تسجيل الدخول

مشاهدة النسخة كاملة : مصر امى وانا ابنها - مفاجئة


د. فوزى أبو دنيا
10-06-2006, 02:37 AM
كانت هذة فكرة الاستاذة صابرين الصباغ صاحبة القلم الجميل وكلنا يعرفها قاصة مميزة القلم والمفاجئة هنا
انها سوف تقدم لنا جميل ماعندها من شعر العامية

لملمينى جوة حجرك
وافحريلى قبر ف قلبك
مانا ياما برضة ابنك
اوعى عنك تبعدينى

ياما ياصابرين وزاهية
اوعى تبقى عنى ساهية
لو عاشانك اروح ف داهية
بس اوعى تنكرينى

يامو نيل يملا الاوانى
اكتبينى الاولانى
مهما ببعد باجى تانى
ليه بترضى تغربينى

الكيلات قمح وملانه
كل خير ياما حدانه
وانتى ف رقبتى امانه
لية تفرطى وتسبينى

اكتبينى ع المعابد
عمرى طولو ياما ساجد
بالايمان ياغالية عابد
مش حرام تكفرينى
:noc:
علاء عيسى
10-06-2006, 03:01 AM
جميل كعادتى بك
والأجمل مفاجأتك
الشكر لك
وللأستاذة صابرين الصباغ
التى جعلتنا نرتوى بهذا الفيض الراقى من الكلام
إسلام شمس الدين
10-06-2006, 05:13 AM
حق لمصر أن تزهو بأبنائها، قد وسع عشقهم لها زوايا الكون كله

شكراً لك دفوزي، وشكراً للمبدعة العزيزة صابرين
والشكر موصول للمعشوقة الجميلة التي فجرت كل هذا الإبداع

تحياتي وتقديري :0014:
إسلام شمس الدين
صابرين الصباغ
10-06-2006, 04:13 PM
بكتبك بحروف النور ياشمعة لدروبي

فوق جدارن المعابد النصر ف حروبي

ياستري وأمنى وف عز البرد توبي

ياولدي وسندي وكل شروقي وغروبي

......................

طول عمري عالية بيك ماعرف مطاطية

دنا بحري قاسي هادر والعدو مراكبيه

واللي يرضالي الهوان تدوسه رجليه

بخيوطي أفصل له كفنه ادفنه بإيديه

دنا مصر . أم المصري وبنتي مصرية
صابرين الصباغ
10-06-2006, 04:21 PM
عمرك ماكنت التاني يانقطة من دمي

فوق أرض قلبي تمشي أكبر لك واسمي

قولي من غيرك يشيل في الدنيا همى

انت غالى ياأبني واخويا وابويا وعمي

عمرك ماكنت التاني يانقطة من دمي
د. فوزى أبو دنيا
10-06-2006, 04:34 PM
ياما انتى ياغيورة
يام ضحكة فدان وتورة
مرسومالى ف كل صورة
الربيع فات وانتى وردة
مرسومة فوق كل قورة
المحن عدت وشايلة
مارمتينا لضرورة

:noc:
د. فوزى أبو دنيا
10-06-2006, 04:42 PM
ياما عطفك ياحنونة
العساكر عذبونا
نفسنا مرة يسبونا
او ف يوم يريحونا
مايلعنو ميتين ابونا
ياما قسيو وجننونا
د. فوزى أبو دنيا
10-06-2006, 04:43 PM
ياما عايزين تبق صورتك ف العالالى
ياما عايزنك نجم عالى
ياما عايزنك تلاالى
معجبانية وصبية
اتباها بيكى
وانتى ياما اتباهى بيا
د. فوزى أبو دنيا
10-06-2006, 04:45 PM
ارسمينى ع الجبين سكة ودليل
مهما كان الليل طويل
مش هقولك مستحيل
ارسمينى فوق ايديكى
فوق عنيكى
فوق ضيا نور لياليكى
واحضنينى بقلب ياما
نفسى احس بطعم ضمه
اوعى ياما تهملينى
د. فوزى أبو دنيا
10-06-2006, 04:59 PM
اكتبينى ع الجوامع
والامل والفجر طالع
وارسمينى ع الكنايس
اغلا ولد واغلا فارس
ع الحدود خلينى حارس
ع العدو خلينى دايس
ابدرينى ف كل ارضك
املى بيا كل صدرك
قمحتى تطلع بلونك
غنوتى توصف عيونك
وقفتى توصل لطولك
يومها يبقى قولى قولك
وابقى لمحة ف ضى نورك
د. فوزى أبو دنيا
10-06-2006, 10:50 PM
مصر الى فيكى ابويا وامى
وحبيبة من روحى ومن دمى
احدف همومى تشيلها عنى
تعزف بناييى وقلبى يغنى
صابرين الصباغ
10-06-2006, 11:44 PM
ياما عايزين تبق صورتك ف العالالى
ياما عايزنك نجم عالى
ياما عايزنك تلاالى
معجبانية وصبية
اتباها بيكى
وانتى ياما اتباهى بيا

ابدا زمان القهر عمره مادنس توبي

ولاتعابين العدو سكنت دفا دروبي

افتح بيبان التاريخ واقرى ف حروبي




الشمس أنا زرعتها ف سمايا بايديه

خيوطها يابن بطني فرحانة ملاليه

القمر فص في طرحتي بيضوى لياليه

نجومه نورها يضوى خلخال ف رجليه

مين اللى قال غابوا او فاتو لياليه

واتباها بيك عمري وانت تتباهى بيه
د. فوزى أبو دنيا
11-06-2006, 12:19 AM
سبتينى الف
وسيبتك لفيتى
واخيرا جيتى
ولحضنى رجعتى وحنيتى
ياحبيبتى يامصر
ياعشة... ياقصر
ياكتاب ...ويافصل
ياجامع وكنيسة ومعبد
انسان ولربه عاش يعبد
وسنين تعبانة
تحت الشجرايا وقعدة
بتحبى الضل
بتموتى ف الضل
من بعد المشوار مايطول
وتعب بيحل
هرتاح على صدرك ضمينى
واروينى محبة
وخبينى
من عين الشمس الصهدانة
من نار المشوار جوانا
واسقينى بايدك
من نيلك
من حرف قدوس ف الساقية يلف
وعيون بترف
واشواق بتهف
وسكات ف لحظة تنهيدة
ومعانى سعيدة
ياست الكل
ياضمه الكل فى احضانك
ياست الكل
وواقف الكل على بابك
ياست الكل
ياواخدة القلب ف رحابك
ياست الكل
نعسان الفل على تاجك
ياست الكل
يامحلا العزة ف شبابك
ياست الكل
دا كحلة عينا ف ترايك
ياست الكل
ياماغلا ود خطابك

:noc:
د. فوزى أبو دنيا
11-06-2006, 12:29 AM
مساء الفل يابلدى ياست الكل
انا جايلك وجايبلك طرحة وتل
وشاغلها بلون قلبى وزهر الفل
وفص فضة اتوضى على نيلك
ومرسومة على الحافة مواويلك
كلام م الدهب خالص وبهديلك
د. فوزى أبو دنيا
11-06-2006, 12:41 AM
بغنى وغنوتى مارقا على الى ف غيط
وماشى يرص حباتو كانها خيط
وماسك فاسو وبيعزق فى عز الحر
وعرقو ع الجبين نازل يشر شر
كانو بمنجلو ف عرقو وبيشرشر
تنزل حبات العرق ع التراب وتسر
كانه عقد من فضة وجارر جر
صابرين الصباغ
11-06-2006, 02:35 AM
سبتينى الف
وسيبتك لفيتى
واخيرا جيتى
ولحضنى رجعتى وحنيتى
ياحبيبتى يامصر
ياعشة... ياقصر
ياكتاب ...ويافصل
ياجامع وكنيسة ومعبد
انسان ولربه عاش يعبد
وسنين تعبانة
تحت الشجرايا وقعدة
بتحبى الضل
بتموتى ف الضل
من بعد المشوار مايطول
وتعب بيحل
هرتاح على صدرك ضمينى
واروينى محبة
وخبينى
من عين الشمس الصهدانة
من نار المشوار جوانا
واسقينى بايدك
من نيلك
من حرف قدوس ف الساقية يلف
وعيون بترف
واشواق بتهف
وسكات ف لحظة تنهيدة
ومعانى سعيدة
ياست الكل
ياضمه الكل فى احضانك
ياست الكل
وواقف الكل على بابك
ياست الكل
ياواخدة القلب ف رحابك
ياست الكل
نعسان الفل على تاجك
ياست الكل
يامحلا العزة ف شبابك
ياست الكل
دا كحلة عينا ف ترايك
ياست الكل
ياماغلا ود خطابك

:noc:


سيبتك تلف

وتجيني

يانبت أرضي

وجنيني

الكلمة منك

ترضيني

قوة سواعدك

تحميني

وفحضن قلبك

خليني
علاء عيسى
11-06-2006, 03:10 AM
سبتك تلف
عشان
مهما تلف را ح
ترجع لى من تانى
عشان عارفة
بإنك
انت فى حشايا مش التانى
داهوة ياما بيسيبنى وبيبعنى وبيدور
لجل ما يلاقى وطن
تانى
عشان كدا
لما بتغيب عنى بتوحشنى
وترجع
تانى لما أنده
تلاقينى
بامد ايدية واستنى
و فارده حضنى من تانى
د. فوزى أبو دنيا
11-06-2006, 04:39 PM
سيبتك تلف

وتجيني

يانبت أرضي

وجنيني

الكلمة منك

ترضيني

قوة سواعدك

تحميني

وفحضن قلبك

خليني

ع الببان طال انتظارى
عمال بعافر ف الشوق وادارى
مصر يا لمة عيالى
مصر ياهلى وجيرانى
مصر ياما ياجوامع
بعشئك والفجر طالع
واندهك بقلب دامع
ساكنة فى كل الجوامع
والمزارع
والمصانع
مصر ياصبرة وعافيا
ف البعاد صعبان عليا
ف اللوقا تدمع عنيا
د. فوزى أبو دنيا
11-06-2006, 04:42 PM
سبتك تلف
عشان
مهما تلف را ح
ترجع لى من تانى
عشان عارفة
بإنك
انت فى حشايا مش التانى
داهوة ياما بيسيبنى وبيبعنى وبيدور
لجل ما يلاقى وطن
تانى
عشان كدا
لما بتغيب عنى بتوحشنى
وترجع
تانى لما أنده
تلاقينى
بامد ايدية واستنى
و فارده حضنى من تانى

جميل ردك
جميل لونك
جميلة الكلمة فى قولك
علاء عيسى
11-06-2006, 04:54 PM
لو كان كلامى جميل أنا خدته من قولك
صابرين بترمى الخيط وبتلضمه بقولك
والخيط يجيلى سهل وعنيا ع المعنى
أتغذى بين الحرف واكتب على قولك


ايه بقى قولللللللللللللك ؟
د. فوزى أبو دنيا
11-06-2006, 10:13 PM
لو كان كلامى جميل أنا خدته من قولك
صابرين بترمى الخيط وبتلضمه بقولك
والخيط يجيلى سهل وعنيا ع المعنى
أتغذى بين الحرف واكتب على قولك


ايه بقى قولللللللللللللك ؟

حريف وعينك تلقط المعنى
وتضيف بحرفك للكلام معنى
يفيض سلسبيل الحب بنا
الله يبارك الايام الى تجمعنا


بس انا مابيظهرش الكلام عندى لما يتحط فى فريم
وبيبقى لازم اعمل اقتباس
وانقل الكلام اقراه علشان ارد
د. فوزى أبو دنيا
11-06-2006, 10:18 PM
لو كان كلامى جميل أنا خدته من قولك
صابرين بترمى الخيط وبتلضمه بقولك
والخيط يجيلى سهل وعنيا ع المعنى
أتغذى بين الحرف واكتب على قولك


ايه بقى قولللللللللللللك ؟
حريف وعينك تلقط المعنى
وتضيف بحرفك للكلام معنى
يفيض سلسبيل الحب بنا
الله يبارك الايام الى تجمعنا
د. فوزى أبو دنيا
11-06-2006, 11:16 PM
عواف ياما
شايلك عزم وهمة
عواف واخد على اللمة
ويعشق وقفة الامة
لبنت ف بحرى بتعدى على الساحل
برمش جرئ لكن ساحر
عواف ياما
صابرين الصباغ
12-06-2006, 03:59 PM
ياه بعد ماشتاقت حروفي

قلت ناسي اكلني خوفي

والمعاني سألتني عنك

صبرتها وقلتلها شوفي

يمكن ظروفه بتمنعه

أو كلمة مني بتوجعه

بس آه لو طل طله

كل حرف من ايديه

حيناديه ويرجعه



فتى مصر ..................

شاعر يتنفس عاميه

كلامك له طعم الميه

كل ماشربت بيرويني

بكم قصيده خياليه
د. فوزى أبو دنيا
12-06-2006, 09:30 PM
حاجة فيا غصب عنى بتتولد
وحروف على سطورى بتتفرد
وحاجات كتير مالهاش عدد
وماتسئليش عن السبب

قلبى كان ميت ومدفون جوة جسمى
مابين ضلوعى قبرو وعليه اسمى
شفتك نبض وعاد للوجود حسى
وماتسئليش عن السبب

يمكن يكون امرى عجب عجب
يمكن يكون كل دا مالهوش سبب
يمكن اكون بحلم بكل رقة وادب
وماتسئليش عن السبب

يمكن اكون صاحى او اكون نعسان
يمكن اكون بهزى لكن انا انسان
نبضى فى قلبى طاير كما الرهوان
وماتسئليش عن السبب
د. فوزى أبو دنيا
13-06-2006, 12:12 AM
تعالى نلم فى جراحنا ومواجعنا.
تعالى نقول الى جارحنا وواجعنا.
تعالى نشكى بعضينا لبعضينا.
ونكتب فوق ورود الحب غناوينا.
تعالى نسلم الاحزان للاحزان.
تعالى نشغل الاشجان مع الاشجان.
ونعمل توب يدارينا من الايام
ونرسم فوق ورود الحب ميت مشوار.
بلا توهة .
بلا احزان.
بلا حرمان.
تعالى نقول لبعضينا.
الى معرفناش نقوله زمان
د. فوزى أبو دنيا
13-06-2006, 12:13 AM
سنين العمر هربانه
و دبلانه وقهرانا
واه يانا
سابتني الدفة ع المركب
فاتتنى للهوا المتعب
ومركبي منى صار يعند
وشط القرب صار يبعد
وكل مقاربو يبعد
ولا حواليا شيء يسعد
ولا شايفلى بر أمان
ولا عارف غير الأحزان
ومين يقدر يرجعني؟
سؤال دايما بيوجعنى
احن لدمعتي... أبكى
تفتني الدمعة وتعدى
وعيوني جافة من دمعي
مخاصمانى
مفرقانى
أهين يانى
يامنين دلوقتى يسمعنى
يامين يقدر على شطى يرجعنى
د. فوزى أبو دنيا
13-06-2006, 03:53 PM
بعتلك ميت الف مساء
ولارد جانى ياكويسة
ياميرة فين كنتى امبارح
وسبتى لية ابنك باكى
مهزوم ومقفول شباكى
يامصر من امتا بتنسى
الى بقلبو بيهواكى
صابرين الصباغ
13-06-2006, 04:28 PM
بعتلك ميت الف مساء
ولارد جانى ياكويسة
ياميرة فين كنتى امبارح
وسبتى لية ابنك باكى
مهزوم ومقفول شباكى
يامصر من امتا بتنسى
الى بقلبو بيهواكى


مين اللى قال اننا نسياك

انا عايشة وياك معاك

فيه غير نيلي يوم رواك

ولا خيري مرة عصاك

مين يقدر يقول نسياك

ابدا ياضي عيني ماتسكن الظلمات

الا لو صرخوا وقالوا مصر قلبها مات

ادعي لربي معايا في خشوع الصلوات

تفضل شمعتنا قايدة ماتعرف يوم ممات

واللى يجرح امه ترد له طعنات

واللى يعلي صوته يسكن بيوت الاموات

ابدا يا ضى عيني ماتسكن الظلمات

تحياتي
د. فوزى أبو دنيا
13-06-2006, 11:07 PM
صرخة


ياما خدتنى الصرخة لقهرى
صرخة هدى هزت قلبى
دبت خطوتى ع الطرقات
رحت مسافر
رحت لغزة
شايل سيف النور والعزة
شفت رمال ع الشط بتبكى دم
ركبنى الهم
ياما ساعتها قتلنى الغم
دمعت عينى غصبن عنى
نزلت منى
قلبى وجعنى
كلمتى وقفت على باب حلقى
رحت اكفكف دمعى
وادارى ف قهرى
ياما الحزن قاتلنى
غصبن عنى
مدى ايديكى خدينى ف حضنك
دارى دموعى وضعفى ف قلبك
*************

وسارت خطوتى ف غزة
وماكنش ف الخطا لذة
لقيت ازمة
مابين الاخوات
وتالت مات
تخيلى ياما
لقيت الاخ وهو رافع لاخوة سكين
من امتا الاخوة يترفع مابينهم عين
مشيت ياما وقلبى حزين
رجعت وشايل الحسرة
ودقة قلبى منكسرة
هموت م الهم وباسوة
ومحتاجلك تضمينى
لضعفى يبعنى ويخنى
والائى الياس يسكنى
ويجى الحزن يقتلنى
عطشان ياما
لصدر حنون
بكل جنون
يضم القلب وبقوة
ويخرج حزنى من جوة
ومفيش غير حضنك الدافى
انام وارتاح على كيفى
لاخاف من بردى ولا صيفى
ولما احتار
تمدى ايديكى ف ايدى
وتسكبى حب فى وريدى
واه ياما
صابرين الصباغ
15-06-2006, 03:55 PM
ف ايدين يابني مش عايزانى

ابدا اعيش

بتحول قطنى . كتانى و حريرى

لقش وخيش

بتقص جناحى .. بيتاجروا

ف الحم وف الريش

نفسها يرحل خيرى وطيرى

يروح مايجيش

يدبحوا نيلي والميه

العدبه ماترويش

ارضي تصبح عاقر دايما
لاتخضر يوم ولاتديش

ابنى لو قال هاتى ياما

اتخزى منه واقوله مافيش

يهجر عشه وابكى ف بعده

وهو بيصرخ مابيديش

تكبر حواليا احزاني

واستنى معونة وبقشيش

آه يابني ف ايدين مش

عايزانى اعيش
د. فوزى أبو دنيا
16-06-2006, 01:17 AM
ف ايدين يابني مش عايزانى
ابدا اعيش


اقطعيهم مايهمكيش



بتحول قطنى . كتانى و حريرى
لقش وخيش


احرقيهم ماتخفيش



بتقص جناحى .. بيتاجروا
ف الحم وف الريش


اضربى وماترحميش



نفسها يرحل خيرى وطيرى
يروح مايجيش


الى حبك ماينسكيش




يدبحوا نيلي والميه
العدبه ماترويش


غير نيلك دوا مافيش



ارضي تصبح عاقر دايما
لاتخضر يوم ولاتديش


من غير عيونك الخضار ازاى يعيش



ابنى لو قال هاتى ياما
اتخزى منه واقوله مافيش


ببدر العرق فى غيطك يطرحلى عيش



يهجر عشه وابكى ف بعده
وهو بيصرخ مابيديش


فى بعادك مين الى يقدر يوم يعيش



تكبر حواليا احزاني
واستنى معونة وبقشيش


ارفضى ماتقبليش



آه يابني ف ايدين مش
عايزانى اعيش

قلبى فداكى م الجبان الى مايختشيش


ياما قلبى دا دايملك
تتعبى يشيل هو حملك
تقعدى وهو يقوملك
تامرى يلبى امرك

ياما خيرك هو خيرى
اوعى يوم تدية لغيرى
او تملكية لطيرى
او تعينية اميرى
علاء مسلم
10-07-2006, 12:21 AM
كنت بالجوار ومررت للاستمتاع
لك الود
د. فوزى أبو دنيا
10-07-2006, 12:28 AM
كنت بالجوار ومررت للاستمتاع
لك الود


فينك حبيب قلبى وحشنى نغمك الصافى
يجينى يقولى عاوافى
نغم صادق ومتعافى
:0014: :0014: :0014:
أحمد حسن محمد
24-07-2006, 12:06 AM
يا صديقي الدنيا صعبة
لو في يوم ناديت ناديت عليها
واكتشفت ان فْ إديها حاجة تانية غير إديك
أوع تزعل
هي دي ظروفنا يا صاحبي ظْروفها تقتل