دنـــــيـَّــــــــــــــ ـــــــــــــــا

[الشربينى خطاب]

دنيــَّــــــــــــــــــ ـــــا
:os: :os: :0014: :tree:
خلِّي بالك يا صاحبي
ما خدت منها منابي
خدت ضحكتي مني
وأهلي واحبابي
ساعات لحظة صفا
أطالبها بحسابي
ترقص شويه شويه
ولكل واحد شويه
تغمز بعين تلعبِّي
يسيل أنا لعابي
أركب بساط الريح
أشطح مع المراجيح
ألقاها بتقول لي
لو بتحبني بصحيح
هات لي كم نجمة
****
أطير في الهوا أرمح
أرضي اللِّي خبلاني
أمسك حبلالي الدايبة
أنزل علي سناني
تحرن وتزعل مني
وتعمل مخصماني

[د. فوزى أبو دنيا]

طيب اقولك ايه
واجيب منين كلام ارد انا بيه


بشم ريحتك ف الكلام
..................اعرفك
.............وانده عليك
وامد قلبى بالسلام
.............يسلم عليك
...............يحضنك,
واكتب بعينى كلمتين
توصلك كل المعانى
وارسمك شامة على جبينى
والننى فى عينى

[الشربينى خطاب]

طيب اقولك ايه
واجيب منين كلام ارد انا بيه

بشم ريحتك ف الكلام
..................اعرفك
.............وانده عليك
وامد قلبى بالسلام
.............يسلم عليك
...............يحضنك,
واكتب بعينى كلمتين
توصلك كل المعانى
وارسمك شامة على جبينى
والننى فى عينى
قلبك قال يا فوزي
:0014: :0014: :0014:

ما هو ده اللي جنني
قلبي مليان جروح
وانت كمان مجروح
وأهو باين في النني
أحاول أنسي اللي فات
واللي ضاع مني
ألقاك تبعت جوابات
بكلام يطَّمنِّي
يرد قلبي ويقول
بالجروح سلامات

[معتز الشربيني]

هي كدا دايما مغروره
وطبيعي نموت عليها
مع انها مجرد صوره
قدرت تتوّهنا فيها
نطاوعها نقع في جوره
ونهرب نحن ليها
اصلها الدنيا الغروره
اللي واهمانا اننا
عايشين بس بيها