تسجيل الدخول

مشاهدة النسخة كاملة : كنا هناك قاااعدين كالعادة



أحمد حسن محمد
21-07-2006, 12:06 AM
كنا هْـناك قاعدين.... كالعاده
وانا مربوك..
وعنيها مليانه بابتسامتها
وأنا عْنيه..
من سهر الأحلام على كتفي:
"عيل فوق كتف امه بيصرخ
والبنت اللي هناك عريانه
كانت عذرا
..
وازاي أفضل شاعر..
مش كان بس كفايه أكون إنسان
..
وأبوها..
تحت الأرض هناك عريان
صعبان
ف عينيّ أحس بصوته
وموته
بيدق فْ نبضات موتي
إتّ إتّ إتّ
إتّ إتّ إتّ
امتى هيرجع لابنه وبنته وبيته
هو هيرجع؟؟
يمكن عصب الأرض العاشر يتحرك..
وترجّع؟
يمكن!!
...
ليه يا دماغي..
حاسس أنك موجه وْتايهه
....
طيب وحفيده المحفور في البنت العريانه
..
البنت العريانه اللي اغتصبوها!!
وأبوها..
كمان..
عريان..
إذا............................................ ...
........ ...... ........"


وعنيها مليانه بابتسامتها
وانا عيني -من سهر الأفكار وسوادها-
فنجال قهوة وْ ساده
* * *


كنا هناك قاعدين


كالعاده


وانا مربوك

وعْنيها مليانه

وانا...


من سهر الـ


..
..ساده


كانت عينها بتسرح فيّه
وأنا هناك
قاعد..
***


وتنبهت وهيّ بتاخد إيدها من إيدي
..
- ياه.. ماشيه؟!
- ...
**

بصيت على ساعتي..
- ياه!! كانت واحده..
- آه.. كانت!

وحاولت اتكلم
وانحشرت أحلامي فْ حنجرتي
حسيت بالخنقه
وسرحت شويه

- زعلانه!؟
- ..

- على فكره.
- ..

-.. أنا قلبي بيموت فيكي
- بيموت؟؟؟
- أيوه بيموت فيكي


- لازم أروًّح..
الليل صعب معاك..
..
بيموت؟؟

- مش حاسة بموتي..!
طيب وحياةْ
- إوعاك تحلف..
أنا عارفه!!

قلبك من يوم ما بقيت شاعر..
مات

د. فوزى أبو دنيا
23-07-2006, 01:15 AM
قصيده محتاجة لما تقراها تعيش الدور
وتبقى واد لاماح وذكى تفهمها وهى طايره
ياما تقرا بدماغ رايق
ياتروح تعملك فنجان قهوه ساده

فى انتظارك بقهوه نادى عربى

دمت بالق

خليل حلاوجي
23-07-2006, 03:41 AM
وحاولت اتكلم
وانحشرت أحلامي فْ حنجرتي
حسيت بالخنقه
\

ولكننا لن نموت .... لن نموت

سيستيقظ فينا .... الصوت

وسيسمع الكون كله .... نشيد جراحنا

\

دمت بألق

أحمد حسن محمد
25-07-2006, 10:09 AM
قصيده محتاجة لما تقراها تعيش الدور
وتبقى واد لاماح وذكى تفهمها وهى طايره
ياما تقرا بدماغ رايق
ياتروح تعملك فنجان قهوه ساده

فى انتظارك بقهوه نادى عربى

دمت بالق


بس يا صاحبي كْفاية مجاملة
حاسب غرقتني في بْحورك

طيب فين راح تيجي دي النملة
وسط شموسك ولا بدروك

أحمد حسن محمد
25-09-2006, 07:47 AM
وحاولت اتكلم
وانحشرت أحلامي فْ حنجرتي
حسيت بالخنقه
\
ولكننا لن نموت .... لن نموت
سيستيقظ فينا .... الصوت
وسيسمع الكون كله .... نشيد جراحنا
\
دمت بألق

أدام لي عزا بوجودك في صفحتي

ينابيع السبيعي
13-10-2006, 09:27 PM
الله على مشاعر الالم هذه
الله يقوي عزيمتنا بالله
وبقوة ايماننا
لك كل التقدير
ينابيع السبيعي

أحمد حسن محمد
27-10-2006, 05:04 PM
أختي بجد أنا شاكر فضلك
لما مشيتِ وسط جروحي
ألفين "تشكر" لجميل قولك
وكمان نبرة حمد في روحي

د. فوزى أبو دنيا
04-11-2006, 05:54 PM
اين ياستاذ احمد
نحن بانتظارك

أحمد حسن محمد
08-11-2006, 09:53 PM
تحت الأمر ورهن إشارتك
يا جناب شعرك يا جمال شارتك