رسالة من مواطن

[علاء عيسى]

من مواطن للحكومة
*********

السلام ده جى طاير
جى حاير
من مواطن عادى جدا للحكومة
قبل مابدأ فى الكلام ..
المواطن ياحكومة له سؤال
لو حزام الصبر قرب ينقطع
يا ترى ..
تدونا غيره ؟
هوه ده الطلب الوحيد منكم يا سادة
لجل ما كل واحد مننا يعرف مصيره
لو وافقتم يبقى إحنا
أى حاجة تتعمل
فينا تجوز
طالما كل حاجه بتتعمل
دائما بنقول آمين
ما فيناش من لوى بوز
ولَّلا إيه رأى الحكومة ..!
طيبين وغلابه احنا ليه نقول العيب عليكوا
إحنا طبعا معيوبين
مانتوا فاتحين البنوك
للى ينهب
حد حاشنا ؟
والبلد فاتحة حدودها
للى يهرب
يعنى إحنا لو فرضنا
يوم هبشنا
أو كبشنا
مانكبشنا
بس إحنا حظنا إن احنا بُلده
الغلىَ عدى الحدود ..!
حد قال إن الغلى كان قصد منكم ؟
دانتوا نيتكوا المساعدة
بس طبعا للأسف
الظروف ماهياش مساعدة
يعنى مثلا ..
تصرفوا ع اللى يعوز ..
لا يجوز
ماكفياكوا تفكروا فى الشعب كله
كل واحد فى البلد مصروف له وجبة
(مكرونة وزيت وسمنة وكيلورز ونص عدس)
يعنى كشرى
ناقصه إيه..
حبة طماطم تبقى صلصة
والفطار والعشا معمول حسابهم (نص فول )
حتى ما بتنسوش مزاجنا
شاى وسكر
شاكرين ليكم جهودكم
ماحنا أحسن م البلاد
اللى عايشة فى مجاعة
والعراق وغيرها ياما
وللا إيه رأى الجماعة !!
كل ده والفضل ليكم
عدنا بنشوف الجثث مالية الشاشات
بس بنشوفها بَّبلادة
ماحنا عايشين فى سعادة
كل واحد مننا ضامن رغيفه
واللى يلحق فينا يلحق
م الفقير ياكل ويسكت
لو موظف
يبقى حظه
يا سعادته
شهره عدى ال(100) جنية
يكفو إيه ..!
مش مهم
بالقليلة كل يوم ياكل فلافل
وللا يبقى يشوف له صرفة
وللا حتى يبيع ضميره
واحنا مالنا
حاجة تقرف
غيره كان يتمنى يبقى ف يوم موظف
وانتوا شفتوا
لما قلتوا يا وظيفة
كل واحد فى البلد قدم لنفسه ويَّاابنه
حد كان وصاه فى يوم إنه يخلف ؟
وانتوا دايما كنتوا لينا بتنصحونا
ياجماعة صحصحوا ويانا حبة
إحنا دايما فى زيادة .
الشباب مالى البلد من غير جواز
والجواز عايز شقق
والشقق عايزة جهاز
والجهاز عايز خشب
والخشب جوه المعارض
والمعارض بالفلوس
والفلوس عند الغنى
والغنى عايش فى فيلا
فيلا فيها كل حاجة
دش بيجيب من أوروبا
واحنا نخطف" كابل" منه
تلقى ناس صابغة شعورها
والشباب مابيختشيش
واللى نفسه يعيش يعيش
واللى عايز يغتنى فيه ألف فرصة
منها يعنى ..
البنات تلبس مافيش وتروح تغنى
أو بمعنى تانى أوضح
حد يتبناها ترقص
لحظة تبقى مليونيرة
شد وش وشعر عيرة
يوم وليلة ..
تبقى دى النجمة الجميلة
والصور تملى الجرايد
يعنى بالعربى الفصيح
انتوا مش هاتدادوا فينا
اللى نفسه يشوف له شوفة
يروح يشوفها
والمبادئ طظ فيها
واللى ماسك لسه فيها
يْسيب شهادته
يستلف من أى حد
يعبِّى شنطة ..
يلف بيها
شنطة فيها كل حاجة
حاجة يعنى
صينى طبعا
والرصيف من غير إيجار
وان لمحت البَلدية
شلها واجرى
يمسكوك وتروح ضحية
لف ع الناس فى البيوت
ع اللى حالته زى حالتك
واللى حالتك زى حالته
يبقى يجرى ..
يشوف له واسطة
واللى له واسطة يدوس ع الناس برجله
يعنى تبقى إيده طايلة
أى حاجة تبقى لينا وف ثوانى تقوم تروح له
هوه أولىَ
الغلابة فى البلد ملهاش مكان
هوه ده نهاية المطاف
هوه ده نهاية الكلام
وللا إيه رأى الحكومة
فى الكلام ده .

[معاذ الديري]

تحية لفكرك النبيل ..
جميلة جدا ..

[د. فوزى أبو دنيا]

من مواطن للحكومة
*********
إيه رأى الحكومة

فى الكلام ده .

طبعا انت عايز رد الحكومة
خلاص استنا لما الحكومة تفضى
الحكومة مشغولة بكل الكلام الى انت قولتة
بس علشان تطلع تقولك ماحصلش

لى عودة

[علاء عيسى]

طبعا انت عايز رد الحكومة
خلاص استنا لما الحكومة تفضى
الحكومة مشغولة بكل الكلام الى انت قولتة
بس علشان تطلع تقولك ماحصلش

لى عودة
يادكتور
ياحبيب قلبى
انا عارف رد الحكومة
انا كان نفسى بس
أعرف ردك انت
تحياتىىىىىىىىىىىىىىى

أرجو ان لا تكون مشغول زيها
ولا ايه رأى
أبودنيا

[د. فوزى أبو دنيا]

يادكتور
ياحبيب قلبى
انا عارف رد الحكومة
انا كان نفسى بس
أعرف ردك انت
تحياتىىىىىىىىىىىىىىى

أرجو ان لا تكون مشغول زيها
ولا ايه رأى
أبودنيا


ههههههههههههههههههههههههه ه
واللهى بجهزلك رد
بس مش لاقى نص الجمال الى انت كاتبة
انت محيرنى
ههههههههههه

[علاء عيسى]

ههههههههههههههههههههههههه ه
واللهى بجهزلك رد
بس مش لاقى نص الجمال الى انت كاتبة
انت محيرنى
ههههههههههه
وأنا سأنتظر ردك ماحييت
وشوف مين هايقدر يصبر أكتر
انا عن نفسى نفسى طويل
ولذا سأنتظر ردك
ههههههههههههههه

[د. فوزى أبو دنيا]

م الحكومة للمواطن
*********
يامواطن
يالى جوة بالدنا واطن
احنا مش ناقصين مشاكل
دا الحكومة م المشاكل
جالها مغصة
طلعة راقصة
ونازلة راقصة
لاهى فاضية
ولاهى ناقصة
مباش كمان الا السؤال
من موطنينا اللاءم
جاى تقولى حزام وصبر
روحو الحائولكو بسرعة قبر
قبل القبور ماتغلا والزحمة تزيد
ونرجع نزيد ف الكلام ونعيد
وانتو لازم تعرفو
احنا الى سادة وانتو عندينا العبيد
والبنوك دية بنوكنا
ورث جالنا عن جدودنا
وبطلو ماتحلموش
كيف يكون للغلابة اى مال
كيف يكون ليكو عندنا حلم وامال
دا شيىء محال
************
احمدو رب البرية ع الى كان
من مكرونة لحمام
يبقى لية طولة اللسان
وتجيبولنا سيرة زمان
وتقولولنا داكان رواقة
انت لية ناسى البطاقة
والطابور ابو ميت خناقة
رز - عدس - زيت
وزعوها ف كل بيت
يبقى لية كلمة ياريت
لسه منا ما استحيت
انتو اية هتنهبو
دانتو لو جالكو نبى
لازم تطلعو مذهبو
انتو ماشبعتوش فلوس
وف كل شارع فية فانوس
اومو واحمدو ربنا
وادينتو قلتو بنفسكم
عن العراق ونبنفسكم
والله ان ماكنتو تلمو روحكم
لا مطلعين بالذل روحكم
ومزودين بالنار جرحكم
انتو بس غاويين تلومو ف الحكومة
هيا ناقصة
دا الحكوم راسها واكلاها البرومة
******
عمى بوش من هناك
واقف حداك
تلتفت تلاقية وراك
جاهز ومستنى العراك
راح نجيبو يادبك
يمد ايدو يعلمك
يبقى هاتو من قصيرو
وزى ما عايزين تسيرو
والى يحود
والى يعند
والى فاكر نفسة مسعد
يجيى ويورينا كيده
والى مش عاجبة نكيده
والاكادة ماعدش حد بيملا عينه
عم بو ش دا عمنا
بالمعونة يمدنا
وان عصينا يهد حيلنا كلنا
يامواطن يالى جاى تشتكى
روح واكتفى
بالى انت فية
غيرك م الى انت منو بتشكى
ماهوش لاقية

[علاء عيسى]

فتى مصر
الجاهز دائما
ردك قصيدة جميلة المعنى معكوس الجواب
وأظن لو أرادت الحكومة أن ترد
ما وجدت فصاحتك
وشاعرية قلمك ولذا اسمح لى أن تنزل هذه القصيدة
ردا على قصيدتى
يبقى انا من مواطن للحكومة
وانت
من حكومة للمواطن
ياريت أقراها دلوقتى فى واحات كصفحة مستقلة
ويكفينى فخرا كتابتها
" ردا هلى مواطن علاء عيسى "
وأنا فى الإنتظار

[د. فوزى أبو دنيا]

فتى مصر
الجاهز دائما
ردك قصيدة جميلة المعنى معكوس الجواب
وأظن لو أرادت الحكومة أن ترد
ما وجدت فصاحتك
وشاعرية قلمك ولذا اسمح لى أن تنزل هذه القصيدة
ردا على قصيدتى
يبقى انا من مواطن للحكومة
وانت
من حكومة للمواطن
ياريت أقراها دلوقتى فى واحات كصفحة مستقلة
ويكفينى فخرا كتابتها
" ردا هلى مواطن علاء عيسى "
وأنا فى الإنتظار

ههههههههههههههههههههههههه ههههه
كم انت انسان رقيق تعشقك الكلمة وتسترضيك باجمل الكلمات والمعانى

تعالى نفكر نعمل حالة تواصل لموضوع ما نتناولة معا

لك جل تقديرى واحترامى لشخصك الكريم
دمت بخير

[علاء عيسى]

ههههههههههههههههههههههههه ههههه
كم انت انسان رقيق تعشقك الكلمة وتسترضيك باجمل الكلمات والمعانى

تعالى نفكر نعمل حالة تواصل لموضوع ما نتناولة معا

لك جل تقديرى واحترامى لشخصك الكريم
دمت بخير

دبرنى ياوزير
فكر
وانا تحت رهن اشارة من ابهامك
اختر انت
وانا البى طوعا وطاعة
شرف ان يجمعنى موضوع ويكون معك

[وفاء شوكت خضر]

الإخوة الأدباء الأفاضل ..
الأخ عيسى .. والأخ فتى مصر ..
تحية من قلب عربي عاش نبض حروفكم .

جميل ما كتبتم رغم الألم الذي فيه .. بتنا شعوب تقتات على هذا النسق من الحديث الروحي الذي يمس شغاف قلب المواطن ..
اسمحولي بالتطفل والرد .. في حواركم الجميل هذا .. كمشاركة وجدانية ما بين الشعوب .
إلا أنني أعلم أني لن أصل إلى مرحلة الإبداع التي تمتازون بها .


يا اخونا يا أهل مصر الحبيبة
تعالو شوفنا احنا بقينا بأي خيبه
حتى السؤال متحرم علينا ..
من المجاري سقونا المية ..
الضريبة بقت مية في المية ..
والمعونة ما بقتش هية ..
القمح مليان حيايا ..
والفيران فيها ياما ..
يتعالج بسبع مراحل ..
وفي العجنه يتحط غيره ..
والمواطن راضي وساكت ..
و لربه شاكر وحامد ..
الشوارع كلها نظيفة ..
بس احنا اللي غاوين قيافه ..
وياما ياما من غير ماعد ..
دا احنا شعب يدوب يعد ..
المرتب ما ايجبش أوضه ..
طب إيه ذنب الحكومه ..
يعني هيا ناقصه هَم ..
الحكاية عيزالها لم ..
واللا بوش يجيلنا عم ..
وساعتها مش حينفع ندم .


والله المستعان على هذا الحال ..


تفضلو فائق احترامي .. وحبي لهذا النمط الجميل من الشعر .

دمتم بحفظ الله من أعين الحكومة ..
ربنا يستركم ويبعدها عنا وعنكم ..

[علاء عيسى]

الإخوة الأدباء الأفاضل ..
الأخ عيسى .. والأخ فتى مصر ..
تحية من قلب عربي عاش نبض حروفكم .

جميل ما كتبتم رغم الألم الذي فيه .. بتنا شعوب تقتات على هذا النسق من الحديث الروحي الذي يمس شغاف قلب المواطن ..
اسمحولي بالتطفل والرد .. في حواركم الجميل هذا .. كمشاركة وجدانية ما بين الشعوب .
إلا أنني أعلم أني لن أصل إلى مرحلة الإبداع التي تمتازون بها .


يا اخونا يا أهل مصر الحبيبة
تعالو شوفنا احنا بقينا بأي خيبه
حتى السؤال متحرم علينا ..
من المجاري سقونا المية ..
الضريبة بقت مية في المية ..
والمعونة ما بقتش هية ..
القمح مليان حيايا ..
والفيران فيها ياما ..
يتعالج بسبع مراحل ..
وفي العجنه يتحط غيره ..
والمواطن راضي وساكت ..
و لربه شاكر وحامد ..
الشوارع كلها نظيفة ..
بس احنا اللي غاوين قيافه ..
وياما ياما من غير ماعد ..
دا احنا شعب يدوب يعد ..
المرتب ما ايجبش أوضه ..
طب إيه ذنب الحكومه ..
يعني هيا ناقصه هَم ..
الحكاية عيزالها لم ..
واللا بوش يجيلنا عم ..
وساعتها مش حينفع ندم .


والله المستعان على هذا الحال ..


تفضلو فائق احترامي .. وحبي لهذا النمط الجميل من الشعر .

دمتم بحفظ الله من أعين الحكومة ..
ربنا يستركم ويبعدها عنا وعنكم ..



يادخون
تفضلى
بلا استئذان
شرفت صفحتى بالإنضمام
ولذا قرأت من الكلام
سحر البيان
هاتى ماعندك
فأنا وأخى
فتى مصر
دائما فى الإنتظار
وياليت
كل من فى المنتدى الجميل يشاركوننا
هلا بكم
أما بالنسبة لعين الحكومة
هى لا تضيع الوقت للنظر فى أمثالنا
فمن نحن
لكى تنظر لنا

[د. فوزى أبو دنيا]

يادخون

ا
من اجل عيون العراق ودخون

فجر الغيوم ابتدئ
وقطر الندى
مســـــجونة فى قصرها ببغداد
حبســـوها الأمريكان لاوغاد
وبينها وبين سندباد
سبع بحور وبلاد
تنده عليه فى آســـرها
ورفضه تبيع
أو أنها تخضع
رغم أن نهش الكلاب فى جسمها بيوجع
بتقول فى صرخة الم
إلى يضيع م العرض عمرو ما يوم يرجع
ورغم مرارة انكسارها
رفضه العيون تدمع
**** **** ****
يا سندباد
رغم البعاد
لسه مبينا عهود
ولسه مبينا معاد
حالفة أما ترجع وتسكن فى احضانى
لأبنى قصور حنة كلها بناني
ونرجع نطير حمامها من تانى
وآملا الانانى امانى
وأمشى أفرقها
وازع زتونى فصخوري وبعيون ارويها

*** * ***** ****
وسندباد فى غربتة بيصرخ
الدمع دامى
بغداد باعوها كلهم اودامى
مكبالانى قيودى فى غربتى يانى
لانتى عارفه تجينى
ولا عارف أجيلك تانى
مع كل صرخة الم
تقتلني أحزانى
والئا الالم من تانى صحانى
انهض واقول امشى تانى ع الدرب
طعن الخيانة يجبنى تانى الارض
باعو براءتك كل طهر وعرض

*** *** *** *** ***
ياغربة الرحلة ردينى
بغداد بتصرخ .... احمينى
بغداد حبيبتى
جايلك على عينى
وهاهد باب الظلم ان رفض يعدينى
العمر عندى يهون ولو ما طالبتينى
قلبى الصغير رق
خلا الضلال ينشق
شق الفضاء ميت شق
فى كل شق طريق
تمشية فى ساعة الضيق
على دب الخطاوى يضيء
عشان ينورلك
تطرح تيجان فلك
الكل يخضع لك
راجع عشان خطرك
تضميني وأضمك
*** **** **** ****

[نورا القحطاني]

http://framboise78.free.fr/Fleurs/bouquet4.gif

¸.•°°·.¸.•°°·.¸¸.•
" رسالة من مواطن "
الغلابة فى البلد ملهاش مكان
هوه ده نهاية المطاف
هوه ده نهاية الكلام
وللا إيه رأى الحكومة
فى الكلام ده . ؛¤,¸¸,¤؛
الصديق العزيز ...علااء عيسى...
حياك الله في واحة الأدب الغناء..سعدت برؤيتك كثيرا
فأهلا وسهلا بك ..والحمدالله أن رايتك هنا
رائع كعادتك ...سلم لنا قلمك الجميل
"
"
أجمل الأماني... :0014:

¸.•°°·.¸.•°°·.¸¸.•

*
*
*
http://framboise78.free.fr/Fleurs/rosereflet.gif
تحية ورد
نـورا

[علاء عيسى]

http://framboise78.free.fr/Fleurs/bouquet4.gif

¸.•°°·.¸.•°°·.¸¸.•
" رسالة من مواطن "
الغلابة فى البلد ملهاش مكان
هوه ده نهاية المطاف
هوه ده نهاية الكلام
وللا إيه رأى الحكومة
فى الكلام ده . ؛¤,¸¸,¤؛
الصديق العزيز ...علااء عيسى...
حياك الله في واحة الأدب الغناء..سعدت برؤيتك كثيرا
فأهلا وسهلا بك ..والحمدالله أن رايتك هنا
رائع كعادتك ...سلم لنا قلمك الجميل
"
"
أجمل الأماني... :0014:

¸.•°°·.¸.•°°·.¸¸.•

*
*
*
http://framboise78.free.fr/Fleurs/rosereflet.gif
تحية ورد
نـورا


نورا القحطانى أتت
هلمو ياأحباب
أتت بنورها ونشاطها وتصميماتها
التى تعودنا على اتيانها
نرى كل ماهو جديد وراقى
أيتها الرقيقة نورا

هلا بنا فى رحابك

[د. فوزى أبو دنيا]

دبرنى ياوزير
فكر
وانا تحت رهن اشارة من ابهامك
اختر انت
وانا البى طوعا وطاعة
شرف ان يجمعنى موضوع ويكون معك

شارك معنا فى موضوع مصر امى وانا ابنها

[محمد عبد الحميد الصعيدي]

تحيتى للرائعين

[علاء عيسى]

شارك معنا فى موضوع مصر امى وانا ابنها
علم ونفذ
وفى انتظار
المزيد
ههههههههههههههههههه

[علاء عيسى]

تحية لفكرك النبيل ..
جميلة جدا ..
أعجبنى توقيعك جدا عاقد الحاجبين
فنسيت قصيدتى
ولذا أشكرك على توقيعك المميز جداً
ولذا أقول
لنا الله

[د صبرى إسماعيل]

من مواطن للحكومة
*********
السلام ده جى طاير
جى حاير
من مواطن عادى جدا للحكومة
قبل مابدأ فى الكلام ..
المواطن ياحكومة له سؤال
لو حزام الصبر قرب ينقطع
يا ترى ..
تدونا غيره ؟
هوه ده الطلب الوحيد منكم يا سادة
لجل ما كل واحد مننا يعرف مصيره
لو وافقتم يبقى إحنا
أى حاجة تتعمل
فينا تجوز
طالما كل حاجه بتتعمل
دائما بنقول آمين
ما فيناش من لوى بوز
ولَّلا إيه رأى الحكومة ..!
طيبين وغلابه احنا ليه نقول العيب عليكوا
إحنا طبعا معيوبين
مانتوا فاتحين البنوك
للى ينهب
حد حاشنا ؟
والبلد فاتحة حدودها
للى يهرب
يعنى إحنا لو فرضنا
يوم هبشنا
أو كبشنا
مانكبشنا
بس إحنا حظنا إن احنا بُلده
الغلىَ عدى الحدود ..!
حد قال إن الغلى كان قصد منكم ؟
دانتوا نيتكوا المساعدة
بس طبعا للأسف
الظروف ماهياش مساعدة
يعنى مثلا ..
تصرفوا ع اللى يعوز ..
لا يجوز
ماكفياكوا تفكروا فى الشعب كله
كل واحد فى البلد مصروف له وجبة
(مكرونة وزيت وسمنة وكيلورز ونص عدس)
يعنى كشرى
ناقصه إيه..
حبة طماطم تبقى صلصة
والفطار والعشا معمول حسابهم (نص فول )
حتى ما بتنسوش مزاجنا
شاى وسكر
شاكرين ليكم جهودكم
ماحنا أحسن م البلاد
اللى عايشة فى مجاعة
والعراق وغيرها ياما
وللا إيه رأى الجماعة !!
كل ده والفضل ليكم
عدنا بنشوف الجثث مالية الشاشات
بس بنشوفها بَّبلادة
ماحنا عايشين فى سعادة
كل واحد مننا ضامن رغيفه
واللى يلحق فينا يلحق
م الفقير ياكل ويسكت
لو موظف
يبقى حظه
يا سعادته
شهره عدى ال(100) جنية
يكفو إيه ..!
مش مهم
بالقليلة كل يوم ياكل فلافل
وللا يبقى يشوف له صرفة
وللا حتى يبيع ضميره
واحنا مالنا
حاجة تقرف
غيره كان يتمنى يبقى ف يوم موظف
وانتوا شفتوا
لما قلتوا يا وظيفة
كل واحد فى البلد قدم لنفسه ويَّاابنه
حد كان وصاه فى يوم إنه يخلف ؟
وانتوا دايما كنتوا لينا بتنصحونا
ياجماعة صحصحوا ويانا حبة
إحنا دايما فى زيادة .
الشباب مالى البلد من غير جواز
والجواز عايز شقق
والشقق عايزة جهاز
والجهاز عايز خشب
والخشب جوه المعارض
والمعارض بالفلوس
والفلوس عند الغنى
والغنى عايش فى فيلا
فيلا فيها كل حاجة
دش بيجيب من أوروبا
واحنا نخطف" كابل" منه
تلقى ناس صابغة شعورها
والشباب مابيختشيش
واللى نفسه يعيش يعيش
واللى عايز يغتنى فيه ألف فرصة
منها يعنى ..
البنات تلبس مافيش وتروح تغنى
أو بمعنى تانى أوضح
حد يتبناها ترقص
لحظة تبقى مليونيرة
شد وش وشعر عيرة
يوم وليلة ..
تبقى دى النجمة الجميلة
والصور تملى الجرايد
يعنى بالعربى الفصيح
انتوا مش هاتدادوا فينا
اللى نفسه يشوف له شوفة
يروح يشوفها
والمبادئ طظ فيها
واللى ماسك لسه فيها
يْسيب شهادته
يستلف من أى حد
يعبِّى شنطة ..
يلف بيها
شنطة فيها كل حاجة
حاجة يعنى
صينى طبعا
والرصيف من غير إيجار
وان لمحت البَلدية
شلها واجرى
يمسكوك وتروح ضحية
لف ع الناس فى البيوت
ع اللى حالته زى حالتك
واللى حالتك زى حالته
يبقى يجرى ..
يشوف له واسطة
واللى له واسطة يدوس ع الناس برجله
يعنى تبقى إيده طايلة
أى حاجة تبقى لينا وف ثوانى تقوم تروح له
هوه أولىَ
الغلابة فى البلد ملهاش مكان
هوه ده نهاية المطاف
هوه ده نهاية الكلام
وللا إيه رأى الحكومة
فى الكلام ده .
رائعة اخرى من روائع علاء عيسى الشاعر المحترم ابن البلد

[وائل محمد القويسنى]

والله بدأت أخاف عليك
قصيدة جميلة
وإضافة رائعة إلى تاريخك الأدبى يا عم علاء
بس بالراحة علينا شوية
جميلة جميلة لولا
الغلابة فى البلد ملهاش مكان
هوه ده نهاية المطاف
هوه ده نهاية الكلام
حسيت إنها بس علشان تنهى القصيدة
وكان الأولى إنى أفهمها من القصيدة
وبالفعل فهمتها
كل الود
وائل القويسنى

[الهام احمد سعد]

ابى المبدع علاء عيسى
قصيدة رااااائعة
هم قالوا رايهم من زمان يا استاذى
قولوا اللى انتوا عاوزينه ... واحنا هنعمل اللى احنا عاوزينه
يعنى كل كلامنا لا يعنى عندهم شيئ
قصيدة رائعة
ومعبرة
لك منا كل التقدير والاحترام
تلميذتك
الهام احمد سعد

[مهند حجازي]

كل الشكر لمن رفع هذه الرائعة لنحظى بقراءتها....

أستاذ علاء فعلا أنك مبدع.....قصيدة ولا أجمل.

استمعت بها......وتألمت!

تحية ومحبة