مذكرات واحد مشتاق ومجنون

[أحمد حسن محمد]

باشتاق إليك
في كل ثانية يا حبيبي تمر
بتصب العروق
أحلام وشوق
ونهار بياضه زي أيامنا بريء
شوف الدموع تجري على خدي
وتتسابق كأولادي عليك
وان مرت الثانية يزيد شوقي
وقلبي يقول: يا روح دوقي
ومهما تبتدي تتنفس الدنيا
وتتحرك وتنزف جرحي وحروقي
باقول الله
ومين إلاه
يعبر إسمه عن روحي
وينثر بين ضلوع نفسي ورود بوحي
ومين إلاه
يساع حرفه جمال الحب وحلاوته
ولا يتقالش لو تسمع حروف إسمه:
"دا مش وقته"
ولما يزيد
كلام الشوق في شرياني
ويتنفس ف عرق الإيد
وينشر في الضلوع ريحته
وتبدأ لهجة الأحضان
تقول : "نفْسي.."
وانا نفَسي
يروح.. يجي
لحد ما أقول : "يا ريت الحب كان يا رب تدريجي"
واهو الدفتر هناك غلبان
بينظر لي بعين مسجون بيتمنى
أفك الأسر واستنى
ياْخد نفسه
ولكن موجة الأشواق
بتجري كالأسد مستاء
ولا تعرف كلام الرحمة والهدنة
فلا تنظر
لعين الغلب في الدفتر
ولا تدّي القلم answer""
وتهدر فوق ما تتصور

دي جبارة
كأني ركبت طيارة
عشان أرتاح على كفِّيك
واعود تاني (إذا تفرقنا لو ثانية)
وانا مشتاق بجد إليك

[حسنية تدركيت]

حرفك جميل تتقن اللعب على اوتار العامية

[أحمد حسن محمد]

شكر اً على حضورك يا وردة
في كل حرف
وكل فتحة
وكل كسرة
وكل شدة
نوَّرت بيتي
ما عاد لي حاجة للمْبتي أو حتّى زيتي
ومش النهاية
لكن
أنا باشكر جمالك يا ندى أن انت جيتي

[محمد جمال إبراهيم]

ولا تعرف كلام الرحمة والهدنة
فلا تنظر
لعين الغلب في الدفتر
ولا تدّي القلم answer""
وتهدر فوق ما تتصور


يخرب بيت الكفرة واحد ورا التاني هههههههه

[إكرامي قورة]

تسلم إيدك
حبة حروف معجونة بالأنوار وطالعة للقمر
هتنزله وتقعد شوية مطرحه



إعجابي وتقديري

[إيمان حسن]

هايل
انت ما كنت أعرف إن انت بتكتب عامية بالشكل ده
هل من مزيد
:hat:

[خليل حلاوجي]

وينشر في الضلوع ريحته
وتبدأ لهجة الأحضان


الحبيب النجيب

أراك اليوم في حلة الشعبي ... ساحر

أيها ... العامر ... بالمسرة


\

مودتي

[د. فوزى أبو دنيا]

باشتاق إليك
في كل ثانية يا حبيبي تمر
بتصب العروق
أحلام وشوق


ونهار بياضه زي أيامنا بريء


شوف الدموع تجري على خدي
وتتسابق كأولادي عليك


كلام الشوق في شرياني
ويتنفس ف عرق الإيد
وينشر في الضلوع ريحته
وتبدأ لهجة الأحضان


ولكن موجة الأشواق
بتجري كالأسد مستاء
ولا تعرف كلام الرحمة والهدنة

صور تجد طريقها الى القلب
وتوظيف الصور جاء متعانق مع نظرة علميه شيقة
مثال وبتصب العرق احلام وشوق
وظيفه جسديه تعانق وظيفه حسيه :NJ:

دمت مبدعا :0014: :hat:

[أحمد حسن محمد]

ولا تعرف كلام الرحمة والهدنة
فلا تنظر
لعين الغلب في الدفتر
ولا تدّي القلم answer""
وتهدر فوق ما تتصور


يخرب بيت الكفرة واحد ورا التاني هههههههه


يخرب بيتهم يا حبيب قلبي
وْيخرب بيت الل يْمدلْهم إيده كمان
بس يا رب يكون مش واحد واحد لأّ يا صاحبي
يبقوا مية ورا ميات
يمكن نخلص منهم بدري
أو يهديهم للإسلام يا حبيبي
وينجيهم م الظلمات

[سحر الليالي]

إنها رائعة بحق

جميلة جدا

سلم قلمك ونبضك المبدع

دمت شاعرا

[د.جمال مرسي]

روعتك في العامية لا تقل عنها في الفصحى أخي الحبيب أحمد
قصيدة جميلة
دمت متألقا

[جوتيار تمر]

الصالحي...

حلول وتوحد وتصوف...

رائعة بحق تلك المعاني التي تحمل في طياتها الصفاء والصدق..


تقديري ومحبتي
جوتيار

[الصباح الخالدي]

يانهار ابيض
كلام حلو

[أحمد حسن محمد]

تسلم إيدك
حبة حروف معجونة بالأنوار وطالعة للقمر
هتنزله وتقعد شوية مطرحه



إعجابي وتقديري

يسلم لسانك يا جميل الكلمة يا سيد الحروف
أما القمر
فحروفي طلعوا لهْ فقابلتهم قصايدك مطرحُهْ
رجعوا أكيد بعد الضيافة.. لما سكروا من قصايدك يا حبيب قلبي
وكانوا وقتها بْيطوحوا

[أحمد حسن محمد]

وينشر في الضلوع ريحته
وتبدأ لهجة الأحضان
الحبيب النجيب
أراك اليوم في حلة الشعبي ... ساحر
أيها ... العامر ... بالمسرة
\
مودتي

قلبي على قولك بيفرد فرحته
زي القلوع والحب فارش سكته
شكرا على حلو الكلام اللي انكتب
من قلب قلبك يا حبيب نعشق خطاوي كلمته

[أحمد حسن محمد]

صور تجد طريقها الى القلب
وتوظيف الصور جاء متعانق مع نظرة علميه شيقة
مثال وبتصب العرق احلام وشوق
وظيفه جسديه تعانق وظيفه حسيه :NJ:
دمت مبدعا :0014: :hat:

وقلبك دا لها غاية
يا ابو دنيا

وشاكر ليك جميل مَرَّك
ولو أني ما هاقدر يوم
أوفي لك مقام شكرك

[أحمد حسن محمد]

روعتك في العامية لا تقل عنها في الفصحى أخي الحبيب أحمد
قصيدة جميلة
دمت متألقا

شكرا يا دكتورنا جمال
القلب لما شاف حروفك نبضه مال
متشكرين ويارب يغفر خطونا في كل حال

[أحمد حسن محمد]

الصالحي...
حلول وتوحد وتصوف...
رائعة بحق تلك المعاني التي تحمل في طياتها الصفاء والصدق..
تقديري ومحبتي
جوتيار

يا ريت أرجع أشوف الضحكة في شعري
بنور وجهك يطل علي من بدري
واحشني موت ولكني
كتير فرحان ودي زيارة على راسي وفي النني

[الشربينى خطاب]

ولما يزيد
كلام الشوق في شرياني
ويتنفس ف عرق الإيد
وينشر في الضلوع ريحته
وتبدأ لهجة الأحضان
تقول : "نفْسي.."
وانا نفَسي
يروح.. يجي
لحد ما أقول : "يا ريت الحب كان يا رب تدريجي"
:noc:
يا أحمد يا حسن
يا شاعر يا حبيب يابو التفانين
أنا زيَّك مشتاق وكمان مجنون
وها قول عن الحب كلام مجانين
:0014: :0014: :0014:
ما هو واحدة واحدة
ما بين القلب والنظرة
يروح ويجي
ويبدأ غيثه من قطرة
كما قالوا بالفطرة
يكوي قلبي وضلوعي
وف الآخر يسوِّيني
علي الهينه
مايبقاش جوايا
غير لحظة
لو تطلع مع شهقة
روح قلبي من الفرحة
تطير في السما الواسعة
تجيب بكرة
وترجع لي
وعصفوري اللِّي تاعبني
يغني للهوي ويشجيني

[أحمد حسن محمد]

سلامة قلبك الغالي
سلامة قلبك الطيب

[أحمد حسن محمد]

يانهار ابيض
كلام حلو

كلامك أحلى يا صاحبي
وروحك وردة محفوفة بلون أبيض..
دا لون الحب في قلبك
يطول يمتد
ويوصل عندى يدخل مملكة حاجبي

[أحمد حسن محمد]

ولما يزيد
كلام الشوق في شرياني
ويتنفس ف عرق الإيد
وينشر في الضلوع ريحته
وتبدأ لهجة الأحضان
تقول : "نفْسي.."
وانا نفَسي
يروح.. يجي
لحد ما أقول : "يا ريت الحب كان يا رب تدريجي"

تعالى يا شوق وغني لهْ
أنا حافظ على بعد المسافة ضيّ مواويله
وأنا شاكر زيارة قلبك الغالي
وجهدك نوره حيا لي
وقد جا لي
يقولّي شوقي وأحكي لهْ
:noc:
يا أحمد يا حسن
يا شاعر يا حبيب يابو التفانين
أنا زيَّك مشتاق وكمان مجنون
وها قول عن الحب كلام مجانين
:0014: :0014: :0014:
ما هو واحدة واحدة
ما بين القلب والنظرة
يروح ويجي
ويبدأ غيثه من قطرة
كما قالوا بالفطرة
يكوي قلبي وضلوعي
وف الآخر يسوِّيني
علي الهينه
مايبقاش جوايا
غير لحظة
لو تطلع مع شهقة
روح قلبي من الفرحة
تطير في السما الواسعة
تجيب بكرة
وترجع لي
وعصفوري اللِّي تاعبني
يغني للهوي ويشجيني


تعالى يا شوق وغني لهْ
أنا حافظ على بعد المسافة ضيّ مواويله
وأنا شاكر زيارة قلبك الغالي
وجهدك نوره حيا لي
وقد جا لي
يقولّي شوقي وأحكي لهْ

[نادية حسين]

ياهلا وغلا

الله الله يااستاذ احمد

كلام جميل وصور جميله

لعبة الاشواق جبارة

والله المستعان

دمت بخير :)

[أحمد حسن محمد]

ياهلا وغلا
الله الله يااستاذ احمد
كلام جميل وصور جميله
لعبة الاشواق جبارة
والله المستعان
دمت بخير :)



كتبت الشعر من كفيك أغنية=تزيّن صفحتي يا شمس حريه
أنا شكرٌ أنا شكرٌ ومسألة=يزيدك ربنا في الناس ضوئيّه