راعى البقر

[مصطفى سلام]

راعى البقر
ليه الأسد
ملك الوحوش فى الغابة
يستقوى نفسه على حتة غزالة ؟
مش دى رزالة ؟
و الديابة
تفترس قاصى النعاج
و التعالب و الدجاج
دى مش غريبة .
هوه دا دستور حياتهم :
القوى ياكل الضعيف
*****
لكنّ فيه بعض البشر
صاروا أشر من الوحوش الكاسرة
تحت دعوى العولمة
سبحوا فى بحر من الدما
هيه ديّه العولمة ؟
مش عولمة دى , إنما
دى بلطجة وقوة عضل
من غير ضمير
العلم كارثة و تطبيقاته
إن كان بلا أخلاق و دين
*****
يا عرب :
إما نغير نفسنا
و نكون صحيح ضمن البشر
أو يلتهمنا بجهلنا راعى البقر
اللى ألقى ف العراق أم القنابل ...
فى غشم
من قبله دمر هيروشيما
و الخساير فى البشر كانت جسيمة ...
و لا فيش ندم .
*****
يا عرب :
الحق يشهد فى كتابه ..
إننا خير الأمم ..
أصل الديانة عندنا و أفضل قيم
ليه انتكستوا ؟ ..هيه كلمة مفيش سواها :
لما عصيتم ربكم ..
و خالفتوا هدى نبيكم

مصطفى درويش سلام

[نبيل مصيلحى]

أنت شاعر جميل وأتمني أن تصل بنصك إلى اللوحة الفنية التى تبهر المتلقي
وأن تحاول أن تبتعد عن المباشرة أو تتعامل معها بفنية .......
تمنياتي لك بدوام الإبداع أخي / مصطفى
نبيل مصيلحي

[د. فوزى أبو دنيا]

الشاعر مصطفى سلام
احيانا المباشرة فى الخطاب تكون هى الحل الذكى فى التناول
نصك صرخة تداعب الاذان وتمس شغاف القلوب
تحياتى لك دوما

[مصطفى سلام]

الأستاذ الشاعر الصديق د. أبو دنيا
واقعية النص , و وصفية الموقف .. كانتا الداعى لى إلى المباشرة , فأنا لا أبتدع هنا صورا رومانتيكية ، و لا أفكارا عصية على الفهم العاجل المباشر .
شكرا و امتنانا لك ,,,
مصطفى سلام

[مصطفى سلام]

الأستاذ الكريم نبيل مصيلحى
شكرا لك رؤيتك للنص و فكرتك التى أقدرها
مصطفى سلام