طير يا قلبي

[مأمون المغازي]

طير يا قلبي وعند الهرم رفرف في السما عالي

وبلغ الأشواق والتحية للأدبا .. أهل المعالي

في الصومعة اجتماعهم ، يا نورهم في السما لالي

يا فرحة الواحة ، وكل من فيها

بأهل مصر ، ومصر الحبيبة عنها سؤالي

بلغوا كل حبة رمل ، وكل حتة طين

باحبها واغني فيها غناوي جدي وعيالي

ولو كنت بينكم اليوم أقول :

الواحة أمة ... والله أمة

وكل من فيها من خير الرجال

وشواعر ( شاعرات) كل واحدة شايلة هم أمة زي الرجال

وفكرها واصل مواصل ، واتفاقنا كلنا حسن الوصالِ

يا أهل مصر يا حتة مني

الله يبارك جمعكم ، ويحقق بالفروع كل آمالي


مأمون المغازي

[سارة محمد الهاملي]

بارك الله فيك أخي مأمون المغازي وفي الجمع الذي باركت له.
حقق الله أمانيهم في تأسيس دولة الوحدة التي لا تحدها حدود ولا تمنعها موانع.
وفقنا الله جميعاً لما فيه خير أمتنا.
تحياتي الخالصة.

[د. فوزى أبو دنيا]

مانيش عارف اقولك ايه
ولا قادر اقولك ليه
كلامى داب فى احساسى
وعقلى فاتنى من راسى
ولا راضى الكلام يطلع
..........................اعبر بيه

[مأمون المغازي]

أختنا الكريمة : سارة الهاملي ، كل الشكر لكِ ، ونتمنى للأساتذة الأدباء في مصر دوام التألق ، ونتمنى للواحة كل الخير وأن تبقى دار عز للأدب والفكر والفن .

تقبلي احترامي وتقديري

مأمون المغازي

[وفاء شوكت خضر]

الأديب الرائع / مأمون المغازي ..

شوقتنا لأرض لمصر .. والنيل .. وأهل مصر .

بارك الله بك على كلماتك ومشاعرك الرقيقة الصادقة .

وبارك الله بأعضاء رابطة الواحة فرع مصر وكل الفروع ..

أيها الأوفياء الصادقين بعهدهم ..
لكم منا أجمل التحيايا وطاقات الورود .

تحيتي أيها الأديب الراقي في أدبك ومشاعرك .

[الشربينى خطاب]

علقوا الناف في رقبتي
وحرثت أرضك يا هرم
كسرت محراتي
صخرة مخفية
كشفت لي عن سرالخلود
المكتوب علي الحجارة
من فرحتي
زال عن قلبي الألم
****
فبدرت في أرض
الكنانة بذرتي
وريتها بدموع الصبايا
اللي ساكنة مهجتي
اخضرت قلوب الواحة
بسنابل وزهور فوَّاحة
فاضت الغيطان بالكرم
****
سألني ابو الهول الحزين
فين السواعد والهمم
اللي بنت صرح الحضارة
وعلِّمت كل البلاد والأمم
إزاي إتولد سر الحياة
علي إيد الإله من العدم

[مصطفى الجزار]

خَدْنا الغَرْسَة عشان نزرعها=على شط النيل ونرَعْرَعها
لقيناها بتفرَح وبتطرَح=أشعار بنقولها ونسمعها
علشان أرض النيل طرّاحة=بالخير تجمَعنا ونجمَعها
شجرتنا فروعها أهي زادت=فرع وهيكون أقوى فروعها
طَمْي النيل هيقوّي جدورها=وهيرفع راسنا ويرفعها
والواحة هتفضل فوّاحة=بجهودها وشموس إبداعها

تحياتي

[د. فوزى أبو دنيا]

للتثبيت احتفاء بافتتاح فرع مصر

[مأمون المغازي]

شاعرنا الدكتور : فوزي أبو دنيا

اللي في القلب فوق الكلام بسنين

لو كنت حسّاب لقضيت العمر ويزيد

أعد كل نبضة حب ، وكل شوق وحنين

لحتة مني اسمها .. بلدي

ويوم جمعتكم الواحة كان عندي والله

زي يوم العيد

[مأمون المغازي]

أديبتنا النقية : وفاء شوكت خضر


وفاء ، والوفاء اسمك ، والطبع دا طبعك

لو كنتِ مشتاقة لمصر الأم.. بالحق هنصارحك

نقول زي ستي ما قالت

كل بيت بيتك ، وأرضنا أرضك


تقبلي امتناني

[مأمون المغازي]

أستاذنا الشاعر : شاهين أبو الفتوح

يا عم شاهين . لو مهما الجدر دق واتمكن

هيفضل طول العمر محتاج

لألف إيد ، تروي ، وتراعي ، وتهنن

الواحة بعزها طالعة

شايفها في حضن القمر في الفن تتفنن

[د. فوزى أبو دنيا]

مانيش عارف اقولك ايه
ولا قادر اقولك ليه
كلامى داب فى احساسى
وعقلى فاتنى من راسى
ولا راضى الكلام يطلع
..........................اعبر بيه
اقوله ليه حرام تهرب
يقول احساس منيش اديه
ساعات الكلمة ياصحبى
تدوب من شدة الاحساس
مبالك وانتى ياصحبى
ف قلبى تبقى اعز الناس

[مأمون المغازي]

الأديب الشاعر : الشربيني خطاب



في شربين شراب الورد شاربينه

ولو قلت بحبها

هعيد كلامي وأزيده

لو كنت بصيت للهرم ، وسمعت وشوشة الأسد

كنت عرفت إحساسه

لما قال لك باجتماعكم ، شفت فجر اتولد

[مروة عبدالله]

ان لي في حب مصر وقفات
لا تسعني بها الصفحات
اقف حائرة في جمع الكلمات
ربي وهبتني قلما وعقلا واحساسا
حصدت فيه مئات الردود عبر الصفحات
لكن ما يحيرني عجز قلمي وقلم غيري
في وصف محبة مصر أرضى
أرض الخير .. أرض الكنانة .. أم الدنيا
فالهمني ان لا يخط قلمي الا في محبتك
ثم محبة أرضنا
أستاذى ((مأمون))
أشكرك كثيرا لإتاحة الفرصة
لنا لنعبر بشعورنا عن أرضنا
أرض العروبة
تحياتى وتقديرى
مرمر

[مأمون المغازي]

شاعرنا المترف الإحساف والفكر / مصطفى الجزار


احلم واحلم للواحة

الواحة بتحلم في فروعها

لو كان النيل ساقيها

رح يجري بخيره في دروبها

والحلم هيطرح مواويل

والصبر عليها يوصلها

[مأمون المغازي]

الدكتور / فوزي أبودنيا


يا عم فوزي يابو الأفضال

تثبيت كلامي دا من فضلك

لو كنت أقدر أقول زيك

لكتبت دواوين في جمايلك

الفرع ع النيل من ضيك

وضَي إخوانا حبايبك

محروسة مصر بأمثالك

مستني اشوف مليون منك

يتعلموا حب الأمة

والأمة من قبلي وقبلك

[محمد إبراهيم الحريري]

طير يا قلبي وعند الهرم رفرف في السما عالي
وبلغ الأشواق والتحية للأدبا .. أهل المعالي
في الصومعة اجتماعهم ، يا نورهم في السما لالي
يا فرحة الواحة ، وكل من فيها
بأهل مصر ، ومصر الحبيبة عنها سؤالي
بلغوا كل حبة رمل ، وكل حتة طين
باحبها واغني فيها غناوي جدي وعيالي
ولو كنت بينكم اليوم أقول :
الواحة أمة ... والله أمة
وكل من فيها من خير الرجال
وشواعر ( شاعرات) كل واحدة شايلة هم أمة زي الرجال
وفكرها واصل مواصل ، واتفاقنا كلنا حسن الوصالِ
يا أهل مصر يا حتة مني
الله يبارك جمعكم ، ويحقق بالفروع كل آمالي
مأمون المغازي
الأستاذ مأمون ، تحية طيبة
ما أقدرش أقلك ايه يعني
من شعرك تحفة ولا تغني ؟
ما تشقلب دنيانا أغاني
وترنم قيثار الجنة
من ثغر البسمة ولا يهمك
موال الحب على فنه
يطرب لك قلبي يغني لك
وحياتك غني لواحتنا
والأدبا حولك بتغني
ـــــــــــــــــ
الأخ الأديب الشاعر ، عذرا
هي محاولة ، تحية لك

[مأمون المغازي]

الأديبة / مروة عبد الله


مصر يا مرمر ساكنة جوايا
أشرق واغرب وهي ويايا
بهية تنور ليلي بهواها
وجرحي هي ودمعي وأسايا
بحب الحب فيها
وروحي فيها ، وأنسي وهنايا
تحياتي وتقديري

[مأمون المغازي]

شاعرنا الحبيب / محمد الحريري

ما أجملك وما أرق إحساسك

عندما أقرأ حرفك أشعر بنبض الحنو

تقبل حبي واحترامي