اوقــــــــــــــــــــــ ــــــــــــــات

[ابراهيم عباس]

اوقات
ـــــــــــــــــــــــ
(1)
اوقات بشوف الشمس
القاها ضحكالى
ارفع لها رمشى
تغمزلى بالتانى
واما اتكسف منها
تقوللى ياانانى
"2"
اوقات
اوقات بشوف عصفور
بيلاغى عصفوره
ماتيجى نتواعد
نلعب سوا الكوره
تقوله ياكداب
يابو رجل مكسوره
"3"
اوقات
اوقات على القهوه
اشوف كتير مساطيل
اقعد انا واهوى
واستنى الف دليل
فجأه تقوم كبسه
تشيل جثثهم شيل
وافضل انا وحدى
ويا القمر والليل
"4"
اوقات
اوقات بنام الليل
ومطفى احساسى
فجأه يصحينى
قلمى وكراسى
والشعر يوجعنى
ويقولى يااسى
معقوله تهجرنى
ولصحبتى ناسى
"5"
اوقات
اوقات بشوف النمل
ارش له سكر
واقوله كل ياجميل
بس اوعى يوم تنكر
يقولى ياانسان
لابنعرف النسيان
ولاطبعنا نغدر

[الشربينى خطاب]

جميل باابرأهيم
واعانق حروفك
قول يا إبراهيم قول
علي دقننا وعفَّر
أصل الكبير مخبول
من لحسه ف السكر
منا كنت ع القهوة
شغَّال يا عم مخبِّر
أكتب تقارير فيكم
وأمشي ورا العسكَّر

[د. فوزى أبو دنيا]

ان كان على دا القول
اكتب لنا اكتب
بدام كلام معقول
تنك كده اكتب
كلام ماهوش مخبول
ولايوم عرف يكدب
قول ياجميل القول
واكتب لنا اكتب

[ابراهيم عباس]

جميل باابرأهيم
واعانق حروفك
قول يا إبراهيم قول
علي دقننا وعفَّر
أصل الكبير مخبول
من لحسه ف السكر
منا كنت ع القهوة
شغَّال يا عم مخبِّر
أكتب تقارير فيكم
وأمشي ورا العسكَّر

استاذى
الشربينى خطاب
00000000
الكبير باع القضيه
عايش مبرتع فى التكيه
لاحد همه ولاارتجف حتى
لموت ياسين0ودموع بهيه::007: :

[ابراهيم عباس]

ان كان على دا القول
اكتب لنا اكتب
بدام كلام معقول
تنك كده اكتب
كلام ماهوش مخبول
ولايوم عرف يكدب
قول ياجميل القول
واكتب لنا اكتب

اكتب لمين يابا
والمركبه تاهت
والمينا مش باينه
حتى الكلام باهت
اكتب لمين ولمين
والكل بيصقف
والسوس بينخر فينا
ولاحد قال ووقف

[الشربينى خطاب]

الكبير باع القضيه
عايش مبرتع فى التكيه
لاحد همه ولاارتجف حتى
لموت ياسين0ودموع بهيه:
يسين ممتش ياعم
قتلوه الخطَّافين
سرقوا شال بهية
وحلقها ودبلتين
وأمل ولادنا وبكرة
وكحل سواد العين

[ابراهيم عباس]

الكبير باع القضيه
عايش مبرتع فى التكيه
لاحد همه ولاارتجف حتى
لموت ياسين0ودموع بهيه:
يسين ممتش ياعم
قتلوه الخطَّافين
سرقوا شال بهية
وحلقها ودبلتين
وأمل ولادنا وبكرة
وكحل سواد العين

ياعمنا حاسب
لسه الامل موجود
وبكره جى اكيد
والفرح ماله حدود
طول مالحياه ماشيه
وربنا المعبود
لازم هيجى اليوم
وبهيه لينا تعود
وبهيه لينا تعود:0014:

[منى محمود حسان]

الأخ ابراهيم

تحية لك طيبة

أهنئ نفسى لأننى قرأت لك ولحرفك الراقى الذى يحمل بين طياته معانى عميقة كثيرة لمن يفهمها أو يريد أن يفهمها

كله نايم فى القش وبيدور
ع الأبرة اللى حتحل البخت
وتجيب الحظ
ويقوللنا نلاقى بس الفانوس
ويطلع لنا العفريت
يجيب كل اللى نفسكو فيه
وحتعيشوا حياة برية مسالمة وجميلة
كلها حلم وردى
وزرع أخضر
واحنا ياعينى مصدقين
أو خايفين نكدبهم
علشان ...
القهر بعيد عنك وعن السامعين
ما يملاش قلوبنا
أكثر ماهو متربع فيه


تحيتى لك أخى الكريم

[ابراهيم عباس]

الأخ ابراهيم
تحية لك طيبة
أهنئ نفسى لأننى قرأت لك ولحرفك الراقى الذى يحمل بين طياته معانى عميقة كثيرة لمن يفهمها أو يريد أن يفهمها
كله نايم فى القش وبيدور
ع الأبرة اللى حتحل البخت
وتجيب الحظ
ويقوللنا نلاقى بس الفانوس
ويطلع لنا العفريت
يجيب كل اللى نفسكو فيه
وحتعيشوا حياة برية مسالمة وجميلة
كلها حلم وردى
وزرع أخضر
واحنا ياعينى مصدقين
أو خايفين نكدبهم
علشان ...
القهر بعيد عنك وعن السامعين
ما يملاش قلوبنا
أكثر ماهو متربع فيه
تحيتى لك أخى الكريم

الاخت العزيزه/
منى
مرورك الكريم اضاء القصيده
وكلماتك الرقيقه اخجلتنى
تحياتى لحسك الراقى
دمتى مبدعه:0014:

[محمد صادق .. اللورد]

ما اجملك وما اجمل نظرتك المختلفة للاشياء
رؤية لم اراها كثيرا لاشياء اراها كل يوم
سلمت اخى ابراهيم

[ابراهيم عباس]

ما اجملك وما اجمل نظرتك المختلفة للاشياء
رؤية لم اراها كثيرا لاشياء اراها كل يوم
سلمت اخى ابراهيم

الاخ الحبيب
محمد صادق
مااجمل حسك الراقى
اضأت القصيده بمرورك العذب
تقبل خالص تحياتى وتقديرى
دمت رائعا:0014:

[سيد الموجى]

اوقات
اوقات
اوقات بشوف عصفور
بيلاغى عصفوره
ماتيجى نتواعد
نلعب سوا الكوره
تقوله ياكداب
يابو رجل مكسوره

الشاعر الجميل / إبراهيم عباس
تفاعلا مع كلماتك الجميلة كتبت أقول :
العش قبل العشق
واتأمل الصورة
عصفور ضعيف وجميع
أحلامه مقهورة
وعشان كدا فأكيد
عصفورته معذورة !
دمت مبدعا

[ابراهيم عباس]

الشاعر الجميل / إبراهيم عباس
تفاعلا مع كلماتك الجميلة كتبت أقول :
العش قبل العشق
واتأمل الصورة
عصفور ضعيف وجميع
أحلامه مقهورة
وعشان كدا فأكيد
عصفورته معذورة !
دمت مبدعا

المبدع الجميل
ا/ سيد الموجى:0014:
اسعدنى اول تواجد لسيادتك باعمالى
واطمع باستمراره
اضأت القصيده سيدى
دمت رائعا:0014: