قــلبى مـش قـــادر يســـــــــامح

[الهام احمد سعد]

جه يقوللى متخافيش
ارجعيلى من جديد
وابداى م الصفر تانى
واتعلمى منى الحساب
رجعلى ليّا الامانى
احضنى الأحلام بلهفة
واهجرى الخوف اللى ساكن جوه قلبك
وارسمى من تانى صورتى جوه لوحتك
وامسحى الصورة القديمة
ارسمينى صورة صافية زى قلبك
سامحى قلبى انه ظلمك
وانه كان قاسى وجرحك
بعترف ان كان جرحى كبير
بس قلب حبيبتى اكبر
قلب كان واقف بجنبى
بيراعينى ف محنتى
كان يواسى وكان يصّبر
واما كنت ازعل يصالح
واما احبه واغير عليه كان يقدّر
يا حبيبتى.... ياللى ساكنة جوه قلبى
قلبى سهران بيناديكى
نفسه يرجع تانى ليكى
نفسه ينسى انه ف عذاب
ارجعيله من جديد
واحسبى تانى الحساب
ليــــه؟؟!!!
ليه بيحلم بالرجوع
ليه بيترجانى ارجع
قلبى ده ايه بس ذنبه
لمّا جرحه لمّا دبحه
واما فكر انه ينسى
جه ومنعه
لسه ناوى تانى يخدع
لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
قلبى مش قادر يسامحه انه ظلمه
وانه كان قاسى عليه
وان جرحه جرح جامد
وقلبى مهما كات طيابته
م النهارده هيبقى جامد
مش هيرجع تانى طيب
لسه فاكر انى كنت ف يوم حبيبته
وان قلبه فيّا دايب
وانه من غيرى يدوق طعم العذاب
مهما كان من شوقى ليه
عمرى مابكى ف يوم عليه
عمرى مارجع تانى ليه
مش هـينفعنى الحســاب

[د. فوزى أبو دنيا]

لا دا الرجل سلم وخلاص
يقول الامام الحسين رضى الله عنه
ان شتمنى احد فى اذنى اليسرى ووشوش لى معتذرا فى اليمنى لسمحته

وبيقولو السماح ياهل السماح
اصل السماح دا طبع الملاح

تحياتى وتقديرى لنصك البديع

[الشربينى خطاب]

اقتباس :


لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
ـــــــــــــــــــــــــ ــــــــــــــــــــــــ

الهام احمد سعد
الهوي لوشاف دموعك
يغرغر الدمع ف عنيه
اللي صاب قلبك وجرحك
لو تقدر في يوم تسامحه
من غير ملامة أو عتاب
تلقي قاضي الغرام
يجيب الحق عليه

[مصطفى الجزار]

أحسنتِ يا إلهام
قصيدة جميلة فعلاً
ولكن راجعي نفسك في كلمة واحدة في العمل، وهي كلمة:
قلب كان واقف بجنبى
أنا شخصياً مش مرتاح لها !
حاسس إنها مش من الكلام العامية اللي احنا بنقوله
يعني احنا بنقول: كان واقف جنبي مش بجنبي
أما في الفصحى فبنقول "بجانبي".
انتي لا قلتي عامية، ولا فصحى... وقفتي في النُّص !!!
راجعيها وهتلاقي مخرج لها إن شاء الله

تحياتي

[الهام احمد سعد]

لا دا الرجل سلم وخلاص
يقول الامام الحسين رضى الله عنه
ان شتمنى احد فى اذنى اليسرى ووشوش لى معتذرا فى اليمنى لسمحته
وبيقولو السماح ياهل السماح
اصل السماح دا طبع الملاح
تحياتى وتقديرى لنصك البديع

شكرا د. فوزى على مشاركتك فى عملى المتواضع
ولكن القسوة اللى فى القصيدة دى
مش م القلب احيانا الواحد بيتظاهر انه قاسى وجامد ولكنه طيب وضعيف
شكر مرة تانيه على مرورك ومشاركتك

[الهام احمد سعد]

اقتباس :


لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
ـــــــــــــــــــــــــ ــــــــــــــــــــــــ

الهام احمد سعد
الهوي لوشاف دموعك
يغرغر الدمع ف عنيه
اللي صاب قلبك وجرحك
لو تقدر في يوم تسامحه
من غير ملامة أو عتاب
تلقي قاضي الغرام
يجيب الحق عليه


كلماتك دى استاذ الشربينى احلى من القصيده نفسها
شكرا على مشاركتك

[الهام احمد سعد]

أحسنتِ يا إلهام
قصيدة جميلة فعلاً
ولكن راجعي نفسك في كلمة واحدة في العمل، وهي كلمة:
قلب كان واقف بجنبى
أنا شخصياً مش مرتاح لها !
حاسس إنها مش من الكلام العامية اللي احنا بنقوله
يعني احنا بنقول: كان واقف جنبي مش بجنبي
أما في الفصحى فبنقول "بجانبي".
انتي لا قلتي عامية، ولا فصحى... وقفتي في النُّص !!!
راجعيها وهتلاقي مخرج لها إن شاء الله
تحياتي
شكرا بجد على المعلومة دى انا ديما بستفيد من تعليقك
ممكن بدل واقف بجنبى تبقى واقف معايا ومش هتكسر ف الوزن برده
شكرا جزيلا وديما نتعلم منك ومن نصايحك

[علاء عيسى]

لسه ناوى تانى يخدع
لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
*******************
إلهام
تحية لصدق حروفك
كتبت من القلب ولذا وصلت إلى قلوبنا

[إياد عاطف حياتله]

المسامح
برضه يا أختي كريمْ
واللّي يصفحْ
يبقى له قلبه الرحيمْ
ويلاقيها بكره
في يوم الحسابْ
لمّا يغفر له العظيمْ

[عبد الرحمن محمد النصيرات]

الاخت الهام

تحية طيبة وبعد،

نص فيه من الموسيقا ما يجعله من العذوبة بمكان سامي.

وكأني بك تودين القول:

تركتك وانتهى عهدك
نسيتك قبل تنساني
فلا بندم على بعدك
ولابعود لك تاني
ومادام تلعب عالحبلين
وقلبك يتسع لاثنين
خلاص أرجوك تنساني.

أطيب الامنيات بالتوفيق والسعادة

عبدالرحمن

[الهام احمد سعد]

لسه ناوى تانى يخدع
لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
*******************
إلهام
تحية لصدق حروفك
كتبت من القلب ولذا وصلت إلى قلوبنا


شكرا استاذ علاء يارب فعلا القصيدة تكون حلوة
شكرا على مرورك

[سامي محمود عبدالغفار]

وقلبى مهما كات طيابته
م النهارده هيبقى جامد
مش هيرجع تانى طيب
لسه فاكر انى كنت ف يوم حبيبته
وان قلبه فيّا دايب
وانه من غيرى يدوق طعم العذاب
مهما كان من شوقى ليه
عمرى مابكى ف يوم عليه
عمرى مارجع تانى ليه
مش هـينفعنى الحســاب


انت فاكرة
إن قلبك دا صديقك
ولا سكة شوق مشيها
تتحذف كده من طريقك
هى نظرة وابتسامة
يرجع الشوق بالسلامة
والعيون الحلوة تصرخ
" ما على العاشق ملامة "
" ما على العاشق ملامة "

[نبيل مصيلحى]

الرائعة / إلهام
تحياتي
بجد .. قصيدة رائعة , تتسم بموسيقاها الجميلة ..
وتفيض منها أحاسيس , تنم عن تجربة صادقة
خالص تحياتي
نبيل مصيلحي

[سحر الليالي]

المبدعة الهام :

تاخرت عليك

رائعة أخرى من روائعك

سلمت لنا ودمت مبدعة
لك ودي وباقة ورد

[الهام احمد سعد]

المسامح
برضه يا أختي كريمْ
واللّي يصفحْ
يبقى له قلبه الرحيمْ
ويلاقيها بكره
في يوم الحسابْ
لمّا يغفر له العظيمْ


شكرا ليك استاذ اياد على مشاركتك ف عملى المتواضع
والله ممكن اسامح
بس القصيدة جات كده بقه

[الهام احمد سعد]

وقلبى مهما كات طيابته
م النهارده هيبقى جامد
مش هيرجع تانى طيب
لسه فاكر انى كنت ف يوم حبيبته
وان قلبه فيّا دايب
وانه من غيرى يدوق طعم العذاب
مهما كان من شوقى ليه
عمرى مابكى ف يوم عليه
عمرى مارجع تانى ليه
مش هـينفعنى الحســاب
انت فاكرة
إن قلبك دا صديقك
ولا سكة شوق مشيها
تتحذف كده من طريقك
هى نظرة وابتسامة
يرجع الشوق بالسلامة
والعيون الحلوة تصرخ
" ما على العاشق ملامة "
" ما على العاشق ملامة "


الله كلامك ده احلى من قصيدتى انا مش عارفه كلكم مهاجمنى على قسوتى لكن القسوة دى ف القصيده وبس
شكرا على تعليقك الجميل ده

[الهام احمد سعد]

الاخت الهام
تحية طيبة وبعد،
نص فيه من الموسيقا ما يجعله من العذوبة بمكان سامي.
وكأني بك تودين القول:
تركتك وانتهى عهدك
نسيتك قبل تنساني
فلا بندم على بعدك
ولابعود لك تاني
ومادام تلعب عالحبلين
وقلبك يتسع لاثنين
خلاص أرجوك تنساني.
أطيب الامنيات بالتوفيق والسعادة
عبدالرحمن

شكرا على مرورك ده اول مرة تشارك ف عمل ليا
ومش هتكون اخر مرة انشاء الله
شكرا لتعليقك ويارب قصيدتى تكون عجبتك بجد

[الهام احمد سعد]

الرائعة / إلهام
تحياتي
بجد .. قصيدة رائعة , تتسم بموسيقاها الجميلة ..
وتفيض منها أحاسيس , تنم عن تجربة صادقة
خالص تحياتي
نبيل مصيلحي


طبعا ده شرف ليا ان حضرتك تكتب تعليقك ف عملى ببقى عايزه اكمل واكتب كتير
حضرتك بتشجعنى
شكرا ليك جدا وشكرا على مرورك

[الهام احمد سعد]

المبدعة الهام :
تاخرت عليك
رائعة أخرى من روائعك
سلمت لنا ودمت مبدعة
لك ودي وباقة ورد


شكرا اخت سحر على مرورك الكريم ان شاء الله اكون عند حسن ظنكم

[حسن صلاح حسن]

جه يقوللى متخافيش
ارجعيلى من جديد
وابداى م الصفر تانى
واتعلمى منى الحساب
رجعلى ليّا الامانى
احضنى الأحلام بلهفة
واهجرى الخوف اللى ساكن جوه قلبك
وارسمى من تانى صورتى جوه لوحتك
وامسحى الصورة القديمة
ارسمينى صورة صافية زى قلبك
سامحى قلبى انه ظلمك
وانه كان قاسى وجرحك
بعترف ان كان جرحى كبير
بس قلب حبيبتى اكبر
قلب كان واقف بجنبى
بيراعينى ف محنتى
كان يواسى وكان يصّبر
واما كنت ازعل يصالح
واما احبه واغير عليه كان يقدّر
يا حبيبتى.... ياللى ساكنة جوه قلبى
قلبى سهران بيناديكى
نفسه يرجع تانى ليكى
نفسه ينسى انه ف عذاب
ارجعيله من جديد
واحسبى تانى الحساب
ليــــه؟؟!!!
ليه بيحلم بالرجوع
ليه بيترجانى ارجع
قلبى ده ايه بس ذنبه
لمّا جرحه لمّا دبحه
واما فكر انه ينسى
جه ومنعه
لسه ناوى تانى يخدع
لسه عايز انى ارسم تانى صورته
لسه جاى يحلم ف يوم انى هحبه
وانى هحلم تانى بيه
وانى هسهر تانى ليلى
واكتب الشعر ف عنيه
ولا فاكر انى هنطق تانى اسمه
او انادى ف يوم عليه
قلبى مش قادر يسامحه انه ظلمه
وانه كان قاسى عليه
وان جرحه جرح جامد
وقلبى مهما كات طيابته
م النهارده هيبقى جامد
مش هيرجع تانى طيب
لسه فاكر انى كنت ف يوم حبيبته
وان قلبه فيّا دايب
وانه من غيرى يدوق طعم العذاب
مهما كان من شوقى ليه
عمرى مابكى ف يوم عليه
عمرى مارجع تانى ليه
مش هـينفعنى الحســاب


قصيدة مليئة بالمشاعر الصادقة .... استوقفتنى هذه القصيدة أكثر من مرة للقراءة ولم استطع التعليق ... ولكن هنا الصمت أبلغ من الكلام
فى انتظار المزيد من هذه القصائد االجميلة

[الهام احمد سعد]

قصيدة مليئة بالمشاعر الصادقة .... استوقفتنى هذه القصيدة أكثر من مرة للقراءة ولم استطع التعليق ... ولكن هنا الصمت أبلغ من الكلام
فى انتظار المزيد من هذه القصائد االجميلة
شكرا للشاعر المبدع \حسن صلاح اعمالى لسه بترسم الطريق لنفسها وانتوا بتشجعونى شكرا ليك ودمت مبدعا

[مأمون المغازي]

قلبي مش قادر يسامح

استطاعت الشاعرة إلهام أحمد سعد في عاميتها هذه أن تجسد لنا حالة فقد مصحوبة بمكابدة المحاولة للعودة ومكابدة الذكريات التي سردتها الشاعرة تعبيرًا عن حالة إنسانية هي حالة العطاء من أجل الحب ومن أجل المحبوب ، هذا المحبوب الذي يراوح بين الترك والطمع في العودة ، لتطرق الشاعرة حالة اجتماعية تفشت في المجتمع وهي تلفيق الأعذار اعتمادًا على سطوة الحب أو ربما حالة العوز للحب في مجتمع أفقدته المادية والصراع من أجل مجرد الوجود ، أفقدته هذه الحالات الشعولا بقدسية الحب وقدسية القلب المسكون بالحب ليتحول الحب إلى حسبة من ضمن مجمل الحسابات التي لم تعد تنفع الحسابين ، لتخرج علينا الشاعرة بقناعة تامة مؤداها أنها تنازلت عن محبوبها ولا يمكن أن أقول تنازلت عن حبها لأن الحب كما يبدو لنا باق في قلبها بدليل العنوان ( قلبي مش قادر يسامح ) حيث يوجِد النوان مساحة من التفكير في حين لو جاء العنوان ( قلبي مش مسامح ) لتبينا نسفًا تامًا لهذه العلاقة .
وبالإجمال تأتي تجربة الشاعرة متألقة بها من الروعة ما يجعلنا نعيش التجربة من خلالها كما جاءت اللوحات الفنية التي رسمتها الشاعرة مشتملة على الصور الدقيقة ، جاءت ناجحة جدًا تنقلنا إلى الحالات بيسر ورشاقة .

الشاعرة : إلهام أحمد سعد

كانت هذه قراءتي

أتمنى أن تليق بهذا العمل الجميل

تحياتي وتقديري

مأمون المغازي

[الأحمدى عثمان أحمد]

فمن عفا وأصلح فأجره على الله.............................اللى يحب ما يعرفش يكره....................
ولا ايه!!!!
ا الأحمدى الهوارى

[الهام احمد سعد]

قلبي مش قادر يسامح
استطاعت الشاعرة إلهام أحمد سعد في عاميتها هذه أن تجسد لنا حالة فقد مصحوبة بمكابدة المحاولة للعودة ومكابدة الذكريات التي سردتها الشاعرة تعبيرًا عن حالة إنسانية هي حالة العطاء من أجل الحب ومن أجل المحبوب ، هذا المحبوب الذي يراوح بين الترك والطمع في العودة ، لتطرق الشاعرة حالة اجتماعية تفشت في المجتمع وهي تلفيق الأعذار اعتمادًا على سطوة الحب أو ربما حالة العوز للحب في مجتمع أفقدته المادية والصراع من أجل مجرد الوجود ، أفقدته هذه الحالات الشعولا بقدسية الحب وقدسية القلب المسكون بالحب ليتحول الحب إلى حسبة من ضمن مجمل الحسابات التي لم تعد تنفع الحسابين ، لتخرج علينا الشاعرة بقناعة تامة مؤداها أنها تنازلت عن محبوبها ولا يمكن أن أقول تنازلت عن حبها لأن الحب كما يبدو لنا باق في قلبها بدليل العنوان ( قلبي مش قادر يسامح ) حيث يوجِد النوان مساحة من التفكير في حين لو جاء العنوان ( قلبي مش مسامح ) لتبينا نسفًا تامًا لهذه العلاقة .
وبالإجمال تأتي تجربة الشاعرة متألقة بها من الروعة ما يجعلنا نعيش التجربة من خلالها كما جاءت اللوحات الفنية التي رسمتها الشاعرة مشتملة على الصور الدقيقة ، جاءت ناجحة جدًا تنقلنا إلى الحالات بيسر ورشاقة .
الشاعرة : إلهام أحمد سعد
كانت هذه قراءتي
أتمنى أن تليق بهذا العمل الجميل
تحياتي وتقديري
مأمون المغازي


اعجز عن شكرك استاذ مامون على مرورك وتحليلك وتفاعلك مع القصيدة وتفصيلها
فانت الرائع لا انا ولا قصيدتى
لا اجد كلمات اعبر بها عن اعجابى الشديد وفخرى بمشاركتك معى فى هذا العمل المتواضع

شكرا جزيلا

[الهام احمد سعد]

اخى الاحمدى نعم ن يحب لا يكره فانا لا اكره
نسال الله ان يمحوا قلوبنا من الكره
وانا يزيل همومنا وان يملئ قلوبنا بالعفو والصفح
شكرا جزيلا على مرورك الكريم
ونرجوا مشاركتك برائعة من روائعك معنا على صفحات واحة الادب

[رامى رياض]

جميله جدا فكرتنى بانسان كان عزيز عليا
بس ياريت اعرف عنه كل حاجه مكنتش اعرفها وانت تقدرى تساعدينى انا طالب المساعده
ramy_romio67@yahoo.com
ضرورى المرسله

[جوتيار تمر]

الهام..........

النص فيه من السمة الواقعية الكثير الكثير وكأني به نص واقعي حبك بلهجة عامية وهذه اللهجة لم تمنع ان يكون المص ذا قيمة ادبية فعلية عميقة ، انا من الذين يسامحون لكن ليس على حساب قضية اؤمن بها او مس بالشخصية.

دمت بخير

محبتي لك
جوتيار

[أحمد موسي]

اوعى تاني ترجعيله
ولا حتى تحتاجيله
مهما قال انك حبيبته
اوعى مره تشتاقيله

اوعي تكتبي شعر ليه
دا خساره الحب فيه
جاى وراجع ليكي تاني
لما راح زمنك عليه

انسي حبه .. وانسي جرحه
واوعي قلبك يوم يسامحه
والليالي كفيله بردو
تنسي كانت ايه ملامحه

إلهام الغاليه
ارتجلتها سريعا سريعا وانا بكتب
ومش تمام انا عارف لكن اقبليها وتقبلي مرورى

أخوكي الصغير " قلما" وليس سنا

[محمد نسيم السعدنى]

رائعه كعادتك

[لمياء سليمان]

صديقتي الهام
قسي قلبك فلم تعد تنفع الطيبة ولا تجدي
ولكني حصلت مقالة لي اننا كلما سألنا عنهم خسرناهم
وقدر ما نقسى عليهم يحفو ورانا
شكرا يا الهام على هذه الحروف المشجعة واللطيفة
اتمنى ان لا تصدقيه من يبعد مرة ينوي البعاد الف مرة
شكرا لكِ

[اكرم حسن احمد]

النص رائع لكن لماذا تفقدين اشئ كثيره عندما اتجهنا لنهاية النص مجموعه من الصور الشعريه الجباره فى بداية النص والنص كله ملئ بالصور لكن ارى من وجهة نظرى النصف الاول من النص اقوى من الثانى واتفق مع مصطفى الجزار فى جملة قلبك كان واقف بجنبى وفى النهايه احيكى على هذا النص الرائع تقبلى مرورى

[الهام احمد سعد]

النص رائع لكن لماذا تفقدين اشئ كثيره عندما اتجهنا لنهاية النص مجموعه من الصور الشعريه الجباره فى بداية النص والنص كله ملئ بالصور لكن ارى من وجهة نظرى النصف الاول من النص اقوى من الثانى واتفق مع مصطفى الجزار فى جملة قلبك كان واقف بجنبى وفى النهايه احيكى على هذا النص الرائع تقبلى مرورى

المبدع / اكرم حسن
اشكرك اولا على مرورك الكريم
واوافقك على ضعف النص فى اخره
هذا النص من قديم ما كتبت ومؤكد اصابته بشئ من الضعف والخطا
لك كل الشكر والتقدير والاحترام
دمت مبدعا ودام تواصلك

[الهام احمد سعد]

اوعى تاني ترجعيله
ولا حتى تحتاجيله
مهما قال انك حبيبته
اوعى مره تشتاقيله

اوعي تكتبي شعر ليه
دا خساره الحب فيه
جاى وراجع ليكي تاني
لما راح زمنك عليه

انسي حبه .. وانسي جرحه
واوعي قلبك يوم يسامحه
والليالي كفيله بردو
تنسي كانت ايه ملامحه

إلهام الغاليه
ارتجلتها سريعا سريعا وانا بكتب
ومش تمام انا عارف لكن اقبليها وتقبلي مرورى

أخوكي الصغير " قلما" وليس سنا


المبدع / احمد موسى
اشكر لك مرورك الكريم
وشكرا لارتجالتك الرقيقة
دمت مبدعا ودام تواصلك
تقبل خالص تحياتى وتقديرى

[اكرم حسن احمد]

جوه البشر زى الشجر
اغصان بتدبل كل يوم
اعيش ازاى
وحلمى الجاي
مبحلمهوش .. ف عز النوم