عارف أنا إنه قرار موتي..

[أحمد حسن محمد]

عارف أنا
إنه قرار موتي..
ولكن دا القرار نفذ..
ماشي
ما تتجاهلشي إحساسي وبالحرقة اللي أنا فيها بتلذذ
شايف
بياض شعري وأنا عمري ما زال عشرين
بيصرخ.. سامعه يا قلبي
خلاص إوعاك تقول راجع
ولا تقول لي دا كان صاحبي
مفيش صاحبي
مفيش!! سامع؟!
خلاص
اطوي دفاترك واحرق الماضي على سطورها
مرر عليها سنك الحامي
وخليها بسن السن تتوجع
ولحد ما تتوه الملامح جوه في سطرك
صب الدواية دواية الفرح اللي كان والحزن والحب اللي كان لونه بياض ياسمين، وأمسى من بياض شعرك
وانزع أحاسيس الطفولة من ضلوعك
ازرع بدلها ألف موجة من دموعك
واكسر قرار الذكريات
واعقل قرارك بالرحيل
انطق وقول
دا اللي يهون
مرة يهون يا صاحبي ميت مرة
زي الصقور تهوى السما،
وان فكرت في الأرض تنساها الطيور
ولا يوم هيتقال انها حرة
هو انت راضي أما ترقص زي ديك مدبوح
عجبي كأنك خدت أنك تنتشي ساعة خروج الروح
اصحى يا قلبي
دا الحب خبى ف ضحكته لحظات دموعنا
لو تسمعه ، ضايع
وترجع لينا روحنا لو رجعنا
مالك بتزرع حب من غير أي مانع
مين اللي يزرع نخلة في أرض الأعادي..
قول لي من دا الزارع؟
هو ابتسامك أو ودادك بين سباع جوعانة قول نافع
يا قلبي اسمعني ولو مرة
لما تعيش في الغابة بالفطرة
لازم تموت
- ....
اخرس.. سكوت
إوعاك تقول: تاني
قوم يا لله من فوق السرير
الملك يا صاحبي هنا محتاج أمير
وانت اشتغلت من البداية كالوصيفات المطيعة للأميرة
قدمت كاسك والطباق اللي شايلها
دورك خلاص انتهى
روح مطبخك بدري
قوم يالله يا صاحبي
أصل الأمير التاني جاي
قالوا انه جاي
البس هدومك يا بطل وامشي وراي
لسه الطريق أطول كليلة ذكريات
والصبر ممكن يرتحل عنا في منتصف الطريق
ازرع في صدرك ألف فدان ورويهم بأنهار الثبات
وان جعت كل منه ولما ينتهي لازم تصوم
قوم يالله قوم
نفذ يا قلبي حسرتي نفذ
دا القبر مستني
وقبل أميرتك الدنيا ما تتنرفذ

عارف يا قلبي
والله نفسي أرجع
لكن وربي
الموت أعز علي من أني أعيش تاني
راح تيجي يا قلبي
راح تيجي ويايه
راح تيجي وتنفذ
ولو العذاب لك لذ
شوف لك مكان تاني
غير الضلوع. وارتعش في حبها واتهز

[مجدي محمود جعفر]

صور شفيفة وحزينة - وأجواء في العامية جديدة - ولغة تنم عن شاعر مخضرم - اذهب من فضلك إلى ساحة العامية ليقرأ شعراء العامية هذا الشعر العامي الجميل وليفرحوا بك مثلما أنا فرحان بك وبأشعارك التي ستجد صدى وسوف تُستقبل الإستقبال الحسن - دمت شاعرا جميلا

[أحمد حسن محمد]

صور شفيفة وحزينة - وأجواء في العامية جديدة - ولغة تنم عن شاعر مخضرم - اذهب من فضلك إلى ساحة العامية ليقرأ شعراء العامية هذا الشعر العامي الجميل وليفرحوا بك مثلما أنا فرحان بك وبأشعارك التي ستجد صدى وسوف تُستقبل الإستقبال الحسن - دمت شاعرا جميلا
دايما بالقى في إيدك زي سحابة
بتمطرني بحروف الطيبة الخلابة
ألفين شكر يا صاحبي الطيب
مش هانسالك دي الكلمات
رايح انقشها ف نفسي
واطيّب
بيها الخاطر في الصدمات

[صابرين الصباغ]

هو كان قرار موتك

ولا سكينة سكوتك

ولاحدوته قديمة

لامنا الغولة

المتربصه بكاسنا

حالفه هى تشربه

واللى راح يعلي صوته

تقتل ولاده وتضربه

بقولك ايه

مهما نعمل مهما نصرخ

هناك بيقدمونا ف حفلها

مصر وخيرها ونيلها وطفلها

والاطباق من حولها

شرقها وغربها

والتورتة جاهزة

قاعدين يتقسموا فيها

واحد يقول حتة

والتاني يصرخ

فيها لخفيها

حتى لو كان قرار موتك

او حتى سكينة سكوتك

خليك معايا نتفرج

راح تحزن لو مشهد

من المهزلة حيفوتك


على سالم

سامحنى على خربشاتي

سلمت يمينك

[الصباح الخالدي]

نص يلهب القلوب لتنتحب

[أحمد حسن محمد]

هو كان قرار موتك

ولا سكينة سكوتك

ولاحدوته قديمة

لامنا الغولة

المتربصه بكاسنا

حالفه هى تشربه

واللى راح يعلي صوته

تقتل ولاده وتضربه

بقولك ايه

مهما نعمل مهما نصرخ

هناك بيقدمونا ف حفلها

مصر وخيرها ونيلها وطفلها

والاطباق من حولها

شرقها وغربها

والتورتة جاهزة

قاعدين يتقسموا فيها

واحد يقول حتة

والتاني يصرخ

فيها لخفيها

حتى لو كان قرار موتك

او حتى سكينة سكوتك

خليك معايا نتفرج

راح تحزن لو مشهد

من المهزلة حيفوتك


على سالم

سامحنى على خربشاتي

سلمت يمينك
يا ست صابرين علقي
راسي في "مصري" واشنقي
متعلقيش
إيه يعني يجدي لو نعيش
أو حتى نخسر لو لقينا الرزق في الدنيا
بأمر الله صبح
يدوب... مفيش

[الصباح الخالدي]

الموت ... لعله اجمل اختيار عندما يشعرا لمرء أنه قد أكمل استعداده له ويريد أن يغادر الدنيا
فقد جدي رفيقة دربه قاتل ليثبت انه قوي فقتله التظاهر
في بضع اشهر
لعله كان يعجل نهايته باختيار اقرب مدة لترك الدنيا
كان جدتي تدعو وتقول : ( يارب من قوتي لقبري )
كنت اعترض لمحبتي لها
قالت لن تفهم الدنيا الآن
فان بقيت تؤذي غيرك بضعفك ويؤذيك غيرك بتذمرهم
فالأجدر أن تنصرف لمن خلقك ويقوم بشأنك لن تغوك كرب الدنيا
لسان عامي لكنه متميز بالحكم
بمعناه حكيت لكم

[أحمد حسن محمد]

[quote=الصباح]الموت ... لعله اجمل اختيار عندما يشعرا لمرء أنه قد أكمل استعداده له ويريد أن يغادر الدنيا
فقد جدي رفيقة دربه قاتل ليثبت انه قوي فقتله التظاهر
في بضع اشهر
لعله كان يعجل نهايته باختيار اقرب مدة لترك الدنيا
كان جدتي تدعو وتقول : ( يارب من قوتي لقبري )
كنت اعترض لمحبتي لها
قالت لن تفهم الدنيا الآن
فان بقيت تؤذي غيرك بضعفك ويؤذيك غيرك بتذمرهم
فالأجدر أن تنصرف لمن خلقك ويقوم بشأنك لن تغوك كرب الدنيا
لسان عامي لكنه متميز بالحكم
بمعناه حكيت لكم[/quot
صاحبي دي أفضل كلمة
باشرتها عنيّه في الردود
شكرا عليها -وربنا- من غير حدود

[الصباح الخالدي]

شكرا لك أخي الصالحي

[محمد إبراهيم الحريري]

الأخ الحبيب علي سالم الصالحي
ألف تحية عطرة جميلة نقية

لم يعد يجدي بكائي =بين أطلال التنائي
قد سكبت الدمع سرا=من ثنيات الرجاء
راجيا للقلب ذكرى=تصدح البوح برائي*
هل عزفت الموت لحنا=ألجم الوصل بداءــــــــــــــ
أخي الحبيب
جميل تذكر الموت لكن أن نموت ونحن أحياء فلا أوافق على نظرة تصبغ الوجدان بسواد الرحلة قبل مجيئها .
كن بخير
رائي / لثغة بلسان .

[حسنية تدركيت]

نص حزين وفيه حنين الى ذكريات سعيدة شدني وجذبني بقوة
رائع اخي ما كتبت هنا

[أحمد حسن محمد]

شكرا لك أخي الصالحي
ومين يشكر؟!!!
أنا الشاكر..
مرورك زاد جمال فكري
ورضّاني على الآخر
ولو كان الكلام أغلى من الدنيا
أنا هانطق واقول برده: "انا شاكر"
بجد وشكر ع الآخر

[الصباح الخالدي]

حتى شكرك شعر
استمر ياجميل

[أحمد حسن محمد]

حتى شكرك شعر
استمر ياجميل


صباح أبيض
من الدنيا إذا الدنياعلى نور الصباح تنهض
صباح متجلي بعيون الأمل عاطر
بقلبي والهنا الزايد على الآخر
صباح ناشر
جمال روحه ف كل مكان
عشان يسقي الظلام نوره
ويبدر حَبُّهْ في الأركان
صباح يا صباحنا م الآخر
صباح فنااااااااااااااااااااااا اااان
وانا برده..
بجد بجد انا شاكر
صباحك فل يا باشا..
صباح نادر

[أسامة البيلى]

أخى على سالم
نص موجع ونهاية فى منتهى القوة. دمت صديقا وكاتبا جميلاً.
أسامة البيلى

[أحمد حسن محمد]

الأخ الحبيب علي سالم الصالحي
ألف تحية عطرة جميلة نقية

لم يعد يجدي بكائي =بين أطلال التنائي
قد سكبت الدمع سرا=من ثنيات الرجاء
راجيا للقلب ذكرى=تصدح البوح برائي*
هل عزفت الموت لحنا=ألجم الوصل بداءــــــــــــــ
أخي الحبيب
جميل تذكر الموت لكن أن نموت ونحن أحياء فلا أوافق على نظرة تصبغ الوجدان بسواد الرحلة قبل مجيئها .
كن بخير
رائي / لثغة بلسان .



يا حبيباً كالبهاء=في سحابات السماءِ
قد أنرت الوقت عندي=مثلما فعل الضياءِ
هاك شعري قد ترقى=بعدما جئتم ورائي
قد عزفتَ الحب لحناً=ضمن كلْمات الثناء ِ

[محمد جمال إبراهيم]

الله عليك يا أحمد

[د. فوزى أبو دنيا]

وانا عارف انك شاعر مبدع سامق الحس والمشلعر
كم اعجبتنى هذة القصيدة اخى
دمت بكل طيب وود

[خليل حلاوجي]

وانزع أحاسيس الطفولة من ضلوعك
ازرع بدلها ألف موجة من دموعك


\


يا علي .... لاتحزن

فقد أبكاني نزيفك ...

[د.جمال مرسي]

الحروف القاتمة سلاح ذو حدين
مرات بحس فيها بحزن دفين
و كتير تمون زي التلج اللي على الراس تفوق النايم من غفوته
و هنا شعرت ان حرفك الحزين القاتم كان ذا حدين
رائع يا بو حميد
تقبل الود

[أحمد حسن محمد]

نص حزين وفيه حنين الى ذكريات سعيدة شدني وجذبني بقوة
رائع اخي ما كتبت هنا


وأروع من النص أختي ندى
أصيلة وجميلة وكتيرْة الندا
وفيها ما فيها من الحب أبيض
وفيها ما فيها من الحزن: أشهد
وفيها أصالة بلادنا وتاريخها
وطفلة بريئة في ساعة فرحها
وساعة صريخْها

كلامك يا غالية هدية جميلة فشكري إليكي
هدية جميلة لأنه اتكتب لي بلهجة إديكي

[أحمد حسن محمد]

أخى على سالم
نص موجع ونهاية فى منتهى القوة. دمت صديقا وكاتبا جميلاً.
أسامة البيلى

أيوه كده
انفخ ف اخوك بالشكل دا

واجمع كلامك يا حبيب من دا ودا

أصلي بجد يا اخوي أحيانا بكون

محتاج لكلمة من صديق

مهما هتبقى
يا أسامه برده رايحهْ تْبل ريق
وعشان كدا
قول يا أسامة من كلام الود دا

[أحمد حسن محمد]

أخى على سالم
نص موجع ونهاية فى منتهى القوة. دمت صديقا وكاتبا جميلاً.
أسامة البيلى


وانت تقدر تقول غير كده..
يااااااااااااااااااااااا روح قلبي أسامة

[أحمد حسن محمد]

وانا عارف انك شاعر مبدع سامق الحس والمشلعر
كم اعجبتنى هذة القصيدة اخى
دمت بكل طيب وود


رفعت الواد إلى عاشر عشرتاشر حداشر دور
ويا خوفي يقع مني، وتتهد الشقق والدور

[أحمد حسن محمد]

وانزع أحاسيس الطفولة من ضلوعك
ازرع بدلها ألف موجة من دموعك
\
يا علي .... لاتحزن
فقد أبكاني نزيفك ...


أخي الغالي..
أفتقدك مؤخراً في موضوعاتي..
لعلها أنانيتي أن أنتظر طلعتك.. ولا أبحث عنك..
لكن نحن في بلادنا نفعل هذا مع الشموس..
ننتظرها ونكف عن البحث عنها لأنها ستشرق إلا في أيام قليلة جدا..