احلامنا طاطيت ياولد

[د. فوزى أبو دنيا]

احلامنا طاطيت ياولد
والدنيا ظاتت ع المدد
الحسرة سكنت ف الكبد
رغم العدد
وتقول لمين
مليار بقينا يامسلمين
صوتنا الى خارج بالانين
مدبوح على باب السنين
يكاد يكون فيه الرمق
بيقول دا مكتوب ع الجبين
والقلب دامى وليه حزين؟
ليه مكسورين؟
متفرقين
كنا نخيل مادد جريده ف السما
ايه الى خلاه انحنى؟
فرط سباطك يانخيل نسانى نطق البسمله
اقراء ف عديه ياسين
انسى الى حافضه من سنه
القلب شب ع الشواشى ف الشجر
لما القلوب بقيت اشد من الحجر
ماشى بتطحنى السنين
وغربلتنى المجزرة
واما ماجورك ياعجين
ماعدتلوش شايف طحين
ماتقولنا نخبز لمين
داحنا ف زمن الجعجعه
مابقيتش دارى انا حتى مين
يا هل ترى؟
انا دا ولا مابقيتش انا

[أحمد حسن محمد]

لا أدري ما أقول لك..
ولكن والله لقد أثلجت صدري بهذه الكلمات، وكنت قد طفت على شعراء بالعامية المصرية قبلك، وكدت أن أجن من أساليبهم الفجة وكلامهم اللاموزون..

دمت بخير

[د. فوزى أبو دنيا]

لا أدري ما أقول لك..
ولكن والله لقد أثلجت صدري بهذه الكلمات، وكنت قد طفت على شعراء بالعامية المصرية قبلك، وكدت أن أجن من أساليبهم الفجة وكلامهم اللاموزون..

دمت بخير
اخى الحبيب احمد
لقد نالت هذة القصيدة اسحسان فى كل المنتديات التى نشرتها فيها بعد الواحة
ولا ادرى لماذا لم تاخد حظها هنا وهنا منتدى كل العرب
تقبل جل تحياتى وودى
دمت سامقا

[أحمد حسن محمد]

أنا أختلف معكم يا دكتور فوزي في هذه النظرة .. فالقضية ليست قضية منتدى كل العرب ولا منتدى بعض العرب القضية أن كل مكان فيه ناس، هؤلاء الناس يعبرون عن وجهات نظرهم، ولا أعتقد أن استحسان أحد لقصيدة يزيد من وقتها ولا ذمه لها..
على فكرة أنا لم لا أكتب الآن ذلك النوع من الشعر الذي أنشره هنا، أنا ألتزم المصير الحداثي، ولكني اضطررت إلى نشر قصائدي ا لتي كنت أكتبها في مرحلة الثانوية العامة حتى أستطيع أن أعيش بين قوم أجد بيني وبينهم أي علاقة
دمت بقصيدتك التي لا أرى أن معيار حسنها هو مجرد استحسان الناس لها

[د. فوزى أبو دنيا]

أنا أختلف معكم يا دكتور فوزي في هذه النظرة .. فالقضية ليست قضية منتدى كل العرب ولا منتدى بعض العرب القضية أن كل مكان فيه ناس، هؤلاء الناس يعبرون عن وجهات نظرهم، ولا أعتقد أن استحسان أحد لقصيدة يزيد من وقتها ولا ذمه لها..
على فكرة أنا لم لا أكتب الآن ذلك النوع من الشعر الذي أنشره هنا، أنا ألتزم المصير الحداثي، ولكني اضطررت إلى نشر قصائدي ا لتي كنت أكتبها في مرحلة الثانوية العامة حتى أستطيع أن أعيش بين قوم أجد بيني وبينهم أي علاقة
دمت بقصيدتك التي لا أرى أن معيار حسنها هو مجرد استحسان الناس لها
اخى العزيز احمد
اشكرك على تعليقك الرقيق
وهو تعليق لايخرج الا من شاعر قدير مثلك
دمت بالق

[إكرامي قورة]

احلامنا طاطيت ياولد
والدنيا ظاتت ع المدد
الحسرة سكنت ف الكبد
رغم العدد
وتقول لمين
مليار بقينا يامسلمين
صوتنا الى خارج بالانين
مدبوح على باب السنين
يكاد يكون فيه الرمق
بيقول دا مكتوب ع الجبين
والقلب دامى وليه حزين؟
ليه مكسورين؟
متفرقين
كنا نخيل مادد جريده ف السما
ايه الى خلاه انحنى؟


الله الله
رغم حسرتنا ورغم كسرتنا
لا أستطيع إخفاء إعجابي بجمال المطلع
سلمت حروفك د. فوزي
وادام الله هذا الألق

لما قريت ( أحلامنا طاتت ) هزني حلمي القديم
كان نفسي زيك يا بطل ألقي العرب متجمعين
بس القضية مش عروبة أو شكاية مسلمين
احنا اللى جوانا انكسر حلم الكرامة من زمان
ومعدش في الساحة مكان
لللي يسيب حلمه يضيع
الذل كاسر ضهرنا
والدمع ده مش راح يفيد
النخل طاطى يوم ما ضاع منه الجريد
..........

رد كيبوردي .. فدائما تهيج حروفك نحل خليتي

تحياتي لك أخي الكريم د. فوزي

[د. فوزى أبو دنيا]

الله الله
رغم حسرتنا ورغم كسرتنا
لا أستطيع إخفاء إعجابي بجمال المطلع
سلمت حروفك د. فوزي
وادام الله هذا الألق

لما قريت ( أحلامنا طاتت ) هزني حلمي القديم
كان نفسي زيك يا بطل ألقي العرب متجمعين
بس القضية مش عروبة أو شكاية مسلمين
احنا اللى جوانا انكسر حلم الكرامة من زمان
ومعدش في الساحة مكان
لللي يسيب حلمه يضيع
الذل كاسر ضهرنا
والدمع ده مش راح يفيد
النخل طاطى يوم ما ضاع منه الجريد
..........

رد كيبوردي .. فدائما تهيج حروفك نحل خليتي

تحياتي لك أخي الكريم د. فوزي

اخى الحبيب د. اكرامى
كم يسعدنى دوما مرورك على صفحتى المتوضعة
تقبل منى التحايا والحب
الله عليك
لما تقول الكلمة
تطرح ورد ف صفحتى
تمشى الخطاوى بعد منك سكتى
تحلو عندى كلمتى
وعلى لسانى
تحلولى اغنيتى
افضل اغنى ع الطريق
الى رسمته بكلمتك
واحلم لكن حلم برىء
انك تكون دايما هنا
ضيى القمر على صفحتى
لجل تنور كلمتى

[إكرامي قورة]

الله عليك
لما تقول الكلمة
تطرح ورد ف صفحتى
تمشى الخطاوى بعد منك سكتى
تحلو عندى كلمتى
وعلى لسانى
تحلولى اغنيتى
افضل اغنى ع الطريق
الى رسمته بكلمتك
واحلم لكن حلم برىء
انك تكون دايما هنا
ضيى القمر على صفحتى
لجل تنور كلمتى

قلّب في صفحات القصايد كلها
هتشم ريحة حبي ليك
حرفك أبي
بيشد أوتار مهجتي
يخرج في لحظة عن مداره كوكبي
يجمع عفاريت القصايد كلها فوق مكتبي
وألاقي نفسي ترد شعر
من غير ما يبقي ليا دور
بيا حروف شعرك تدور
أهرب وراها في المدار
وانده عليها لما تبعد
قرّبي

[د. فوزى أبو دنيا]

قلّب في صفحات القصايد كلها
هتشم ريحة حبي ليك
حرفك أبي
بيشد أوتار مهجتي
يخرج في لحظة عن مداره كوكبي
يجمع عفاريت القصايد كلها فوق مكتبي
وألاقي نفسي ترد شعر
من غير ما يبقي ليا دور
بيا حروف شعرك تدور
أهرب وراها في المدار
وانده عليها لما تبعد
قرّبي
انت المدار الى ابتديبه يوم مادور
يوم مالتايتنى فى المجرة
وانت الكواكب الى حواليها النجوم
فى مجرة حرة
تسلم لنا نجم العلا
يلى انت فى ابعد فضا بعيد عننا
لما نفكر يوم نبص لموضعه
يهرب من العين البصر
من شدة الضى الجميل
اخدنا شعرة ضوء ف ضيك
مين الى يبقى مننا ياقمرنا زيك

[عبلة محمد زقزوق]

تحيات ممن مازال بمدرسة شعركم تلميذ خيبان

بس أنا ليه برضه كلمتي
رغم أنها لسه صغيره
وبتتعلم المشي هنا
بقولك أستاذي
إن الجعجعه محتاجه
أكل عيش كتير
ما هو خراب مصر جه
من كتر ما الطحين
بيروح على بطون
لها عقول مخاوَخه

وبختم كلامي وبقول
تسلم لنا إيدك
دكتر فؤاد أبو دنيا

[خليل حلاوجي]

إنهم يكيدون كيدا ً وأكيد كيدا

فمهل الكافرين أمهلهم رويدا ...


\


لاتحزن أن الله معنا ....

[سحر الليالي]

جميلة أوي يا د.فوزي

تقبل خالص تقديري وباقة ورد

[د. فوزى أبو دنيا]

تحيات ممن مازال بمدرسة شعركم تلميذ خيبان

بس أنا ليه برضه كلمتي
رغم أنها لسه صغيره
وبتتعلم المشي هنا
بقولك أستاذي
إن الجعجعه محتاجه
أكل عيش كتير
ما هو خراب مصر جه
من كتر ما الطحين
بيروح على بطون
لها عقول مخاوَخه

وبختم كلامي وبقول
تسلم لنا إيدك
دكتر فؤاد أبو دنيا

مين الى قال
دانتى مديرة المدرسة والمنطقة التعليمية كلها
كلامك رصاص يصيب قلب الجبن
وبلسم لجراح المطحونين
دمتى بكل ود وسعادة

[د. فوزى أبو دنيا]

إنهم يكيدون كيدا ً وأكيد كيدا

فمهل الكافرين أمهلهم رويدا ...


\


لاتحزن أن الله معنا ....

الحبيب المهندس خليل
مهندس الرقة والابداع
اراك تغيب كثيرا عنا فى قاعة العامى
ونحن نحب ان نراك دائمن معنا

وهعزمك على زيارة قهوة النادى العربى
تشرب ايه هناك؟
اطلب طلبك مجاب

تقبل حبى واعتزازى :0014:

[د. فوزى أبو دنيا]

جميلة أوي يا د.فوزي

تقبل خالص تقديري وباقة ورد

الله الله على هذا التشجيع من زهرة الواحة
عبيرك يملاء جنبات صفحتى المتواضعة
تقبلى تحياتى
دمتى بسمق

[عبلة محمد زقزوق]

مين الى قال
دانتى مديرة المدرسة والمنطقة التعليمية كلها
كلامك رصاص يصيب قلب الجبن
وبلسم لجراح المطحونين
دمتى بكل ود وسعادة

ضَْحّـكت أمة من إماء الله المتواضعه
بكلمة مديرة منطقه
معاذ الله
أتجنى وأقول
أني للكلام ده أكون
متعلمه
أنا لسه تلميذه صغننه
في بحور المنطقه
بس أللي كان
من أللي كان
نطقني قبل أواني بزمان
خل لاني أقول
كلام أكبر من المقام ...
وأدينا خلاص
كبرنا من غير خلاص
وراح نتعلم كل الكلام

تحياتي وتقديري أستاذي ـ د. فوزي

[د. فوزى أبو دنيا]

تحيات ممن مازال بمدرسة شعركم تلميذ خيبان

بس أنا ليه برضه كلمتي
رغم أنها لسه صغيره
وبتتعلم المشي هنا
بقولك أستاذي
إن الجعجعه محتاجه
أكل عيش كتير
ما هو خراب مصر جه
من كتر ما الطحين
بيروح على بطون
لها عقول مخاوَخه

وبختم كلامي وبقول
تسلم لنا إيدك
دكتر فؤاد أبو دنيا
الاستاذة الفاضلة عبلة مرزوق
مديرة منطقة التعليم هنا
تحية طيبة لشخصك الكريم
وامنياتى بدوام السعادة
تقبلى احترامى