تسجيل الدخول

مشاهدة النسخة كاملة : بأخبـّط على بابكم


مصطفى سلام
21-11-2006, 12:02 PM
بأخبط على بابكم
صديقى المحترم أبو دنيا ..
أسعد المولى صباحَــــه ..
دلنى على منتداكم ,منتدى الواحة ..
نظرت له من بعيد , عجبنى بكل صراحة ..
دقيت على بابه - و إيدى بترتعش - بالراحة ..
و دخلت مهزوز الخطى , و وقفت بالساحة ..
هل تقبلونى يا أهل المنتدى .. بكل سماحة ؟

مصطفى سلام
وفاء شوكت خضر
21-11-2006, 01:47 PM
مرحبا بك أيها الأخ الفاضل ..

كريم .. دخل بيت كرام ..
عبلة محمد زقزوق
21-11-2006, 02:16 PM
لمصطفى سلام
ألف تـــــحيه
ومليـون وسلام
نورت واحتنــــا
وزيينا لك حروفنا
بورد يليق بمحبتنا
إخوه واخوات بربطتنا
أهلا بك
حتنور كدا لمتنا
د.جمال مرسي
21-11-2006, 04:13 PM
أخيراً مصطفى سلاّم
سلام يا سلام
معانا جانا بالأحلام
نقولك ايه
دا بيتك و انت بتزينه
و تبقى من رياحينه
و وردك احنا عارفينه
في أبناء مصر شايفينه
و ريحته جت هنا و هلت
بدعوة فوزي ابو دنيا
أكيد الشعر يا صاحبي
معاك هيكون حاجات تانية


أهلا أهلا بالغالي مصطفى سلام
سعيد بانضمامك
و شكرا لأخي فوزي دعوته النبيلة

تقبل الود و في انتظارك يا بطل
ينابيع السبيعي
21-11-2006, 05:03 PM
أخي مصطفى سلام
ارحب بك هنا في الواحة
وفي القسم الشعبي بالذات
واقول:هلا والفين ترحيبه
هلا تو القمر باني
هلا من ماخذٍ طيبه
خزامى وورد عمّاني
هلا بيك
في الواحة الادب
الواحة الذوق
اختك
ينابيع السبيعي
الشربينى خطاب
21-11-2006, 06:44 PM
بأخبط على بابكم
صديقى المحترم أبو دنيا ..
أسعد المولى صباحَــــه ..
دلنى على منتداكم ,منتدى الواحة ..
نظرت له من بعيد , عجبنى بكل صراحة ..
دقيت على بابه - و إيدى بترتعش - بالراحة ..
و دخلت مهزوز الخطى , و وقفت بالساحة ..
هل تقبلونى يا أهل المنتدى .. بكل سماحة ؟

مصطفى سلام
الشاعر الرقيق / مصطفي سلاَّم
أهلاً بك في الواحة:noc:
يا مصطفي يا سلاَّم
أدخل وما تخفشي
الواحة بحر أمان
إرتع فيها وامشي
وخلِّي طير الغرام
ينام علي رمشي
يحلم بقي الأحلام
يحكي ويشجيني
وان خاف يا مصطفي
خلِّيه ما يقولشي
د. فوزى أبو دنيا
21-11-2006, 11:31 PM
معذرة لتاخرى شاعرنا الجميل الرائع

مصطفى سلام

لكن اعتقد انك ملاحظ كم الحب

مرحبا مرحبا

بيتك ومترحك
أحمد إبراهيم أحمد
21-11-2006, 11:40 PM
بأخبط على بابكم
صديقى المحترم أبو دنيا ..
أسعد المولى صباحَــــه ..
دلنى على منتداكم ,منتدى الواحة ..
نظرت له من بعيد , عجبنى بكل صراحة ..
دقيت على بابه - و إيدى بترتعش - بالراحة ..
و دخلت مهزوز الخطى , و وقفت بالساحة ..
هل تقبلونى يا أهل المنتدى .. بكل سماحة ؟

مصطفى سلام



أخي مصطفي سلام
يابو قلب زي الدهب
هنا مطرحك بينا
نورتنا بلاشك
والف شكر للجميل ابودنيا ان دعا شاعر مثلك
نستمتع به ونحب اشعاره
أحمد ابراهيم
مصطفى سلام
22-11-2006, 12:42 PM
شكرا يا أحبابى
و لقيت لى حتة منتدى ..
عالى المستوى جدا ظريف ..
فيه العلوم , فيه الأدب ..
تالد قديم و جديد طريف ..
مليان حبايب كلهم ..
ذوق , دمهم دافى خفيف ..
قابلونى داخل قلبهم ..
حب الغريب و هوى الضيوف ..
على طول لقيتنى وسطهم ..
و المنتدى أصبح أليف ..
قررت أعيش أنا وسطهم ..
من غير قلق مضنى و خوف ..
وسط الحبايب , وسط أهلى ..
و الحب ما بيننا يطوف ..
الحبايب : اللى رحب ..
و اللى حايشاه عنى الظروف ..
شكركم اللى فى قلبى ..
ما توصفوش أبدا حروف ..
يا رب جمّـع شملنا ..
بعد افتراقنا لألف طيف ..
يا رب بارك جمعنا ..
يا واسع الكرم اللطيف .

مصطفى سلام
22 نوفمبر 2006