اخرت حبي لية (شعر غنائى )اول كتاباتى فى المنتدى

[محمد الصاوي]

أخرت حبي ليه




ف البداية كنت جنبك
كنت حاسس إن قلبك
هوة أجمل أمنياتي
والنهاية خلاص نسيتك
أوعي تفتكري بكايا
أو دموع ملهاش نهاية
ولا ببكي عليك انتى
دانتى خاينه م البداية
بعتي قلبي وبعتي حبي
خنتي إحساسي وظلمتي
كل أيامي وسنيني
م البداية للنهاية
بيا مالك مالي بيك
مش راح ارجع تاني ليك
مهما تبكي ولا تشكي
قلبي بايعك مش شاريك
دانا قلبي لما حبك
عاش سنين يحلم بقربك
كنت عندي كل حاجه
فجأة بعت وخنت نفسك
مش هيفضلك معايا
اى ذكري لو جميله
ديا حاجة مستحيلة
إني افتكرك ف ليله
وأفضل احزن ع ألاماني
وأفضل اكتب لك اغانى
وانتي بايعه كل حاجه
بعتي لكن مش عشاني
مش هقول كلمه وداع
مش هقول الحب ضاع
دانتى حبك لسه عايش
جوه قلبي بدون خداع
كان معايا ومش لاقيه
قلب كنت بحس بيه
فجأه سابني وباع هوايا
وادي أخرت حبي ليه

[د. فوزى أبو دنيا]

الاستاذ محمد الصاوى
ابنى العزيز
مابدع مايخط قلمك وما اجمل هذا النزف المؤلم من المشاعر
فى الحقيقة عندما يقراء الكثير لمحمد لاول وهله لايملك الا التفاعل الايجابى مع نصوصة
ويرجع ذلك الى امتلاكه موهبة شعرية قويه وجميلة
محمد الصاوى يحمل مشاعر ملائكية وادب جام وخلق رفيع
اجتذب حب الجميع فى المنتديات التى سجل لها
لعذوبه اعماله ولطيب خلقه

اهلا ومرحبا بك محمد هنا بالواحة
تقبل حبى واعتزازى

[د. فوزى أبو دنيا]

الاستاذ محمد الصاوى
ابنى العزيز
مابدع مايخط قلمك وما اجمل هذا النزف المؤلم من المشاعر
فى الحقيقة عندما يقراء الكثير لمحمد لاول وهله لايملك الا التفاعل الايجابى مع نصوصة
ويرجع ذلك الى امتلاكه موهبة شعرية قويه وجميلة
محمد الصاوى يحمل مشاعر ملائكية وادب جام وخلق رفيع
اجتذب حب الجميع فى المنتديات التى سجل لها
لعذوبه اعماله ولطيب خلقه

اهلا ومرحبا بك محمد هنا بالواحة
تقبل حبى واعتزازى

[أحمد حسن محمد]

أيوه إوعاك تصالحها
ولا يوم تقعد
تناجي برقة روحها
يا صديقي
بسّ عاوز حاجة منك
كل واحد فينا برده يوم بيذنب
لو تشم الذنب فينا
راح تبيع مليون محب

افتكرها بخير وسامح
مهما كان الأمر جارح

بس اوعاك تصالحها
أو تناجي برقة ريحها

بس سامح وابدر الحزن فْ غناوي
ولا إيه رأيك يا صاوي!!!!!!!!!!!!!

[د.جمال مرسي]

أخي الحبيب و الابن الجميل محمد الصاوي
غنائية جميلة و كانت بلإلقائكأروع
سعدت بسماعها هناك و قراءتها هنا
شكرا لك تلبية الدعوة و أهلا بك في الواحة الثقافية
دمت بخير و سعادة
د. جمال

[عبلة محمد زقزوق]

ظلمت قلب لسه شاري
عمره ما خان لك الأماني
أنت بس أللي أناني
تحب تقول وتغني في حبي
كلام مالهوش معاني
أنت فاكر قلبي إيه ؟
عمره ما كان لعبه في أيديك
أنت فاكر يوم لقانا قلت إيه ؟

قلت قلبي أناني
مايحبش حد غيره يجور عليه
حتى لو كان إبن عمك ..

شوفت ظلمك أد إيه ؟!!
كنت ظالم
مارحمتش قلب ساب
ساب الكل في هواك
وإشترى خاطرك
وقال هيه ديه الحياه

رد كيبوردي متواضع وسريع .
تعاطفاً مع المعنية بالكلام ؛ سواء كانت حقيقة أم خيال .
والأهم شكري وتقديري لجمال النظم شاعرنا الفاضل /
محمد الصاوي
تقديري وإحترامي أخي الفاضل

[إكرامي قورة]

مرحبا بك أخي محمد

غنائية جميلة

مفردتها لطيفة وصورها جذابة

تحياتي لك وتقديري

وفي انتظار كل جديد لك

[محمد الصاوي]

الاستاذ محمد الصاوى
ابنى العزيز
مابدع مايخط قلمك وما اجمل هذا النزف المؤلم من المشاعر
فى الحقيقة عندما يقراء الكثير لمحمد لاول وهله لايملك الا التفاعل الايجابى مع نصوصة
ويرجع ذلك الى امتلاكه موهبة شعرية قويه وجميلة
محمد الصاوى يحمل مشاعر ملائكية وادب جام وخلق رفيع
اجتذب حب الجميع فى المنتديات التى سجل لها
لعذوبه اعماله ولطيب خلقه

اهلا ومرحبا بك محمد هنا بالواحة
تقبل حبى واعتزازى



والدى العزيز د.ابودنيا

كم انا سعيد جداا بوجودى دائما بجوارك
حيث تمتعنى كلماتك بدفئ جميل
وكم اشكر استاذى الشاعر الكبير
واخى العزيز د.جمال مرسي
على دعوته لى ان اكون احد اعضاء الواحة الجميلة

تحياتي
ابنك المحب
محمد الصاوي

[علاء عيسى]

كان معايا ومش لاقيه
قلب كنت بحس بيه
أخى محمد الصاوى
كلماتك جميلة
وإن لم تقل غير هذه الجملة
كفى أن نقول عنك
أنك شاعر رقيق تحياتى
على هذه الغنائية الجميلة
وأرجو أن تهتم بضمير المخاطب
حتى لا يظهر هناك ضميرين أحدهما لأنثى وآخر لرجل
تحياتىكان معايا ومش لاقيه
قلب كنت بحس بيه

[محمد الصاوي]

أيوه إوعاك تصالحها
ولا يوم تقعد
تناجي برقة روحها
يا صديقي
بسّ عاوز حاجة منك
كل واحد فينا برده يوم بيذنب
لو تشم الذنب فينا
راح تبيع مليون محب
افتكرها بخير وسامح
مهما كان الأمر جارح
بس اوعاك تصالحها
أو تناجي برقة ريحها
بس سامح وابدر الحزن فْ غناوي
ولا إيه رأيك يا صاوي!!!!!!!!!!!!!


الاخ الفاضل احمد حسن
كم اشكرك اولا على مرورك الكريم
وثانيا على مداخلتك الجميلة
التى اسعدتنى
تقبل تحياتي كما يليق بشخصك الكريم
اخوك المحب
محمد الصاوي

[نبيل مصيلحى]

غنائئة صادقة المشاعر
خالص تحياتي
نبيل مصيلحي

[محمد الصاوي]

أخي الحبيب و الابن الجميل محمد الصاوي
غنائية جميلة و كانت بلإلقائكأروع
سعدت بسماعها هناك و قراءتها هنا
شكرا لك تلبية الدعوة و أهلا بك في الواحة الثقافية
دمت بخير و سعادة
د. جمال


ابي واستاذى العزيز
الذى اشتقت الية كثيرا
د.جمال مرسي

كم انا سعيد بمرورك الكريم
الذى يضيف لى شهادة تقدير
اكاد اجزم انى لا استحقها
ولكنها عندما تاتى مش شاعر كبير مثلك
دائما ما اضعها فى قلبي وسام على صدري
تحياتي
كما يليق بانسان يحمل فى قلبة برائة الاطفال
وقوة الرجال ومشاعر فياضة
تكفى لكى تكسى الجبال خضار
ابنك المحب
محمد الصاوي

[محمد الصاوي]

ظلمت قلب لسه شاري
عمره ما خان لك الأماني
أنت بس أللي أناني
تحب تقول وتغني في حبي
كلام مالهوش معاني
أنت فاكر قلبي إيه ؟
عمره ما كان لعبه في أيديك
أنت فاكر يوم لقانا قلت إيه ؟
قلت قلبي أناني
مايحبش حد غيره يجور عليه
حتى لو كان إبن عمك ..
شوفت ظلمك أد إيه ؟!!
كنت ظالم
مارحمتش قلب ساب
ساب الكل في هواك
وإشترى خاطرك
وقال هيه ديه الحياه
رد كيبوردي متواضع وسريع .
تعاطفاً مع المعنية بالكلام ؛ سواء كانت حقيقة أم خيال .
والأهم شكري وتقديري لجمال النظم شاعرنا الفاضل /
محمد الصاوي
تقديري وإحترامي أخي الفاضل

الاخت الفاضلة
عبلة محمد

اولا مرورك الكريم شرف لى
وثانيا كلماتك وردك الكيبوردى
انما هوه اقوى من كلماتى
وحقا انها قصة حقيقية وماساه
عشتها من جراء اول حب
تقبلي تحياتي
اخوكى المحب
محمد