تحية و تقدير للشاعر الجميل على سالم الصالحي

[د.جمال مرسي]

على سالم
أنا ما كنت يوم ظالم
و قلبي للجميع مشروح
كتاب مفتوح
و حبي فاق حدود الكون
بيرسم خارطةْ العالم
أنا منكم
أنا بيكم
و مهما ابعد في يوم عنكم أو اتغرب
هيفضل كل أحبابي في قلب القلب و النني
و مين يقدر في يوم يهرب
من المكتوب
ملكت القلب يا غالي بأشعارك
و سيلت الدموع تجري
و سايب قلبي في دارك
أرد ازاي جِميل شاعر غمرني بحبه و حنانه
و زي ما عاش في وجداني أكيد عايش في وجدانه
لكن أيامنا بتجيبنا
تودينا
ما ليش حيلة
و بُعدي كان كتير يصعب على روحي
يزيد نوحي
و تكبر م. النوى جروحي
و شعرك كان علاج شافي
و نبعك بالحنان صافي
و أرد ازاي نداك اللي يجوب الكون
يقوللي أرجع لأحبابك
و لاولادك
و انا عمري لا كنت أظلم في يوم انسان أو أتجنى
و لكن هي دي الدنيا
تقربنا و تبعدنا
و تفضل في القلوب عايشة محبتكم
تنور ضلمة السكه
تزيل الدوخه و الربكه
و رايح أرجع
برغم القلب كله جروح
عشان أحبابي و اصحابي
مساكنهم في روح الروح
مساكنهم في روح الروح



مع أطيب امنياتي

د. جمال

[محمد عصام]

ما اروعك معلمى الفاضل ـ د . جمال مرسى
فانت دائما منبع خير وحب ووفاء لكل شاعر وأديب.
شكرا لك وجزاك الله كل الخير.

[عادل العاني]

الأخ د. جمال

بوركت أخي ,

وأنت أيضا تبقى في الروح والقلب والعقل نبراسا منيرا,

وتبقى لمساتك أينما حللت وارتحلت تشهد بأنك كنت موجودا .


تحيتي لك أينما كنت وأينما حللت ( جسدا ) فروحك مسكنها في قلوبنا.

دمت لنا ولرسالتك .

وتقبل تحياتي

[د. محمد حسن السمان]

سلام الـلـه عليكم
الاخ الحبيب الغالي , والشاعر الكبير , الاستاذ الدكتور جمال مرسي

ما اجمل ان اراك , وما اجمل ان اسمعك , او اسمع عنك , فانت ملكت من القلب متكأ , ومن الفكر متسعا .
اغفر لي ياصاحبي , جهلي بهذا النوع من الشعر , على الرغم من أن والدي , الذي قضى معظم فترة شبابه في مصر الحبيبة , كان يقول هذا الجنس من الشعر , كما انه رحمه الـلـه , كان يحفظ الكثير منه , وهذا لايعني انني لااتذوق هذا الجنس الادبي , بل على العكس فانا احبه , ولكنني اجهل ادواته , وقصيدتك الموجهة الى الاخ الشاعر الجميل : علي سالم الصالحي , تحمل الجميل اللافت من المشاعر والنبل , احببتها , كما احببت على حبك , الاخ الشاعر علي سالم الصالحي , وازيد عليها بانني بصراحة واضحة , قد اصابتني الغيرة منه , لهذه المشاعر والامتثال الكريم الطيب له , وان طبعت على جبينه قبلة , فلك الاولى .
لقد اشتقت اليك , اشتقنا اليك , ويبدو ان مشاعري تقود كتابتي , فلقد نورت الواحة المباركة , واحتك انت اولا , ونورت قلوبنا جميعا .
تقبل محبتي الخالصة , وارجو ان تضعني في مقدمة قائمة محبيك .

اخوكم
السمان

[أحمد حسن محمد]

على باب الفؤاد واقف
خيال بيدق باب قلبي
فتحت الباب وانا خايف
يكون فيهْ حزني متخبي

لقيت النور
حمام وطيور
وحب كبير
بدون تفكير
يحيّيني
وبيقول لي: أنا جيت لكْ
صحيح القلب فيه غابات من الأحزان
وروح الروح
منين ما تروح
باحس النوح
كطير بيبوح
وكان قلبي
كتير حيران
تقول خايف.. يجوز
ممكن تقول بردان
تقول حران
ولكن لما قال جيت لك
كأن بْيِصْحَى من موته صديق مات لك

أنا عارف جمال مرسي
وعارف أن قلبه حاجة لا توصف
ولكن جرحي كان أكبر
ودمي لسه في الدفتر
كطير مدبوح وكيف اصبر
وحبري من يومين ما سبتنا بينزف

ماكانشي هروب
يا دكتور لا دا كان تعذيب
ويا ما القلب بعدك كان بيتعذب
بجد يا سيدنا ما كانشي
ولا استجري
أقول هربان
أنا -مهما أكون- تلميذ ولا أقدرشي
ولكن كان عتاب قلبي عليك يسري
في قلب الليل ووياه الدموع تجري
تركت لْنا هنا صورة من الأحلام رسمها كفك الغالي
لا كنا يوم ببنساها..
ولا تشغلني -عن لونها ولونك فيها- أشغالي

جمال روحك مسح دمعي
عشان صوتك لمس سمعي
ف يوم ما قلت: أنا جيت لكْ
ودا أغلى جميل عمري ماهانساهْ لكْ

"لكن أيامنا بتجيبنا
تودينا
ماليش حيلة"

يا قلب كبير
خسارة أنه يصبح يوم من الأيام
يكون زعلان
وينطق قلبه صوت الآه
هنا دارك
وجوّا الدار هنا عيالك
تصلي الصبح داعية لك
وتتمنى الهنا جايلك..
وتتمنى السعادة تبقى جايه لك
يا ألف سلامة واللهِ
وخمسة يا رب وخميسة على لون الوشوش لما
غمرها صوتك الزاهي

أخيراً
ما لي يا سيدنا سوى أمنيّة مسكينة
ودا بعد ابتسام قلبي
بلمسةْ كفك الغالية بتطبع روحها ف إْدينا
أنا أمنيتي صعبة
إذا فكرت تنسانا في يوم تاني
وتنساهم وتنساني
ورحت بعيد عن الصحبة
ماتنساشي
تسمي الله
عشان تبقى سكاكين الفراق هادية على الرقبة

[زاهية]

على سالم
أنا ما كنت يوم ظالم
و قلبي للجميع مشروح
كتاب مفتوح
و حبي فاق حدود الكون
بيرسم خارطةْ العالم
أنا منكم
أنا بيكم
و مهما ابعد في يوم عنكم أو اتغرب
هيفضل كل أحبابي في قلب القلب و النني
و مين يقدر في يوم يهرب
من المكتوب
ملكت القلب يا غالي بأشعارك
و سيلت الدموع تجري
و سايب قلبي في دارك
أرد ازاي جِميل شاعر غمرني بحبه و حنانه
و زي ما عاش في وجداني أكيد عايش في وجدانه
لكن أيامنا بتجيبنا
تودينا
ما ليش حيلة
و بُعدي كان كتير يصعب على روحي
يزيد نوحي
و تكبر م. النوى جروحي
و شعرك كان علاج شافي
و نبعك بالحنان صافي
و أرد ازاي نداك اللي يجوب الكون
يقوللي أرجع لأحبابك
و لاولادك
و انا عمري لا كنت أظلم في يوم انسان أو أتجنى
و لكن هي دي الدنيا
تقربنا و تبعدنا
و تفضل في القلوب عايشة محبتكم
تنور ضلمة السكه
تزيل الدوخه و الربكه
و رايح أرجع
برغم القلب كله جروح
عشان أحبابي و اصحابي
مساكنهم في روح الروح
مساكنهم في روح الروح



مع أطيب امنياتي

د. جمال


أهلا ومرحبًا بك

هلَّت الأنوار بعودتك أخي الكريم

د.جمال مرسي
:001: :tree: :001:

حمدًا لله على سلامة وصولك

أضأت أفياء الواحة كلها برجوعك

أرجو أن تبقى بين أهلك وأصدقائك

والشكر كل الشكر للأخ الكريم

الشاعر الرائع

علي سالم
:001: :tree: :001:

كن بخير

أختك
:0014:
بنت البحر
http://www.noor22o.com/gallery/data/media/17/4.jpg

[أحمد حسن محمد]

شاكر جميل فضكم والله يا اخوانا
القلب بينكم عشق دي الواحة واتهنّى

لو قالوا يوم ابتعد
عنها أقول ماقدرشْ
أنا روحي لو تتوئد
أهْون ولا أبعدشْ

دي الواحة دي جنتي
فيها أنا إنسان
عايش ربيع دنيتي
عايش وانا فرحان

حتى وانا زعلان
حاسس بلمّتكو
بدفا جميل خملان
حاسس وانا ف بيتكو

[د.جمال مرسي]

ما اروعك معلمى الفاضل ـ د . جمال مرسى
فانت دائما منبع خير وحب ووفاء لكل شاعر وأديب.
شكرا لك وجزاك الله كل الخير.

شكرا لك ايها الحبيب محمد عصام
سعدت بك هنا و هناك أيما سعادة
فشكرا لمرورك الجميل
تقبل تحياتي
د. جمال