المساعد الشخصي الرقمي

مشاهدة النسخة كاملة : شال الحمام 00 حط الحمام


الشربينى خطاب
02-02-2007, 01:42 PM
شال الحمام حط الحمام

:0014: :0014: :003: :0014: :0014:

حط الحمام ف قلبي
وعلي كتفي اليمين
زي نور الصبح
برد وسلام
فشربت أنا قهوتي
فنجانين
*****
نظرة عنيكي
من غير كلام
زي غناوي العشق
للعاصفير
لها ضحكة ساحرة
متلحنه أنغام
لو تعزفيها
يبان ف خدود الورد
غمَّازتين
*****
قام قلبي طار
ف الفضا حيران
من نشوته، زقزق
و قرب نحيتك
شاف بسمتك
احتار يروح فين
لرمش عينك النايم
بين كحلتك
ولا لغصن خدودك
اللي من ضحكتك
طرح وردتين
****
فرد قلبي جناحه
وحضن ندي نسمتك
لمح الأمل والنهار
ف طرف عينك
حبة خجل علي شوق
وتنهدتين
شدين شراع مركبك
كما مجدافين
لنور قلبي اللي طار
تاني ناحيتك
قلبك فنار
أشواق ونار
ساحرة مهجتي
من نظرتين
بقيت أسير الهوي
محبوس
في نن العين
جوتيار تمر
02-02-2007, 10:39 PM
الشربيني الرائع..

القصيدة تمتاز بغنائية لذيذة وامتياح موسيقي خصب يتواشج الصلات مع مداليله الواثقة المنبثقة من اللحظة الفاعلة لحظة الاحساس الكامل والرائد ...

محبتي لك
جوتيار
وفاء شوكت خضر
02-02-2007, 11:09 PM
الشاعر / الشربيني خطاب ..
هادئة .. جميلة المعنى حلوة النغم .
غزل رقيق قوي .. وجميل قوي
بالعامية ..
تحيتي وتقديري .
علاء عيسى
02-02-2007, 11:27 PM
نظرة عنيكي
من غير كلام
زي غناوي العشق
للعاصفير


........................
الفاضل
أ . الشربينى
تحياتى
لقلمك الساحر
ولكلماتك الشقية
ولحرفك العفى
المنمق
....................
د. فوزى أبو دنيا
03-02-2007, 12:23 AM
اقولك ايه طيب
بتجيب الكلام دا منين



ياحمام لقط كلامى
دا الكلام ماليان معانى
والزجل له شكل تانى
بالغنا ع السمسميه
الكلام ماليان بارود
والحمام رافض يعود
والالم مالى الوجود
طفل مرمى ع الحدود
اوله ف البصرة واخره
كان فوسط اسكندرية
دورو على انهى عود
كات بتملاه الورود
تقطفة ايدين غبية
اه يألمى يالى فيا
دمعتى ف العين حزينة
فوق خدودى مستحية
يا ترى منديل حبيبتى
هيمسح الدمعة اللى فيا..!
هيمحى من قلبى الاسية..!
مصطفى سلام
04-02-2007, 09:03 PM
محبوس
في نن العين

تعبير رائع .. أعتقد أنه جديد تماما , و قد كان تعبير العامة ( أشيله فى نن العين ) , لكن أن يكون معتقل الأسير هو نن العين .. فهذا جديد للغاية ...
موسيقى ممزوجة بالشعر ..
دام قلمك و رقة إحساسك ,,,
مصطفى سلام
د.جمال مرسي
05-02-2007, 05:36 AM
قصيدة رائعة أخي الشربيني خطاب
الصور فيها كثيفة و جديدة
أسعدك الله و دام مدادك
مودتي
سيد الموجى
10-02-2007, 11:53 AM
قلبك فنار
أشواق ونار
ساحرة مهجتي
من نظرتين
بقيت أسير الهوي
محبوس
في نن العين

وهو فيه أحلى من الحبسة دى حاجة يا عم شربينى
الله !
على الكلام الجميل
الشربينى خطاب
27-02-2007, 02:20 PM
الشربيني الرائع..
القصيدة تمتاز بغنائية لذيذة وامتياح موسيقي خصب يتواشج الصلات مع مداليله الواثقة المنبثقة من اللحظة الفاعلة لحظة الاحساس الكامل والرائد ...
محبتي لك
جوتيار
الصديق العزيز / جوتيار
أشكرك علي هذه القراءة الواعية بالفن الغنائي
وبموسيقي الشعر التي تدركها الآذان والقلوب
دمت محباً
الشربينى خطاب
21-05-2007, 10:51 PM
الشاعر / الشربيني خطاب ..
هادئة .. جميلة المعنى حلوة النغم .
غزل رقيق قوي .. وجميل قوي
بالعامية ..
تحيتي وتقديري .
الأستاذة الفاضلة / وفاء شوكت خضر
عندما يترجم الإحساس إلي معاني
تنال استحسان ممن يشعر بإحساسه
بتلك المعاني شعراً أو نثراً لهجي
أو فصحي المهم المتلقي
فهو غاية كل مبدع وأنت
عالية الإحساس للكلمة الجميلة
خالص شكري وتقديري
نادية حسين
22-05-2007, 02:11 AM
الله الله علي الحمام ومشاعر الانسجام

تسلم ياشاعر

بكرة اجيلك واجاريك

اجاريك علي هديل صوت الحمام

والصباح رباح

ماقدرت اشوف الجمال واروح بدون ماتكلم ع القليلة اسلم

سلام

ولي عودة
اسلام محروس
22-05-2007, 04:21 PM
شال الحمام ... حط الحمام
طار للقمر ... خدنى لسفر
خدنى لوجايع سكتين
سكة هنا
سكة ضنا
وانا وحدى بين السكتتين
والتوهه زرعانى فى قلب الصخر صبر
وحدى بالوك ايامى .. مر
شال الحمام ... حط الحمام
يرمى على الدنيا سلام
وانا وحدى بين الشيلة والحطه بأتوووووه
فعلا باتوه
اجدت وابدعت يا شاعر
توظيف راقى للمفردة التراثيه
وتناول سلس وفريد
كل تقديرى
واحترا:0014: ماتى
نادية حسين
24-05-2007, 05:36 AM
مراحب ياشاعر الحمام
جيتك ع الوعد واسفه علي التأخير
قال الحمام
قال الحمام ..احلا كلام ..
وارسل مراسيل الغرام
غني وله للي يحب
غني لها وعم السلام
:0014:
الله يا سرب الحمام
الله يا رمز الفرح
الحب عانق انسجام
والغيم بالنسمة سرح
:0014:
والورد عاشق للمطر
والنخل عاشق للسحاب
شفت القمر غايب دهر
والشمس دمعتها عتاب
غايب ولاحس وخبر
والشمس ماتهوى الغياب
:0014:
ليه القمر يهوى السهر
يسهر يغازل او وحيد؟
قال الحمام اصدق خبر
مهموم بفراقك اكيد
وسلامتك
دمت بخير:001: