يعني ايه كلمة (حضارة)

[مصطفى عمار]

يعني ايه كلمة (حضارة)
كان زمان فـ شارعنا واحد ... اسمه عمو وليد حضارة
الجمال والنور في وشه ... لو تشوفه يغض رمشه ... زي عصفور جوا عشه
كنت بلمح فيه راءة ... والطفولة طاقة طاقة
رغم انه كان معلق فوق كتافه ... نسر أصفر عمر حد ما كان يخافه
والفضول اللي في دمي ... خلا هم يزيد في همي
روحت أسأل مين وليد
قالوا دا دلوقت رائد ... بس كان من كام سنة ظابط اشارة
*****
السنين مرت بتجري ... والكتاب محطوط فـ حجري
بقلب الصفحة وبذاكر ... ألقى درس اسمه الحضارة
قولت لأ دا الكلمة لغز ... لازم اعرف يعني ايه كلمة حضارة
*****
قالوا إسأل في التاريخ
التاريخ قالي الحضارة ... هيا مجموعة حجارة ... رصصوها خوف وخفرع
الحضارة في التابوت... والفراعنة حنطوها
المقابر صنعوها من الرخام بالدهب بيزينوها
هو دا معنى الحضارة
*****
روحت أسأل عم صالح ... هو فلاح بس ناصح
الزراعة كل عمره ..والزراعة دي شطارة
قولتله يا عم صالح ... يعني ايه كلمة حضارة
قاللي يابني ... كنا فـ الأول بنزرع كل موسم له شهورة
بالجنيه نزرع ونقلع والبهايم كات بتشبع
والحمار ويا الحمارة جوا شارع كل حارة
واما جم قالو الحضارة
قالوا تلفزيون بلمبة ... والمتورقوى الطرمبه
والصوبات ويا التقاوي ... خلت الخسة كرمبة
والعبارة في الشكارة ... هو دا معنى الحضارة
*****
روحت يوم الجامعة بدري ... والدموع ع القلب تجري
قولت هسأل كل شاب يعني ايه كلمه حضارة
شاب قالي : ياه يا صاحبي حاجه تايها ولقيناها
الحضارة فـ السجارة
والسجارة لفه بيضه ألف نوع وبألف اسم
والحشيش موضه قديمه والجديد دلوقتي بانجو فيها ايه اما تشم
الدماغ كبر ياعم ... واللي يتكلم بنفض
أحلى حاجه تعيش مروشن ... القميص يبقى قصير ... والشراب بقه نص كم
هو دا معنى الحضارة
*****
وفى النهايه
الحضارة مش حجارة ... الحضارة مش شكارة
الحضارة مش سجارة
الحضارة : نيل بيجري من السودان ولحد مصر
شايل الخير فوق كتافه
والجمال فعيون ضفافه
اللي خلا ابهتنا من زمان يعملوا من الرمل قصر
الحضارة فـ حبنا لنيلك يا مصر

:001:

[د. فوزى أبو دنيا]

الحضارة فقلب شاعر
تنوجع فيه المشاعر
ينطلق منه الالم
ملايين مشاعل
تنطلق كلماته اسهم
كل سهم فيها واعر
الحضارة تبقى عنده
كلمه اصفى م الطهارة
الحضارة
تبقى مصر ام السماره
الف شارع
طالعه منه الف حارة
والولاد طيبة واماره
منقوشين عز وكرامة


الشاعر المبدع مصطفى عمار
تحياتى لك واهلا بك معنا

[أحمد إبراهيم أحمد]

يعني ايه كلمة (حضارة)
كان زمان فـ شارعنا واحد ... اسمه عمو وليد حضارة
الجمال والنور في وشه ... لو تشوفه يغض رمشه ... زي عصفور جوا عشه
كنت بلمح فيه راءة ... والطفولة طاقة طاقة
رغم انه كان معلق فوق كتافه ... نسر أصفر عمر حد ما كان يخافه
والفضول اللي في دمي ... خلا هم يزيد في همي
روحت أسأل مين وليد
قالوا دا دلوقت رائد ... بس كان من كام سنة ظابط اشارة
*****
السنين مرت بتجري ... والكتاب محطوط فـ حجري
بقلب الصفحة وبذاكر ... ألقى درس اسمه الحضارة
قولت لأ دا الكلمة لغز ... لازم اعرف يعني ايه كلمة حضارة
*****
قالوا إسأل في التاريخ
التاريخ قالي الحضارة ... هيا مجموعة حجارة ... رصصوها خوف وخفرع
الحضارة في التابوت... والفراعنة حنطوها
المقابر صنعوها من الرخام بالدهب بيزينوها
هو دا معنى الحضارة
*****
روحت أسأل عم صالح ... هو فلاح بس ناصح
الزراعة كل عمره ..والزراعة دي شطارة
قولتله يا عم صالح ... يعني ايه كلمة حضارة
قاللي يابني ... كنا فـ الأول بنزرع كل موسم له شهورة
بالجنيه نزرع ونقلع والبهايم كات بتشبع
والحمار ويا الحمارة جوا شارع كل حارة
واما جم قالو الحضارة
قالوا تلفزيون بلمبة ... والمتورقوى الطرمبه
والصوبات ويا التقاوي ... خلت الخسة كرمبة
والعبارة في الشكارة ... هو دا معنى الحضارة
*****
روحت يوم الجامعة بدري ... والدموع ع القلب تجري
قولت هسأل كل شاب يعني ايه كلمه حضارة
شاب قالي : ياه يا صاحبي حاجه تايها ولقيناها
الحضارة فـ السجارة
والسجارة لفه بيضه ألف نوع وبألف اسم
والحشيش موضه قديمه والجديد دلوقتي بانجو فيها ايه اما تشم
الدماغ كبر ياعم ... واللي يتكلم بنفض
أحلى حاجه تعيش مروشن ... القميص يبقى قصير ... والشراب بقه نص كم
هو دا معنى الحضارة
*****
وفى النهايه
الحضارة مش حجارة ... الحضارة مش شكارة
الحضارة مش سجارة
الحضارة : نيل بيجري من السودان ولحد مصر
شايل الخير فوق كتافه
والجمال فعيون ضفافه
اللي خلا ابهتنا من زمان يعملوا من الرمل قصر
الحضارة فـ حبنا لنيلك يا مصر

:001:


الشاعر الرائع فعلا مصطفي عمار
عندما اتيت لهذا المكان
كنت التمس واحة من شعر العامية ألجأ اليها
واظنني وجدتها
وماقرأته لك
ابداع حقيقي
ورؤية شعرية عالية النقاء
احمد ابراهيم

[مصطفى عمار]

الحضارة فـ حبنا لنيلك يا مصر
كل الشكر والتقدير
إلى اساتذتي الكرام وأرجو ان اكون عند حسن ظنكم
تقبلوا تحياتي
مصطفى عمار

[نبيل مصيلحى]

الحضارة إن تعلا فينا حاجة
إسمها راح تعرفوها
هيَّه كلمة
في قلبها المعتي الحقيقي
للأصالة والنباهه والفلاحه وكل راقي
صدقوني هيَّه أشطر م الحداقه
هيَّه فينا م الطفوله
لو نشيب ما تشيب معانا
خضره دايماً
عاقله دايماً
ناصحه دايماً
فالحه دايماً
اسمها فينا الضمير
**
جميل أخي مصطفى عمار
نبيل مصيلحي

[الهام احمد سعد]

جميـــــــله جدا والله يا مصطفي ربنا يوفقك يارب طبعا شاعر عظيم
يارب ابقى زيك كده ان شاء الله
ودايما يارب تكتب جديد ومتحرمناش من شعرك ابدا

[وائل محمد القويسنى]

حط نفسك جوا أم أم
واحبس الكلمه ف شفايفك
وامشى جنب الحيط تلاقى
كل خطوه تجيب حضاره

[علاء عيسى]

يعني ايه كلمة (حضارة)
كان زمان فـ شارعنا واحد ... اسمه عمو وليد حضارة
الجمال والنور في وشه ... لو تشوفه يغض رمشه ... زي عصفور جوا عشه
كنت بلمح فيه راءة ... والطفولة طاقة طاقة
رغم انه كان معلق فوق كتافه ... نسر أصفر عمر حد ما كان يخافه
والفضول اللي في دمي ... خلا هم يزيد في همي
روحت أسأل مين وليد
قالوا دا دلوقت رائد ... بس كان من كام سنة ظابط اشارة
*****
السنين مرت بتجري ... والكتاب محطوط فـ حجري
بقلب الصفحة وبذاكر ... ألقى درس اسمه الحضارة
قولت لأ دا الكلمة لغز ... لازم اعرف يعني ايه كلمة حضارة
*****
قالوا إسأل في التاريخ
التاريخ قالي الحضارة ... هيا مجموعة حجارة ... رصصوها خوف وخفرع
الحضارة في التابوت... والفراعنة حنطوها
المقابر صنعوها من الرخام بالدهب بيزينوها
هو دا معنى الحضارة
*****
روحت أسأل عم صالح ... هو فلاح بس ناصح
الزراعة كل عمره ..والزراعة دي شطارة
قولتله يا عم صالح ... يعني ايه كلمة حضارة
قاللي يابني ... كنا فـ الأول بنزرع كل موسم له شهورة
بالجنيه نزرع ونقلع والبهايم كات بتشبع
والحمار ويا الحمارة جوا شارع كل حارة
واما جم قالو الحضارة
قالوا تلفزيون بلمبة ... والمتورقوى الطرمبه
والصوبات ويا التقاوي ... خلت الخسة كرمبة
والعبارة في الشكارة ... هو دا معنى الحضارة
*****
روحت يوم الجامعة بدري ... والدموع ع القلب تجري
قولت هسأل كل شاب يعني ايه كلمه حضارة
شاب قالي : ياه يا صاحبي حاجه تايها ولقيناها
الحضارة فـ السجارة
والسجارة لفه بيضه ألف نوع وبألف اسم
والحشيش موضه قديمه والجديد دلوقتي بانجو فيها ايه اما تشم
الدماغ كبر ياعم ... واللي يتكلم بنفض
أحلى حاجه تعيش مروشن ... القميص يبقى قصير ... والشراب بقه نص كم
هو دا معنى الحضارة
*****
وفى النهايه
الحضارة مش حجارة ... الحضارة مش شكارة
الحضارة مش سجارة
الحضارة : نيل بيجري من السودان ولحد مصر
شايل الخير فوق كتافه
والجمال فعيون ضفافه
اللي خلا ابهتنا من زمان يعملوا من الرمل قصر
الحضارة فـ حبنا لنيلك يا مصر

:001:

" الغالى الحبيب والصديق القريب "
مصطفى
سعدت جداً بنصك
وسعدت أكثر بالردود والقراءات حوله
وأنت تعلم سر سعادتى
ولذا لك التحية
ولقلمك
وطمنى على صختك ياأبو درش