتك ياستاذ احمد
تواصلك الرائع اخذنى حد الهشة من روعتة
كان مشاعره الخضرا لما تسيل على حروف الكلام
دمت بكل ود وتحيه

[إكرامي قورة]

رائعة يا دكتور فوزي

[د. فوزى أبو دنيا]

رائعة يا دكتور فوزي

بارك الله لك استاذنا الكبير
والشاعر الرقيق
اشكرك على المرور
دمت بود