زمن الملوخية !!!

[منى محمود حسان]

فى زمن الفتة المسلوبة ..والتقلية المنهوبة
فى زمن الملوخية المنكوبة
قرر حبيبنا انه .... يسيبنا
على فين يا حبيبنا
قال.. حيروح حتة تانية
لحد ما ربنا يفرجها
حيقعد ع القهوة
بعد ما وصل هنا بالصدفة
ماشى بعد ايه يا حبيبنا
بعد ما غنيت الأغنية
فيها كل ألحانك
لحد ما تاهت النغمة الأصلية
ونسيتنا طعم الملوخية
بس حبيبنا قرر انه يسيبنا
يلا نغنى
على حسب وداد الحرية
ماشى ... حبيبنا وسايبنا
بعد نكساتك القومية
ومنك للى وهبنا الملوخية
وقال لنا لازم نطور العامية
نسانا كلام الكلية
وكمان الندوة والأمسية
وقرر يلغى الشباب الثقافية
على حسب وداد الحرية
قولنا له بس احنا مش لاقيين الملوخية
طب تحب ننسى كمان
الفــتــة ...... والتقـليـة
ما احنا برضه مش لاقيين التقلية
قالنا كله حسب النية
ماهو لازم نطور العامية
يبقى مفيش غير اننا
نستحمل بقى شوية
علشان حبيبنا يرضى
ومايفوتناش ...ها ويسيبنا
أصلنا حفظنا الأغنية
وخلالالالاص.. نسينا طعم الملوخية
ولا احنا بنحلم شوية
بنحلم انه يسيبنا
مش ممكن طبعاً حيسيبنا
اصله حبيبنا
وكمان سيادته بيحب الملوخية
حنستناه أصله وعدنا
يزرع لنا شوية
نقطفها ونعمل لها تقلية
وقال الناس حاسدنا
على ايه...
على زمن الملوخية

[نبيل مصيلحى]

بما أنني أرجح كفة هذا المثل " المعني في بطن الشاعر "
فأعتقد أن النص المكتوب / الملوخية تحتاج إلى بعض صنعة .
لتفتح شهيتنا ................................
دمت بخير أختي / منى
نبيل مصيلحي

[منى محمود حسان]

بما أنني أرجح كفة هذا المثل " المعني في بطن الشاعر "
فأعتقد أن النص المكتوب / الملوخية تحتاج إلى بعض صنعة .
لتفتح شهيتنا ................................
دمت بخير أختي / منى
نبيل مصيلحي
أخى الأستاذ نبيل

تحية طيبة لمرورك الكريم

أشكرك لتعليقك الرائع

أكيد يحتاج لصنعة لأنى أول شيئ أكتبه شعبى

ليس لى الحكبة الفنية الكافية

لكن كتبتها من ثقل الهم فى قلبى مما نحن فيه وأكيد فاهم قصدى

لأنك مصرى مثلى

أشكرك ولك تحيتى وتقديرى

[نبيل مصيلحى]

أهلاً بك .. أختي منى
وأعتقد أنها بداية طيبة

[عبد الرحيم محمود]

اكل السبانخ من حين الى حين
فيه الشفاء لأقوام مساكين
أما الملوخية إن كانت مسبكة
مع الأرانب في عشب البساتين
فهي الأميرة في إكليل دخلتها
تمشي الهوينى على رمشي ، على عيني

[منى محمود حسان]

أهلاً بك .. أختي منى
وأعتقد أنها بداية طيبة
بارك الله فيك لاهتمامك أخى نبيل

شكراً لك تشجيعك

[منى محمود حسان]

اكل السبانخ من حين الى حين
فيه الشفاء لأقوام مساكين
أما الملوخية إن كانت مسبكة
مع الأرانب في عشب البساتين
فهي الأميرة في إكليل دخلتها
تمشي الهوينى على رمشي ، على عيني
الأخ الكريم عبد الرحيم محمود

تحية طيبة لك وتقدير لمشاركتك الرائعة التى أضاءت الحروف

وزادتها بريقاً ، حقاً كما ذكرت أصبحت الملوخية

أكلة الأمراء بالنسبة لنا

أديها سبانخ

[مصطفى سلام]

يا طعامة الملوخية ..
مطشوشة بتقلية ..
و ان كانت بأرانب ..
مسلوقة و مقلية ..
ما تقولشى لعدوك ..
دى حلاوة حاجة تانية ..
و دا عبده بيقول لك ..
بأرانب !! ..فين هيه ..
المعنى يا ( منمن ) ..
يوضح بس شوية ..
و حبيبنا يا ستى ..
دايم للأبدية ..
و إلى الأمام مع إبداعة جديدة ,,
مصطقى سلام

[منى محمود حسان]

يا طعامة الملوخية ..
مطشوشة بتقلية ..
و ان كانت بأرانب ..
مسلوقة و مقلية ..
ما تقولشى لعدوك ..
دى حلاوة حاجة تانية ..
و دا عبده بيقول لك ..
بأرانب !! ..فين هيه ..
المعنى يا ( منمن ) ..
يوضح بس شوية ..
و حبيبنا يا ستى ..
دايم للأبدية ..
و إلى الأمام مع إبداعة جديدة ,,
مصطقى سلام
شكراً لك مرورك الجميل مصطفى
لقد زادت الأحرف رونقاً من تألق تواجدك
والحمد لله حد فاهمنى ومعايا
بس صدمنى !!!
وقال لى إلى مالانهاية
حنفضل كده عايشين
أو عايشين
راضيين أو مش راضيين
يالا يا سيدى
أهى عيشة والسلام

[د. فوزى أبو دنيا]

هو التواجد الرائع والجميل لاديبة رقيقة الحس والوجدان
تحياتى لكى دوما
وتواجد مضيىء بقاعة الادب الشعبى

[منى محمود حسان]

هو التواجد الرائع والجميل لاديبة رقيقة الحس والوجدان
تحياتى لكى دوما
وتواجد مضيىء بقاعة الادب الشعبى
أخى وأستاذى فوزى أبو دنيا

أشكر مرورك المتألق الذى أضاء الصفحة وزادها بهجة وسرور

أشكر تشجيعك لى

http://www.tl3b.com/uploads/12-17-06~z0002110.jpg

[الشربينى خطاب]

بالذمة يا مني يابنت عمي
ما سمعتي عن صنف الكوسة
زراعوها علي سطح محافظة
وف كل اراضي المحروسة
باعوا الوظايف بالخرطة
للمحظوظين أصحاب واسطة
وبمعزة سودة وجاموسة
أو سهرة حلوة تكون حمرا
مع واحدة قشطة وننوسة
كل اللحوم فيها نواشف
لا فيها خضار و ولا تقلية
قراقوش في الزمن الماضي
منع زراعة الملوخية

[محمد الدسوقي]

منى ...

ما بليد حيلة ..إلا بأمر الله

مررت من هنا ، ففاحت رائحة التقلية ، فدمعت عيون الأسى

تحيات مع تغير واقع

كوني بخير ِ

[منى محمود حسان]

أستاذى الكريم الشربينى خطاب

شكراً لك مرورك الرائع وكلماتك المضيئة الجميلة التى زادت الصفحة رونقاً من بريق تواجدك الجميل
أشكرك أخى الفاضل
حقاً أصبحت كوسة فى كوسة
يمكن علشان مفيدة للصحة !!! القصد مصلحتنا مش لازم نفترض سوء النية .
داحنا وحشين قوى مضايقنهم بالتقلية اللى نفسنا فيها وريحتها اللى بتتعبهم
نبقى حسيسيين شوية

تحيتى لك وتقديرى

[منى محمود حسان]

منى ...
ما بليد حيلة ..إلا بأمر الله
مررت من هنا ، ففاحت رائحة التقلية ، فدمعت عيون الأسى
تحيات مع تغير واقع
كوني بخير ِ

أخى الفاضل محمد الدسوقى
تحيتى لك وتقديرى لمرورك الكريم
آسفة لو ريحة التقلية تعبتك ، العموم خلينا فى الكوسة اللى ملهاش ريحة ، أحسن للصحة كمان وخفيفة
زى رأى أستاذنا الشربينى كوسة فى كوسة
شكراً لك مرورك الرائع