أنا والشوق

[سامي محمود عبدالغفار]

وأشوفك فوق جبين الشمس طالعة تصبحي
وأشوفك بين نجوم الليل تلالي وتمرحي
تتمرجحي
بين الجفون
جوا العيون .. ويا السهر
يا اللي حنانك
أغلى هدية من القدر
يا أم العيون السود
بتحلم بالأمان
فاردة قلوعك
سابقة خطاويكي الزمان

ومين يقدر على مهرك؟
غير اللي الحب في قلبه
غناوي
كلها بإسمك
وطاير فوق دروب الشوق بمواله
وفيه رسمك
لو ان المهر يا حلوة
كنوز الأرض؟
ترخصلك
دا انا عاشقك يا متعاجبة
ومستني ف يوم أنسى
سنين الهجر والغربة
وأشوفك ف السما نجمة
تضوي فوق جبين الشوق
وتحلالي
واحط الكلمة ع الكلمة ف موالي
واغنيلك
يا ساكنة القلب من يومك
يا وهبالي سمار نيلك

ولسة احلامي وردية
بتسري ف دمي وعروقي
تزيد اللهفة من شوقي
أعيش بكرة على ذوقي
لا واجبي انساه
ولا حقوقي
وأشوف شمسه مضوية
تهل ف ساعة صبحية
تنور لي خطى طريقي
واعيش وياها ف البساتين
مع الياسمين
تكون مركب ف بحر أمين
وانا القبطان

ويوم ورا يوم
حنيني يزيد
ونار الشوق ف قلبي تقيد
لفجر جديد
ينور سكتي وداري
يكون الضلة ف نهاري
وطول ليلي
يكون قنديل
يكون لي دليل
ف كل سبيل
ولا آجي ف يوم أبات حيران

وحلمي وحلم أجدادي
وأولادي
يعيش ويايا بين يدي
ومين قدي
لو اقدر يوم أكون ملاح
أكون فلاح
تعيش الدنيا من كدي
ونفسي م السماح نابعة
تصير ف الضلمة نور شمعة
تنورها
وتبقى الوحشة بيا أمان
وانا الإنسان
وللباطل
أكون سجان
أكون عنتر أبو الفرسان
ف إيدي السيف
ولا اعرف خوف
يكون قلبي
حليم غضبان.

[د. فوزى أبو دنيا]

اهلا ومرحبا بك معنا شاعر مميز
اتمنى لك بيننا تواجد هو الافضل
واستمرار هو الابقى
كل الود والتحية والتقدير لك

[سحر الليالي]

أهلا بك أيها المبدع في واخة المبدعين

قصيدة جميلة أوي وبداية جميلة جدا


سلم قلمك ونبضك
وبإنتظار جديدك دوما
تقبل خالص إعجابي وتقديري وباقة ورد

[وفاء شوكت خضر]

مرحبا بشاعر نثر هنا الألق .

مرور ترحيب وتسجيل إعجاب ز


تحيتي .

[مصطفى الجزار]

الله الله

إيه المفاجأة المدهشة دي؟؟؟

الأستاذ سامي محمود (الصحفي البارع)

يفاجئني النهارده وأشوفه:

سامي محمود (الشاعر الرائع)

بجد مفاجأة !!

أما القصيدة في عودة إليها

وأما صاحب القصيدة فلي معه.....

تحياتي أيها الصديق العزيز

وأهلاً بك مبدعاً في واحة الخير

[الهام احمد سعد]

وأشوفك فوق جبين الشمس طالعة تصبحي
وأشوفك بين نجوم الليل تلالي وتمرحي
تتمرجحي
بين الجفون
جوا العيون .. ويا السهر
يا اللي حنانك
أغلى هدية من القدر
يا أم العيون السود
بتحلم بالأمان
فاردة قلوعك
سابقة خطاويكي الزمان
ومين يقدر على مهرك؟
غير اللي الحب في قلبه
غناوي
كلها بإسمك
وطاير فوق دروب الشوق بمواله
وفيه رسمك
لو ان المهر يا حلوة
كنوز الأرض؟
ترخصلك
دا انا عاشقك يا متعاجبة
ومستني ف يوم أنسى
سنين الهجر والغربة
وأشوفك ف السما نجمة
تضوي فوق جبين الشوق
وتحلالي
واحط الكلمة ع الكلمة ف موالي
واغنيلك
يا ساكنة القلب من يومك
يا وهبالي سمار نيلك
ولسة احلامي وردية
بتسري ف دمي وعروقي
تزيد اللهفة من شوقي
أعيش بكرة على ذوقي
لا واجبي انساه
ولا حقوقي
وأشوف شمسه مضوية
تهل ف ساعة صبحية
تنور لي خطى طريقي
واعيش وياها ف البساتين
مع الياسمين
تكون مركب ف بحر أمين
وانا القبطان
ويوم ورا يوم
حنيني يزيد
ونار الشوق ف قلبي تقيد
لفجر جديد
ينور سكتي وداري
يكون الضلة ف نهاري
وطول ليلي
يكون قنديل
يكون لي دليل
ف كل سبيل
ولا آجي ف يوم أبات حيران
وحلمي وحلم أجدادي
وأولادي
يعيش ويايا بين يدي
ومين قدي
لو اقدر يوم أكون ملاح
أكون فلاح
تعيش الدنيا من كدي
ونفسي م السماح نابعة
تصير ف الضلمة نور شمعة
تنورها
وتبقى الوحشة بيا أمان
وانا الإنسان
وللباطل
أكون سجان
أكون عنتر أبو الفرسان
ف إيدي السيف
ولا اعرف خوف
يكون قلبي
حليم غضبان.

لا انا عاوزاك تكون فارس وماسك سيف
انا عاوزاك تكون قلبى
واكون قلبك
انا عايزه اكون جنبك
واكونلك نسمة هوا بارده ف حر الصيف
واكونلك بسمتك دايما
اكون اسمك اكون نفسك اكون قلبك
انا عايزاك حليم صابر على حبى
وبتحمل كمان جرحى
حليم لكن مهوش غضبان



تحياتى وكل التقدير لنصك الرائع

[إكرامي قورة]

الله الله الله

رائعة ايها الرائع

تثمسك بزمام فرسك جيدا

تقديري

[علاء عيسى]

تزيد اللهفة من شوقي
أعيش بكرة على ذوقي


الفاضل أ.
سامى
إيييييييييييييييييييييييي يييييييه الجمال ده؟
تحياتى
جميل أن كون الانسان صادقاً مع نفسه
أما عن نهاية القصيدة
فأرفع لها قبعتى
واقول تحياتتتتتتتتتتىىىىىى

[آمال المصري]

غزلية رائعة في أم الدنيا
تستحق مانثرته شاعرنا الرائع في عشقها ويزيد
انهمار بديع ونص يستحق التصفيق طويلا حتى تكل الكفوف
دام ألقك
ومرحبا بك في واحتك
تحاياي

[ربيحة الرفاعي]

نص شعري جميل وقل في البهية تستحقه واكثر

أبدعت شاعرنا
لا فض فوك

وأهلا بك في واحتك

تحاياي

[وليد عارف الرشيد]

لطالما كنت ارى مصر الحبيبة جميلة .. ورأيتها اليوم بين حروفك أجمل
شاعرية منسابة ومشاعر رائقة وجرس مطرب
دمت والإبداع شاعرنا الجميل
محبتي لك وللمحروسة وتقديري