أعلان للسادة شعراء قاعة الادب الشعبى -- هام للغاية [الأرشيف]

محمود موسى

08-12-2006, 07:47 AM

أشكرك يا دكتور على طرح مثل هذا الموضوع الجميل
وأبدأ بنفسى
(
1)

جت سليمة
******
لما كان قاعد مربع
عمك الأستاذ فهيم
الخبر..
طار اتنقل له
والجيران وصلت تقول له شوف أوام
إلحق اوام
بنتك الغالية المصونة
شفت كانت راكبة فين؟
لما بيوصلها مين؟؟
طب تعالى وطل هتبص تلاقيها ..
وف إيديها الأخ مشمش
قام .. ماردش
واتسحب فى السكة يجرى واتصدم
يانهار أبوكى!!
حتى لما الناس شافوكى ،،
برضه ساحبة لى الخروف؟!
ردت النبرة البريئة :
عيب يابابا!
كل ماتشوفنى تناديلى؟َ!
هو انت مش عارف زميلى؟!!
أيوا مشمش ده زميلى
إيه؟!!
زميلك؟!!
(ثانية .. والبركان هِدى)
إيه يابنتى؟
مش تقولى!
كنت هتهور أنا ف لحظة شيطان
أعذرنى يابنى
والله كات زلة لسان
بس برضه الغلطة منها
برضه كان واجب تقول انك زميلها
عالعموم .. آدى يابنى راسك
والغلط مردود ولازما عالغدا
يابنى تآنسنا
- بس أصلى ....
-لأ مابسش
عيب عليك ترفض يا مشمش
ولا انا مش زى بابا؟!!
خد .. تعالى
والله واخدانى الجلالة انى ابوسك
وافرش الارض بورود
داحنا زارنا البدر مايل عالحدود
(بعد التعارف والغدا..)
(يتمرع عمك فهيم والفكرة طازة)
(ويميل على المحروس بكلمة )
قوللى يابنى:
لو صحيح مبسوط معانا،
ليه بقى ماتجيش تذاكر ويا نانا؟؟؟؟
ولا بابا يخاف عليك تخرج لوحدك؟
عيب
دا بيتك
هى دى مش زى اختك؟!
قوم أوام
ياللا عالأوضة المذاكرة
مش هعيد تانى الكلام
واقفلوا بابكم وراكم
النظام .. هو النظام
( يادى الهنا..يادى الهنا )
(عمك فهيم بيقوللهم اجمل وصية)
(النظام .. هو النظام)
هو النظام؟!
مانشالله عنهم ذاكروا ولا ماكانوا نفعوا
كلمنى قول
بنزين وعايم فى اللهب
نار جنب حزمة من الحطب
بتظن ايه؟!
النار ساعتها بتعمل ايه؟؟
(بالله عليك روح قوللهم)
لمين عيالكوا يمثلوا؟؟
تنبسطوا لو يتبهدلوا؟؟
ماحنا كده
بنحب دايما نختلف ولا نمتلك إلا الجدال
والعند فى نفوسنا الضعيفة المحزنة
بتخلى راجل وسطنا
.
.
زى الشوال
وبقول كفاية ،،
بعد اللى قلته لده وده
لحسن هزعل منى ناس بصين كده
ولو ان عمر الحق يوم مايكون سبب
أو يوم يزَعَّل
صحبة الخير اللى قالت
الحق فوق الراس
والراس دى ياما بتنحنى
ساجدة لرب الناس
ومادام بتسجد
الامر منه لابد هيفوق نفوسها
من بعد نوم ونعاس
ولا بد هيفوق نفوسها ..
من بعد نوم ونعاس

محمود موسى

08-12-2006, 07:49 AM

(2)
عودة ريّا و سكينة
_____
إتجَمّعت ..
ريّا اللى قالوا بتتشنق على باب زويلة
ويّا سكِينة المجرمة .. من ألف ليلة
طلعوا لنا من بين الحُفَر
و بيسألونا بالنَّفَر
بعد الحصار
إطلع لى بسلاح الدمار
هنفتّشوك ..
و نريحوك ..
من كل ظالم مفترى هنحرروك
و نخشوا عالجارة اللى جنبك بالندا
إصحى يا شبّة
يا حلاوته بيطل الدهب من بير غوييييييييييط
نَوَّر جبينك
وازاى صحيح هنصرحوا باللى ف قلوبنا ناحيتك
بس افتحى
راح نعزموكوا ف أرضكم
و بلاش من البن التقيل على دمكم
شعبك دا لُقطة
نايم لوحده من سنين
على كل طاعة و بالأدب متربيين
مايقولش غير حاضر .. نعم
ياللا افتحى
بإدينا راح تتمرجحى بحبال دهب
متقسمة طرفين عجب
طرف ف رقبتك ..
و التانى فوق برج الحمام
أصل احنا صناع السلام
حتى اسألى كل اللى جنبك
راح تعرفى إنا مَلَك
هندبحوكى بدون ماحتى ننمّلك
وابقى اعرفى
لو يوم قطعنا عنك المية اعرفى
علشان دى مية ملوّثة
بيقولوا دى البكتيريا جواها تجيب الهلوسة
راح نقطعوها
و من انهاردة الكهربة إفصل و شد
الضلمة هتعم البلد
و كفايا نورنا
و عشان تعيشى ف جو هادى
و من الليلة دى
إنسى الكيان
إنسى اننا ممكن نفوتك
أو يطلعوا قدامنا صوتك
قُصر الكلام
لو تفتحى
أو حتى مش راح تفتحى
أمرك خلاص بقى منتهى
و الرد منك صفر مركون عالشمال
و اللحظة حانت
نازلين يدوب نمْلى القلل
هنحصلوكى فى الطريق
خطتنا جاهزة بدون خلل
و ماتسأليش
ماتزوديش
ماحناش هنقبل نتسئل
ماحناش هنقبل نتسئل

محمود موسى

08-12-2006, 07:50 AM

(3)
تسعة خمسة .. تسعة خمسة
إتصل قبل امّا تنسى
كله بعد السحب فايز
عندنا مخزن جوايز
ياللا قوم اطلب أوام ان كنت عايز
خلى بالك
الدقيقة بنص أهيف
و بصراحة ان كنت هايف .. إحنا أهيف
قلنا لازما نسحبك من دم قلبك
إما تخسر .. أو هتخسر
بس إوعى ف مرة تسأل
أو تبص ف يوم وراك
لجل نقدر نلسعك من فوق قفاك
وبدون هذار
الحكاية ف أصلها لعبة قمار
نسألك و يكون سؤالنا
أغبى من مخ الحمار
واما هتشوف الفتورة
تركبك حالة شحار
غصب عنك
أو بخاطرك برضه لازم تتصل
و الطريقة اللى ف إيدينا
واحدة فى الإعلان بترقص
فيه طرق سهلة وْ رِخيصة
بس قلنا ان العرايا فى النهاية
برضه أرخص
ياللا قوم
طب لإمتى و فين هتقعد وانت بتعد النجوم
قوم و حقق ياللا حلمك
نوعدك .. هتبيع هدومك
هو ده منظر هدوم ؟؟؟
واوعى تنسى
تسعة خمسة .. تسعة خمسة
آخرتك ويانا هوسة
أو تلاقى الضغط عالى
تتلحس و تقول جرى لى
مش هقوللك تانى جرب
دى الدقيقة بنص أهيف .. نص أهيف
و بصراحة ان كنت هايف ....
هم أهيف

محمود موسى

08-12-2006, 07:52 AM

أرجو أن تنال النصوص استحسانكم ان شاء الله

د. فوزى أبو دنيا

08-12-2006, 12:14 PM

بارك الله فيك اخى الفاضل الاستاذ محمود
دوما مبدع ان شاء الله

د. فوزى أبو دنيا

08-12-2006, 12:20 PM

المراءة طفل صغير
.....لو تزعل داديها
.............ولما تثور.
ان مرة غضبت عليك
تلاقيها ف عنف التور.
ان كنت ليها حنين
.....تكونلك طاقة نور.
وان مرة تاسى عليها
.......تفور كما التنور.
فرس تحسن شكامه
يبقى لك طوع........
.............على طول

محمد إبراهيم الحريري

08-12-2006, 12:25 PM

الأخ د فوزي ـ تحية طيبة
شكرا لك من القلب ، تحياتي محب
فكرة تستحق الثناء
أخوك محمد

د. فوزى أبو دنيا

08-12-2006, 12:29 PM

المراءة طفل غيور
مصباح بنور
على حافة سور
اوعاك تثير زوبعة
ولا تكون بركان
اوعاك ف مرة تثور
ولا تكون زلزال
يهز قلب السور
تلقى القزاز انكسر
والضلمة بعد النور

إكرامي قورة

08-12-2006, 01:27 PM

معكم قلبا وقالبا د. فوزي

تحياتي لك أيها الفاضل على ما تقدمه هنا من أفكار

د. فوزى أبو دنيا

08-12-2006, 01:47 PM

العصفور

ولا كنت يوم شاطر حسن
ولايوم حلمت يكونلي سيف مسحور
ولا أركب بساط الريح ..
واعدي جزيرة المرجان
بلاد الجان..
اجيب مصباح علاء الدين
وستين من بنات الحور...
يامولاتي..
أنا ماملكش غير إني أكون نفسي
أنا العصفور..
بيفرد في الرياح...همّه
ولاهمّه حدود أوسور
يدوووور..,
والفجر بيشقشق
يلم العتمه ويزقزق
يفرَق...
من غناه النور
أنا العصفور..
ضعيف ؟؟
يمكن !!
لكن ممكن
يهز احلامنا..وهمومنا
يعلمنا الغنا والبوح
ويهدينا النهار..
ويروح
يلقّط من حنايا الروح
بقايا الخير
منيش فارس من الأساطير
أنا معرفش إلا أطير
وسامحيني....
ياست الحسن
أنا مقبلش اكون إلا على كيفي
أروح......
مطرح مايغويني الندى والنور
انا العصفور
في كل مكان ..
قليل الحيله والإمكان
أنا الإنسان...
أنا الإنسان...
بلادي العشق والمغني
أنا الشاعر...
سجين الكلمه والمعنى
وقلبي للبراح....
مندور
أنا العصفور.

عبدالمجيدعتلم

د. فوزى أبو دنيا

08-12-2006, 01:49 PM

وبجلد روحي لاجل أنام
تحاصرني الهموم ..واقوم
الاقي سؤال بيجبرني
أكون...صاحي:
و إيه يبقالي من يومي
سوى جراحي
وحبة دمع..؟
أنا صورتي بتملا الشوف
وصوتي مغنا
تملا السمع
أنا اللي الدنيا عشقتني
على شروطها
أكون صوتها..,
قبلت الشرط..
وكان الخط ..غير الخط ,
ومن يومها..
غويت الشعر
اروح للنجم لو عالي
على شمالي..
شيطان وسواس
وفي يميني قزازة...حبر
اقول الكلمه زي الجمر
تطلع خمر..
تسكر ناس
وتشعل فيهم الأنفاس
بقيت شاعر..
بقيت مهموم..
بقيت (عتلم)...!
ولما الليل..يهنّني
بيسكنّي..
ويسلب مني تفكيري
ألاقي الدنيا في سريري
ولا.. أشهى
ولا أطعم..
أنا المفعم...
لحد الموت
وبحفر نشوتي..بالصوت
وأعمل م الغنا ..حاره
والاقي دماغي سنّاره
وفتلة خيط
وقلب عبيط
بيغزل صورته ع الهامش
صحيح..عايش...؟
مفيش ف كتابي غير..أبيات
وبجلد روحي لاجل تبات
والاقي مخدتي جراحي
أنام صاحي..
واقرا ف سورة الرحمن
أنا الإنسان.......!!
ولو مش رحمته النسيان
لكان الهم خدني..لتحت
ولو وزني دهب ما ارتحت
مالكش في دنيتك صاحب
سوى العلاّم.......
أقوم اتوضا وأصلي
ولما أحط راسي..
أنااااام.

عبدالمجيدعتلم

د. فوزى أبو دنيا

08-12-2006, 01:52 PM

كانت تعدي
في الشوارع
والحارات
تزرع....فَرَح
وتسيب وراها
-لما تمشي-
في القلوب
لهفه وأهات
كانت "شهيّه"!!
عيونها كانوا..
شبّاكين
طالّين عليّا
والصبيّه
ف كل كلمه
وكل غمزه تقول ..
أنا:
ست البنات
بتقوم..
يقوم الفجر
تضحك..
يتولد من ضحكها
نور النهار
ينشر..عمار
كانت تبات..
ويبات ف قلبي حلمها
وف قلبها
يااااااقلبها
سكّر..نبات
كانت صغيره
والضفيره
تملا كل الكون صهيل
كانت:
هديل
بتميل..تميّل بختِنا
وتهزّ نخلة حلمنا
يسقط.....
غمام
وتنام..
تصحّي في العروق
أسراب.. حمام
كان حلمها فارس أصيل
أسمر ..
جميل
مصري..
جدع
لما توشوش في الودع
تلقاه دليل
كانت هديل والنيل
صحاب
طلّ الغياب
عرّاف بيقرا
فوق خريطة جسمها
مليون..عتاب
راحوا الصحاب
واتفرّقوا........
وفْضِلْت وحدي بنتظر
خمسييييين ..سنه
ولا عادش للشارع ..
هديل
ولا عاد..نخيل
ولاعادش فاضل
في الحكايه
غير......خلا
قلبي اللي عمره مااتملا
.........قلبي الجريح
وف كل ليله بينفرط
عصفور........
وريح.

عبدالمجيدعتلم

د. فوزى أبو دنيا

08-12-2006, 01:54 PM

الأخ د فوزي ـ تحية طيبة
شكرا لك من القلب ، تحياتي محب
فكرة تستحق الثناء
أخوك محمد

اخى الحبيب الاستاذ محمد
اشكرك على دعمك المتواصل
محبتى واحترامى

د. فوزى أبو دنيا

08-12-2006, 01:55 PM

معكم قلبا وقالبا د. فوزي
تحياتي لك أيها الفاضل على ما تقدمه هنا من أفكار

اخى الحبيب د. اكرامى كنت بانتظار عضدك
تحياتى ومحبتى دوما

د. فوزى أبو دنيا

08-12-2006, 02:00 PM

اخوانى الافاضل من حق اى فرد منا الاشتراك باعمال منشورة فى الواحة
تحياتى وبنتظاركم دوما

الشربينى خطاب

08-12-2006, 07:05 PM

يــا أنـــاني 00!!؟؟

دنا مرة رميت شوقي
علي الوحده وع التنهيد
ونام خدي علي كفك
وسرحنا سوي لبعيد
رسمت الفرحة في عنيَّا
حلم قلبي بيوم العيد
فبانت بسمة خجلانة
رخيت رمشي
تقوم تقول يا قاسي
لقلبي ما تحلمشي 00!!
تقول غضبان راح أمشي
نسيت شوقي وحناني
ظلمت حبي وظالمني
وبتقولي أنا الجاني
يا قسوة قلبك الجامدة
يا ناكر حبي يا أناني
ما هو الفرق اللِّي ما بينَّا
سماحة نفسي ووجداني
لوقلت يا روحي سمحيني
ومسحت دمعي وأحزاني
قلبي بسرعة ها يسمحكْ
ويرجع يحبك من تاني

:0014: :0014: :noc: :0014: :0014:
عنواني
:tree: :os: :tree:
عصفور صغير ع الشجر
زقزق وناداني
خايف أطير في الهوا
ما ارجع هنا تاني
دا الريح بتعوي ف الفضا
ومكسرَّه أغصاني
غني يا طيري وسمَّعني
نسيني أحزاني
دنا قلبي مهدك وعشك
والشمس عرفاني

عمرو عبدالرؤوف

08-12-2006, 07:33 PM

السلام عليكم
د.فوزى
موضوع جميل جدا وبحيك عليه
اسمحلى اشترك بنصوصى المتواضعة
واولها ....( إتجاه خامس)

متحسبيش وأنا جنبك...

إنّى مش حاسس،

مش من عيونى تعرفى...

أنا فين باصص،

الدنيا حبيبتى أربع إتجاهات

وأنا جنبك...

فيها إتجاه خامس،

الشربينى خطاب

09-12-2006, 06:53 AM

حَالةْ شجنْ
:os: :0014: :tree: :tree:
ساعة نزول الملايكة
لحظات ألم سكراتك
يبقي الكفن م الجنَّه
مسك ختام حياتك
أويبقي قبرك حفرة
تسكنها حتي قيامك
وعشان تطيق آلامك
ويطيب ثراك ومُقامك
احضن بحب وشوق
أمل حياتك وخوفك
******
من بين صفحات كتابك
لم الندي في كفوفك
اتوضي وطهَّر جروحك
اغسل هواك وذنوبك
واقطف ورق الجناين
اتحنَّي وداري عيوبك
******
تصبح كما درويش
ساجد علي سجادة
هايمه روحه ف الفضا
فاقت المدي وزيادة
مشتاقة ترجع للبدن
هيمانة وف حالة شجن
تميل شرق نشوانه
تبوس شمس وعصفورة
ونجمة فجر حيرانه
تهمس همس جوه القلب
تميل غرب ندمانه
ما بين اللحظة والتانية
تعيد الكرة كذا نوبه
تلاقي نفسك الفانية
تناجي المولي خجلانه
تميل تاني كمان نوبة
تقول يا رب أنول توبة

د. فوزى أبو دنيا

09-12-2006, 12:42 PM

اخوانى الافاضل
ليس شرط ان تكون اعمال الندوة جديدة ولكن اختار اقوى اعمالك لتنافس بها على احد المراكز المتقدمة.

كل الود والتحية للجميع
وامنياتى لكم جميعا بوقت طيب ان شاء الله

أحمد إبراهيم أحمد

09-12-2006, 12:52 PM

مصطفى سلام

09-12-2006, 01:13 PM

المشاركات
الأولى
-----
راعى البقر
ليه الأسد
ملك الوحوش فى الغابة
يستقوى نفسه على حتة غزالة ؟
مش دى رزالة ؟
و الديابة
تفترس قاصى النعاج
و التعالب و الدجاج
دى مش غريبة .
هوه دا دستور حياتهم :
القوى ياكل الضعيف

*****
لكنّ فيه بعض البشر
صاروا أشر من الوحوش الكاسرة
تحت دعوى العولمة
سبحوا فى بحر من الدما
هيه ديّه العولمة ؟
مش عولمة دى , إنما
دى بلطجة وقوة عضل
من غير ضمير
العلم كارثة و تطبيقاته
إن كان بلا أخلاق و دين

*****
يا عرب :
إما نغير نفسنا
و نكون صحيح ضمن البشر
أو يلتهمنا بجهلنا راعى البقر
اللى ألقى ف العراق أم القنابل ...
فى غشم
من قبله دمر هيروشيما
و الخساير فى البشر كانت جسيمة ...
و لا فيش ندم .

*****
يا عرب :
الحق يشهد فى كتابه ..
إننا خير الأمم ..
أصل الديانة عندنا و أفضل قيم
ليه انتكستوا ؟ ..هيه كلمة مفيش سواها :
لما عصيتم ربكم ..
و خالفتوا هدى نبيكم

مصطفى درويش سلام
الثانية
-----
سؤال عم خليل
----
عمك خليل بتاع الطرشى بيسألنى :
تعرفشى ليه يا بنى .. بوش ليه بيكرهنى ؟
لا عمرى اتعاملنا , و لا شفته و لا شافنى ..
و لا دُست له على طرف .. و لا شئ بدر منى .
ذنبك يا عم خليل إنك آمنت بمحمد ..
و شهدت إنه رسول الواحد الأوحد ..
لو كنت كافر , أو حتى بتعبد بقرة ..
ما كانش دا حاله معاك .. لو حتى لصنم تسجد .
عضلاته ذرية ..
و كفوف إيديه بالليزر محنية ..
رجليه صواريخ بالستية ..
أقمار صناعية و بلاوى كتير مستخبية ..
و فى الراس : أحقاد كتيرة صليبية .
أعمى البصيرة .. حمار ركبوه ولاد صهيون .
نسل القرود .. خنازير .. بشرحاقد و ملعون ..
عاملينه جزمة بيمشوا بيها براحتهم ..
أموت و اشوفك يا بوش والع فى قعر أتون .
ورث الجريمة صاغرا عن صاغر ..
دُولا يا عمى حثالة أوربا فى زمان غابر .. (1)
لا فيه أصالة و لا أخلاق و لا دياولو .. (2)
و اللؤم فى طبعهم .. و البغض فيه سافر .
ورثوا الرذائل كلها .. زودوها كتير ..
و اتسلحوا بالعلم , و الأموال .. و رزق عم وفير ..
و احنا – يا عينى – قاعدين بنتفرج ..
و ان كنا بنعمل عمل .. نبكى بدمع غزير .
بتقوللى نعمل إيه ؟ .. أقول لك يا عم خليل ..
هيّـه آيات نزلت فى محكم التنزيل ..
القوة نعدها بالعلم و الأخلاق ..
و الوحدة فرض علينا بدون تأخير .
ساعتها .. يعمل حسابنا الكون ..
لا تقوللى بوش , وديله بلير .. ولا شارون ..
نمشى و راسنا فى السما مرفوعة ..
بس إحنا نبدأ .. و يبقى ربنا فى العون .
--------------------------------------
(1) دولا : هؤلاء .
(2) دياولو: كلمة يونانية شائعة : معناها أى حاجة

مصطفى سلام

الثالثة

القلب الصبى
فاكر زمان ...
لما كان اسمه زمان ؟ ..
و القلب حتة صبى , هايص فى كل مكان ..
حفــّرت قلبين ع الشجر, بينهم سهام كيوبيد ..
و مسكت حتة حجر .. شخبطت ع الحيطان ..
و كنت فوق القناية ..
أقعد وامص ف عود قصب ..
و كتاب معايا , انزل فيه قراية ..
عن قيس و ليلى و اللى حب ..
و كتاب جميل شاعر بثينة ..
فين دا الهوى ؟ يا قلبى أين ؟
و أشوف كثيّــر, دايب فى عزة ..
و أرى ف عذابهم كل لذة ..
يا ليلى ليه بتعذبيه ؟ دا برضه دمك ..
حيصون هواك و عشرتك .. دا إبن عمك ..
يا ستى كنت اتجوزيه .. هـّوه حجر صوّان دا قلبك ؟
ياسى مصطفى , دا فضحنى شعره ..
بين القبايل , أفشى بسره ..
و افرض بأنى اتجوزت قيس ..
اتنين يمر وراه تلات .. أربع , يطلقنى الخميس ..
مجنون و ما اضمنشى الحياه ..
حتدوم و تمشى ازاى معاه ..
لو كنت حتى عملتها كيف ماانت عايز ..
دا ما كانش شعره وصل لكم , ولاكان يقول حاجة جديدة ..
و منين حيصرف كان علىّ .. صايع و عايش ع الحديدة .
فرع من الشجر, كمشان عليه عصفور ..
مكانش انفلونزا و لا أى شئ صاب الطيور ..
ميّـل عليه الهوى , شقشق بكام موال ..
رقص الفؤاد م الطرب , و كان سعيد الحال .
إيه الجمال , يادى الحلاوة , سبحانه من سوّاه ..
هـّوه الجمال فى الطبيعة , و لا ّ جوه الذات ..
نفس المناظر تشوفها .. تقول : الله ..
غيرك يقول عنها : دى أسوأ الحاجات .
أيام و راحت , و الصفا ويّـاها ..
تركت فى نفسى قصص , ما تنمحى ذكراها ..
و إن مر بالعبد الشقى بلوى ..
تدينى مدد هايل من السلوى .

مصطفى سلام

د. فوزى أبو دنيا

09-12-2006, 02:20 PM

نشكرك علي افكارك الرائعة د فوزي
واسمح لي بالمشاركة
هو الحقيقة انا ليا تلت اعمال هنا
لكني مش لاقي غير اتنين
الاول
(اول مشاركة قصيدة العاصفة)
والنص الثاني
بتسرقني
كل امنياتي بالتوفيق
أحمد ابراهيم

اخى الحبيب الاستاذ احمد
انت لك اعمال كثيرة جدا
كنت اود ان تشارك بعملين او ثلاث منها
مازلت فى انتظار اعمالك المنشورة على صفحة الندوة
محبتى دوما

د. فوزى أبو دنيا

09-12-2006, 02:28 PM

احبائى بالقاعة وداخل الندوة
بداءت فاعليات الندوة مساء الجمعه 8/12/2006
وتنتهى مساء الجمعة القادم ان شاء الله
اى لمدة اسبوع

د.جمال مرسي

09-12-2006, 06:18 PM

فكرة حجميلة أخي الحبيب د. فوزي
و يسعدني أن أشارك في المسابقة بقصيدتين :

1- حبيبي يا رسول الله .

حبيبي يا رسول الله
يا خاتم أنبياء الله .
يا مُرسَل بالهدايه من إله الناسْ ..
لكل الناسْ .
و بالقرآن تنور ضلمة التايهين
و ترجم بيه شيطان خناسْ .
و في سالف عصور الجهلْ ،
كنت النورْ .
و ينزل بالهدى جبريلْ ،
يقول : " اقرأ " ..
يزيد النورْ
و ييجي الأمر من ربكْ ،
تهاجر يا بن عبد اللهْ
تخط برجلك الطاهره طريق النورْ .
و نفضل في سنا نوركْ ...
على درب الهدي ماشيين ،
ليوم الدين .
عشان حققت للدنيا بكلْمة حق مطلبها
و خليت الطريق واضحْ
في شرقيها و مغربها
و جند الشر بالحجة بتغلبها
و تجذبها،
لدين اللهْ .
و لو كنت الغليظ القلب كانوا انفضّوا من حولك
و لكنكْ ..
مثال النُبل و الأخلاق في كل زمانْ
و جيت بالحق لجل تتمم الأديان
و تغرس في القلوب الطهر ،
تمحي الغدر و الطغيانْ .
و يتبدل سلاح الكفر و الجبروت
بغصن أمانْ .
و من نار الجحيم نهربْ إلى جنه من الإيمان
لأنّك رحمة للإنسان .
***
و بيدور الزمن بينا ...
و لا نصحصح
و تتبدل رجال و بلاد
تروح أمجاد
و ييجي ناس كتير حُسّاد
قلوبهم صخره مليانه بزيف و سواد
لا لاقوا حد يردعهم
و لا بالحق يمنعهم
فسابوا كلابهم الهايجه بعرض "المصطفى" تسرح
و تكذب تفتري تنبح
و تنشر سمها تجرح
و في الدنمارك يا حسرهْ...
لقت مطرح
و قلبي للأسى و الحزن يا "طه" بقى مسرح .
صور عِفْنه و كدابه
جرايد كلها كتابه
تعالب مكر و ديابه
و مين يا ناس يصحّينا من النومه ؟
ندافع عن حبيب الله بكلمة حق أو قومه
نشوف أعداءْ لنا بانوا و لا مرايه
إذا قابلونا وش لوش و حكايه
و لما نديّر السحنهْ ...
لهم في الضهر سلاّيه .
بتنهش لحمنا و تدبح
***
حبيبي يا رسول الله
فداك روحي
فداك أهلي و أولادي
راح ارفع بالندا صوتي
و أقول الحق لو في الحق كان موتي
بضايعهم نقاطعها
و شكوانا ، لمجلس أمن نرفعها
نخلي الأرض ، كل الأرض تسمعها
و لولا إن دين الحق علمنا
بإن الأنبيا واحد
لكنا نقول على موسى
على عيسى
و لكن ربنا الواحد
أمرنا بالإيمان بيهم
و دا الفرق اللي بين الكفر و الإيمان .
و دا العلم اللي علمته
لنا في خاتم الأديان .

2- إن حبيت تختار لك صاحب

ان حبيت تبحث عن صاحب
اركب قارب
وسط البحر و جدف جامد
اوعى تخاف الموج و تهابه
افضل حارب
لما تلاقي جزيرة بعيدة
ارمي الهلب بتاعك و انزل
و افضل ماشي
خليك ماشي
تلقى طيور ع. الغصن تغني
تلقى وحوش في البر بتجري
تلقى زهور بريه كتير
تسمع صوت زقزقة و زئير
و هناك كوخ في الغابة مضلم
امسك شمعه
و افتح باب الكوخ بالراحة
و ادخل فيه بشويش بالراحة
تلقى كتاب
شكله مغبر كله تراب
ما يهمكش ترابه و شكله
أصله قديم من عمر الدنيا
لكن كله كلام موزون
قاله لسان و لا أي لسان
قال الصاحب
اوعى تدور عنه يا صاحبي
في الإنسان .

و أتمنى أن تروق لكم القصيدتين
بارك الله بك شاعرنا المبدع
و لكم الود

د. فوزى أبو دنيا

09-12-2006, 08:40 PM

مرحبا مرحبا استاذنا الشاعر الكبير

د. جمال مرسى

نورت الندوة ياباشا

ابراهيم عباس

09-12-2006, 09:53 PM

د. فوزى أبو دنيا

09-12-2006, 10:40 PM

الرائع دوما
د/فوزى ابو دنيا
فكره جميله ورائعه بحييك عليها
مع تحفظى على انضمامنا وسط هذا الكم الهائل من الشعراء يعنى انا مش عارف هندخل وسط الاساتذه دول زى الاستاذ الشربينى والاستاذ عبد المجيد والاستاذ نبيل والدكتور جمال والدكتور فوزى والدكتور اكرامى قوره والاستاذ شاهين والاساتذه الباقيين علشان منساش حد هنعمل ايه معاهم0
بس اكيد ده هيفدنا كتير0 بنشكرك ياستاذ فوزى على اتاحت الفرصه دى لينا
واسمح لى اشترك بعملين من الاعمال المكتوبه مسبقا0
وهما
1-قصيده لوحه
2-قصيده حلم
مع تمنياتى بالتوفيق للجميع
:0014:
اخى الفاضل الاستاذ ابراهيم انت شاعر مميز ولك تجربتك الشعرية التى تستحق الاشادة

ارجو اعادة نشر العملين هنا كباقى الاعمال
هذا الموضوع منفصل تماما وللتسهيل على المارين والقراء هنا

وعلى الاخوة المشتركين نشر الاعمال هنا
حتى يسهل الامر على الاخوه النقاد فى تتبع الاعمال وتقيمها
تحياتى للجميع

ابراهيم عباس

09-12-2006, 11:10 PM

(1)
حلم
ــــــــــــــــــــــ
وانا وحدى
ف وســــــــــــط الليل
لاجانى النوم
ولاخبط على جفنى0
فقلت احلم
اكيد هيلف ويدور
بين الاموات
ويعرفنى0
واول حلم بحــــــــــــــــلم بيه
000
لقيت نفسى على خشبـــــــه
000
على مسرح ملوش اخر0
لكن مش لاقى دور ليه
غير انى اكون مع الكـــورس
فى دور صــــــــامت
بنضحك 00
وقت مايقــــــــــولو0
ونبكى00
وقت مايقــــــــــولو0
ونتمرجح على الجـــــــانبين
000
لكن اغرب مافى الموضــوع
وانا بابكى0
ودمع العين بيتفرفط
على خـــدى0
لقيت الدمع متفرفط
فى عين الناس00
لكن م الضحك؟
ـــــــــــــــــــــــــ ـــــــــــــــــــ
(2)
لوحــــــــــــــــــــــ ـــــــه
ـــــــــــــــــــــــــ ـــــــــــــــــــــــــ ــــــــــ
لوحــــــــــــــــــــــ ــــــه
00000
من ع الشمال
شجره كافور
مبقاش بيفرق عندها
صيف او شتا
وقت الربيع مايهل
مايبان فرحها
ولا تلقى ورقه منبته
فوقيها
كان واقف غراب
عمال بيصرخ بالخراب
وحمامه جايه من بعيــــــــــد
وشايله حلم مفسراه
لهفه عنيها
بس فاقت منه
وهى شايفه فى عشها
حيه نايمه ف بطنها
نام الحمام 000
مات الحمام000 مات حلمها
تحتيها
كان قاعد ولد
ماسك بعود
والهم صاحب سكته
وبقى ليه حدود
موعود ومكتوب له الشقى
ولا قلشى اه
مسدوده ياكل السكك ومغرباه
عايزاه يبطل عشقها
وهو اللى رافض
عايزاه يتوه00
00000
من ع اليمين
00000
فيه لون لشمس مروحه
ورافضه الرجوع
تايهه مابين غيمه وسحابه
وحلم ساكن فى الضلوع
وقلوع لمركب
تحت لون الشمس نامت
والحبال اترخرخت
ضلت طريقها وسلمت
لرياح قويه وصدقت
قصص الهوى
وبأدها سلمت الشراع
والموج رماها ع الشطوط
علشان تموت
وتبقى عبره لاى واحد
للهوى سلم يفــــــــوت
وسكـــــــــــــــوت
وخطوط كتيره مقلمه
ودموع لعين متألمه
وكلام قريته
بس مفهمتوش؟
حبه حروف متبعترين
على شكل الغاز اورتوش
لكن0؟ ف ركن اللوحه
مكتوب بالقلم
توقيع بخط اسمر كبير
لشخص م الفرحه انحرم
كاتب حروفه وبين قوسين
راسم( ولد)000
عايزينه يرجع وف اديه حلم البلد00
عايزينه يرجع وف اديه حلم البلد00

د. فوزى أبو دنيا

10-12-2006, 07:26 PM

أحمد إبراهيم أحمد

10-12-2006, 07:34 PM

الأخ العزيز الشاعر د فوزي
فلتسمح لي بالمشاركة بثلاث اعمال
أولهم
قصيدة رسالة إلي الاسفلت
!
رسالة الي الأسفلت

--------------------------------------------------------------------------------

[] رسالة إلي الأسفلت

ف شكل انحدار الطرق والشوارع
ف شكل اللي شاري وشكل اللي بايع
ف شكل الرصيف
اللي خبي متاعبه
وشكل اللي تاعبه
رسالتي اليك النهاردا إستغاثة
ياريتها هاتوصل لايدك لوحدك
ومايكونشي لازم كتاب الوراثة
####
عزيزي المسفلت
صباح المتاعب
صباح الركايب
صباح اللي ماشي علي صف واحد
يادوبك معدي لجسر المصايب
مدينتك زحام
بتسرق مابينا وشوش الكلام
وتسرق مابينا جميل المشاعر
ولو كنت شاعر بتعرف تصور
ماكنتش رسمتك
بانك مسفلت
###
عزيزي المسفلت
مساء الحزاني
مساء اللي جولنا وفيه جوه منهم
سلامهم أمانة
بطيبة كفورهم
وحنية ضهورهم
كفورهم .. قصورهم
مساء الغلابة
عارفهم .. شايفهم
سايبهم لعيشهم
وأخر نهارهم
بتطرد صغارهم
بيوتك بيوتكم
علي عكس قولت خواجة اما زارك
بيتفول . بيت.. فول
###
ياليل المسفلت
علي كام رصيف بينامولك غلابة
علي كام رصيف سهرانين الديابة
وحابل ونابل
وانت المسفلت
####
( يوصل مع مخصوص[iعلي أي رصيف مرصوص
لا ف شبرا لا المرج
انشالله يكون ساكن ف خصوص)
####

والقصيدة الثانيةبعنوان
أبويا

__________________________________________________ ___

ماكانشي يعرف غير طريق الصح

وكانت فرحتو لما يكون بينا

وتماللي كانت عينو ف عيوننا

وكان دايما يقولي كلام

يجوز اني ف وقت طفولتي مافهمتوش

( أموت يابني ونفسي يكون علي فرشي)

أبويا.................

كان لما يدخل هالل كطلعة بدر

ينده لنا

نجري قوام جمبو

كان يعشق العيشة ولو بالستر

وكانت ضحكتو اجمل من الدنيا

( أجمل مافيك يابا جمال روحك)

ولا كانشي يعرف زعل

دايما مبسطها

دايما يناغش امي بكلامو

وسعادتو تكمل لما يبسطها

أبويا............

دايما يحط ايديه علي اكتافي

ويقوللي دايما عيش عشان غيرك

ماتقولشي للناس عن فضلك وعن خيرك

خلي الفضايل تماللي

متكملة بالستر

اوقات كتير بيكون صحيح والدي

وف اغلب الاوقات بيقولي ياخويا

أبويا.................

قالي الكلام الاخير لكن علي صدري

روح طمن اخواتك

لسة الاوان بدري

روح قولهم العيشة مش اطماع

وتماللي حمدك يزيدك

وارضو كمان بالستر

أجمل سنين العمر كت وياه

ولا ألف اه

تقدر تقول حزني

محروم انا من ضحتك يابا

لمل الزمان قرب هنا وخدني

ورماني ف التوهة

ديت ماهيش دنيك

جايز تكون غابة

طب ليه وحشني البكا علي صدرك الحاني

وعنيا ليه م البكا نشفت وكدابة

هو انت خدت البكا والضحكة والاناشيد

أحنا اللي متنا بقي

وانت اكيد عايش

يابا

أجمل سنين عمرنا كانت معاك يابا

واجمل مافيك يابا جمال روحك

اجما مافيك يابا جمال روحك

**************
والقصيدة الاخيرة بعنوان

(وأخرتها؟)
******************
وآخرتها؟....
****
تعبت خلاص...
ومليت السكات والصمت
هربت كتير
من المشاوير
مابين ضفة أتوه فيها
وبين لحظة أكون فيها
وبين دمعة أداريها
بتخنق ف الكلام والصمت
وآخرتها
اسيب نفسي لموج عاتي
مابين صمتي ولوعاتي
واضيع بين البشر تاني
ف سكتها..
وآخرتها
أشوف نجمة تكون عالية
أكون ليها ونيس وجليس
وافرح ويا صحبتها
يامين بالحزن سكتها؟
وآخرتها
أسيب قلبي يروح مني
لاعاد فرحان ولايغني
داكان بيقول حاجات عني
ياقلبي خلاص وأخرتها
اسيب حلمي يفوتني وحيد
لاعين شايفة تمد الأيد
طشاش غطا علي الرؤية
وفتفتها
وآخرتها
خلاص مليت
ودي لازم تكون حكما
وآخرتها؟؟؟؟
****************

ختاما اخي الكريم كل امنياتي لكم بالتوفيق دائما
أحمد ابراهيم

أحمد إبراهيم أحمد

10-12-2006, 07:45 PM

دفىء المنافسة يدغدغ برد الشتاء المودة والمحبة لشعراء اجلاء
ما جمل هذه اللحظات التى نلتقى فيها معا بحب وسعادة وسوف نختار مبدع من مبدعينا الافاضل لنلتقى معه نغوص بداخلة وبداخل ابداعه وكل من حضراتكم مدعو لالقاء الاسئلة عليه
ولنبدا مع الشاعر المبدع احمد ابراهيم احمد
فليقدم لنا نفسة فى عجالة
ولينتظر منا الاسئلة وعلية الاجابه
رحبو معى بشاعرنا الاستاذ احمد ابراهيم

مرحبا... مرحبا
بعد ان تعرفنا على نفسك اولا استاذ احمد
حدثنا عن بداياتك الشعرية...
تحياتى ومودتى

أخي الغالي أبودنيا
اولا اشكرك وبشدة علي تلك المقدمة السخية التي اراها أكثر مما استحق
وجودي بين هذا الكم من المبدعين امر مختلف عن باقي المنتديات الادبية وهذه حقيقة اصارحكم بها

أنا اخي الكريم
أحمد ابراهيم احمد
بداياتي في الشعر كانت من خلال الميكرفون الاذاعي نعم
وانا في سن التاسعة عشر وكنت ادرس ايامها تعرفت غلي برنامج اذاعي كان يقدم المواهب الاذاعية بصوت العرب اسمه(شريط كاسيت) وقدمت فيه والحمد لله لاقت كتاباتي استحسان البعض
ثم كانت النقلة الكبيرة وهي اعدادي لبعض البرامج الاذاعية من خلال اذاعات مصر وتم اعتمادي كشاعر من خلالها ولعي كنت أصغر من اعتمد كشاعر في تاريخ الاذاعة المصرية
ثم كانت الندوات الادبية واللقاءات
ثم اشتراكي في كتاب مهم جدا بعنوان(مريم في عيون الشعراء)
وهو عبارة عن مجموعة من اشعار وازجال كبار شعراء مصر وقدم له فضيلة شيخ الازهر انذاك
ثم ديواني الوحيد حتي الأن(الليل والقمر)
وكان علي نفقتي الخاصة
تلك نبذة بسيطة اخي الكريم
ومنتظركم بكل شغف وحب
أحمد ابراهيم

د. فوزى أبو دنيا

10-12-2006, 07:58 PM

الاستاذ احمد
انت شاعر ذات ملمح خاص
ولك تجربة شعرية سخية ازعم انى تعايشت معها بود وحميمية
كيف ترى حال الشعر العامى الان - والى اين تسيرحركته؟
تحياتى ولى عودة معك

محمود سلامة الهايشة

10-12-2006, 08:20 PM

صابرين الصباغ

10-12-2006, 08:25 PM

أخي الفاضل
د/ فوزي
شكرا لدعوتك الكريمة
لصرح الكلمة العامية الرقيقة
انا لست بشاعرة عامية
لكن اجتهد عشقا للغتها التي ربتني
ساقدم قصيدة أسمها ..
* رحلة عمري *
للمشاركة في هذا المهرجان الرائع
لكن خارج المنافسة
فكيف لحرفي القزم أن يصارع حروف العمالقة
دمتم جميعا بكل الخير
مودتي واحترامي للجميع

مصطفى الجزار

10-12-2006, 08:36 PM

أخي الحبيب/ د. فوزي أبو دنيا.
يكون لي عظيم الشرف أن أشترك معكم في هذه الندوة.
وسأشترك بعملين قصيرين....... وكلاهما إهداء إلى.... هيئة الأمم المتحدة (علينا).
-1-
تِعْبان شَرَاقي
تِعبان شراقي ولابِس بَدْلَهْ أنتيكَهْ
طابِخ سمومُه عَسَلْ وسابِكها تسبيكَهْ
يِيجي عليكْ يُقرُصَكْ قالْ يعني بِيبُوسَكْ
إسمُه الحقيقي (حَنَشْ)... والشُّهْرَه (أمريكا)
دِيلُه اتقطعْ قامْ صَرَخْ: "إنتو اللي عامْلِينها"
عَمَّال يدوَّر لِنا على أيّ تَلْكِيكَهْ
نِفْسُه يِجُرّ الشَّكَلْ ويبُخّ إسلامْنا
بالسمّ.. أو يمسحُه م الكون بأسْتِيكَهْ
يا ابنِ الـ... أُمَمْ.. إختِشي.. دا احنا اللي فاهمينَكْ
عَمَّال تدُوس أرضنا وواخدْها تَمْحِيكَهْ
دِيلَكْ يا حِلْو اتقطعْ... واللي قطع... واحدْ
شُوفْ لو جِيناكْ كُلّنا راحْ نِعمِل ايه فيكا
نَدْرٍ عليّا لاغنِّي يوم ما اشوف راسَكْ
مقطوعه وارقُصْ واقولْ.... دُقّي يا مزّيكا
*******-2-
دَبُّورْ زَنّ
دَبُّورْ زَنّ على خراب عِشُّهْ
طايح فينا بظلمُه وغِشُّهْ
(بِنْ لادن) ضرَبه على غفله
والضرْبه رَنّتْ على وِشُّهْ
دبور زن على خراب عشه
*****
داير وِسْط الخلْق يقرَّصْ
عامِل فيها فَكيكْ ومْخلَّص
وف يوم قامْ من نومُه معمَّصْ
لقى بُرجين في دقيقه اتنَشُّوا
*****
(بن لادن) بيلاعِب (بُوشْ)
بيقول له: "قرَّبتْ تبُوش"
حُوش الميه ف حِجْرك حُوش
قُوم انتَ و(بلير) اتمَشُّوا
*****
الأفغانْ مش فارقه معاهم
لا حضاره و لا مال ويّاهم
ولا أبراج طايره في سماهم
شعب بيِرضى بْدُودُه ومِشُّهْ
******
أما العراقيين وادْ عَمّ
رجاله بإراده وعَزْم
بيرُشُّوا الظالِمْ بالدمْ
لو بالْمَيه ف يوم اترَشُّوا
******
يا أمريكا قُولي الحقّ
حطّيتى إْيديكي في الشقّ؟
أنا عارفِكْ هاتقولي: (لأ..
يا اللي لسانَك عايزْ حَشُّه)
*****
مجنونَه بْظلمِكْ وبنارُهْ
بس جنانِكْ لُه أعذارُهْ
ما هُو بُرْجِينْ من عقلِكْ... طاروا
واهو حِصْنك (بنْ لادن) خَشُّه
*****
يا أمريكا كفايه سِيبينا
بطّلي بقى تتحكّمي فينا
مش هانطاوعِك لو تنادينا
صوتك راح نرتاح من وَشُّه
*****
أكْلِكْ... مش راح ناكُل أكْلِكْ
شكْلِكْ... مش هيغُرّنا شكْلِكْ
لو تضحكي مش راح نضحك لِكْ
والدِّشّ الملعونْ هنْدِشُّهْ
*****
لو عايزه تحاربي الإرهاب
رُوحي الأقصى ودُقّي الباب
هتلاقي خنازير وكلاب
بِلْحُوم الأطفال اتعَشُّوا
*********

د. فوزى أبو دنيا

10-12-2006, 09:25 PM

اسمحو لى ان اقدم لكم من خلال فاعليات الندوة - السيرة الادبية لبعض شعرائنا المشاركين فى فاعليات الندوة
بجانب الحوار الدافىء الجميل مع شاعرنا الكبير احمد ابراهيم

وهنا نقدم لشاعر لايحتاج لمن يقدمه ولكنه يقدم نفسة من خلال ابداعه وسيراته الادبية العطرة
رحبو مع بالشاعر المبدع

مصطفى الجزار

- الاسم: مصطفى أحمد إبراهيم محمد الجزار.
- تاريخ الميلاد: 3/1/1978 م.
- من مواليد محافظة الجيزة، بجمهورية مصر العربية.
- حاصل على ليسانس الآداب، قسم اللغة العربية، من كلية الآداب بجامعة المنصورة.
- دبلومة المعهد العالي للدراسات الإسلامية، ودراسات تمهيدية للماجستير.
- يعمل حالياً مصحِّحاً لُغوياً بكبرى دُور الترجمة والنشر في الوطن العربي (لن أذكر اسمها حتى لا تكون نوعاً من الدعاية).
- الإنجازات الأدبية للشاعر:
• حصل على المراكز الأولى على مستوى جمهورية مصر العربية في عدة مسابقات شعرية أقامتها وزارة الشباب المصرية ووزارة الثقافة وبعض المؤسسات الأخرى، ومنها:
• المركز الأوّل للجمهورية في المسابقة القومية للمناسبات الدينية (غزوة بدر) بقصيدته (إن تنصروا الله).
• المركز الأوّل للجمهورية في مسابقة المجلس الأعلى للثقافة (القدس الماضي والحاضر والمستقبل) بقصيدته (قدساه يا أماه عودي).

• المركز الأوّل للجمهورية في مسابقة مؤسسة اقرأ الخيرية سنة 1998م ، بمجموعة شعرية.
• المركز الأوّل للجمهورية (للمرة الثانية) في مسابقة اقرأ الخيرية سنة 2002م، بمجموعة شعرية .
• المركز الأوّل للجمهورية في مسابقة وزارة الشباب حول سيرة الرسول (ص) بقصيدته ( هذا محمد).
• المركز الأوّل للجمهورية في مسابقة (لقاء الأدباء والشعراء) التي أقامتها وزارة الشباب المصرية بقصيدته (حربٌ ضد الـ... إرهاب).
• المركز الأوّل للجمهورية في مسابقة (أحلُم أن أكون) التي أقامتها مؤسسة الأهرام، ببحث عن شخصية أمير الشعراء أحمد شوقي.
• مثَّل مصرَ في لقاءات دولية، في ليبيا عام 2000، وفي سوريا عام 2002، وفي السودان عام 2006.
• حصل على المركز الأوّل على مستوى الوطن العربي في مهرجان الشباب العربي التاسع الذي اشتركت فيه أربع عشرة دولة عربية، ونال الميدالية الذهبية للمهرجان في مجال الشعر، وذلك عام 1998م بقصيدته (عروبتنا تناديكم).
• له ديوان شعر فصحى بعنوان (لا تذبحوا ضوءَ القمر)، وله عدة أعمال شعرية أخرى تحت الطبع (فصحى وعامية).
**********

مصطفى بطحيش

10-12-2006, 09:42 PM

الله الله الله يا جدعان مصر

تعالوا واسمعوا مني
انا لاجل اللي في قلوبكم
اصالة وفرح
نسيت همي
وشفت الفجر من همسة
بقت لمسة تداوي الجرح
ولسه يا مصر لما
احب احلم
اروح لنيلك الظمآن
أتعلم
واعلي الصرح !

تحية لقلوبكم البيضاء

د. فوزى أبو دنيا

10-12-2006, 09:49 PM

الله الله الله يا جدعان مصر
تعالوا واسمعوا مني
انا لاجل اللي في قلوبكم
اصالة وفرح
نسيت همي
وشفت الفجر من همسة
بقت لمسة تداوي الجرح
ولسه يا مصر لما
احب احلم
اروح لنيلك الظمآن
أتعلم
واعلي الصرح !
تحية لقلوبكم البيضاء

الله الله على حضورك ياستاذ مصطفى
حضور جميل وتفاعل راءع
شرفنا حضورك

أسماء حرمة الله

10-12-2006, 10:06 PM

السلام عليكم ورحمـة اللـه وبركاتـه

تحيـة طيّبـة

الأستاذ الكريم د. فوزي،

باركَ بكَ ربّي وبجهودكَ الطّيّبـة، بروحك البيضاء التي تزرع الحماسَ بكل مودة وجمـال ..
معكمْ بإذن ربّي أتابـع، وماكنتُ لأتأخّر بمشاركتكمْ هذه الشرفة الرائعة لو كنتُ أكتب شعراً مغربيًا شعبياً :001:
مستمتعة بماأقرأ ..أدعو لكمْ .

فائق تقديري لك وللكريمة ينابيع ولجميع الأحبّـة :0014:
وألف طاقة من الورد والندى

د. سلطان الحريري

10-12-2006, 10:48 PM

الحبيب الدكتور فوزي أبو الدنيا
الأحبة شعراء العامي في واحتنا
الأحبة مرتادي هذه القاعة الجميلة
أتوجه إليكم بالحب والتقدير ، وأتابع نشاطكم الذي يثلج الصدور ، ويسمو بهذا الأدب الجميل..
سأعود بالتأكيد متابعا ومعقبا ، وأشكر الحبيب الدكتور فوزي على دعوته الكريمة.
لكم حبي المقيم

فاطمة معتصم

10-12-2006, 11:18 PM

شكرا لك سيدي على هذه الدعوة

سعيدة لأنني يبنكم هنا

سؤالي للضيف المحترم

ما تقييمكم سيدي للشعر العامي العربي بصفة عامة ؟ هل حقا لا زال يخدم القضايا المعاشة ام ان الشعرا ء اخدوا يهتمون اكثر بتحويل القصائد إلى كلمات اغاني لتكون اسهل للوصول إلى المتلقي دون ان تحمل في ذاتها هدفا تسعى لتحقيقه؟

هو سؤال كثيرا ما ناوش ذاكرتي و كم وددت ان اسمع ردا عليه من رائد للشعر العامي

تحياتي و تقديري

محمد كارم

10-12-2006, 11:21 PM

السلام عليكم
أسعدني كثيرا دعوة الأستاذ الجميل د.ابو دنيا حيث أنه اعتبرني شاعرا
وإليكم أول قصائدي في هذه الفكرة الجميلة

رباعيات مصرية مكبوتة

قاعدين عليك يا طريق مستنيين الفــــرج
بنفصل المواوويل على اللي حاله اتعــــــوج
بنموت على اللي بعد بنموت على اللي خرج
يارب ليه الحقيقة يمنعها فينا الحــــرج
.......... وعجبي
الفقر ماله دوا والحظ ليه معكــــوس
والدنيا متشقلبة والحال كده منكوس
ما تموتونا بقا ولا تهاجرونـــــــا
يا تعيشونا غنم وتزودنا فلـــوس
.......... وعجبي
الحلم ماله كده تعبان ومش قـــادر
وبيوته متعتمه والطعم فيه فاتـــر
عمال ينوح بالبكا وعيونه ليه خايفة
فرضوا عليه خصخصة يارب يا ساتر
.......... وعجبي
الحب بيته القمر حريته أســــوار
والعشق فيه جمرته أكلك منين يا نار
يا حب ليه جنتك نادرة ما بتدومــش
حتة كمان خمرتك آخرها طعم مــرار
.......... وعجبي
يا شعر ليه كلمتك ما بقتش زي السيـــف
ولا عدت ترسم أمل ولا عدت تلمح طيف
كل كلامك صار بالغش والتأليـــف
وصبحت تكتب أوامر يا حاكمين الزيــف
.......... وعجبي
القلب باع الضنا وبيحضن القســـاوات
وصبح بليد الخوف على حبه اللي مــات
سكة حياته شقا كل الكلام ميـــــت
يا قلب ليه غنوتك صبحت رماد ورفــات
.......... وعجبي
الصقر يطلع لفوق يسبق ضلوع الريــح
لا يهمه سلطة بشر لا أذن أو تصريـــح
يا هل ترى يا صقر فرحان بحريتــك
ولا انت برضه كده قلبك ماليه تجاريح
.......... وعجبي
الليل ملت دروبه م السكات اللي سكــــن
دارت تنوح ع الكلام اللي اندفــــــــــــــن
ولمحت من بين السواد لون البياض ــ قولت الأمل
روحت ألمسه طلع الأمل توب الكفـــــــن
.......... وعجبي
يارب يا أبو الرضا افتح لنا بابـــــك
وابعدنا من العدا قربنا لاحبابــــــك
تعبت كتافي من الذنوب اللي اتمـــلت
ع الرغم انك قريب م العبد لو سابــك
.......... وعجبي
شفتك هناك يا وطن قولت أنا جيـــلك
معرفتش اني ضعيف لسه بناديـــــلك
فجأة اللتقيتك نيل يروي ضلوع قلبي
فجأة التقيتك قمر قايدة قناديـــلك
.......... وعجبي
يا قلوب عليها الصدا يا عقول ماليها البور
ولا عمره كان النوربالعافية أو بالــــــــدور
ولا عمره كان الرضا حبة خطوط مايلـــــة
ولا عمره كان الرضا بالحلم والمنظـــــــور
.......... وعجبي
يا رايحين للنبي يا واقفين ع البـــاب
طلبي بسيط والنبي طلبي مالوهش ثـواب
قولوا للحبيب النبي مسألتي عايزة جواب
مين ييجي بعدك نبي والكل صاروا تــراب
.......... وعجبي
يا ميتين بالعدد يا ميتين بالـــدور
توب الإهانة اتفرد سيف الحيا مكســور
لو كان ما بينكم ولد شايف طريق النور
ليخطي صوته الأبد ويهد باب الســــور
.......... وعجبي
أيوب ما كنش صبور أيوب ده كان مرغـم
لو خيروا ايوب بين الأنتظار والمــــــــوت
لاختار يموت أرحم لاحسن يموت مكبــوت
.......... وعجبي
ماشي على السير اللي سف من العـــــدم
شايف أماني بتنطفي وبتنهـــدم
وقفت سيري وانفلت مني الجــــواب
يا هل ترى أخر الحكاية دي ندم ولا ألم
.......... وعجبي
يا معلمين القلم يكتب كلام تهجيس
بالدور كده يتهم ويفبرك القصاقيص
وبدمكم يترسم لون الحيطان في النفي
يا الصلب والمشنقة والموت بلا ترخيص
………………………………………..و� �جبي
وصل التراب الحلق من عفرتك يا طريق
يامجربين الشنق من فيكو لسه بريء
والموت ده ليكو شفا يا عاشقين الوطن
ياتدوروا ع الأرصفة والسجن ليكو صديق
……………………………………….وع جبي
وطلعت فوق السما باصص على الملكوت
شوفت الخلايق عدم تستنى أو بتفوت
ولمحت فوق العدم حبة كلام مكتوب
الأولى كلمة نعم وآخرها كلمة موت
……………………………………….. وعجبي
يا عاشقين الوطن جوة السجون أسوار
هيموتوا لويعرفوا مابينكوا من أسرار
وتلاقي لوحة عدم منقوشة فوق الراس
من فيكو يعشق وطن لازم يخش النار
………………………………………… وعجبي
شعر محمد كارم
2/2/2004

محمد كارم

10-12-2006, 11:29 PM

وإليكم القصيدة الثانية

بعنوان

ترانيم الغربة

(((حوار الأبن)))

خارج منك
ماشي بجرجر حلم قديم
خارج وانا جدران اكتافي انكسرت
م الضلمة ومن التعتيم
شايف ضلك جاي يلحقني
شايف رملك ماسك قدمي
حتى هواكي بيرجعني
بس الحلم تقيل على ضهري
وانا شايف روحي
بتقتلني م التعذيب
شايف عربيات الغربة
بتحمل هجرة لفرنسا وتل ابيب
ملت روحي من الفوضي
ومن الترتيب

(((حوار الوطن)))

برده هتمشي
شوفت اليأس أوام من بدري
راجع نفسك
راجع كل أنامل جسمك
قلب جوه أجندة شعرك
اسمي معلم جوة في وشمك
برده هتمشي
خارج مني وقلبي واكلني عليك في الغربة
يا ولدي
مش هنساك
ولا هيأس يوم انك ترجع
كل ما تطلع شمسي هشوفك
هالمح ضلك وأغزل توبك
كل ما تبعد عيني عليك

(((حوار الأبن في ديار الغربة)))

يا غربتي
نارك بتاكل في الضلوع
وماعدش فاضل غير راقين
صبر وبكا
ولا عادش فاضل غير فتافيت
الكلام
بالعافية بنرد السلام
وهناك على الارض الغريبة
كل حاجة منطفية
كل الشوارع والبيوت محتاجة
يتفك اللجام عن قلبها
وشي الحزين مالهوش ملامح
مالهوش معاني في الكلام
مش هتلاقيله ترجمان
فرحك وحزنك مقطوعين من
سكة الليل الجعان
حتي الهوا مالهوش امان

(((حوار الوطن)))

سامعة انينك
شايفة طيف حزنك
واصلي في السما
كل دقة قلب ليك
مترجمة
بص في سماك مهما تكون
هتلاقي صورتي معلمة
في نظرة عنيك
غمض عنيك
هتشوفني عندك ملحمة
متقسمة مية وشجرة
والسواقي المغرمة
لدقة طبولك في الوصول
ارجع تلاقي بسمتك
شايلاها عندي قبل مايموت
الابتسام
لجل ما تشفي البكا
عارفة وصابرة ع العناد
لكن ترابي مش هييجي في يوم
يفارق لون بشرتك
جواك أنا
جواك وطن اسمه أنا
جوه ملامحك شكلي أنا
صوتي أنا صوت نبرتك
مهما بعدت وروحت واتحطيت
وطالت سكتك
مش راح يساعك حضن تاني
غيري أنا
ارجع هنا
وحياتي عندك
لملم الشوق اللي باقي مننا

(((حوار الابن ( العودة))))

جايلك بحبي
جايلك بجري
شايل حلمي و كفني وبدني
جايلك راكع
جايلك محني
جايلك شايل همي وببكي
جايلك وسط الناس والتوهة
وعارف انك حافظة ملامحي
لامح ضلك جاي يحضني
سامع نبضك بيزغردلي
سامع صوتك
عايز احط همومي في جوفك
وابكي
مش راح اغيب عنك
يا حبيبتي
مش راح اغيب عنك
يا حبيبتي

تمت في
2/2/2005
شعر محمد كارم

د. فوزى أبو دنيا

10-12-2006, 11:36 PM

اخيرا الشاعر محمد كارم هنا
عانقت عيناى اعمالك فاثلجت صدرى
تحياتى ومحبتى لك

د. فوزى أبو دنيا

10-12-2006, 11:48 PM

السلام عليكم ورحمـة اللـه وبركاتـه
تحيـة طيّبـة
الأستاذ الكريم د. فوزي،
باركَ بكَ ربّي وبجهودكَ الطّيّبـة، بروحك البيضاء التي تزرع الحماسَ بكل مودة وجمـال ..
معكمْ بإذن ربّي أتابـع، وماكنتُ لأتأخّر بمشاركتكمْ هذه الشرفة الرائعة لو كنتُ أكتب شعراً مغربيًا شعبياً :001:
مستمتعة بماأقرأ ..أدعو لكمْ .
فائق تقديري لك وللكريمة ينابيع ولجميع الأحبّـة :0014:
وألف طاقة من الورد والندى

مرحبا بالاستاذه اسماء فى دارها
شكرا لتلبية الدعوة

د. فوزى أبو دنيا

10-12-2006, 11:50 PM

د. فوزى أبو دنيا

10-12-2006, 11:52 PM

شكرا لك سيدي على هذه الدعوة
سعيدة لأنني يبنكم هنا
سؤالي للضيف المحترم
ما تقييمكم سيدي للشعر العامي العربي بصفة عامة ؟ هل حقا لا زال يخدم القضايا المعاشة ام ان الشعرا ء اخدوا يهتمون اكثر بتحويل القصائد إلى كلمات اغاني لتكون اسهل للوصول إلى المتلقي دون ان تحمل في ذاتها هدفا تسعى لتحقيقه؟
هو سؤال كثيرا ما ناوش ذاكرتي و كم وددت ان اسمع ردا عليه من رائد للشعر العامي
تحياتي و تقديري

تحياتى لحضورك الكريم سيدتى
وفى انتظار اجابات شاعرنا الاستاذ احمد ابراهيم
فاليتفضل

معتز الشربيني

11-12-2006, 12:02 AM

بداية اتوجه بعميق شكري واحترامي لأستاذي د/ ابو دنيا علي دعوته الغاليه لي وتقديره الذي اعتبره اغلي وسام علي صدري

واتمني ان اكون عند حسن ظنه دائما

وشرفت بتواجدي بينكم

معتز الشربيني

11-12-2006, 12:05 AM

بسم الله نبدأ
اسمحوا لي ان اقدم عمل قريب الي نفسي لإرتباطه بذكري غاليه علي وماض جميل
(1) سيبه يحب
عشت سنين من غير الحب
ولما رجعت يا قلبي تحب
تلقي حبيبك فجأة يسيبك
وأنت تقول ده معندوش قلب
*******************
اصل حبيبك مش بخياله
انك كنت في يوم تهواه
ولما لقي اللي بيشغل باله
حبك لازم بقي تنساه
***************
سيبه يحب وشوفه بيفرح
شوف بعيونك قلبه سعيد
شوف الحب شجرته بتطرح
دنيا جميله بشكل جديد
***************
سيبه يحب وسيبه يعيش
شوفه بيبعد وماتبكيش
وابدأ تاني ياقلبي طريقك
كل طريق في بدايته مفيش
**************

معتز الشربيني

11-12-2006, 12:11 AM

(2) أمي

(موال)

الاوله
قلت اجيلها واغنيلها .. ملقيتش كلام يكفّيها
والتانيه
قلت اردلها جمايلها .. ولاقدرت مره اوفّيها
والتالته
قربت منها وبحضنها وبدعيلها يارب خليها
******************
(اغنيه)
مهما هاقول وهاغني يأمي
ولو هاوصف مقدرش اوفيكي
ده انتي ف روحي وجوه في دمي
وقلبي يدق وعايش بيكي
************************
ياما سهرتي تشيلي في همي
وقت ما قلبي بيقسي عليكي
واتحملتي تربي.. تضمي
يبقي قليّل لو افديكي
*********************
ياما ضعفت وجيتلك برمي
كل حمول الدنيا عليكي
تلمس ايدك راسي تسمّي
وراحه قلبي في حضن ايديكي
**********************
واحلي ايام لما انتي تلمي
كل احبابك كده حواليكي
ونقعد سوا وياكي نغني
وندعيلك ربي يخليكي

معتز الشربيني

11-12-2006, 12:12 AM

اعتقد كده العملين خلصوا ولا مسموح احط عمل كمان اخير ؟؟؟؟

معتز الشربيني

11-12-2006, 12:25 AM

يحيي النادي

11-12-2006, 01:30 AM

وخارج من سنه وسبعين ف دنيتكم
بايد توصلني بالعكاز
وايد تتمد
صعيبه الرحله من غير أهل
من غير حد
وانا عمري ماشلت الذكرى لامبارح
ولا القسوه
ولا مستني شكل الغد
انا القلب اللي كان أبيض
ولا اسودش
انا الآهه اللي تنخر ف العيدان لكن
ما بتهدش
انا الصخره
انا الصخره اللي أتقل من حمول الصبر
انا الصابر
انا الصبّار
وريقي أمر م العلقم
وروحي أخف من ضلي
ومال الدنيا مش مالي
أنا السائل طلب حسنه
ويفتكروني ما بحسش
ولا برثيش على حالي
تقيله الكلمه
بس أخف من جوعي وأحمالي
ولا عندي ميراث والدي
ولا عندي كنوز والي
ولا باتقن فنون النصب
انا الزاهد لكين بالغصب
انا الطواف ف عز الليل
ف عيني بتنطفي القناديل
وعمري ما اكل
عمري ما أميل
عصايتي واخده من عودي نحافتها
أصيله وعندها اخلاص
ولا توقعني ف الخيه
ولا تخونني وتتحول تصير حيه
انا الطواف وعمري ما أخاف
كلاب السكه أصحابي
وعارفيني من الخطوه
بلقى نوحي ف نباحهم
واجمع عيشي مع عيشهم
وافرش خيشي على خيشهم
ف ركن بعيد من لشارع
وكله ينام ويتغطى
وكله بيرضى ويطاوع
ونصحى الصبح لما اصبح يندهنا
ويمحي عنا صورة الامس
يوصلنا لطريق الشمس
بدون أجره
وارجع تاني للدايره
وأستجدي ف عطف القاعده والسايره
ويكسفني اللي يكسفني
ولا بقدر أحاسبهم
ولا بامشي ف مواكبهم
ولا تصيدني شباك الهم
غير من فوق مراكبهم
وجيت اليوم دا يمتكم
وقلبي دقته زغاريد
وحلم امبارح الماثل أمام عيني
بيشجيني
وجدت نهايه للدايره
وشفت نهايه زي العيد
وهربت مني تجاعيدي
وجوف قلبي ملاه النور
ملاه الطهر
وجاتني عديتي بالامر
جاتني عديتي أنهار
يا أنهار العسل والخمر
ووسط التوهه والملكوت
لمحت قصور عليها اسمي
ومتزخرف بروح رسام
صحيح الحلم بينسي
شقى الايام واذلالها وحوجتها
معادتشي على بالي
ولا كنتش على بالها
وبتعدي بتفاهتها وبهبلها
ولا بقدر أعاتبها
وانا موصول بعتبتها
وانا واقف على بابكم
ومش شايف شعاع الشمس دا النازل
وبيغازل سمار الوش وعيونكم
انا عيني على جيوبكم
ومش هاخجل كبر سني كما العاده
وهاطلب منكم الحسنه
دا انا من ساعة أما فقت من حلمي
ف يومنا ده
بلم القرش ع القرشين
عشان نفسي أجيب حتة قماش ساده
بلون أبيض
واعمل بيها لبس جديد
ميشبهشي ملابسكم
ولا ينفع يناسبكم
عشان عيدي اللي عمره ما جه ف تفكيركم
عشان عيدي اللي عمره ما كان ف يوم عيدكم

د. فوزى أبو دنيا

11-12-2006, 02:06 AM

استاذ ابو دنيا انت قدمت لي هديه فعلا
لقد فوجئت بوجود استاذ شاهين ابو الفتوح هنا
وانا احبه كثيرا وهو لا يعرفني
ولكنني اعرفه
من اعماله المتميزه للمطرب الرائع الذي احبه جدا جدا " محمد الحلو "
شكرا لك استاذ ابو دنيا
وتحياتي للأستاذ شاهين
وأود ان انضم لصحبتكم الجميله ان لم يكن لديكم مانع
اهلا بك ومرحبا بالاحبه بيننا
تحياتى ومودتى الصادقة

مرحبا ...مرحبا
بشاعرنا معتز الشربينى
للمسابقة تختار عملين وللندوة يمكنك اضافة عمل ثالث
وبانتظار اعمالك بالقاعة

د. فوزى أبو دنيا

11-12-2006, 02:07 AM

ولنرحب ايضا باخونا

د. يحى النادى
ومرحبا بك بيننا فى واحتك وبين اخوانك

وفاء شوكت خضر

11-12-2006, 04:31 AM

د. فوزي أبو دنيا ..

إبداع ورقي فكرة ، وجمع جميل لشعراء الشعر الشعبي .
نحيي هذا الجهد منك ، وستجدنا دوما هنا معك ومع كل المشاركين .

شكرا لك على دعوتك الرقيقة .

لك التحية والتقدير .
ودي .....

معتز الشربيني

11-12-2006, 06:19 AM

خلاص يبقي نخلي العمل ده للندوه

مع ان نار الحب تلمسني تحرقني
مع ان اهه قلب تسكني تملكني
لكنني مصمم اعيش الحياه
وارفض ياقلبي يوم تسجني
******************
مشكلتي الحب من غير حدود
مشكلتي طبعي اللي باني السدود
بيني ومابين كل القلوب
مشكلتي لازم افك القيود
****************
مشكلتي لازم اغير حياتي
مشكلتي لازم ابني لذاتي
صرح جديد بدم جديد
واغير نفسي بكل سماتي
*****************
مشكلتي مين راح يوم يساعدني
من حيره قلب ونار بتاكلني
مين راح يجعل تاني حياتي
زي ما كانت يوم تسعدني
*****************
وحدي الطريق انا شايفه محال
وتبقي الجنه في عيني اهوال
محتاج لصديق .. يحميني حقيق
ويملا عليا حياتي جمال
******************
ادعوك يارب ارجوك ترعاني
ارضي عليا بلاش تنساني
ابقي معايا وكون جوايا
واهديني لراحة بال واحشاني
****************

عايده العشرى

11-12-2006, 07:16 AM

السلام عليكم أهل الواحه الكرام
تحيه خاصه لك د/ فوزى على مجهوداتك الطيبه
والف شكر على دعوتك الكريمه
اسمحوا لى ان اضع مشاركتى هذه للندوه
أنا شاعر
انا شاعر ونفسى يااااه
فى مدينه تساع الكل
وأفلاطون واخد منى مفاتحها
ملضّمها كعقد الفل
وشايف من بعيد نورها
برغم الضل
نهار بيلوح
انا شاعر وعامل من حكاياتى
سفينة نوح
ومالك جوا كلماتى وحروفها
نواصى البوح
ألملمها وأنظمها
وأنثرها وأبعثرها
عبير ع الكل
وين ما تروح
تعالى معايا يالا قوام
واتمسك بمجدافى
وأرمى الحزن والالام
ورا ينبوع أمل صافى
وخلينا نشوف بكره
عيون صاحيه
ومش هتنام
غير امّا ترجع الانغام
فرح هيهل
ويتلاشى أنين النوح
تعالى نقوم نصحى الليل
ونغزل عشقنا مواويل
على السمره ام خصر نحيل
فى توب أخضر وطرحه تل
وخطاويها جنان ودوح
على ضفاف الامل ...والنيل
سلاسل فضه دى وللا ياناس تراتيل
لنجم الليل
بيتوضى فى نسيم الطل
وتسابيحه ترد الروح
خيال شاعرماهوش تهويل
ولا تضليل
دى احلامنا ودى قلوبنا هدى ودليل
بكلمة حب هنداوى جريح وعليل
وكلمة حق تفلق النهار م الليل
نقولها امام حاكم جائر
مادام بالصدق, ونجاهر
وقاصدينه كريم قادر
رحيم عدله ده فوق الكل
عليم بالنيه قبل البوح

عايده العشرى

11-12-2006, 07:24 AM

وتقبلوا منى هذه المشاركه للمسابقه حاولت ان اسلط فيها الضوء على بعض سلبيات مجتمعنا

احباط
ف بيتنا قاعد انا وهاطق
اياكشى حتى تتطـــــــــربق
ما لهمشىعندى ايها حق
من يوم ماخنقوا انفاس حُرّ
يادنيا جيت لك بحياتــــى
بالحب فارد درعاتــــــى
لوحتى هاعمل قرداتى
لابد هاوصل فيكى لبرّ
تعليم وعشت انا فيه رحال
محاسبه وادارة اعمال
وكل ده والبخت اهو مال
لا فيه عمل ولامال بيشُّرّ
قعدت احسب غنماتى
شبابى ويّا شهاداتـــى
لفيت انادى واهاتـــى
ورجعت حلقى علقم مُرّ
بعد الجنيه ما غرق او عام
وخصخصة المـــال العــام
بقت الوظيفه من الاحلام
وقالت البطاله ياشر اشترّ
قالولى ف البيزنس فكــــــر
تزرع سطوح البيت اخضر
مشروع صغيّر و هيكبر
وينشلك ياحبيبى م الفقــــــر
وفين ياناس البيت ده بجــــد
وشقة امى يادوب ع القـــــد
وسطوح عماره مايطلعه حد
الا لتركــيب دش اكـــــــبر
قالولى ف الصحرا اشترى ارض
صندوق شباب قدّم على قــــرض
بس الروتين ف بلادنا ده فرض
و قفايا للعيش بيقمــّـــــــر
عبد الروتين لاحلامى دمـّر
عايز ضمان م القرض اكبر
وامضاءات ضامنين واكثر
ورشتين بجراءه وامُــّـــــر
يامجتمع لروتينك عبــــــد
واقف فى وش الاحلام سد
هتنسفه هنوصل للمجـــــد
خلى الكون بشبابه يعمر
عايده العشرى

عايده العشرى

11-12-2006, 07:31 AM

بنات اليوم
مين اللى واقفه هناك ع البعد مين هيه
خير وللا أيه يارب دعكت ف عينيه
وأعوذ بالله منك أنسيّه.؟؟؟.....جنيّه؟؟؟
قربت فاتح عيونى وعرفت مين ديه
دى حفيدة المصطفى كانت زمان هيه
بنت الايمان والتقى بالطهر مكسيه
قوليلى ايه اللى حصل قالت بنديّه
ألحق بركب التطور لأبقى منسيه
قالوا لنا ياللا تحرر فتحت انا عينيه
(1)
أقمار وفضائيات تنقل بحريّه
عالم جديد وحياه كانت متداريه
دلوقتى طرف صباع يقلب لك الدنيا
بنات من سنها او اكبر شويه
ع الموضه يتكلموا دلع وحنيه
بأنوثتك عبرى
بجمالك اتغندرى
ولعلعى هتشعرى
بسعاده أبديه
ولو أنت متحجبه وماله ياعينيه
عاملين لك الأزياء بفنون طرزيه
وطُرّح الواناتها جذابه مغريه
فقد الحجاب معناه شويه بشويه
سحبوا البساط تحتها وقفت على الميه
دلوقتى فين ياترى خطوتها اللى جايه؟؟
(2)
دى معاهد التجميل مفتوحه يا صبيه
على كل لون ياجميل تتغير البنيه
شفط تكبير تصغير وبقيتى واحده ثانيه
(3)
دلوقتى ملكات جمال فى مسابقه سنويه
تتهافت الجميلات على عرش وهميه
وكله بالمقاسات خارجيه داخليه!!!
واستر يارب البنات داخله أهى الخيّه
تخلع براقع الحيا وتنقط الغاويه
والجايزه تاج أبليس وصعود للهاويه !!!
فى السينما تكون نجمات اغراء وجاذبيه
عصر رقيق ابيض ورجوع لجاهليه
اجسام بتلعلط وعقول مصديّه
(5)
نسيتى الزهراء وعيشه وصفيه
واصبحت قدوتك مارلين وصوفيّا
يا زين ماهتقدمى للنهضه اللى جايه
عايده العشرى

أسامة البيلى

11-12-2006, 11:30 AM

أستاذى واخى د/فوزى أبو دنيا
لا أدرى من أين آتى بشر يوفيك حقك.
أشترك بعملين
الأول:

"حلم 2"

إهداء: إلى حلم جاوز حد الحلم.

يا حلم نفسى اتنفسه
وشعور غريب بيهزنى
بيرج قلبى ف مطرحه

يا ريشه دايرة مزهرة
ألوانها طيف بيضمنى
يحمينى من "دوس العَجَلْ" *
يشفينى من كُتر الخجل
يروينى من حَبْ الندى
دا أنا كل يوم استنظرك
بأفرش قصادك جلدى
متلون أمل
شايل على كتافى زكايب
شوك ولهفة
وحزمتين ورد اتروى
منى ومن دمى اترسم

يا أحلى شىء بأتخيله
يا حلم نفسى اكمله
يا شمس لسه بتبتسم
إياكى يوم تنسى إن طيفك
جوا منى بيتقسم
وإن انتى من قلبى الحزين
متمكنة.

شبابيك جروحى كلاب
بتنهش جتتى
بتعرى خوفى ووحدتى
وتزوم على حلمى البسيط
تجرى تحاول تنهشه

يا حته منى ومن جنونى ومحنتى
أنا لسه بادى فى سكتى
وانتى اللى طيفك جوا قلبى بيتقسم
خليكى جمبى ف سكتى
خليكى جمبى ف سكتى

* "مصباح المهدى"
أسامة البيلى
الرياض
5/6/2006
الثالثة فجرا

الثانى:

"أنا والغزال"
الإهداء: إلى جابرييل جارسيا ماركيز

نتف السحاب فوق فى السما
شرايين .. قلوب متنطورة
وغزال حزين
عمَال بيتنطط هناك
ولا يوم بيثبت فوق غيامة
ولا يوم بيمسح دمعته
وأنا لسه متسمر
على الأرض اللى جوفها بيشتكى
"جوايا مليون احتمال"
وفإيدى شمعة وسنبلة
بينى وبينك يا الغزال
قضبان حديد مهرية من زحف الصدا
شباك بيتنفس موات
لوح من قزاز
بينز دمه للسراب
وتراب بيتشكل موات
لا الحزن يوم هيسيب قلوعى
ولا السحاب هيشيلنى لأجل أسرح معاه
أسامة البيلى
الرياض
26 أكتوبر 2006
السابعة صباحا

عمرو عبدالرؤوف

11-12-2006, 11:59 AM

السلام عليكم
د.فوزى

انا لا ادرى كيف اصوت

هل ارسل رسالة خاصة الى حضرتك وانتهى الامر هكذا
ام ان هناك طريقة اخرى

مع تمنياتى بالتوفيق للجميع

شكرا

د. فوزى أبو دنيا

11-12-2006, 01:18 PM

السلام عليكم
د.فوزى
انا لا ادرى كيف اصوت
هل ارسل رسالة خاصة الى حضرتك وانتهى الامر هكذا
ام ان هناك طريقة اخرى
مع تمنياتى بالتوفيق للجميع
شكرا

التصويت بان ترسل لى رسالة خاصة بها ترشيح ثلاث قصائد
الاولى
الثانية
الثالثة
مع ذكر اسم العمل وصاحبه
ويفضل ان يكون الاستفتاء فى اخر يوم حتى تعطى فرصة لمن يشترك متاخرا
فالنتيجة سوف تعلن خلال اسبوع بعد انتهاء المسابقة
نتيجة النقاد
ونتيجة الاعضاء
وتحياتى لك وللجميع
مع تمنياتى بوقت طيب

د. فوزى أبو دنيا

11-12-2006, 01:19 PM

اسعد بان اقدم لكم الشاعر رقيق الحس الاستاذ

محمد كارم
عضو أساسي في ملتقى الشعراء الشبان منذ عام 1998 في معرض الكتاب
المدير الإعلامي لجماعة رؤى الأدبية
يكتب الفصحى والعامية
كرم في عكاظ الشعراء من الشاعر أحمد بخيت والشاعر إبراهيم أبو سنة
سكرتير تحرير ناشيونال جيوغرافيك العلمية في نهضة مصر للصحافة والإعلام
مدير موقع بشبكة المعلوماتية
تحت الطبع ديوان (من ترانيم الموت)

د. فوزى أبو دنيا

11-12-2006, 01:27 PM

والان مع شاعر يكتب السهل الممتنع
منذ انت قراءت له هنا وانا اشعر اننى امام فيلسوف
لكنى وحتى الان لم اكن ادرى انه جارى بالمدينة التى اسكن فيها
وهى مصادفة جميلة بالطبع
انه الاستاذ الشاعر

عمرو عبدالرؤوف

الاسم: عمرو محسن طه عبدالرؤوف
الميلاد : 3/2/83
الجنسية : مصرى
محل الاقامة: حلوان
حاصل على بكالريوس فى علوم الحاسب الالى من الالسن اكاديمى
أعمل فى مجال ال IT
بدأت كتابة الشعر وأنا فى الصف الخامس الابتدائى اى فى سن الحادية عشر
وكانت قصيدة عن القاهرة
وطبعا كان الاسلوب
ولكن أدرك والدى أننى احاول كتابة الشعر فشجعنى لانه كان كاتباً وهو شاب لكنه لم يكمل المشوار الادبى
استمريت فى الكتابة والتطور فى الاسلوب والحمد الله
حاصل على أحسن كاتب لعام 2006 بأستفتاء عام باحد مواقع الشبكة
وأكتب الان بجريدة (( صوت حلوان))
وجريدة ((حلوان اليوم))
وقريبا سوف اكتب بجريدة الاسبوع المصرية باذن الله
عضو فى النادى الادبى بحلوان

د. فوزى أبو دنيا

11-12-2006, 01:30 PM

ارحب بالشاعر الواعى الكبير الاستاذ

اسامة البيلى
وفى انتظار سيرته الادبية
تحياتى لكم

د. فوزى أبو دنيا

11-12-2006, 01:32 PM

ترحيب خاص جدا للشاعرة الكبيرة

عايدة العشرى
مرحبا .. مرحبا
تمنياتى لكى بوقت ممتع
كل الود والتحية

منى محمود حسان

11-12-2006, 03:45 PM

الأخ الأستاذ فوزى أبو دنيا

تحية معطرة وشكر لك على رسالتك بدعوتى للحضور

لقد سعدت بما قرأته للأساتذة الأفاضل

وسوف أتابع بإذن الله تعالى

إنها حقاً فكرة جيدة تستحق المتابعة والشكر لمجهودكم الرائع

مع تمنياتى بالتوفيق والنجاح الدائمين إن شاء الله

د. محمد إياد العكاري

11-12-2006, 03:55 PM

الفاضل د.فوزي أبودنيا
استمتعت بالورود إلى ساحة الأدب الشعبي
وأسعدني مارأيت هنا من إمتاع وفقكم الله والسلام

أحمد إبراهيم أحمد

11-12-2006, 06:41 PM

الاستاذ احمد
انت شاعر ذات ملمح خاص
ولك تجربة شعرية سخية ازعم انى تعايشت معها بود وحميمية
كيف ترى حال الشعر العامى الان - والى اين تسيرحركته؟
تحياتى ولى عودة معك

أخي الحبيب أبودنيا
أولا اعتذر عن التأخير
وأنا معك الأن
سؤالك: كيف تري حال شعر العامية الأن؟
صراحة وعلي عكس رأي بعض الشعراء الكبار في شعر العامية
هم يقولون أنه يسير للخلف وانه في منعطف خطر
وأنا أقول لا
شعر العامية في احسن حال الأن ويعود هذا بالطبع لما يدور من حولنا ومن تعدد تجارب شعر العامية من اشكال وطرق وكتابات اري شعراء للعامية نفتخر بهم ونتباهي بما يكتبون محمد بهجت وماجد يوسف ومجدي نجيب وعلي رأس الجميع استاذنا ومعلمنا سيد حجاب
والحركة الشعرية العامية تسير نحو تشكيل وجداني مستقل بها
فيكفي مثلا ان تجد لشعر العامية المصرية محبون ومستمعون في باقي اقطارنا العربية وانا لامست هذا بنفسي اثناء زيارة لشاعرنا الكبير عبد الرحمن الابنودي للملكة السعودية ذات يوم
اجزم اخي ابودنيا
أن شعر العامية الحالي لقادر علي توحيد الصف العربي
فكما تعايش الناس مع عمنا فؤاد حداد وكنا في انكسار وهوان
لهو قادر علي توحيد مااتلفه غرور السياسات الكاذبة
**********************
تحياتي لك ولكل اعضاء المنتدي
أحمد ابراهيم أحمد

أحمد إبراهيم أحمد

11-12-2006, 06:52 PM

استاذنا الغالي الدكتور فوزي .. ماشاء الله عليك صاحب مواهب متعددة .. الله يعطيك العافية .. وفقكم الله وسدد خطاكم
سعدت جدا لزيارة وللمرة الأولى بقاعة الأدب الشعبي
وبالطبع يجب أن نرحب بالشاعر ذو الأحساس الشعبي الجميل .. الأستاذ الفاضل / أحمد إبراهيم
وسؤال له:
هل المناخ والجو الأدبي في مصر مهتم بالشعر والشاعر .. سواء من كتاب للشعر أو متذويقون ومتلقون له .. بالمقارنة بدول الخليج العربي؟! حيث أني أرى من وجه نظري الشخصية ومطالعتي للصحف والمجلات والمطبوعات العربية .. أجد اهتمام بالغ بالشعر والشعراء .. وحتى على مستوى المسابقات والجوائز الشعرية ؟؟
أسف للإطالة في السؤال وله أستفسار أيضا .. وذلك بحكم من غير ذى خبرة وغير موهب في الشعر ..
لكم منى خالص التحية

الأخ الكريم محمود سلامة
سعيد بتواجدك القيم اولا
واشكرك علي جميل كلماتك
وانا شاكر لك ماتفضلت به
الحقيقة وردا علي سؤالك لا
ولا كبيرة جدا
المناخ السائد حاليا في مصر ليس مشجع علي الاطلاق
والأدلة كثيرة
كم صفحة تنشر قصائد عامية مصرية؟
كم ندوة ادبية علي هامش معرض الكتاب لشعر العامية؟
كم برنامج شعري في الاذاعة او التليفزيون
وكلها بالطبع امور تهم كل مبدع وليس شاعرالعامية فقط
المناخ السائد الذي رفع راية لا لكل صوت يريد نطق كلمة الحق
أفسد بهجة مااراه من انتشار جيد وتنوع في شعر العامية
المناخ السائد الذي خصص عدة مهرجانات للتليفزيون وحفلاته
وللسينما الرديئة
لم يعطي حق الاهتمام بالشعر عامة وليس شعر العامية فقط
تحياتي اخي الكريم
وتقديري لك
أحمد ابراهيم احمد

نورا القحطاني

12-12-2006, 12:36 AM

http://framboise78.free.fr/Fleurs/bouquet4.gif
¸.•°°·.¸.•°°·.¸¸.•

جئت لابارك هذا الحضور ... الرائع

كل الشكر للدكتور فوزي ابو دنيا ولجميع المشاركين

"
"
تقديري واحترامي
¸.•°°·.¸.•°°·.¸¸.•
*
*
*
http://framboise78.free.fr/Fleurs/rosereflet.gif
تحية ورد

معاذ الديري

12-12-2006, 12:45 AM

تسجيل حضور ..
وتسجيل اعجاب بما قرأته في قصيدة تسعة خمسة تسعة خمسة لمحمود موسى .. وضعت اصبعك على الجرح يا فنان .

الهام احمد سعد

12-12-2006, 03:07 AM

السلام عليكم احييك يا استاذ فوزى على هذه الفكره الممتازه واشكرك على اهتمامك بمشاركتى معاكوا وانا اصغر شاعره معاكوا لك منى كل الاحترام والتقدير
الاولى

متحـــــــكمش بإعدامــــــــــــي

حبيبى بعدت ليه عنى؟!
دا قلبى داب ميتحملش تجرحنى
ميتحملش تدبحنى
وقلبى جوه بحر عنيك
غريق تايه
وبينادى عشان تسمع...متســـــــمعش
وبيعافر عشان يوصل .....مبوصلـــــش
وهمه زى موج بحرك
وبتمنى ف يوم يخلص....مبخلـــــــصش
وشايفك من بعيـــــــــيد واقف
وبتشاور يقول جايله
وراح تاخده.....وماجيــــــتش
وأحلامى اللى مخنوقه
عشان بعدك
عشان خاطرى متبعــــدش
مانيش عارفه انا اعمل ايه
بنام علشان مفكــرش
واصحى عشان ماحلمش
وبعدك عنى اعدامى
وهطلب قبل اعدامى
أشوفك بس لو مرة
وأتمنى تكون قاضى
وانت تنفذ الإعدام
ولو تقتل ...ولو تعدم
اكيد برده هتلقانى
ف أحلامك
وهتشوفنى ف نن عنيك
هتنطق اسمى ف كلامك
وانا عارفه انا وقلبى
بإنك مستـحـيــــــــــل تعدم
بإنك مسـتحيـــــــــــل تقتل
وده قلبى واقفلك بين حروف الحب
مابين الحـــــــ .... وبين الـ ب
بيترجـــــــاك..... متظلمنيش
متبعدش...وتقتلنى
متحكمـــــــــــش بإعدامــــى

الثانيه

كــــرامــــــة عـــربــــي

ليه فى بلادنا الدنيا تدور
منتاش عارف
فين الحق وفين الزور
حقه الحق أن أنت تسلم
تهدم بيتك حتى .... بإيدك
وادي حرامى سارق خيرك
حابس صوتك ماسك أيدك
ممنوع حتى انك تتكلم
مطلوب منك
لما تقابلة في شارع ... سلم
اكل أكلك
طالع واكل نازل واكل
دنس رمل الأرض الطاهرة
ضاعت أرضك .... يادى الوقعة
امتى ياعربى هتنقذ بلدك
تصرخ لا أنا هتكلم
واللى عامللّى فيها معلم
راح يتعلم
ان كرامة إنسان عربي
مش راح تسمح أنة يسلم
راح يتكلم
راح يتكلم

الثالثه

قمرى أنا ميـــــــــن نجمته؟!

قلب القمر مفتوح لكل نجوم سماه
لكنه برده إختارله نجمه منهم
تبقى ف هواه
إختارله شمس عشان تنور دنيته
تدّيله حب تكونله ضيّه وفرحته
شوف القمر...شوف فرحته
لمّا يقبلها مره قبل المغربيه
كان يشوفها وكله لهفه وشوق لها
وعينه مليانه بدموع
يجرى عليها يقلّها
اهـــــــــلا حبيبتى
إنتى فينك من زمان
كانت تبص بعينها ليه
من كتر شوقها..... عنييها تنطق
يا حبيبى وحشتنى
جيتلك خلاص
وبكل رقه ....كانت تنشّف دمعته
كانت تصالحه
لمّا نورها ينتقل على قلبه
كانت بتدّيله الحنان
طب يا ترى قمرى أنا
مين نجمته؟!
مين شمسه ....اللّى بتمسح دمعته
عارفه الجواب انه أنا
لكنّى برده
أتنمنى إنى اسمعها منه
أتمنى انى اكون لقلبه
زى نجمه للقمر
بتمنى يسهر باللّيالى
بتمنى يشغل عقله بيّه
وأكون معاه
واكون ف باله وف خياله
وف هواه
بتمنى انه يقوللى كلمه
زى القمر ما يقول لشمسه
انتى اللّى قلبى حبها
واتمنى انه يكون لها
ويروحلها ويقولها
انتى فينك من زمان
انتى شمسى وانتى ضيّى
وعشانك انتى...
راح انور ف السما
وعشانك انتى...
راح أبان
هأفضل احبك طول حياتى
وحتى بعد ما اموت كمان
خليكى جنبى يا حبيبتى
حبك ف قلبى مش هيخلص
من هنا لآخر الزمان

محمد محمد سعيد

12-12-2006, 01:00 PM

تعلن قاعه الادب الشعبى عن بداء ندوة شعرية بين اعضاء قاعة الادب الشعبى. كل عضو مسموح له الاشتراك بعمل او اثنين على اكثر تقدير
يقوم بنشرهم هنا تحت هذا الموضوع
الندوة لمدة اسبوع ستقوم خلالها لجنة مكونة من خمسة نقاد يتم ترشيحهم من قبل ادارة الملتقى بتقيم الاعمال المقدمة بحيادية تامة واختيار افضل ثلاثة اعمال نشرت فى خلال هذه الندوة وهى كالاتى:-
المركز الاول
المركز الثانى
المركز الثالث
والفائزين الثلاثة سوف يحصلون على شهادات تقدير باسم ملتقى الواحة.
تمنياتى لكم بندوة سعيدة والفوز للجميع
السلام عليكم ورحمة الله وبركاته
الحبيب د. فوزى ابو دنيا
اشكرك على دعوتك الكريمه ويشرفنى المشاركه فى ندوتكم الراقيه
باثنين من كتاباتى

كان زمان
احنا ليه بنلوم زمان ..
أومكان ؟
ماحنا صُناع كل شىء
يبقى عيب يا ضعفنا
ترتدى زى البرىء
تفتتح للتوهه فينا
الف ميت مليون طريق
شماعات على شماعات
صنّعوها هايله خالص
لاستكانات السكات
والعجب سِكن الملامح..
والشفايف
مررتها المصمصات
واللى جى بينعى بخته
رغم إن شبيهُه فات
كان وكُنا
غرقتنا ف دومات
وإهنا فى الاصل اللى هُنّا
لما هان على دمنا
كل برعم فينا مات
وارتضينا بنفسنا
نشرب الذل ف كاسات
من صناعة ضعفنا
اللى اقرب م الممات
توهه حتى جوه ذاتنا
باللى صاير واللى كان
إمتى بس هتنمحى من مفرداتنا
كلمه بنرددها ديماً
كان زمااااااااااان

http://www.un.org/arabic/conferences/ffd/images/albatrosstransparent.gif

سِكْت الكلام
طب ليه بنسكت لما نحتاج للكلام؟
عشان كهوف الخوف بتحبس جوه جواها الامل
ومفيش حقيقه فيها معنى بيكتمل
الخوف يضيع كل شىء
بيفطس الحلم البرىء
قبلن ما حتى نحلمه
ونفوق على الهم التقيل
ايه اللى مفروض نعمله؟؟؟
نتلاقى يوم من غير ميعاد!!!
يا قسوة الليل اللى لابس كل يوم
توب من سواد
رغم انه ما فاتشى كتير على بعدنا
بلقاكى صوت عصفور بيحلم
كل تغريده غُنا
من كتر ما زاد احتياجى لضمته
جريت عليه
مديت ايديا لا التقيت حضنه الوفى
ولا حتى نظره كات ف يوم بتهزنى
ف حنان عنيه
فسألت نفسى بكل حسره
ازاى وليه؟؟
دا الحلم كان فارد جناحه ع المدى
وكنتى صوتى اللى بيصرخ
لما بيضعف صوتى ويضيع الصدى
وكنتى انتى المنتهى والمبتدا
وكنت اشوف فيكى صلابة كلمتى
تقوليلى اوعى الانهزام
اوعاك تخاف
اوعاك يا ضى العين تئن
اياك تخاف
او لحظه تضعف او تحن
هنكلها حتى ان شا الله حاف
وكفايه تبقى انت اميرى ودنيتى
غمضت عينى يا زمان الامنيات
ولا كنتش اعرف قد ايه انك غريب
واللى اتولد جواك ف لحظه ضاع ومات
كدابه يا كلمة حبيب
كدابه يا لحظة امل
كداب يا معنى نفسى اشوفك مكتمل
سكت الكلام

محمد صادق .. اللورد

13-12-2006, 01:03 AM

استاذى واخى العزيز ابو دنيا
سعدت بدعوتك الجميلة فى هذا الملتقى الادبى الحافل بالمواهب والاساتذة
وسأشارك معكم بقصيدتين ...واتمنى ان تحوز على اعجاب اخوانى وزملائى فى هذا الصرح

القصيدة الاولى

تايهة ياخطوتنا فى متاهة

سؤال وحاير بين قلوبنا التايهة
وسط الهـمـهـمة
فين حسها ؟؟؟؟؟؟؟
وليه حروفنا عاللسان
مكسورة تايهة متهتهة
وليه زيوف الكلمة فينا
فاتحة بيبانها مفندقة
تايهة يا خطوتنا فى متاهة ...
رسموها لينا بمسطرة
مرسومة فيها الف دايرة
لكن دواير مغلقة
دايرين نلف حولين جروحنا
ونرقص على صوت اهرها
صرخت قلوبنا جوة منا
تعبها كتر الهسهسة
فتحولنا بوابة مواربة
جريت خطاوى حلمنا
نداهة سحبتنا فى طريق
فيه الف شمس منورة
لكنهم ...طلعوا نجوم
نيران لهيبها ...عَمِتْ قمرها
دخانها توه شمسها
خاف منها حتى المطر
رفض يسيب كل الغيوم الساكنة فوق ضهر البشر
وكتافنا محنية بسؤال
نمشى ندور عالنهار
ولا نستنى القمر???
نمشى ندور
عالنهار
ولا
نستنى القمر
___________

القصيدة الثانية
ومتمدن صحيح لكن
ومتمدن صحيح لكن ...بارفض كل حرية
تعبر عنى بلسانى .. وتدى الحق للتانى
يخلى نفسه فى مكانى
ويتكلم بمفهومه
ولما اصرخ واقول لأه
يكتف صوتى بعيونه
فاتهجى الكلام تانى
ويولد صوتى مية صرخة
تنور فى الضلام شمعة
فاتحسس على ضؤها
لعلى اشوف صدى صوتى
لعل سكوتى يتلعثم
وينطق بالكلام تانى
فالقانى
واحرر صوتى من سجنه
اللى عاش راضى بسجانه
ويهرب صوتى يتشعلق
على شفايفى ويتعلق
ويملانى
يزق الكلمة بالعافية عشان تخرج
وتنعانى
فاستنى واتمنى
لو اصرخ فى الفضا صرخة
ترجع له النهار تانى
لو اصرخ فى السكون صرخة
ترجعله الكلام تانى
واتمنى
لو امسك راية الكلمة
والف بيها جوا الناس
فتسرى الكلمة فى الشرايين
ينضف دمها الاحساس
فتطلع صافية لون الحق
تقول لأ
ولو حتى على الكراس

وابص ورايا واتعجب
دانا لوحدى !!!!!!ماشى فى الطريق وحدى
بصرخ لجل كل الناس
لكن فايتنى اروح وحدى
غريب جدا.....
برغم ان الطريق فاضى
لكن ماشيين هناك زحمة
زحمة فوق رصيف الأهرة
بينادوا على احلامهم
لسان حالهم
بينهانى وبينادى
بلاش ارجع!!!!!!!!!
فاخاف جدا
واجرى عالرصيف جارهم
واغمى عينيا بايديا
والف الساقية فى عيونهم
واعمى ودانى
واعمى ودانى عشان ما اسمع
وايه يمنع
معادش من الحواس غيرها
عشان تخضع
غريبة دنية الانسان
كتب عقده زمان فيها على الشورى
على الحرية عالاحسان
لكن اهين من النسيان
مسح عقده اللى كان حافظه
رضيله عيشة الطغيان

سامح عبد البديع الشبة

14-12-2006, 03:27 PM

شكراً لك / د. فوزى أبو دنيا
على دعوتى للمشاركة فى هذه المسابقة الشعرية الشعبية الحميمة .
ونظراً لطول المشاركة التى أنوى المشاركة بها ، فقد فضلت أن أشارك بـ :- " ثلاثيات ورباعيات سامح الشبة " بأكملها بوجودها على هذا الرابط :-
https://www.rabitat-alwaha.net/showthread.php?t=15647
تحياتى وتقديرى .

خليل حلاوجي

16-12-2006, 09:51 AM

دايما يحط ايديه علي اكتافي

ويقوللي دايما عيش عشان غيرك

ولما الزمن خرب علينا العيشة

كان دايما ابويا يبكي عشان غيره يفرفش

مايقدرش .. اصلوا راجل مخلوق عشان يعيش لغيره

\

اعتذر
لسادة الشعر ... فقهاء المشاعر النقية

لتطفلي بينهم

اجعلوني على خزائن ودكم ومحبتكم ... وانا لحرفكم .. خليلا

\

سأتابع هذه الروائع

د. فوزى أبو دنيا

17-12-2006, 06:29 PM

يسعدنا ان نقدم لكم شاعر كبير ومثقف

الاسم: أسامة عصام صلاح الدين البيلى
الميلاد : 15/10/1982
الجنسية : مصرى
محل الاقامة: الرياض - المملكة العربية السعودية
حاصل على:
(1) درجة الليسانس فى اللغة الإنجليزية وآدابها.
(2) اجتزت السنة التمهيدية للماجستير - شعبة أدب.
أعمل مدرس لغة إنجليزية للبالغين. (أدرس دبلومة فى اللغة الإنجليزية)
مستنى جزوة الشعر وأنا فى العام الثالث من دراستى الجامعية.
أكتب بالعامية المصرية ، ولى محاولات فى القصة القصيرة والنقد الأدبى.
نُشرت دراسة عن مخطوط ديوانى "ملامحى" - مع آخرين - فى مؤتمر الشعر الرابع بديرب نجم عام 2004 (كتبها أ/سمير الفيل)
أسامة البيلى

د. فوزى أبو دنيا

17-12-2006, 06:39 PM

شاعر رقيق الحس يملاء القاعة بنشاطه وابدعاته
اعترف بانى من اشد المعجبين بما يقدم له لغانى لمطربين معروفين
يسعدنى ان اقدم لكم الشاعر

شاهين أبوالفتوح
محامي مصري ولد 1965
عاش سنين في غربة بأروبا
عنده من زينة الحياة خمسة أدهم وأمنة ومريم وعامر ومروان
عايش حياة شاعر وقليلا ما ينظم الشعر غاوي الأدب والتاريخ والفلسفة والطرب والموسيقى والخيل والتأمل .
لم ينشر ولم يسعى لنشر أعماله ولم يصدر له ديوان
بعض أعماله تغنى بها مطربون وجلها للوطن
عضو مجلس ومؤسس للمنظمة العربية للمحامين الشباب
يدعو لثورة فكرية وثقافية وإلى الأستفتاء على دستور عربي موحد أو... نفُضَها سيرة !
.......
.........
وامشي دروب من صُنع خيالي
واعمل بكرة حصان رَهَوان
شَديت سَرجه لكل احبابي
يوصل بيهم بر أمان

هاني رمضان

17-12-2006, 09:34 PM

السلام عليكم ورحمة الله وبركاته..
أسعدتني جداً الدعوه التي تلقيتها من د/ فوزي أبو دنيا الشاعر الجميل والإنسان صاحب القلب النقي ..فأشكره من قلبي علي أتاحة هذه الفرصه لأنال شرف التواجد بينكم .. ولي محاولتين في الشعر الغنائي سأشترك بهم ..

(1) أسكن عينيك الطيبين
آه م الحنين ... عمّال بينده صوته راح
آه يا سنين... في البعد ليه العمر راح
آه ياجراح ...سجنانا ليه والكون براح
تاه الصباح ولّا احنا مش شايفين ياعين
آه م الحنين
..............
ياحبيبي هات...شوقك ياخدني م العذاب
ومن الآهات... ومشي**ّ قلبي ورا السراب
من غير عتاب .. أرجع بقي طال الغياب
خليني تاني أسكن عينيك الطيبين
آه م الحنين.....
..............
بحر الدموع ... عدّيته لكن مش لاقيك
حلم الرجوع ... ليلي ونهاري بيناديـــك
وحياة عنيك ..وحياة ما دايب قلبي فيك
خليني تاني أسكن عنيك الطيبين
آه م الحنين
(2) حبك أوقات
حبك اوقات اوقات اوقات
افراح اوقات واهات اوقات
وبالف حال رحال دوار
دايما سايبني بشوق وبنار
محتار بحنين
ودموع عاشقين
ومشاعرلهفه وحب سنين
تيجي وتروح
ياحبيب الروح
ماعرف مجروح ولامرتاح
لعنيك بشتاق
وبدوب اشواق
ويخاف لفراق يملاني جراح
ياسايبني استني الشوق لو فات....حبك اوقات
حبك بناديه
انا عايش ليه
من خوفي عليه عايش في الاه
انا ببقي معاك
واشتاق للقاك
وانده لهواك وياريت بلقاه
ياللي انت هواك اسرار..اسرار
وبالف حال رحال دوار............
ياحبيبي حرام
صعبه الايام
الشوق لونام في جروح صاحيين
بسال وبتوه
ياليالي هاتوه
ورحوله
نادوه بعده لنا مين
وقولوله حبيبك حلوه مرار
دا بالف حال رحال دوار...........

نادية حسين

17-12-2006, 10:23 PM

اخوي د /فوزي ابودنيا
اخواني المتسابقين اسعد الله اوقاتكم
ويعطيكم ربي العافيه
يسعدني ان اشارك معكم اليوم وارجوا ان لااكون اتيت في الوقت الضائع
اشارك بهذه القصيده النبطيه .. قصيده اخاطب فيها الشعراء

ياشــــــــــــــــــــــ ـاعر http://www.mowjeldoha.com/mix-pic/object/object5/www.mowjeldoha.com-globes-57.gif
ياشاعر كلنا ندري .ياناصر والعرب يدرون
.......................فلسطين الجريحه هي قضية اول الاحزان
من اول احترينا تقوم راية تنصف المطعون
.........................ولكن دارت الدنيا و عرفنا تالي الكتمان
فلسطين الحبيبه هي هدية يعرب لصهيون
......................حماقه لو نحارب من غزانا ونترك الخوان
علي اطلال المراجل نامت النخوات للملعون
...................وصافح شرقنا الاوسط كفوف الشر والعدوان
وحجة راعي الوصمه حمامه عالمي المغبون
........................غريقة دمها الطاهر سليلة عالم النسيان
من اول ضاع مسجدنا ولكن قدسنا ماتهون
.....................ولا نامت عيون الباكي الشاكي الي الرحمان
وانا ابري ذمتي منهم وبشكيهم لرب الكون
..........................ياشاعر ابري الذمه عربنا للغجر اخوان
وكيف نحرر المقدس وكيف نواسي المحزون
.........................نجاهد بالقصيد اللي يزلزل ثكنة الطغيان
كفي ماراح من ارواح ليت نحرر المسجون
..........................تعال نوحد الكلمه ونطفي بقلبنا النيران
نواجه من يآسينا ويسقي دمنا لفرعون
...................عسي نقدر نغير شيء وننصف بالقلم انسان
املنا باقي برب البريه للضعافا عون
........................عطانا ربنا كلمه قلم صادق بألف حصان
املنا باقي بأمه محمد شعبنا الميمون
..........................بأرض الوافيه تلقي جحافل دمها بركان
تثور لعرضها تعرف تعري الكاذب الملسون
.........................تقاوم تصمد وتبتر ايادي تشوه الاوطان
ياناصر كلنا ندري .ياشاعر والعرب يدرون
.....................مصيبة حلت بشعب ٍمصيبة كرسي السلطان
وحزب الله جنود الحق نصر الله يهز الكون
.....................فوارس ماتهاب الحق جنود الله في الميدان
نباري فيهم الحاقد ويتراجع بني صهيون
.......................فديت الفارس الواثق فديت العز في لبنان
ولو احنا توحدنا ورفضنا من لهم يبكون
........................ولو قمنا و تجرأنا عرفنا ننهي العدوان
وسلامتكم

(2)
مشاركه ثانيه تشرح نفسها

مين يحاسب الورده؟!!!!!!!!http://www.mowjeldoha.com/mix-pic/object/object5/www.mowjeldoha.com-globes-57.gif

انا وقلبي نحب الحب ونلعب بالقوافي لعب
..........وتمطر روعة احساسي وينبت من نداها زهور
وتتفتح زهور القلب وارويها بغرامي العذ ب
...........وابلور صادق شعوري واحلق بالسما عصفور
واجمع مفردات العشق وانظمها قصايد حب
.............اخلي الكون يترنم و يرقص منطرب مسرور
واجمع زهري بباقه تخلي كل عاشق صب
................يحلم يآصل لقلبي ويبنى لي الغرام قصور
ومشكلتي اذا العشاق وقفولي بنص الدرب
.............وكل واحد يبي قربي علي بابي وقف ناطور
واهل اللوم لاموني والعذال واهل الكذب
...............يشكوا اني هواويه يحسبوني الف وادور
وانا قلبي علي الفطره ومالي باللي صاير ذنب
............تري قلبي علي النيه يعرفه من يعرف الحور
تري قلبي علي النيه يحب ويعشق وينحب
..............ولا يهمه كلام الحقد ولاتهمني شهادة زور
ومين يحاسب الورده اذا تنبت بوادي خصب
...........و.مين يحاسب الورده اذا تنشر شذاها عطور
ومين يشك في القدره و هذي قدرتك يارب
..............ابتعلي علي الهايف واقوله :حر يامقهور
تسير القافله بالخير ولو ينبح عليها كلب
................بمان الله ياحروفي ياباقة جوري ومنثور
انا واشعاري واشواقي نوينا ع العواذل حرب
..................انا ماني هواويه انا انثى وكلي غرور
حسيبي ربي الحافظ حفظ يوسف بوسط الجب
........ حسيبي ربي الواحد علي كل من نوىلي شرور
ابكتب وارسم شعوري واحاور من بجوفه قلب
..................انا للشوق شواقه انا للعشق بنت النور

وسلامتكم

واخيرا هذه القصيده العاطفيه

العشقhttp://www.mowjeldoha.com/mix-pic/object/object5/www.mowjeldoha.com-globes-57.gif

العشق هذي علته يهدي جروح يهدي دوى
..............تلقي المحب في غربته يشكي من الحرمان عوق
مسكين ياقلبي الشقي عمرك بأحزانه ضوى
..................ذكرى الحبيب دايم تمر وتترك بجوفك حروق
وليا ذكرت اللي مضي تصيبني حمي النوى
...............وفجأه يرجع لي الامل يسكب بروده في العروق
عجيب غريب ياذا الشعور حامض حلو ياذا الهوى
..................عذبتنا بأجمل عيون واغرقتنافي بحور شوق
أعانق أشواقي وانام حزني علي همي طوى
..................فجأه وانا بعز العطش تجيني من عندك بروق
ماادري بنهاية قصتي الحامض بقلبي لوي
.................ودي أعيش عمري معاك والا أنام وما أفوق
وسلامتكم :0014:

ودمتم بخير
مع تمنياتي بالتوفيق للجميع

د. فوزى أبو دنيا

18-12-2006, 12:45 AM

ارجو المعذرة على غيابى طيله الفترة السابقة لمشاكل عندى فى النت
اسمحو لى ان ارحب بكل حب وتقدير باخوانى الافاضل الاساتذة

محمد سعيد ( صفحات العمر)
محمد صادق
هانى رمضان
سامح الشبة
وتحية محملة بالورود لكل من الاساتذة

الهام احمد سعد
شمس الحرية
وارجو من جميع الاخوة ان يختارو ثلاث من الاعمال التى اعجبتهم . على ان يرسل لى رسالة خاصة باسم صاحب العمل واسم العمل والترتيب. حتى يكون هناك تقدير نقدى وتقدير الجمهور
واكون شاكر لحسن التعاون
تحياتى وامنياتى الطيبة للجميع

نادية حسين

18-12-2006, 12:55 AM

اخي الدكتور فوزي
صباح الخير
الحمد لله علي السلامه
اخي
القصيده الاخيره (العشق) لااود المشاركه فيها لاني كتبتها علي بحرين
واخاف ان توضع في نقد لازع :008: واود حذفها ولكن لم اتمكن
وهذه قصيده ارجوا وضعها بدل منها

العنيـــــــده

أفكـر فيـك وبقلبـي وعنـاده
................................يطير النوم وافكـاري جديـده
أفكر فيـك وبحـب وسعـاده
................................وليالي تجمـع قلوبـن وحيـده
ألا ياعاشقـي عشقـي زيـاده
...............................كبر ذا الكون تهـواك العنيـده
ولو أبعد وصار البعـد عـاده
..............................لاتحسبني مع اشواقـي شديـده
بدونك عمري ساير في حـداده
.................................لبس أسـود وأحزانـه مديـده
هجرت الأحمر وعفت القـلاده
..............................لقيت اللوم من خصري وجيـده
لهيب الشوق بأحضاني وقـاده
...............................وطول الليل اعاني من وعيـده
يكايدني يواصـل فـي كيـاده
.............................يجيب الماضي يحكي لي ويعيده
حبيبك ذا هوى قلبـي ومـراده
................................ويوم الوصل عيدك قبل عيـده
يبهذلني وانـا مابـي جـلاده
................................عنيد الشوق وانا أكبر عنيـده
أحبك حـب مـن ربـي إراده
...................................وكل ليله قـدر ربـي يزيـده
نويت ارمي ضنا قلبي وعنـاده
...............................نويت ارجع قبل لاصبح شهيده
هدب عينك أسر قلبي سـواده
.................................وشهد النون تغلغل في وريـده
لعشقي لك معي أصدق شهـاده
.....................................أنبدون� �ك بهاالدنيـا شريـده
نويت اهدي لك القلب بـوداده
................................وارجع طفله بأحضانك سعيـده
يعيش الحب نعطيـه السيـاده
..................................يضل حاكم نضل احنا عبيـده
ياعاشقني أنا عشقـي زيـاده
..................................كبر ذا الكون تهـواك العنيـده
وســلامـــتـــكـــم

وقريبا سأرشح الاجمل واصوت للمشاركات التي اعجبتني ولكن احتاج لقرآءتها كلها حتي لانظلم احد
ودمتم بخير