فاضل ليِّ ثانية وأموت

[الشربينى خطاب]

فاضل لي ثانية وأموت
:os: :tree: :os:
ليه فكَّرتيني بجرحي
فاضل له ضهر هموم
يطيب لو تضحكي
أنسي العتاب واللوم
ينزف لو تزعلي
صوت الآهات مكتوم
****
فمتعمليش حسابي
فاضل لي ثانية وأموت
وأنت كنتِ حبَّاني
ما تحضَّريلي تابوت
أو تبعدي حُرَّاسك
ألقالي سكة وأفوت
اخد الولاد ف حضاني
وأخدك في أحضاني
وأفضل لحد ما موت

[ينابيع السبيعي]

الشربيني خطاب
بسم الله عليك الله يطول بعمرك
عنوان بيخوف
وكلمات رائعة بالرغم من الوجع
تقديري
ينابيع السبيعي

[وفاء شوكت خضر]

الأديب / الشربيني خطاب ..

رغم صعوبة هضم العنوان ، بارك الله بعمرك ، إلا أن نصك مفعم بالمعاني الهادفة .
أسلوبك راقي ، جميل وشيق ..

تقبل بتواضعك مروري على صفحاتك .
أسجل إعجابي ، لك التحية والود .

[د.جمال مرسي]

خدهم في أحضانك
و انعم يا شربيني
الدنيا ضحكالك
و الموت يبكيني
لكن القدر بيكون
لو كنت أعيش مليون
رب العباد لو شاء
ما تحوشه عنا حصون
كركر و خلينا
وياك كمان نضحك
دا الهم شايفينه
مطبوخ و متسبك
بص الورود حواليك
شوفها تقولك ايه
و بلونها ملّي عنيك
و الباقي كله عليه
ربك غفور و كريم
فضله كبير و عظيم
ادعي له من قلبك
فرحك يدق الباب
و تعيش و تتهنا
يا صاحبي يا خطاب
و يجوزك رابعه
بس اوعي تحكيلها
أم العيال سامعه
عيشتي تنيلها



أخي الحبيب الشربيني خطاب
سامحني يا صاحبي حبيت أضفي الفرحة بعد شوية البؤس اللي شفتهم هنا
ربنا يخليك يا رب و تفرح بعيال عيالك
تحياتي

[د. فوزى أبو دنيا]

وزعلان لما بقولك وى
طب الف مليون وى


لمتنى على جرحى وانت
جرح قلبك اقوى منى
شفت اخر لوم حبايبك
قولتلك انك ظالمنى
مهما لومت هتفضل انت
اللى اقرب ليا منى
الحب كله ياشاعر ياجميل

[الشربينى خطاب]

الشربيني خطاب
بسم الله عليك الله يطول بعمرك
عنوان بيخوف
وكلمات رائعة بالرغم من الوجع
تقديري
ينابيع السبيعي
ما تخفيش يا يانبيع
عمر الشقي بقي
دنا عمري اللِّي بدرته
لوكنت تعرفي
علي شطوط النيل
والورد وخوص النخيل
طرح سنين عمري
وقمري وشمس الأصيل
معقول أموت في ثانية
وأنا غنوة المواويل
دنا نشيد الصباياي
عفوك يا مولاياي
إن حان أوان الأجل
ابقوا اكتبوا التاريخ

[ابراهيم عباس]

اخد الولاد ف حضاني
وأخدك في أحضاني
وأفضل لحد ما موت
00000000000
الله عليك ياعمنا
برغم الوجع اللى سابته فيا
بس جميله قوى
لمست حاجه جوايا
تحياتى ليك
ودمت رائع

[نبيل مصيلحى]

بعد الشر يااا عم شربيني
ياللي كلامك مراره كاويني
ثانيتك ياصاحبي مكتوبه ومخفيه
عند الإله في الحفظ محميه
لمَّا بيإذن ربنا بالحين
لا شيء يصد القدر
لو الحراس ملايين
إبه قولك بقى يا عم شربيني

[الشربينى خطاب]

إليك من وحي الفكرة :


توت حاوي حاوي توت
الموت مكتوبله علينا يفوت
يجي فى معاده مظبوط بالثانية
قَطر يوَصَل للملكوت !

أشكرك يا شاهين
وعلي نفس الفكرة
لو حن قلبك مرة
لفص توت
أو حن خوفك لخوفي
ما تخفش من رعشة كفوفي
لمَّا تفوت
تحضن إدينا بكرة
ونقطَّع خيوط العنكبوت
عسل أبيض يا توت

[الشربينى خطاب]

الأديب / الشربيني خطاب ..
رغم صعوبة هضم العنوان ، بارك الله بعمرك ، إلا أن نصك مفعم بالمعاني الهادفة .
أسلوبك راقي ، جميل وشيق ..
تقبل بتواضعك مروري على صفحاتك .
أسجل إعجابي ، لك التحية والود .
الصديقة العزيزة / وفاء شوكت خضر
أشكر مرورك الكريم علي صفحتي المتواضعة
التي زادت بهاء ونور بهذه الزيارة
برجاء عدم الحرمان من الزيارات المتكررة
خالص شكري وتقديري

[الشربينى خطاب]

خدهم في أحضانك
و انعم يا شربيني
الدنيا ضحكالك
و الموت يبكيني
لكن القدر بيكون
لو كنت أعيش مليون
رب العباد لو شاء
ما تحوشه عنا حصون
كركر و خلينا
وياك كمان نضحك
دا الهم شايفينه
مطبوخ و متسبك
بص الورود حواليك
شوفها تقولك ايه
و بلونها ملّي عنيك
و الباقي كله عليه
ربك غفور و كريم
فضله كبير و عظيم
ادعي له من قلبك
فرحك يدق الباب
و تعيش و تتهنا
يا صاحبي يا خطاب
و يجوزك رابعه
بس اوعي تحكيلها
أم العيال سامعه
عيشتي تنيلها
أخي الحبيب الشربيني خطاب
سامحني يا صاحبي حبيت أضفي الفرحة بعد شوية البؤس اللي شفتهم هنا
ربنا يخليك يا رب و تفرح بعيال عيالك
تحياتي

الله عليك يا صاحبي
البسمة راسمها
علي كل قلب حزين
أو قلب عاشق مسكين
داب م الهوي والوجد
وما عدش له في الدنيا
ولا لحظة يحسبها

[جوتيار تمر]

الشربيني الرائع..

وكان الذكريات ملهش حدود..
وملهاش حل..
وكاني بها عاوزة تبيح اللي بنحس به
وتطلعه للخلق
وهي مش عارفه بانها تحفر قبر لينا

دمت بخير
محبتي لك
جوتيار