شئ لزوم الشئ

[علاء عيسى]

شئ لزوم الشئ

تعمل إيه ؟
لو قابلك حد وْ بص لشعرك بصة غريبه ..
وْ قالك :
"تتصور ... شعرك يوم عن يوم عمال يبيض " .
تضايق... ؟
من إيه …؟
م الكلمة اللى اتقالت ؟
وللَّا مِ الشعر اللى بيقصد يكسر نَفْسك قدامه
لو منك ..ما تدُقِّش
واعمل نفسك مش واخد بالك
ما هو سنك يسمح لك
وانت صغير ..
كان شعرك زيك إسود جاهل بالدنيا
ومّا كبرت..
وعيونك شافت كل الأهوال
إبتدى يبيضْ
يعنى اللى بيحصل عادى ..
شئ لزوم الشئ
إوعى تزَعل نفسك
هاتزَعل نفسك على إيه ؟
إوعى تكرر نفس الغلطه
يوم ما رجعت تبص لنفسك جوه مرايتك
المسنوده على مسمار فى الأوضه ..
وْحَسِّسْت بْإيدك على شعرك
ويوميها نمت منكد
والكوابيس عمَاله تحاصر فيك
والموت بيجيلك زى الوحش يهدد فيك
ويقولك :
"قربت يا فالح ...! "
الموقف كان من 6 سنين
وْفضلت تحيَّر نفسك
كان حاصل إيه ؟
مامُتِّش يعنى !
كان إيه لزمتها الزعله بتاعتك
الشعر الأسود زاد ؟
بالعكس ..
دا الشعر الأبيض هوَ الأقوى
كان أكتر إقناعاً منك للشعر الأسود
كان كل يومين ينضم وْياخد نفس اللون
الزعله بتاعتك عملت إيه ؟
جابت لك ضغط الدم وْرشِّت
عَ الضغط شوية سكر
قلبك بقى زيك خايف م الموت
بيحاول يهرب منك
ويسيبك وسط السكه لواحدك
سيبه براحته ..
إوعاك تهتم بدقُّه
خلِّيه على كيفه
يْدُق..
مايدقِّش ..
مش فارقة.
سيبه براحته
يمشى بسرعه
أو يمشى براحته ..
وان سابك سيبه
عيش من غيره
لو فعلاً صاحبك ..
ماكنش يحاول كل شويه يهدد فيك
لمَا يحس بودنك بتقرب
وتَّابع دقاته يْدُق بسرعه
ومَا يحس بإيدك لامساه ...
بيسَّرع أكتر
وكأنه جاى مخصوص ووظيفته
يْزيد فى عذابك
قلبك مش قلبك . لو قلبك فعلاً ..
مكنش يشوفك مغموس فى النوم ..
وْيمثل إنه خلاص .. فلِّس منك
وفْ ثانيه يحاول يعلن لاستقلال عن روحك
يفضل ورا منك ..
ولحد ما تصحى من عز النوم مفزوع
وتحط ائديك تتصنَّت على دقاته
تلاقيه نايم ولا واخد باله...
بقى حتة قلب ينكد عِيشتَك ؟
وللا شوية شعر ابيضوا يزيدوا فْ همك
ولا تشغل بالك
مش كلمه اتقالت هاتشقلب حالك
طنش كل الناس ..
أو ممكن تاخد نفس الكلمه لصالحك
يعنى ...
لو قابلك حد وقالك : تتصوَر ...!!
"شعرك يوم عن يوم عمال يبيض ؟" قولله :
الله يخليك .. فضلة خيرك
وِتخيِّل لمّا يروح لمرايته يبص عليها ...
وْيتأكد مِ الكلمه بتاعتك .. يعمل إيه ؟
هل ممكن يعمل نفس اللى عملته ؟
أو يحصل له ..
نفس اللى حصل لك
هل ممكن ..؟
فكر وانت بتضحك ..
هُوَّه
بنفسه
هايعمل إيه ؟

[وفاء شوكت خضر]

الأخ الفاضل الشاعر / علاء عيسى ..
الخوف من الشعر الأبيض ،، الخوف من الموت ..
كل سنة تزيد في عمرنا تنقص سنة من عمرنا ..
ولكن أجمل سنوات العمر حين يبيض الشعر وينضج الفكر ويصبح الإحساس أعمق في الحياة وفي المشاعر .
وتصبح للحياة صورة أجمل وأعمق .
أم أنه كما قال الشاعر ألا ليت الشباب يعود يوما ..
قصيدة تحمل هواجس الخوف والهلع من ما لا مفر منه ، لكنها واقع يمر به كل الناس .
لا تخشى دقات القلب فما هي إلا نبض الحياة والحب .
دمت بكل الخير وننتظر الجديد .

دخون ...............

[د. فوزى أبو دنيا]

علشان نكبر يلزمنا وقار
شىء لزوم انك تطلع اعلا من روس الناس
وتبص على الدنيا بس بعين تانيه
تبص بوقار
دمت مبدعا وحشنى صوتك

[علاء عيسى]

الأخ الفاضل الشاعر / علاء عيسى ..
الخوف من الشعر الأبيض ،، الخوف من الموت ..
كل سنة تزيد في عمرنا تنقص سنة من عمرنا ..
ولكن أجمل سنوات العمر حين يبيض الشعر وينضج الفكر ويصبح الإحساس أعمق في الحياة وفي المشاعر .
وتصبح للحياة صورة أجمل وأعمق .
أم أنه كما قال الشاعر ألا ليت الشباب يعود يوما ..
قصيدة تحمل هواجس الخوف والهلع من ما لا مفر منه ، لكنها واقع يمر به كل الناس .
لا تخشى دقات القلب فما هي إلا نبض الحياة والحب .
دمت بكل الخير وننتظر الجديد .
دخون ...............
برغم سعادتى
سيدتى الفاضلة دخون
على كونك أول المعانقين لعملى المتواضع
إلا أننى كنت أود أن تزيد سعادتى
حينما أستشف أنك قرأتى العمل بعين
عقلك
التى تعودناها منكى دائما
لا بعين رأسك
التى لم نراها من قبل
وعموما تحياتى
وشكراً لكم

[وفاء شوكت خضر]

برغم سعادتى
سيدتى الفاضلة دخون
على كونك أول المعانقين لعملى المتواضع
إلا أننى كنت أود أن تزيد سعادتى
حينما أستشف أنك قرأتى العمل بعين
عقلك
التى تعودناها منكى دائما
لا بعين رأسك
التى لم نراها من قبل
وعموما تحياتى
وشكراً لكم
أعتذر أيها الوقور لتسرعي بالرد ..
من كتر ما شفت شعري ابيض
وأنا لسه سنيني صغار تنعد
شفت كتير و الحيل اتهد
والقلب يدوبك يتهجى النبض
والعقل خلاص راح مني وشت
لك مني كل التقدير ..

[ينابيع السبيعي]

البياض البياض
وده بنشوفه في النهار
وفي ضوء الشمس كمان
وفي قلبك ياعلاء
جعل الله لك بياضا في قلبك
من قوة الايمان
تقديري
يمابيع السبيعي

[علاء عيسى]

أعتذر أيها الوقور لتسرعي بالرد ..
من كتر ما شفت شعري ابيض
وأنا لسه سنيني صغار تنعد
شفت كتير و الحيل اتهد
والقلب يدوبك يتهجى النبض
والعقل خلاص راح مني وشت
لك مني كل التقدير ..
شعرك أبيض ؟
ماشى .
براحتك
لكن قلبك حاسه خضار.
سنك لسة سنينه صغار؟
لكن لامحه
أكبر
أقوى
من كلمة
" ممكن ينهار"
قلبك راح يتهجى النبض؟
لكن حاسه قلب كبير
مليان بمشاعر
لو تتسطر
تبقى كتاب فى الحب بتشبه
كل كلام بيقولو نزار
عقلك راح منك ويشت ؟
لأ أنا آسف
عقلك جاى
وشبابه عمار
"دخوووون "
تحياتى "

[إسماعيل صباح]

الأستاذ الفاضل والشاعر المبدع الأستاذ علاء عيسى :ـ
يبدو انك ستنام ملء عيونك وتترك الكهول يختصمون بين بياض الشعر وبياض القلب ، ولكن لا بأس .

أولا نسأل الله حسن الخاتمة ، وثانيا بياض شعر الرأس رغم الوقار الذي يزين به أصحابه ليس دليل على انتهاء الصلاحية ، ورحم الله ابو الطيب المتنبي حيث قال :ــ


ومن هوى كل من ليست مموهة = تركت لون مشيبي غير مخضوب

ومن هوى الصدق في قولي وعادته = رغبت عن شعر في الرأس مكذوب

مع الإعتذار لكل من غير / ت لون الشعر للتمويه . وإكباري لمن غيره

لحديث المصطقى غيروا هذا الشيب واجتنبوا السواد .

[علاء عيسى]

علشان نكبر يلزمنا وقار
شىء لزوم انك تطلع اعلا من روس الناس
وتبص على الدنيا بس بعين تانيه
تبص بوقار
دمت مبدعا وحشنى صوتك
العزيز على القلب والسمع
د. فوزى
شكراً لك
وأنت
والله وحشتنى كتير جداً