يا وابور قولي

[إكرامي قورة]

( ذكرتني حادثة قطار بنها بحادثة قطار الصعيد ، فأعادتني ذاكرتي لقصيدة من أعوام )
http://www.elosboa.co.uk/elosboa/issues/492/images/0403.jpg

يا وابور قولى

يا وابور الجاز
لمحوك تايه بين الأسباب
قالوا : دى فرصة وعملوك عكاز
اتسندوا عليه قبل مايقعوا
من فوق الكرسي الهزاز
...
يا وابور الجاز
يامحنّى ديل العصفورة بالدم النازل على القضبانْ
ليه كل البني أدمين إنسان ؟
مع إن فيه ناس سلمهم درجاته ضرايب
والعتبة عليها السجان
والضحكة من الغلا والكوا ماتت شاردة
مع إن السادة ( إخوانا البعدا )
ضحكتهم بِنْسِد تمنها
والسلم نايلو ف نايلو _ اللهم احفظهم _
والعتبة جزاز !!!
ياوابور الجاز
مين الغلطان ؟
الشخص اللى يدوبك بيلقى تمن اللقمة
ولاّ العايش ف تبات ونبات
ولاّ احنا صحيح زى ما قالوا
ما بنعرفشي نركب قطارات ؟!
وهأقولك إيه ؟
ما الغلطة الأولى بتعدي
والثانية كمان
لكن التالتة دايماً تابتة
وهتعمل إيه لمواطن م الدرجة التالتة
الفقر رماه على كرسي خشب
أو واقف مزنوق بين القاعدين
فى الدرجة المنوحوسة التالتة
وف لحظة وابور الجاز ولّع فيها واتنيل مات
وسبع مجاميع ف العربيات
ما التعلب فات
وف ديله سحب شلة أموات
وشالوا لنا ( غفير )
وجابولنا ( غفير )
ما هو قطر وأيامنا محطة وْ ...
حطة يا بطة .. يا دقن القطة
جالنا أونطة .. وراح ف الغلطة
وبكرة نجيبه المجلس نعمله استجواب
وادي دقني أهه !
لو نعرف مين الكداب !!
والله يرحم عبد الوهّاب !
: يا وابور قولى رايح على فين ؟
ما كتبنا العَقد
للبْس العُقد
لمدة عِقد وفات عِقدين
واهو يوم في السما
واتنين في الأرض
وربك يعلم رايحين فين

[وفاء شوكت خضر]

الأخ الفاضل الأديب / إكرامي قورة ..
خالطت الضحكة الدموع ....حطة يا بطة .. يا دقن القطة
جالنا أونطة .. وراح ف الغلطة
وبكرة نجيبه المجلس نعمله استجواب
أهي حادثة القطار أم العبارة أم سقوط المنازل على ساكنيها ...
رحمـ اااااااا ك ربـ ـي
والله إنك أبدعت برسم الألم ابتسامة مرارة على الشفاة .
احترامي وتقديري لشخصك ولقلمك...
لك الود بامتداد نهر النيل ........

[د. محمد حسن السمان]

سلام الـلـه عليكم
الاخ الفاضل الشاعر الدكتور اكرامي قورة

لقد شطرتك الحزن , انت رسمت اللوحة , واشعرتنا بالكارثة , بالمعاناة الكبيرة , التي تحيق باهلنا , اولئك الذين يستحقون حظا اكبر , وظروفا افضل , وافوض امري لـلـه .

اخوكم
السمان

[نبيل مصيلحى]

محزن ما كتبت أخي إكرامي
بمعني أن ما كتبته مس وجداننا
شكراً لك
نبيل مصيلحي

[علاء عيسى]

( ذكرتني حادثة قطار بنها بحادثة قطار الصعيد ، فأعادتني ذاكرتي لقصيدة من أعوام )
http://www.elosboa.co.uk/elosboa/issues/492/images/0403.jpg
يا وابور قولى
يا وابور الجاز
لمحوك تايه بين الأسباب
قالوا : دى فرصة وعملوك عكاز
اتسندوا عليه قبل مايقعوا
من فوق الكرسي الهزاز
...
يا وابور الجاز
يامحنّى ديل العصفورة بالدم النازل على القضبانْ
ليه كل البني أدمين إنسان ؟
مع إن فيه ناس سلمهم درجاته ضرايب
والعتبة عليها السجان
والضحكة من الغلا والكوا ماتت شاردة
مع إن السادة ( إخوانا البعدا )
ضحكتهم بِنْسِد تمنها
والسلم نايلو ف نايلو _ اللهم احفظهم _
والعتبة جزاز !!!
ياوابور الجاز
مين الغلطان ؟
الشخص اللى يدوبك بيلقى تمن اللقمة
ولاّ العايش ف تبات ونبات
ولاّ احنا صحيح زى ما قالوا
ما بنعرفشي نركب قطارات ؟!
وهأقولك إيه ؟
ما الغلطة الأولى بتعدي
والثانية كمان
لكن التالتة دايماً تابتة
وهتعمل إيه لمواطن م الدرجة التالتة
الفقر رماه على كرسي خشب
أو واقف مزنوق بين القاعدين
فى الدرجة المنوحوسة التالتة
وف لحظة وابور الجاز ولّع فيها واتنيل مات
وسبع مجاميع ف العربيات
ما التعلب فات
وف ديله سحب شلة أموات
وشالوا لنا ( غفير )
وجابولنا ( غفير )
ما هو قطر وأيامنا محطة وْ ...
حطة يا بطة .. يا دقن القطة
جالنا أونطة .. وراح ف الغلطة
وبكرة نجيبه المجلس نعمله استجواب
وادي دقني أهه !
لو نعرف مين الكداب !!
والله يرحم عبد الوهّاب !
: يا وابور قولى رايح على فين ؟
ما كتبنا العَقد
للبْس العُقد
لمدة عِقد وفات عِقدين
واهو يوم في السما
واتنين في الأرض
وربك يعلم رايحين فين

إكرامى قورة
سعدت بقطارك
سعادة بالغة
وحزنت بقطارهم
حزناً مريراً
تحياتى لعزفك على أوجاعنا

[د. فوزى أبو دنيا]

ياوبور الجاز
جازك من دمى
من دم اخواتى
من شرب المر
بتعشا وانام
ودى عيشتى ليلاتى
وانا مهما اصرخ
وانا مهما اهاتى
هتنك داير
من دم اخواتى


شكرا د اكرامى على هذا النزف الحرفى
والالم الدمى على نار وابور الجاز
تقبل محبتى