صوت مدبوح -- تفاعلا مع احداث قانا

[د. فوزى أبو دنيا]

صوتى اندبح من كتر قوله اه
حمرة خجالنا ف وشنا مافيهاش حياه
صوتنا بقاش يقدر يجيب اخر مداه
حسرة قلوبنا ع الندى لما اترمى
كان صوتنا جايب للسما
كنا اما ننده ف الخلا
صوتنا يجيب ابعد مدى
يوصل لابعد م الفضا
مش بس صوتنا الى اندبح غدر وانين
على باب عذابك ياسنين
حتى رجولنا مننا متكبلين
متقطعين فينا الايدين
عصافير قلوبنا بيقتلوها ع الشجر
حتى ف سمانا بيسرقو ضى القمر
ليه يسرقو من كلمتى معنى الامل
حلمى اللى لسه بيتولد ليه انقتل
حق الحياه ليه ضيعوه
ليه يصلبوه ع المشنقة
وبيجلدوه ع المحرقة
ايه الى فاضلى بقى
اول ماخيط الفجر يطلع يقطعوه
اول خطوطى ع الورق ليه يمسحوه
اول خطاوى خطوتى ع الشوك رموه
اول كلامى بيمنعوه
اول سؤالى بيخرسوه
اول ولادى بيقتلوه
دمه كاسات بيفرقوه
وبيشربوه
على ارض قانا بيبدروه
ياكلمتى لفى ولفى ع السكون
وفتحى كل العيون
قبل لسانى ماينخرس
صوتى الى طالع ليه خفوه
اودام عنيا بيدبحوه

[وفاء شوكت خضر]

د . فوزي ..

مررت هنا ، فوجدت ألما أكبر من ألمي ....
لنا الله فيما اصابنا ويصيبنا .
يراع صب الألم بعذب الكلمات وأوجعها .
دمت بخير .

[علاء عيسى]

عصافير قلوبنا بيقتلوها ع الشجر
حتى ف سمانا بيسرقو ضى القمر
ليه يسرقو من كلمتى معنى الامل
حلمى اللى لسه بيتولد ليه انقتل
حق الحياه ليه ضيعوه
ليه يصلبوه ع المشنقة
وبيجلدوه ع المحرقة
ايه الى فاضلى بقى
اول ماخيط الفجر يطلع يقطعوه
اول خطوطى ع الورق ليه يمسحوه
اول خطاوى خطوتى ع الشوك رموه
اول كلامى بيمنعوه
" صديقى الغالى "
/ د. فوزى
لا حول ولا قوة الا بالله
" حسبنا الله ونعم الوكيل "
من المنظر الذى رأيناه
من بعدها إسودت الدنيا أكثر ماهيه
سلام ياصاحبى
ولك الود

[د. فوزى أبو دنيا]

د . فوزي ..

مررت هنا ، فوجدت ألما أكبر من ألمي ....
لنا الله فيما اصابنا ويصيبنا .
يراع صب الألم بعذب الكلمات وأوجعها .
دمت بخير .
اختى دخون
لو بطلنا نصرخ ننفجر
او نموت
خلينا ننفجر كلام
اهو بنهون على نفسنا
دمتى بالق

[عبلة محمد زقزوق]

صوت مدبوح ...
كلنا لنفس السكين والجزار ...
ما دمنا قبلنا صفة النعاج

حسبنا الله ونعم الوكيل

اللهم أرفع عنا الغمة
وزيل عنا كابوس كسا كل الأمه
اللهم آمين

تقديري لحرف صارخ وصوت دائم د. قوزي أبو دنيا

[د. فوزى أبو دنيا]

عصافير قلوبنا بيقتلوها ع الشجر
حتى ف سمانا بيسرقو ضى القمر
ليه يسرقو من كلمتى معنى الامل
حلمى اللى لسه بيتولد ليه انقتل
حق الحياه ليه ضيعوه
ليه يصلبوه ع المشنقة
وبيجلدوه ع المحرقة
ايه الى فاضلى بقى
اول ماخيط الفجر يطلع يقطعوه
اول خطوطى ع الورق ليه يمسحوه
اول خطاوى خطوتى ع الشوك رموه
اول كلامى بيمنعوه
" صديقى الغالى "
/ د. فوزى
لا حول ولا قوة الا بالله
" حسبنا الله ونعم الوكيل "
من المنظر الذى رأيناه
من بعدها إسودت الدنيا أكثر ماهيه
سلام ياصاحبى
ولك الود

حبيبى العزيز علاء
لا املك الا ان اقول حسبنا الله ونعم الوكيل
دمت سامقا

[إكرامي قورة]

علّي صوتك يا بطل
مهما انجرح
خلي عيونك ع الأمل
رغم الفؤاد اللي اندبح
بكرة الحروف تطرح سنابك بالعمل
بكرة الألوف تخرج تهز بخطوها سمع الحياه
وتحس إن الحرف في الثورة نجح
ابعت حروفك قنبلة
حتى لو القاتل شبح
ابعت حروفك عرّفه
فين موقفه
رجّع بنصر الحق عقله اللي شطح
الصبح راجع مهما طال اليل سنين
والفرحة راجعة مهما زادوا الموجوعين
بكرة همومنا في الفرح تصغر تدوب
لما يحين نصر الجنوب
وتلاقي بيروت العروسة والفرح
واقفة على قبر الشهيد
وتقوله نخل الصبر يا ولدي طرح
دمك ما راح أبدا هدر
وإن قمت شوف لون البلح


تقديري لك د. فوزي


مشاركة على الكيبورد وليدة اللحظة إعجابا وإكراما لحروفك

[د.جمال مرسي]

و انا برفع الصوت في الفضا
زيك و زي الواد رضا
و البت لميا أو هدى
لازم جميعا كلنا
نقول كلامنا و شعبنا
تكون مواقفه مبينه
و الخطوة تمشى تدك أرض الظالمين
اللي ببوليسهم كمموا الصوت الحزين
و اللي ف. سجونهم كتفوا ايد الضمير
ما بقاش كتير
و الغزو يدخل كل بيت
و ساعتها يا صاحبي الجميل
نقول يا ريت
نقول يا ريت

تحية قلبية د. فوزي
و بارك الله بنبضك و لا أسكت لك حساً

مودتي و تقديري

[د. فوزى أبو دنيا]

صوت مدبوح ...
كلنا لنفس السكين والجزار ...
ما دمنا قبلنا صفة النعاج

حسبنا الله ونعم الوكيل

اللهم أرفع عنا الغمة
وزيل عنا كابوس كسا كل الأمه
اللهم آمين

تقديري لحرف صارخ وصوت دائم د. قوزي أبو دنيا
اختى الفاضلة عبلة
ما اجمل هذا الدعاء
واعو معك
اللهم اعز الاسلام وانصر المسلمين
اللهم امين

تقبلى تحياتى العطرة

[د. فوزى أبو دنيا]

علّي صوتك يا بطل
مهما انجرح
خلي عيونك ع الأمل
رغم الفؤاد اللي اندبح
بكرة الحروف تطرح سنابك بالعمل
بكرة الألوف تخرج تهز بخطوها سمع الحياه
وتحس إن الحرف في الثورة نجح
ابعت حروفك قنبلة
حتى لو القاتل شبح
ابعت حروفك عرّفه
فين موقفه
رجّع بنصر الحق عقله اللي شطح
الصبح راجع مهما طال اليل سنين
والفرحة راجعة مهما زادوا الموجوعين
بكرة همومنا في الفرح تصغر تدوب
لما يحين نصر الجنوب
وتلاقي بيروت العروسة والفرح
واقفة على قبر الشهيد
وتقوله نخل الصبر يا ولدي طرح
دمك ما راح أبدا هدر
وإن قمت شوف لون البلح


تقديري لك د. فوزي


مشاركة على الكيبورد وليدة اللحظة إعجابا وإكراما لحروفك

دعنى من فضلك استاذى اجلس على مقعدى واسمع الدرس


صوتى على
لما دليلك شدنى
خلا الامل فعنيا بان
والجرح ف القلب اندمل
حسيت ف صوتك بالحنان
طعم الامان
والحرف طارح سنبله فوق العيدان
صوتك زرع فيا الحياه
مابقيتش تعرف غنوتى
دمعه وآه
كل الاهات اتحولت فرح وصلاه
بس الى فاضل ف العروق
ثورة شروق
الفجر طالع من بعيد شايل معاه
ضحكه صباه
والحرف عارف موقفه
مش هوقفه
النصر جاى ف منتهاه
موال غناه
والفرح شايل للجراح
شمس الصباح
فيها الدواء
شايفنى لسه ف الحياه هو انا
نصر الجنوب شايل فرح
والنخل طارح ع الشواشى سباط بلح
نفس البلح
طعم البلح
ولسه لونه احمر واصفر
امهات وحيانى
مش شكل تانى
رغم انه يوم كان انجرح

[د. فوزى أبو دنيا]

و انا برفع الصوت في الفضا
زيك و زي الواد رضا
و البت لميا أو هدى
لازم جميعا كلنا
نقول كلامنا و شعبنا
تكون مواقفه مبينه
و الخطوة تمشى تدك أرض الظالمين
اللي ببوليسهم كمموا الصوت الحزين
و اللي ف. سجونهم كتفوا ايد الضمير
ما بقاش كتير
و الغزو يدخل كل بيت
و ساعتها يا صاحبي الجميل
نقول يا ريت
نقول يا ريت

تحية قلبية د. فوزي
و بارك الله بنبضك و لا أسكت لك حساً

مودتي و تقديري

ناظر المدرسة بيمر
والنبض فيه م الحر
فارد وداد ع الكل
خد منى وردة فل

فكرنى صوت المنبة وبالذات لما يجى يقرب ينهى التنبيه بتاعة
تلاقية متعب وبينهج
فكرنى باصواتنا واحنا بنصرخ من اول الاعتداءت
قاسمح لى ناظر قاعة العامية بهذة الكلمات

صوت الجرس بيئن
فاكرينه ليه بيرن
ناسين بانه ياناس
صوت الجرس حساس
بس انتو مش فاهمين
حمل انينه تقيل
يبكى وهو المسكين
ولحد مد ايديه
ولحد بص عليه
ولح شاف ف عنيه…..
دمعه وهى بتفر
كل الى شافه قال…..
سيبه الجرس دا يرن
يصرخ ف عز الليل
يلقا البشر نايمين
يتبرمو الصاحين
يتململو النايمين
ولحد حس انين
ولا قال فى يوم دا حزين
رغم انكسار الحلم
صوت الجرس كان علم
صوت الجرس دا مهم