الى ابى - الى كل اب يعطى بلا مقابل وبلا حدود [الأرشيف]

مشاهدة النسخة كاملة : الى ابى - الى كل اب يعطى بلا مقابل وبلا حدود

د. فوزى أبو دنيا

01-10-2006, 12:04 AM

شجرة جميز.... اهداء لولدى العزيز

شجرة جميز....!
على شط الحياه واقفه
بتبصلى بلهفه
ضاربه فى قلبى جدرها
بتمدنى بحبها
سر الحياه ف قلبها
وانا ليها اول ضنا
مده فروعها للسما
متشبكه فوقى
فرع المحبه بيمد ف عروقى
يحمينى ضل فرعها
من حر ايامى
والصهد من شوقى
يمسح وراقها دمع احزانى
لاعمرى شفتها ملت
ولا عمرى شفتها مالت
مهما ان يعدى الزمن
لاعمرها كلت
ولاعمرها خانت
شايله الزمن على ضهرها
ولا ريحه عمره هزها
لاشفتك مرة سلمتى
ولامرة بعتى
مقدرش برد الشتا...
يوقع اوراقك
ولا يجنى اشواقك
ولا يحصد طرحتك منك
زعابيب الزمن دايما تميلك
زرعتى الضى فى ملامحى
محيتى الامى من جرحى
نبت فرحى
لقيت الاهه فى قلبى
جناين ورد
حاضنها الود
حمام طاير ف جنه حب
عيون الضلمه دبلانه
وندمانه
وانا نادى ف عين بكره
ولما مر صبارى
بيرويلك جبال حزنك
ماتنهزمى
ولما الصورة تجمعنا على مرايا
تصبى الدمعه ضحكايا
بترقينى بكام ايه
تزيل الحزن جوايا
وتبقى شمسى فى دربى
تدوب تلجى فى قلبى
تلفلفنى بنسيج حبك
وتحمينى من الغربة
وم التوهه
والاقى بسمتك ف الليل
قمر فارد شعاعه دليل

أحمد حسن محمد

04-10-2006, 02:23 PM

شجرة جميزة
اللــــــــــــــــــــــ ـــــــــــــــه!!
يا جمال رمزك لما تقول
حلو وْأبيض كده على طول

دكتور فوزي
عندك صورة هايله بْجدْ
اكتب
واوعى يْحوشك حد

ينابيع السبيعي

12-10-2006, 03:14 AM

ياسلام عليك
ماذا كتبت وصورت
وبالوالدين احسانا
لقد امرنا الله الاحسان اليهما
بدون عطاء فكيف اذا اعطوا
لهما الجنة
قصيدة هادفة دمت جميلا
وفعلا شجرة جميز
الله يحفظ والدك ويطول عمره
تقديري
ينابيع السبيعي

د. فوزى أبو دنيا

24-10-2006, 04:44 PM

شجرة جميزة
اللــــــــــــــــــــــ ـــــــــــــــه!!
يا جمال رمزك لما تقول
حلو وْأبيض كده على طول
دكتور فوزي
عندك صورة هايله بْجدْ
اكتب
واوعى يْحوشك حد
كل سنة وانت طيب
كل سنة وانت مميز
كل سنة وانت تملاء القلوب
كل عام وانت تملا السمع والبصر
عيد سعيد

د. فوزى أبو دنيا

24-10-2006, 04:45 PM

وفاء شوكت خضر

25-10-2006, 09:31 PM

أستاذي / د . فوزي أبو دنيا .

كل عام وأنت بخير ..
يا شجرة الجميز .. ستبقى الرمز الجميل .
جميل ما قرأت هنا حقا ، أبدعت في رسم الصورة التي اخترقت أحاسيسنا ، لا زلت متألقا كما عهدناك ، اشتقنا لك في غيابك ، فلا تغب عنا .

تحيتي واحترامي .

د. فوزى أبو دنيا

28-10-2006, 02:41 AM

أستاذي / د . فوزي أبو دنيا .
كل عام وأنت بخير ..
يا شجرة الجميز .. ستبقى الرمز الجميل .
جميل ما قرأت هنا حقا ، أبدعت في رسم الصورة التي اخترقت أحاسيسنا ، لا زلت متألقا كما عهدناك ، اشتقنا لك في غيابك ، فلا تغب عنا .
تحيتي واحترامي .

اختى الاديبة الرائعة وفاء
الاجمل كان مرورك وتعليقك الراقى
تقبل تحياتى وشكرى:0014: