أحلام في العولمة

[الشربينى خطاب]

أحلام في العولمة00!!؟
:hat: :NJ: :014:
أهو بعد الجات والعولمة
قالوا: وفروا المصاريف
الأكل في مواعيد مرتبة
في الوجبه نص رغيف
والنوم من غير الغطا
شتا وخريف وصيف
فنمت من غير غطا
زي ما قالوا خفيف
طمعان أزور الملايكة
وأنزل عليهم ضيف
آكل وأشرب معاهم
كفيار علي بلو بيف
*****
حلمت وأنا وياهم
حلم الهنا والخير
قال إن الملك أمر
جناب معالي السفير
يعمل لي عقد عمل
وفيزة ضامنها أمير
لوظيفة في مملكة
مضحك ملك ووزير
*****

عقد شروطه مححفة
فيه بند صعب عسير
أنسي كرامتي هنا
قبل ما سافر واطير
وألبس بدلة مدندشة
بسيور قصب وحرير
وأجرس جناح الحريم
بفوطة وشال بشكير
وأمسك عصايه طويلة
أنظم بها الطوابير
وإن حد قال مظلمة
أو ثار وعمل مكلمه
أخزم ودانه بحبل
وأجره جر الحمير
وأشد قاضي قضاه
علي جناح الطير
يعمل فتوى محكمة
نلجِّم بها الجماهير
****
وأحضر مع السلطان
مجعوص كما المشاهير
جلسات عموم الديوان
وأهز راسي موافق
ع الفاضى و المليان
لكل أمر يقوله
أو حكم أو فرمان
يصلح به حال الرعية
لو أمر لها بعطية
أو قال رقبتها نطير
وإذا عظمته سألني
وقال يا وزير دبَّرني
أرد وأنا راسي محني
لله يا طويل العمر
الأمر والتدابير
*****
فرصة وشغلة سهلة
مش محتاجه تأخير
الأجرة مبلغ عال
فلوس ها تملا شوال
دولارات علي دنانير
مراتي وكوم العيال
والذل عند البقال
خلُّوني مضيت ف الحال
كدة من غير تفكير

*****
بعد ما جاني الفرج
قلت اشتري عمارة
وسوق الفاكهة الكبير
و محلات الجزارة
واسطبل خيل وحمير
واشتري نضارة
والبس عباية موهير
وأعمل كبير في الحارة
*****
من فرحتي منا داري
تايه في بحر أمالي
اتعري الغطا ولباسي
خنفرت وعلا الشخير
سمعه القاصي والداني
وحرمنا وابني سمير
واللِّي ما تتسمي حماتي
قايمة تحرَّض مراتي
صحي الوزير م النوم
إبنه يا حبة عيني
نازل سباحة وعوم
هي المجاري طفحت
ولاَّ السرير مخروم

[د. فوزى أبو دنيا]

ايه ياعمنا الفلسفة دى
انت حكيت حواديت مصرية
الواقع ان الغوص فى مشاكل المجتمع من الامور الهامة وتناولها بشكل ساخر محبب
لون يمتلك زمامة الشربينى خطاب

[ابراهيم عباس]

ايه ياعمنا الجمال ده
شكل فيه سخريه جميله
طرح عده مشاكل بشكل محبب
بصراحه ابدعت
تحياتى اليك
وفى انتظار المزيد
من الموضيع الفلسفيه الجميله دى0
دمت رائع:0014:

[الشربينى خطاب]

ايه ياعمنا الفلسفة دى
انت حكيت حواديت مصرية
الواقع ان الغوص فى مشاكل المجتمع من الامور الهامة وتناولها بشكل ساخر محبب
لون يمتلك زمامة الشربينى خطاب
يا عم فوزي لون من الزجل مفقود
وأدي بنحاول يمكن الضحك يعود
اشكرك يا دكتور
خالص تحياتي

[الشربينى خطاب]

ايه ياعمنا الجمال ده
شكل فيه سخريه جميله
طرح عده مشاكل بشكل محبب
بصراحه ابدعت
تحياتى اليك
وفى انتظار المزيد
من الموضيع الفلسفيه الجميله دى0
دمت رائع:0014:
يا عم إبراهيم
ولا فلسفة ولاحاجة

لو كان جحا مجود
كان سوَّي الهوايل
لكن حماره مات
فمات قبل ماتغلي
المشاعر و الجمايل
دمت لي
تحياتي

[الصباح الخالدي]

اعشق مصر واعشق شعرها
واعشق ناسها
كلمات حلوة وجميلة

[الشربينى خطاب]

ايه ياعمنا الفلسفة دى
انت حكيت حواديت مصرية
الواقع ان الغوص فى مشاكل المجتمع من الامور الهامة وتناولها بشكل ساخر محبب
لون يمتلك زمامة الشربينى خطاب
دمت محب يا عم فوزي

ياريت نعرف نعلِّم بحرف ونكوي
جلود اخوانا اللِّي ما بيحسُّوش
ولَّع يا شاعر أتون الجمروالنار
وهات ختم الوشم واختم قراقوش

[وفاء شوكت خضر]

ولسه الحدوته المصرية ، ما انتهتش ..
يا مصر يا أم الدنيا .. لمينا ، وتحت اجناحك ضمينا .

أستاذنا الشربيني خطاب ..
كان فين الجمال دا من زمان ؟؟
أمتعتنا بحق ..

تحية ود لك ولشعب مصر .

[الشربينى خطاب]

اعشق مصر واعشق شعرها
واعشق ناسها
كلمات حلوة وجميلة
الأستاذ الفاضل / الصباح الخالدي
أستأذنك في قبول قصيدتي عرفاناً بمشاعرك الجميلة والمنشورة في المنتدي
خالص تحياتي