تسقط الحرية !!!

[مصطفى سلام]

تسقط الحرية !!!

تسقط الحرية
فلقوا دماغى و صدعوها ..
بكلام عن الحرية ..
وانا عقلى مش فاهم بيسأل : يا خلق إيه هيه ؟
الواد بيشتم أبوه .. و يقولوا دى حرية !!
و يقل أدبه على امه .. يا سيدى دى حرية !!
يلبس محزق ، و متهزأ ، و متنيل على عينه ..
يا بويا دى حرية .
و البنت ماشية مشخلعة ..
و البشرة وردى ملمعة ..
و الفتنة صارخة ملعلعة ..
يا عمى دى حرية .
و حمار يدوسك فى الطريق ..
يشتم و يعْـلى فى النهيق ..
و لا تلقى منصف أو صديق ..
يا خويا دى حرية .
و دا صوته تقولشى ضفدعة ..
رافع عقيرته بالغنا : بأغانى هابطة مروعة ..
و الشلة جنبه مجمعة..
عاملين دماغ متكلفة و مشعشعة ..
برضه نقول حرية .
إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية .

مصطفى درويش سلام

[د. فوزى أبو دنيا]

الشاعر الهادف الواعى مصطفى سلام
تناولك للامور الاجتماعية السلبية جاء مصور للواقع بشكل زاهى ادبيا
انت غصت فى امور اجتماعية اتمنى ان نتوقف عندها كثيرا لنغيرها
انتشرت هذه الايام بين الشباب لبس بنطال ساقط على مؤخرته بشكل مستفز
علماء الاسلام قالو انه كان لباس اهل لوط

اللهم اهدى ابنائنا وابناء المسلمين

تحياتى القلبية لك ولقلمك الثرى

[الشربينى خطاب]

تسقط الحرية !!!

تسقط الحرية
فلقوا دماغى و صدعوها ..
بكلام عن الحرية ..
وانا عقلى مش فاهم بيسأل : يا خلق إيه هيه ؟
الواد بيشتم أبوه .. و يقولوا دى حرية !!
و يقل أدبه على امه .. يا سيدى دى حرية !!
يلبس محزق ، و متهزأ ، و متنيل على عينه ..
يا بويا دى حرية .
و البنت ماشية مشخلعة ..
و البشرة وردى ملمعة ..
و الفتنة صارخة ملعلعة ..
يا عمى دى حرية .
و حمار يدوسك فى الطريق ..
يشتم و يعْـلى فى النهيق ..
و لا تلقى منصف أو صديق ..
يا خويا دى حرية .
و دا صوته تقولشى ضفدعة ..
رافع عقيرته بالغنا : بأغانى هابطة مروعة ..
و الشلة جنبه مجمعة..
عاملين دماغ متكلفة و مشعشعة ..
برضه نقول حرية .
إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية .

مصطفى درويش سلام
الشاعر الجميل مصطفي درويش سلام
تعانق حروفي حروفك وندق ناقوس الخطر
مش قلت لك علي باب الله شعراء عاميَّة
:noc:

طب اسمع يا عم :
لا مش هاقول يامصطفي
تسقط الحرية
بقي يا راجل
عشان واحد تالفة
تعكنن عليك وعليَّا
أو بنت بايزه متمرقعه
بتغمز بعنيها ليَّا
دي يا صاحبي وقاحة
من بنت مش متربية
أصل الأسر يا مصطفي
اتقطعت بينها الروابط
وشاعت فيها الأنانية
ولا عدش فيه أخلاق
ولا زوق ولا حنيَّة
الأم هي المدرسة
لو نجحت في التربية
بقالها مدة مش فاضية
ساعه في ندوة متحمِّسه
وساعات
بتتزوق لسهرة ف المسا
وان قلت ليه واعترضت
ترفع لخلعي يا مصطفي
متين قضية

[مصطفى سلام]

يا أخى العزيز شربينى ..
الود واصل ما بين قلبك و بينى ..
المشكلة يا بن أبوى " خطاب " ..
اللى ف ايديهم أمرنا و فصل الخطاب ..
تركوا الأمورهايصة قوى و متبعككة (1)..
ما تاخدش منهم غير فلفسة .. مع فذلكة ..
طب يا صديقى : إيه يكون الحل ..
غيرة ع الوطن .. وعلى الأقل :
لازم يكون فيه شئ م العمل ..
أو مجتمعنا ( سوف يرحـلْ للضياع ) ..
تاكله الديابه و تنهشه كل السباع .
مصطفى سلام
(1) متبعككه = متلخبطة

[مصطفى سلام]

الأستاذ الفاضل و الأخ الكريم د. أبو دنيا
دائما أجدك حيث أحتاجك , بكلماتك المشجعة , و فكرك الفاحص المستنير ..باركك الله ,,
مصطفى سلام

[نادية حسين]

لأ طبعا

ليست هذه الحريه
اخي الشاعر القدير مصطفي سلام ... ابدعت .. في شرح السلبيات المعلقه علي عاتق الحريه البريئه
نص جميل يرسم لنا معالم روحك المصريه الابيه الاصيله
بارك الله فيك
وبكل من حاوروك من الشعراء جزيتم خيرا


سأعود قريبا بنص يحكي عن معني الحريه :v1: بمفهومها الآخر

المفهوم الذي يرعب اعداء الحق

ودمت متألق

[مصطفى سلام]

شكرا شمس الحرية ..
إنها صرخة ألم لما آل إليه مجتمعنا من سلبيات ..

سأعود قريبا بنص يحكي عن معني الحريه بمفهومها الآخر
المفهوم الذي يرعب اعداء الحق
و إنى لفى أشد الاشتياق إلى مشاركتك ...

مصطفى سلام

[مصطفى سلام]

شكرا شمس الحرية ..
إنها صرخة ألم لما آل إليه مجتمعنا من سلبيات ..

سأعود قريبا بنص يحكي عن معني الحريه بمفهومها الآخر
المفهوم الذي يرعب اعداء الحق
و إنى لفى أشد الاشتياق إلى مشاركتك ...

مصطفى سلام

[الشربينى خطاب]

متبعككه متلعبكه متلخبطة
ما هي زي حالنا يا مصطفي
متأندله متبهدله و متمرمطه
حبة عيال زي القرود متنططه
جابين فلوس ياما و مزروطه
يمكن ميراث ولا شغلة زانططه
أو سلفة بنوك من غير ضمان
أقساطها سهرة وخمرة وحتة مره

[مصطفى بطحيش]

رائعة هذه المعاني وسامقة مثل قاماتكم

اسمع في الشعر الشعبي نبضا أخلاقيا أصيلا

لكم كل المودة والشكر

[نبيل مصيلحى]

تسقط الحريه .............................................!!

[مصطفى سلام]

شكرا : أستاذ مصطفى بطحيش ..
ما هى يا أخى إلا نبضات قلوب وخزتها معاناة الوطن ..
و صرخات أفئدة آلمتها المصائب و المحن ..

تواجدك فى هذه الصفحة منحها تشريفا و زادها بريقا ...
دمت أخى ..
مصطفى سلام

[مصطفى سلام]

يا أستاذ شربينى :
حبة عيال زى القرود متنططة ..
نازلين فى بحر من الفلوس عايمين و آخر بلبطة ..
و لا ّ الكليبات اللى هابطة مزفتة ومرطرطة ..
شوف البنات اللى مرقصينها :.. دلوعة حلوة مقطقطة ..
و غلابة ياما فى الحياة متلطمة و متمرمطة ..
تجرى ورر الأرزاق و ترمح , متبهدلة و متشحططة ..
ناس فى هم تقوم و تصحى و ناس سعيدة مزقططة ..
هل دى قـِسَم ؟ لأ دىّ ضلمة فى القلوب متشعبطة ؟

مصطفى سلام
1 ديسمبر 2006

[عمرو عبدالرؤوف]

إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية .

تسقط الحريه اللى بالطريقة ديّه

دمت مبدعاً مصطفى

[مصطفى سلام]

بارك الله فيك أخى عمرو ..
سعيد باللقاء بك على صفحات هذا المنتدى ..
شكرا ,,مصطفى سلام

[نادية حسين]

اليك ايها العربي الحر الاصيل :0014:
اعود كما وعدتك
مساء الخير ..مساء الكلمه الحره :os:

واسفه لتأخير الرد

علما اني كتبت النص منذ ان قرأت نصك

ولكن اليوم شاء الله ان ارسله


شمس الحريه :v1:


شمس الحريه عربيه
ياعمي لاتكشر فيا
لاتكشر من كلمة عرباً
جرباً بس عشره في الميه

فالتسطع شمس الحريه

ارسم ووصف شكل الصوره
بالوان الطيف المكسوره
بلسان الكلمه المبتوره
والسر الباتع اسطوره
تطلع لوحه فسفوريه
تفضح اعداء الوطنيه
ترعب طاغوت الهمجيه


ولتسطع شمس الحريه


الحريه ياعمي سلام
مش حاكم لامريكا خدام
مش مجلس لاعداء الاسلام
مبيعرف يفتي بقضيه
كل احكامه صهيونيه
فلتسقط عنه الشرعيه


ولتسطع شمس الحريه

فأشعتها بيلوجيا
لتدك رؤساً محنيه
لبلاد الشر الغربيه


واقعد للحريه اغني
الحريه اصلاَ فني
والثوره ياعمي مني

فلتحيا شمس الحريه
فأشعتها بيلوجيا
تصهر اعداء الحريه

تحرق تنهي اهل الاجرام
افرح زقطط عمي سلام
المجرم ابدا مش بينام
قاعد عم يخرف بكلام


ويكذب نفسه الدمويه
امريكا ياعمي غبيه
ونهايتها جيه جيه

فلتسطع شمس الحريه
فأشعتها بيلوجيا :)

وسلامتكم

هذا نص باللهجه المصريه +اللغه العربيه = نص حر :)
ودمت بخير ياعمي سلام

[مصطفى سلام]

رائع .. هائل يا شمس الحرية ..
تلك الشمس التى لن تغيب عن أرض العرب أبدا ..
مهما طال الليل , و تكالب الأعداء .
سلمت يداك .
------------------

أمريكا يا عمى غبية ..
ريّـس و وزيرة خارجية ..
بنتاجون و البيت الأبيض ..
نوابهم , و وزارة الحربية ..
لكن :
نهايتها .. جيه جيه ..
و تنور شمس الحرية .
شكرا آنستى النبيلة.

مصطفى سلام

[نادية حسين]

الله يسلمك ياعم سلام

الخنفس خنفس دمويه
راس الاافعى بنت الحيه
والحاوي ابن النوريه
كل افعاله ارهابيه

!!!!!!!! ويشقلب معني الحريه

بس احنا الامه العربيه

نكشف اسرار الفاشيه

فلتسطع شمس الحريه

من ساحات اللبنانيه

ونكمل في المره الجيه .....:)



وسلامتك

:)

[مصطفى سلام]

سلاماتى إليكى يا حرية ..
و لشمسك فى السما مضوية ..
قلبى بيوجعنى يا بنية ..
لبنان مجروح فيه ألف قضية ..
دى أصابع تخريب بتدمر ..
و تفركش فى الأمة العربية ..
و تعيدها لضلام الجاهلية ..
لكن حنقولها و نعيدها :
فلتسطع شمس الحريه

مصطفى سلام

[نادية حسين]

مرحبا ياعمي سلام

الله يسلمك


:)


صباح الخير .......... الله يحفظكم كلك ذوق وماعليك زود :) وصح السانك

خذ كمان بالفصحى اهداء بسيط


شمس الحرية انا هيّا
................وحقو لي بالخير غنيه
اهديكم اجمل ما عندي
................من حقلِ ورود خمريه
وكذ لك اهديكم حبي
....................ومشاعر ود اخويه
وكذلك اهديكم حساً
..................بحلاوة طعم العسليه


وسلامتك


والمداخله الاولي بعد التنسيق :)



صارت كذا



نشيد
شمس الحريه


شمس الحريه عربيه
ياعمي لاتكشر فيا
لاتكشر من كلمة عرباً
جرباً بس عشره في الميه


ارسم ووصف شكل الصوره
بالوان الطيف المكسوره
بلسان الكلمه المبتوره
والسر الباتع اسطوره
تطلع لوحه فسفوريه
تفضح اعداء الوطنيه
ترعب طاغوت الهمجيه


ولتسطع شمس الحريه


الحريه عمي سلام
مش حاكم لامريكا خدام
مش مجلس لاعداء الاسلام
ما يعرف يفتي بقضيه
كل احكامه صهيونيه
فلتسقط عنه الشرعيه


ولتسطع شمس الحريه

فأشعتها بيلوجيا
تصهر اعداء الوطنيه
وتدك رؤوساً محنيه


واقعد للحريه غني
الحريه اصلاَ فني
والثوره علي الظالم مني


فلتحيا شمس الحريه

والخنفس خنفس دمويه
راس الافعى بنت الحيه
والحاوي ابن النوريه
كل افعاله ارهابيه
ويشقلب معني الحريه



بس اصل الامه العربيه

من عند المولى محميه

نكشف اسرار الفاشيه

ونهايتهم جيه جيه


فلتسطع شمس الحريه

من ساحات اللبنانيه

فأشعتها بيلوجيا

تصهر اعداء الوطنيه


ونكمل في المره الجيه .....:


وسلامتكم


دمت بخير:)

[إكرامي قورة]

الله الله على جمال المساجلات الشعرية الراقية هنا

سلمت أخي مصطفي

ودامت الروائع

[جوتيار تمر]

تبقى الحرية حرية حتى وان كان غباء الانسان قد حرف مسارها..
نص راقي وجميل دمت بخير ومحبة

جوتيار

[مصطفى سلام]

الأستاذ الكريم رامى
الأستاذ النبيل جو تيار

شكرا لكما تشرفكما لهذا النص .. و امتنانا لتعقيبكما عليه .
مصطفى سلام

[خليل حلاوجي]

إن كان دا يبقى قصدكم .. فأقول لكم ، من فضلكم :
قولوا معايا : تسقط الحـــــرية
\


نعم

صرخة حق في ضجيج الباطل وتشوهاته

لافض فوك .... شاعرنا الامجد

[مصطفى سلام]

الأستاذ الكريم نبيل حلاوجى
إنها - أخى زفرة ألم حسرة على ما آل إليه فهم البعض للحرية .. حقيقة : تحيا الحرية .. تحيا الحرية .. إلا ما مان منها بهذا الفهم المعوج ..
امتنانى لك لتشريفك هذه المقطوعة بهذا التعقيب الثرى ..
مع تمنياتى و تقديرى ,,,
مصطفى سلام