خد بتارك

[عبلة محمد زقزوق]

الله يعينك يابن ولدي
وانت شايف إبنك شهيد
بينادي دمه
وبتنادي مين يلقى الغريق
لا حد سامع ولا بتلقى مجيب
الكل في الطناش
وبقيت لوحدك غريب
ما تقولش الساعه حانت
ده لسه في العمر ... الكتير
بس الحقيقه
إن ده اختبار من رب العباد
لجل ما يكون الحساب عسير
كفكف دمعك
وشمر عن درعك
وخد بتارك
ولو في عمرك ساعه
ماتقولش غير
يارب عين

[د. فوزى أبو دنيا]

العلم صابه الصمم اختى عبلة
قانا الثانية اوضحت ان ضمير العلم مات
غير ماسوف علية
دمتى بالق

[زاهية]

ضمير إيه اللي انت جاي تقول عليه
هو بين اولاد الأمة فاضل شيء تعول عليه

مات الضمير واتخدر الإحساس
وحووووش يسقون الأرض بدماء الأبرياء
تبا للمتخاذلين
تبا للمتفرجين الصامتي
حسابهم عسير من رب العباد
حسابهم عسير
ياقلبي على الأطفال الشهداء
وامعتصماااااااااااااااااا ااه

[عبلة محمد زقزوق]

أي ضمير وأي علم جاي تقول عليه ؟!!
روح اسئل قانا وطفلها تحت الركام قتيل
قالوا شهيد
قلنا الشهاده عند رب كريم
عندي وعندك يا مسلم
لازم يكون دم القتيل

صعيدي كان
شرقي كان
أخد التار ما عاد يفرق
بين متعلم وجاهل
لازم
لازم نوحد الأدين
لجل أبني وأبنك
وبكره يجي علينا
وعليه سعيد

شكرا د. فوزي أبو دنيا

[عبلة محمد زقزوق]

صوت واحد
قلم واحد
سوف نكيل بهما على جباه المعتدين
الشكر والتقدير لك أختاه

[وفاء شوكت خضر]

الأخت عبلة محمد زقزوق ..
ليت الكلمات تجدي
وليت الدموع تجدي
أنغرقهم بحبر الكلمات

أعذريني أخيتي .. الجرح عميق والمصاب كبير .

[عبلة محمد زقزوق]

صدقا أختاه فلم يعد سوا الصمت
فهو اللغة الوحيدة الباقية لنا
كحداد وشجب ، لهذا الذل وذاك الهوان
حسبنا الله ونعم الوكيل
أموات أموات
إذن نصمت كالأموات:008::008::008::008:

[إكرامي قورة]

ربنا قادر يعينّا .. الله يعينِك
ياللي حطّه أمام عيون القلب دينِك
لو قلوب الساسة تسمع " خد بتارك "
واجعل الإسلام شعارك
كان زمنّا من زمان فقنا ورجعنا للطريقْ
كان صبح شعر البطولة أقوى قشة للغريقْ
كان رجع ناصع جبينّا
زي ما ناصع جبينِكْ
ربنا قادر يعينِكْ
اغزلي بالشعر توبنا
عرفينا فينا عيوبنا
فكّرينا بأخد تارنا
فكّرينا بغسل عارنا
واسكبي في نور عيونّا من يقينِكْ
ربنا قادر يعينّا .. الله يعينِكْ

الأستاذة الفاضلة
عبلة زقزوق

مشاركة سريعة إعجابا بالقصيدة وإكراما لصاحبتها

تقديري واحترامي

[د.جمال مرسي]

خد بتارك
خد بتارنا كلنا
أحسن احنا مش هنا
احنا بين مخبول و ضايع
بين شريد أو شعب جايع
صرنا نهب للمطامع
كل كلب من كلاب العم بوش
ينهش اللحم اللي طاب طعمه لحفنه م. الوحوش
في العراق أو في فلسطين الاباء
في بعلبك
أو في لبنان البكاء
في شيشانيا أو كابول
مين يطول حته من التورته و يقطع
مين ينول مسلم و عينه منه يقلع
المزاد يبدأ و كله في المزاد
و اللي ييجي الدور عليه ..
يبقى ده لازم يُباد
يبقى ده لازم يُباد



عبلة الرائعة
شكرا لك أن فتحت قرائحنا
و دمت بخير

[محمد عصام]

جميل ما أراه هنا.
تحياتى أختاه.

[سحر الليالي]

عبلة الحبيبة :

اشتقنا لك

كوني بخير:0014:

[علاء عيسى]

لا حد سامع ولا بتلقى مجيب
الكل في الطناش
وبقيت لوحدك غريب
عبلة
صدقتى ياأختاه
خد بتارك
أمانة عليك
وانت جاى تاخد بتارك
خد بتارنا
سيبنا إحنا غارقانين
تايهين بـ عارنا
وانت والله بصحيح
راجل بجدْ
هوة من إمتى الرجال
تستنى حدْ
إنت أد المسألة
واكبر كمان
واحنا ذل المسألة
عاد طبعنا
علم السلطان هنا
وقت المحن
يبقى جبان

[عبلة محمد زقزوق]

الله يعينا ويعيّن كل مواطن شريف
عنده إحساس وشعور
ربنا معانا
أصلنا شعب اتحكم عليه
يرضى بالذل ويقول
يمكن ربك عنده الخير والمعروف
ونفضل برضه مكسورين
ونقول الحكمة لأولي الأمر منا أصول
والحكمه دايماً من رب كريم
أعظم من حكمة العبد الضعيف
لكن نعمل إيه ؟!!
حكمنا على نفسنا
ونفذنا حكمنا
إننا نكون دايما مكسورين


تقبل إنكسار المداد أمام عظيم الحرف منك ؛ بقول لا يسمو ولا يرقى لحرف ...

تحياتي وتقديري أخي الفاضل / إكرامي قورة

[عبلة محمد زقزوق]

الخير دوماً لتواجدك بين أحرفي
أخي وأستاذي وإبن بلدي د. جمال مرسي
تحيات وتشكرات عظيمات .

[عبلة محمد زقزوق]

تحياتي وتقديري أبني وأخي الكريم / محمد عصام
شــــــــــكرا

[عبلة محمد زقزوق]

العذر حبيبتي فمشكلة النت لم تُحل ، وما زلت أعاني فراق أحبة على القلب وفي نيني العين .
شكرا لجمال السؤال والتواجد
زهرة الرابطة ـ سحر الليالي

[عبلة محمد زقزوق]

ماعدش فيها وقت
الكل لازم يشمر
عن دراعه
وياخد
بتاره
إما نكون
أو ..
لا نكون
حكمه لازم نعلمها
لعيالنا في زمنّا
بعد ما حُكمْنا باعوا
... القضيه
تحياتي وتقديري لجمال التواجد
اخي الفاضل / علاء عيسى