لو ترجعي

[علاء مسلم]

طالت السنبن
والقلب عاش يستنظرك
ذاد الحنين
فخلط لي شكلي بمنظرك
بعيون شطوط
واشجار رموش علي ضفتين
يا ابو صوت حرير
مليان حنين
قلبك قمر.....ونجوم تنور في السما
لون الخجل
فوق الخدود زي الغروب
طيفك
بيخطف م العيون
برق الشتا
صوتك
بيلمس بالحروف
شط الامل
فتنام خدود الشمس
د البدر اكتمل
ويطرطش الحب القديم من قلبنا
ونعيش معاه
يا حب عيش
عيّش معاك كل البشر
كاس الغرام مليان حنين
ازاي من ايدنا ح ينكسر
د العشق اول سلمه من سكتي
خلى الحمام يرجع ويلقط غلتي
مع غنوة الفجر اللي جي
بيرش ضي
شلال غرام
موال بلون العشق وبلون الزهور
واشجار يرّقص غصنها فرح الطيور
لو ترجعي
بيتشق فيكي ملمحي
وتلاقي جوه بين

رموشك
م
ط
ر
ح
ي

[د. محمد حسن السمان]

سلام الـلـه عليكم
الاخ الاديب الشاعر علاء مسلم

معزوفة جميلة , حاولت ان اقرأها برويك , اكثر من مرة , نظرا لاعجابي , بما ضمته من صور وموسيقا وفكرة , واخيرا , تمنيت لو انني اسمعها منك , من يدري ... , ربما نلتقي يوما .
بارك الـلـه بك , وبورك هذا الاداء الجميل .

اخوكم
السمان

[د. فوزى أبو دنيا]

ايه الى نزلنى انا ف بحر الهوا؟
اقرب شطوطه مننا قرب السما


دمت بكل ود :NJ: :NJ: :NJ: