أسمحولى بأول مشاركة .. غنوة مالهاش صدى ..

[ملك الحروف]

غنوة ما لهاش صدى

*******
1
لموا ضفاير غنوتى

من فوق السطوح

ماتخلوهاش مفرودة

في وش العصارى

خلوها تسكن كهفها

وتنحبس داخل جداري

خايف عليها تموت

من غير ما قلب يضمها

وألقى الديابة كلهم

واقفين بياخدوا في العزا

يشهدوا ساعة انكساري

2

لما الغراب

يا خد مكان العندليب

وأما الغنا

يصبح نشيد

من غير وتر

والحرف يبقى على الطريق

ملهوش أثر

والليل يصاحب خطوتة

من غير قمر

ولا هدمة تستر جتتة

ولا تحمى جسمة من الخطر

ولا فيش مشاعر تحضنة

وقت السفر

ولا فيش لقا

ولا فيش وداع

يبقى حرام

اللحن يفضل للأبد

يخبط دماغة في الحجر

3

لما الغيطان

وقت الحصاد

ماتعرفش المواسم

ولا كفها يملا المناجل

والعود مايطرحش الثمر

وأما السواقي

تهجر عناوين المساقى

والتلاقى يحتضر

وأما الكافور ينسى الكفور

ويطاطى للريح الهفية

والضل يتحدى الشجر

يبقى على الدنيا السلام

4

لما المسائل كلها

تصبح سراب

والأسئلة ملهاش جواب

والمسطرة والمنقلة

ينسوا قوانين الحساب

يبقى مانيش محتاج مكان

*******

كلمات

ملك الحروف

عضو اتحاد كتاب مصر

[د. فوزى أبو دنيا]

جميل ياشاعر مستنيين منك اكتر
وياريت تعدى على كلمات
ا. نبيل مصيلحى
ا. ابراهيم خطاب
د.اكرامى قورة
ا.علاء عيسى
مصطفى عمار

ومش عايز انسى حد

[صابرين الصباغ]

لما المسائل كلها

تصبح سراب

والأسئلة ملهاش جواب

والمسطرة والمنقلة

ينسوا قوانين الحساب

...............................
لما تبقى الشمس

في عيون الولاد

مطفيه


و ايدين الشر مشمرة

ابدا ماكانت مستحيه


ولما ألف راجل يستخبوا

ورا ضهر الوليه


قول على الدنيا السلام

دور وقتها على تربه

ليك وتربه ليه

ملك الحروف

قلم يشي عن لسم صاحبه الذي قرر الأختفاء

فهو قلم شاعر عامية من العيار الثقيل

دمت مبدعا

[نبيل مصيلحى]

برغم إني لا أحب أن أتعامل مع الأسماء المستعارة ..
إلا إني قرأتك لأقترب منك .. يا عضو اتحاد كتاب مصر ..
" بأي أمارة " ..
أرجو أن تطرح إسمك يا من ملكت نفسك على الحروف ..
هل ننتظر إماطة القناع .. ؟!
نبيل مصيلحي

[ملك الحروف]

برغم إني لا أحب أن أتعامل مع الأسماء المستعارة ..
إلا إني قرأتك لأقترب منك .. يا عضو اتحاد كتاب مصر ..
" بأي أمارة " ..
أرجو أن تطرح إسمك يا من ملكت نفسك على الحروف ..
هل ننتظر إماطة القناع .. ؟!
نبيل مصيلحي

ردودك مستفزة جداً

عموماً أنا ايضا لا أحب التعامل مع من ينصبون أنفسهم فوق العباد

[نبيل مصيلحى]

لم ولن تتقبل النصيحة ...................!!
نبيل مصيلحي

[ملك الحروف]

لم ولن تتقبل النصيحة ...................!!
نبيل مصيلحي


خلى النصايح ليك

فرق بين النصح والتعالى

ياريت تفهم

[علاء عيسى]

لما الغراب

يا خد مكان العندليب

وأما الغنا

يصبح نشيد

من غير وتر

والحرف يبقى على الطريق

ملهوش أثر

والليل يصاحب خطوتة

من غير قمر

ولا هدمة تستر جتتة

ولا تحمى جسمة من الخطر

ولا فيش مشاعر تحضنة

وقت السفر

ولا فيش لقا

ولا فيش وداع

يبقى حرام

اللحن يفضل للأبد

يخبط دماغة في الحجر

الفاضل
اسمح لى ان اتعامل مع النص لا معك
لأنك هنا مبدع
تكتب
فنحن امام نص جميل
لكاتب يمتلك أدواته
وانت فى غنى قول هذا
المهم
كلماتك
لها وقع خاص
هموم عامة حولتها بإحساسك الى هموم خاصة لامست قلوبنا
ياملك الحروف
تقبل ودى

[ملك الحروف]

لما الغراب

يا خد مكان العندليب

وأما الغنا

يصبح نشيد

من غير وتر

والحرف يبقى على الطريق

ملهوش أثر

والليل يصاحب خطوتة

من غير قمر

ولا هدمة تستر جتتة

ولا تحمى جسمة من الخطر

ولا فيش مشاعر تحضنة

وقت السفر

ولا فيش لقا

ولا فيش وداع

يبقى حرام

اللحن يفضل للأبد

يخبط دماغة في الحجر

الفاضل
اسمح لى ان اتعامل مع النص لا معك
لأنك هنا مبدع
تكتب
فنحن امام نص جميل
لكاتب يمتلك أدواته
وانت فى غنى قول هذا
المهم
كلماتك
لها وقع خاص
هموم عامة حولتها بإحساسك الى هموم خاصة لامست قلوبنا
ياملك الحروف
تقبل ودى

الأستاذ الفاضل علاء عيسى

هو فعلا لسان حال المبدعين فى كتابة الأغنية

بعد أنهيار الذوق الفنى لدى غالبية المستمعين

فأصبحت الكلمة الجميلة ذات المعنى لا مكان لها

أشكرك ولك خالص الود

[حسام القاضي]

برغم إني لا أحب أن أتعامل مع الأسماء المستعارة ..
إلا إني قرأتك لأقترب منك .. يا عضو اتحاد كتاب مصر ..
" بأي أمارة " ..
أرجو أن تطرح إسمك يا من ملكت نفسك على الحروف ..
هل ننتظر إماطة القناع .. ؟!
نبيل مصيلحي

الأخ الفاضل / نبيل مصيلحي

إن كان لديك تعليق على النص في إطار النقد الموضوعي فتفضل به

أما هذا الأسلوب بالتعرض لشخص الكاتب فمرفوض هنا ، ولقد نوهنا اكثر من مرة بأن هذا المنتدى ليس كغيره من المنتديات الأخرى التي تسمح بمثل هذه المهاترات ، وأنت بذلك تخالف شروط العضوية فنرجو الإنتباه لذلك .