يابنت الإيه

[علاء عيسى]

يابنت الإيه
ياساكنة القلب والننى
باشوفك ليه 00؟
بالاقى العقل تاه منى
***
يابنت الإيه أنا رايدك
بشرع الله تشاركينى
حياتى باشوفها من بعدك
دموع عاشقة رموش عينى
باحبك بس مش عارف
باحبك ليه 00؟
***
باحبك حب خلَّانى
أقول للغنوة ياغنوة
تعالى قوام وبتجينى
بلاقى الغنوة مكتوبة
بتطلع منى بسهولة
كأنى الشعر من دمى وتكوينى
***
باحبك حب فوق ماالعقل يتصور
ولو حبك جميع الناس
أنا قلبى ح يديلك حنان أكتر
دا حبك دم فى عروقى
ومش ممكن حييجى
وقت من قلبى ويتغير
***
باحبك حب فاق الوصف والموصوف
باحبك حب مش عادى ولا مألوف
باحبك حب لو حاسَّه السكات ينطق
باحبك حب لو حاسَّه الجنين يعشق
باحبُّك حب لو حاسَّه الجماد هايشوف
باحبك بس مش عارف
باحبك ليه 00؟
يابنت الإيه
باخبك نفسى اقولها لك
بالاقى الكلمة بتسافر ومش قادر
أجمعها ولا انطقها
باحبك سكة وخدانى وبالقانى
رضيت مارضتشى بامشيها وباعشقها
***
باحب الشال على كتفك
باحب السكة من مشيك
باحب الكحلة فى عينيكى
باحب الحنة فى ايديكى
باحبك كل ما فيكى
باحبك 00بس مش عارف
بحبك ليه
يابنت الإيه

[أحمد حسن محمد]

بحب تزورنا ف الرابط دا وتحاول
معانا نبني صرح لشعرنا يطاول
ولو ربع البنا الفصحى
تعال نقول لأهل الواحة: "شاركونا"
وغير الواحة :"قوم اصحى"
https://www.rabitat-alwaha.net/showthread.php?t=15527

[علاء عيسى]

بحب تزورنا ف الرابط دا وتحاول
معانا نبني صرح لشعرنا يطاول
ولو ربع البنا الفصحى
تعال نقول لأهل الواحة: "شاركونا"
وغير الواحة :"قوم اصحى"
https://www.rabitat-alwaha.net/showthread.php?t=15527
على سالم
سمعا وطاعة
سأذهب التو هناك
انتظرنى

[حسام القاضي]

يا إبن الإيه....

إيه الجمال ده

غبت ثم عدت ومعك درة جديدة

من دررك المتميزة

باحبك حب فاق الحد والموصوف
باحبك حب مش عادي ولا مألوف
باحبك حب لو حاسه السكات ينطق
باحبك حب لو حاسه الجنين يعشق
باحبك حب لو حاسه الجماد هايشوف

جميلة ، وكعادتك لغتك راقية ومميزة .

دمت شاعراً جميلا ً .

[علاء عيسى]

أحمد الله أنها أعجبتك
ولذا فقد أخذت قصيدتى جواز المرور
شكرا أخى الكبير وصديقى العزيز
أستاذ /
حسام القاضى
لك شوقى واعتزازى

[وفاء شوكت خضر]

بحبك يا أرضي يا طاهرة
ومن نيلك أشرب الميه
بترويني
تشفي شوقي وحنيني
واكره بعدي عن حضنك
يامصر يا أمنا الغالية
كفاية علاء من اولادك
يتغنى بأمجادك
يعلي الراية بالكلمة
وايقول ويرفع الهمه


...................................

إيه الجمال دا ا شاعرنا
صراحة ياريت نقدر على كلامك
وانرد و نقدر نوصل لمقامك

...........................................

الشاعر المبدع دائما / علاء عيس .
رائع ما قرات هنا .
اعذرني على كلماتي ، فقد شحذت القريحة ولم أتمالك نفسي .

[د. فوزى أبو دنيا]

المهم هيا اخبار قلبها ايه ومع مين
لو معاك ماشى ... يبقى قول ياشاعر
لو مش معاك .... الله يعينك
دمت مبدعا مرهف الحس
وحشتنا

[علاء عيسى]

بحبك يا أرضي يا طاهرة
ومن نيلك أشرب الميه
بترويني
تشفي شوقي وحنيني
واكره بعدي عن حضنك
يامصر يا أمنا الغالية
كفاية علاء من اولادك
يتغنى بأمجادك
يعلي الراية بالكلمة
وايقول ويرفع الهمه


...................................

إيه الجمال دا ا شاعرنا
صراحة ياريت نقدر على كلامك
وانرد و نقدر نوصل لمقامك

...........................................

الشاعر المبدع دائما / علاء عيس .
رائع ما قرات هنا .
اعذرني على كلماتي ، فقد شحذت القريحة ولم أتمالك نفسي .
ما ذا أقول
ردا على جمال ردك
أشكر كلماتى التى جعلتنى أستمتع بما شحذت به قريحتك
ولذا
سأصمت
هه :004:
هه

[نبيل مصيلحى]

حبيبي علاء
مادام الحب خلاك ولا عنتر
وفاض ودك بشهد حروف طعمها سكر
هنيالك ودعيالك والدتك في العيد
بقلب أخضر من البرسيم
وبركة كل يوم تكبر
***
أكيد البنت بنت الإيه خيال ملهوش مثيل في الكون
أكيد البنت سحرالك تكون في حبها مجنون
أكيد وأكيد دا تستاهل تعيش ليها وتبقى ع الدوام مفتون
***
جميل يا علاء
خالص تحياتي

[ليلى عبدالملك]

ايه الحب ده00
وكمان ف الزمن ده00
تبقى بنت الايه محظوظه0 وكرامتها محفوظه00
00

الاخ علاء عيسى00
دامت الاشعار الحلوه المنعنشه00

00
ليلى

[أسامة البيلى]

ايه الجمال ده يا حج علاء؟
حروفك يا سيدى تضيف للقلب جمالاً. وللعين انتظاراً.
رغم انها ليست أول مرة أقرأ قصيدتك الجميلة ، إلا أن احساسى بها يزداد جمالاً ورقة.
دمت كاتباً مبدعاً.
أسامة البيلى

[علاء عيسى]

المهم هيا اخبار قلبها ايه ومع مين
لو معاك ماشى ... يبقى قول ياشاعر
لو مش معاك .... الله يعينك
دمت مبدعا مرهف الحس
وحشتنا
هى لو معايا يا د. فوزى
كانت تبقى
بنت الإيه؟!!!!
دائما أنتظرك على صفحاتى
لتنيرها

[علاء عيسى]

ايه الحب ده00
وكمان ف الزمن ده00
تبقى بنت الايه محظوظه0 وكرامتها محفوظه00
00

الاخ علاء عيسى00
دامت الاشعار الحلوه المنعنشه00

00
ليلى
ولما لم أكن أنا المحظوظ
لأننى عرفت " بنت الإيه ده"
من يكتب فيها هذا
من يقابلها يكن أكثر حظاً سيدتى
الصديقة /
ليلى
شكراً لرقتك فى الرد
مرورك أسعدنى
أرجو أن لا ينقطع ذالك المرور

[محمود الديدامونى]

يابن الإيه؟!!!!!!

[علاء عيسى]

ايه الجمال ده يا حج علاء؟
حروفك يا سيدى تضيف للقلب جمالاً. وللعين انتظاراً.
رغم انها ليست أول مرة أقرأ قصيدتك الجميلة ، إلا أن احساسى بها يزداد جمالاً ورقة.
دمت كاتباً مبدعاً.
أسامة البيلى
أعتزر على تأخرى فى الرد
صديقى أسامة
فى انتظار جديد أعمالك
شكراً لمرورك العطر
ولا تحرمنى منه

[خليل حلاوجي]

باحبك حب فاق الوصف والموصوف
باحبك حب مش عادى ولا مألوف

\

جميل جمال

روعة ياعلاء

[علاء عيسى]

يابن الإيه؟!!!!!!
آه
يابن
الديدامونى
هههههههههههههههه
دائماً
أسعد بطلتك الجميلة
تحياتى
خفيف الظل
محمود

[إسماعيل صباح]

باحبك 00بس مش عارف
بحبك ليه
يابنت الإيه
اسال روحك بتحبها ليه يا ابن البيه

[علاء عيسى]

[QUOTE=خليل حلاوجي;172266]باحبك حب فاق الوصف والموصوف
باحبك حب مش عادى ولا مألوف
\
جميل جمال
روعة ياعلاء[/QUOTE
الناقد الطيب والأديب المهذب
والصديق الجميل
الذى أعتز به دوماً
أ . خليل
لك الشكر صديقى على مرورك الذكى كعادتك تلتقط ما يؤثر فيى
تحياتى
والجمال لزوقك

[مصطفى عمار]

انا مش عارف أقولك ايه
شوفت الفكرة فـ مخي بإيه
كنت بفكر أكتب واحده
بنفس الحس يا ابن الإيه
طبعا عشمي خلاني أقولك يابن الإيه
اما حقيقي انت أبيه



كانت تراودني فكرة كهذه لكني كتبت (يا بنت اللذينه)
أشهد الله اني بحبك
ويارب أفضل بحبك وصاحبك
لأني بحبك
مصطفى عمار (جامعة المنصورة)

[علاء عيسى]

باحبك 00بس مش عارف
بحبك ليه
يابنت الإيه
اسال روحك بتحبها ليه يا ابن البيه

أستاذى الغالى
"مش كل واحد قال لنا كلمة حبيبى نصدقه
ولا أى قلب يضمنا مرة بصدفة نعشقه "
تحياتى
لأننى لم أجد جواباً لسؤالك
ألست معى
أن أجمل ما فى الحب
أنه بدون تفسير

[منى الخالدي]

باحبك حب فاق الوصف والموصوف
باحبك حب مش عادى ولا مألوف
باحبك حب لو حاسَّه السكات ينطق
باحبك حب لو حاسَّه الجنين يعشق
باحبُّك حب لو حاسَّه الجماد هايشوف
باحبك بس مش عارف


أقول..
لو وضعنا هذه الأبيات على جبلٍ من جليد
لرأيته شلالاً يهدر عناقيد حبّ وتزهر مصباته
بتلات من ورودٍ من صنع هذا الشاعر المعطاء..!

شاعرنا علاء عيسى
صدقاً قرات الجمال هنا..

رائع وكفى !

[علاء عيسى]

انا مش عارف أقولك ايه
شوفت الفكرة فـ مخي بإيه
كنت بفكر أكتب واحده
بنفس الحس يا ابن الإيه
طبعا عشمي خلاني أقولك يابن الإيه
اما حقيقي انت أبيه
كانت تراودني فكرة كهذه لكني كتبت (يا بنت اللذينه)
أشهد الله اني بحبك
ويارب أفضل بحبك وصاحبك
لأني بحبك
مصطفى عمار (جامعة المنصورة)

شرف لى محبتك يامصطفى
وحشتنى والله

[علاء عيسى]

ايه الجمال ده يا حج علاء؟
حروفك يا سيدى تضيف للقلب جمالاً. وللعين انتظاراً.
رغم انها ليست أول مرة أقرأ قصيدتك الجميلة ، إلا أن احساسى بها يزداد جمالاً ورقة.
دمت كاتباً مبدعاً.
أسامة البيلى
" أسامة العزيز "
تحية لرقتك وجمال حرفك الذى أضاف إلى عملى المتواضع "
ووحشتنى ياسمسم

[علاء عيسى]

باحبك حب فاق الوصف والموصوف
باحبك حب مش عادى ولا مألوف
باحبك حب لو حاسَّه السكات ينطق
باحبك حب لو حاسَّه الجنين يعشق
باحبُّك حب لو حاسَّه الجماد هايشوف
باحبك بس مش عارف
أقول..
لو وضعنا هذه الأبيات على جبلٍ من جليد
لرأيته شلالاً يهدر عناقيد حبّ وتزهر مصباته
بتلات من ورودٍ من صنع هذا الشاعر المعطاء..!
شاعرنا علاء عيسى
صدقاً قرات الجمال هنا..
رائع وكفى !

" الفاضلة الناثرة المختلفة "
قراءتك أسعدتنى
وتعليقك أخجل قلمى
وأحزنه لأن بنت الإيه
لم يرق قلبها من هذه الحروف
برغم أنها لها قلب به دفىء وحده يذيب جليد كل الكون لا الجبال
ههههههههههههههه
تحيتى
لك
ولبنت الإيه

[مأمون المغازي]

الشاعر الجميل / علاء عيسى
استمتعت كثيرًا مع هذه الغنوة ، كنت أقرأها كأني أسمعها بصوت جميل يغنيها ، فقد أبدعت في استخدام المفردة ، وتألقت في الجرس الموسيقي ، هذا الجرس الذي تناغم مع عدة مستويات للسوط تناسبت مع مساحة الدلالات ومساحة القصيدة على الورق ، كما أن هذه المستويات تتسللنا بهذا الالحس اللاشعوري الذ استخدت فيه ملامح البريق على مستوى المحبوبة ، ومتلازمات الجمال عند الشاعر ، ليصل إلى المنطقة النبسطة والصفحة الأوسع وكأنه يريح نفسه إلى عالم الشعور ليعدد ، ثم ـ وكأنه يدخ مرة أخىفي اللاشعور مع التعجبات ، لينهي قصيدته أو لنقل أغنيته الجميلة .

الأستاذ ، علاء عيسى ، مصافحة أولى وسنعود للنص مرات ومرات

تحياتي وتقديري .

مأمون المغازي

[الشربينى خطاب]

عصفور ولقَّط زقزقة
من كحلة ورمش عين
بني عشه فرعين رمان
مفروق ما بين قلبين
داعب خدوده النسيم
حضنه ودار حواليه
فرد جناحه يطير
لقي بنت بنت الإيه
ربطه عصفورها
الصغيَّر
من ريش جناح
رجليه
ربطاه ومتمكِّنه
بكوم هموم وعيال
ومصعبَّة المسألة
كتماه وراكبه عليه

[علاء عيسى]

الشاعر الجميل / علاء عيسى
استمتعت كثيرًا مع هذه الغنوة ، كنت أقرأها كأني أسمعها بصوت جميل يغنيها ، فقد أبدعت في استخدام المفردة ، وتألقت في الجرس الموسيقي ، هذا الجرس الذي تناغم مع عدة مستويات للسوط تناسبت مع مساحة الدلالات ومساحة القصيدة على الورق ، كما أن هذه المستويات تتسللنا بهذا الالحس اللاشعوري الذ استخدت فيه ملامح البريق على مستوى المحبوبة ، ومتلازمات الجمال عند الشاعر ، ليصل إلى المنطقة النبسطة والصفحة الأوسع وكأنه يريح نفسه إلى عالم الشعور ليعدد ، ثم ـ وكأنه يدخ مرة أخىفي اللاشعور مع التعجبات ، لينهي قصيدته أو لنقل أغنيته الجميلة .
الأستاذ ، علاء عيسى ، مصافحة أولى وسنعود للنص مرات ومرات
تحياتي وتقديري .
مأمون المغازي
الرقيق الفاضل/أ . مأمون
وجدتك هنا ناقد ذو حس مختلف
قراءتك للقصيدة أسعدتنى وأعجبتنى
لأنها قراءة مختلفة
شكراً لياسمينك الذى وصلت رائحته هنا فعمت المكان بجمالها
تحية