يا لله يا أهل الواحة نرحب شاعر مجدع وكمان طيب

[أحمد حسن محمد]

يالله يا أهل الواحة نرحب
شاعر مجدع وكمان طيب
واسمه أسامة
واسمه علامة
أول ما بدأ يكتب سمى
عشق الحرف، وفهم الكلمة
دوب قلبه في حب الجملة
وقرا في كتير جدا جدا
ساكن في السعودية
يدرس
فيها اللغة الأنجليزية

"وأنا أصفيه هنا ودا = جاوز إحساسي والحدا"

بس كفاية رايح اسيبكو
راح تعرفو في كتابته يا أهل الواحة جمالكو
أهه جه إلكو
في عنيه وردة حبه الصافية
وإديه كلمة جميلة ودافية
جه بيمد إديه ويسلم
يسلم يسلم يسلم يسلم
أنا منتظر الناس تتجمع
هنا وتسمع
كلمة جميلة لصاحبي أسامة
كلمة تكون كحروفه علامة
تملى الصفحة جمال ووسامة


يا لله صاحبي
عاوز حاجة
أهل الواحة دول همْ أهلك
رغم ان ماحدش يعرفني
فيهم لكن دا إحساسي
يمكن يوم هاتحسه وتدعي لربك
ليه وليهم، وتقول "ناسي"
يالله صاحبي أنا باكتب لك دا الترحيب
والساعة داخلة على اتنين
والليل صعب كتابته يا صاحبي
عارف أنك موت في جمالها
عارف أنك ألفين مرة بتعشق جو الليل
عارف أنك موال وحدك
بس اطمن أصلك
جيت منتدى مواويل
كان هنا صاحبك أحمد أبو حسن الواد الخفة
لكن تهموه أنه يا سيدي خاين جدا..
ومشي بزفة
بس مش الواحة يا أسامة
أصل الواحة زي ما قال أحمد في كلامه
تشبه مصر
بنحبها ونموت في ترابها
وننشد بالليل فيها دعانا
لْحد الفجر

عارف يا د يا أسامة يا روحي
كانت نفسه يفضل فيها
بس خسارة
كل ما يلقى نفسه في حته
بيضيع تاني
بس بجد يا صاحبي وفعلا
أهل الواحة ناس بحبك
زي ما بتحب أحمد برده
وأنا متأكد
رايح تعجب بيها جدا جدا
زي ما عجبت أحمد صاحبك
فاكره يا صاحبي..؟؟
وزي ما برده قوووووي عاجباني

ألف سلامة وألفين ضحكة
ترسم سيرك فينا يا صاحبي
تحف خطاك بجمال البركة

[أحمد حسن محمد]

يا رجالة
هنا معانا
أسامة عصام
ماحدش قابله بالترحاب
ولا قاله "يا ميت مرحب"
أمانة تدخلوا ؛ الراجل هيزعل موت ودا حقه
أنا كلمته ع الواحة كتير جدا
وشوقته
صحيح رديتو في نصوصه
ولكن لسه ترحيبه
ودا يسعد هنا وقته

[د. سلطان الحريري]

أهلا بالأخ الفاضل أسامة عصام في واحة الكبار ، حيث الزرع الوفير ، والثمار اليانعات ..
سنسعد بك أخا عزيزا وقلما مبدعا..
مع خالص ودي وتقديري

[وفاء شوكت خضر]

الأخ أسامة عصام .
أهلا ومرحبا بك في واحة الخير ، واحة الفكر والأدب وبين عمالقة الأدب الكبار.
نتمنى لك طيب المقام بين إخوتك واخواتك .

[عطية العمري]

أهلا وسهلاً بالأخ الفاضل والشاعر القدير أسامة عصام في واحة الخير ، حيث الزرع الوفير ، والثمار اليانعات ..
سنسعد بك أخا عزيزا وقلما مبدعا..
مع خالص ودي وتقديري

[إكرامي قورة]

مرحبا بك يا أسامة في واحة الكبار ملتقى النجبة ودار ندوتهم

وحشتني يا صديقي

والشكر لعلي على فتحه باب الترحيب بك

[أسامة البيلى]

يا خبر ابيض
كل ده عشانى انا؟
يا عم على بالراحة على.
مش عارف بجد أقول ايه؟
ربنا يكتر اهل الواحة وتبقى سكن لكل الحيارى اللى زينا.
حبيب قلبى أحمد حسن. وحشنى جدا. أمانة تسلم عليه يا على.
عمنا اكرامى قورة
مش عارف اوصفلك انت واحشنى قد ايه.
ربنا يجمعنا على خير.
الف مليون تلاة تلاف شكر لكل اللى رجب بي.
أسامة البيلى

[محمود الرخم]

أهلاً يا أسامة، ولا مانع من "وسهلاً"...

[د. سمير العمري]

نرحب معك يا أحمد بالأخ الفاضل أسامة البيلي فأهلاً ومرحباً بك أيها الأديب في واحتك واحة الفكر والأدب ملتقى النخبة ودار ندوتهم حيث الغراس الخصب والمورد العذب.

حللت أهلاً ونزلت دار كرام.

ننتظر أن نلتقى دوماً على ضفاف الحرف السامق والود العابق.


تحياتي
:os::tree::os:

[أحمد حسن محمد]

أشكر كل من زارني هنا أنا وصديقي الحبيب

[وائل محمد القويسنى]

ازيك يا اسامه ...
قبل ما تسافر قلت لى انك رايح الكويت
وبعدين دلوقتى بيقولوا السعوديه
أنت فين يا بنى؟؟؟؟؟؟؟؟
عموما وحشتنا والله ويا رب نشوفك قريب
وائل القويسنى

[أسامة البيلى]

انت كمان وحشتنى جدا يا وائل. كل المجموعة بتاعة نادى الأدب وحشتنى. أنا موجود يا عمنا بس أعمل ايه الشغل مش سايبلى فرصه اتنفس.
أسامة البيلى