مقاطع من لحم الحى ... حلمى عمر

[حلمى عمر]

مقاطع من لحم الحى
---------------------

-1 -
يادومات الغربة ..... على مهلك
د اللى يحب البحر...... يستهلك
الحلم فى عيون الحبيبة غريق
والبحر طايح فى العباد ... مُهلك

-----------------------------
-2-

هايم حوالين قلبك الانهار
ياترقى نسمة .. او ادوب وانهار
انتى ايمانى ان ليَّّا هناك
ورقة وقلم ورغيف ولمّه فى دار

----------------------------
-3-
ياألف معنى لنظرتى وسكوتى
عودك مُغنّى .. ودقتك صوتى
وأنا لمّا حُضنك ينفتح وأغرق
تطلع قصايدى من صميم موتى
----------------------------
- 4 -
إلا البُكا
أنا مااحتملش أشوف دموع
بتخلِّى روحى فى الفضا متشتتة
والكون يقع والناس تضيع
إلا البُكا
-----------------------------
- 5 -
قلبى فى أقصى اليمين والفكر تاعبنى
والحلم غالب عليه ... والشعر غالبنى
يامصر حضنك دفا والبرد ده من فين
ليه فى مساحة جفا بينى وبين إبنى
-----------------------------
- 6 -
من فين مابامشى بالتقى التوهه
وكأنى موعود بالحوارى السد
هل عشقى ليكي أى شئ عادى؟!
ولاّانتي بتقدّرى اللى بيعشق جد
---------------------------
ـ 7 ـ
وأنا من بعيد
واقف على حدود الوطن
بأبعت آهاتى بالبريد
يسرق جواباتى الزمن
--------------------------
ـ 8 ـ
أنا خدنى أبويا فى حضنه وحكالى
قالّى التاريخ زى الشرف غالى
مهما صحاب الورق داروها فى الضلمة
بكره الحقيقة تبان والحق ح يلالى
---------------------------------
ـ 9 ـ
ساعات كتير بألقانى طفل وسعيد
العب وأشخبط على كل حيطة وايد
ايه اللى خلانى اشيب م المفاجأة
لَّماَّانصدمت فى نجمة علمنا الجديد

----------------------------
ـ 10 ـ
الفجر قال كلمته
ماطلعش من غير محن
ياشعب عاش أزمته
الفجر جى بالوطن
-------------------------
حلمى عمر

[علاء عيسى]

3-
ياألف معنى لنظرتى وسكوتى
عودك مُغنّى .. ودقتك صوتى
وأنا لمّا حُضنك ينفتح وأغرق
تطلع قصايدى من صميم موتى

***********

7 ـ
وأنا من بعيد
واقف على حدود الوطن
بأبعت آهاتى بالبريد
يسرق جواباتى الزمن

*************

ـ 9 ـ
ساعات كتير بألقانى طفل وسعيد
العب وأشخبط على كل حيطة وايد
ايه اللى خلانى اشيب م المفاجأة
لَّماَّانصدمت فى نجمة علمنا الجديد
*************
حلمى عمر
عارف انك جميل
بس بالجمال ده
ده الجديد
الله عليك شاااااااااااااااااااااااا ااااااااااااااااااااعر
لك بهاء الطلة
فيلسوف
صاحب رؤية
الله عليك حلمى والله
رائع

[حلمى عمر]

الشاعر الجميل / استاذ علاء عيسى
من غير ما الوّن فى الكلام
من غير مانتمنى اللقا
من غير شكاوى مالغرام
وبدون مانوصف فى الشقا
احب اقولك ... كلمتين
ارحم بأه !!!
-------------
الجميل علاء
كلامك جميل ومشاعرك صادقة وصافية وقد اشعرتنى كلماتك بالخجل الشديد ،
وارجو ان استحق بعض ماأكرمتنى به من صفات .
خالص احترامى وتقديرى ،،
حلمى عمر

[محمد نديم]

أنا حظي دايما كدة

ماشي ف طريقي كدة قول ايه لمحت بعيد؟
صحبة هنا وأشعار قعدة ف ليلة عيد
أنا قلت مر يا واد شوف ايه حكايتهم
لقيت أصالة الزجل والشعر والتجديد
حلمي وعلاء دي نجوم بتهل وتلالي
انا حظي دايما كدة دايما على بالي
السعد بيحبني واللمة تحلالي
والواحة بتضمنا فوق الغصون أطيار
نملاها شعر وغنا ببراعة التغريد

لكم الود
محمد نديم
.

.

[خليل حلاوجي]

ـ 7 ـ
وأنا من بعيد
واقف على حدود الوطن
بأبعت آهاتى بالبريد
يسرق جواباتى الزمن
\

شاعرنا المبدع

رب بعيد سيصبح ذات يوم قريب

أنه وطن يحتاجنا ونحتاجه

\

دمت مبارك الحرف

[حلمى عمر]

الاخ الجميل / محمد نديم
اسعدنا حظك السعيد ونتمنى أن يجمعنا الشعر الصادق وقت أن فرقتنا الغربة اللعينة فى الداخل والخارج .
دمت بخير وسعادة .
حلمى عمر

[حلمى عمر]

الاخ المحترم / خليل حلاوجى
اشرقت كلماتك صفحتى واشعلت شموعك املا بقرب اللقاء ارجو الاتحرمنا عزيز كلماتك، وكرم احرفك الجميلة .
خاص التحية والتقدير
حلمى عمر

[إكرامي قورة]

ياألف معنى لنظرتى وسكوتى
عودك مُغنّى .. ودقتك صوتى
وأنا لمّا حُضنك ينفتح وأغرق
تطلع قصايدى من صميم موتى
***
من فين مابامشى بالتقى التوهه
وكأنى موعود بالحوارى السد
هل عشقى ليكي أى شئ عادى؟!
ولاّانتي بتقدّرى اللى بيعشق جد

سلمت أيها الشاعر الرائع
إبداع ومفردة جميلة وقالب محبوك

تحياتي لك ولهذا الجمال

[حلمى عمر]

الاخ العزيز / اكرامى قورة
استوقفنى مرورك المشرق كما استوقفتك تلك المقاطع ، ولعله لقاء جميل أرجو أن يدوم .
خالص تقديرى لكلماتك الجميلة .
حلمى عمر

[ريمة الخاني]

انت الوطن لو كلهم باعوني
وانت الحلم لو كلهم نسيوني....
ابقى الغريق وانت اول حب طاعوني..
لو كنت السيف كانوا هم طاعوني....
وعجبي....

كلمات من ذهب
كل الشكر

[حلمى عمر]

الاخت العزيزة / أم فراس
اشكرك على مرورك الجميل ونورتينا واسعدتينا ونتمنى أن نكون قد عبرنا عما يجيش بصدرك وصدور الكثيرين من الشرفاء .
تحياتى وتقديرى ،،
حلمى عمر