::::::: خلصت الحدوته :::::::

[فريد عبدالعزيز]

:::::خلصت الحدوته:::::



خلصت الحدوته

خلصت فى أولها

وحياتى من بعدك

جارى فى تعديلها

لو حلوه أو مره

لازم أكملها....



قلت هاعيش وياك ف الجنه

سيبت القلب معاك يتهنى

ليه تكسرنى وتكسر قلبى

ليه ف دقيقه تهد أمالنا؟

جاى بتقول فوق من أوهامك

جاى بتقول إحساسك خانك

جاى دلوقت تقوللى " كشفتك"

جاى بتغير كل كلامك!!!



عايز تبعد كنت صارحنى

بينى وبينك

مش تجرحنى

ليه قدام العالم كله

جاى بتقوللى كلام يدبحنى؟

كان فيه ألف طريقة تفارق

وافضل احبك وافضل عاشق

وتسيب ذكرى رقيقه ف قلبى

مش تنهينى ف ست دقايق





كنت فاكرنى هاجرح فيك ؟

أو هاتعصب وأقسى عليك؟

اللى يحب لايمكن يقسى

وانا حبيت....

مكدبش عليك

عارف رغم قساوتى....

معاك..

كنت الاقينى رقيق وملاك

كنت اتحمل ادوس على قلبى

ولا اتحمل اكون لسواك



عارف...عمر ما حد خدعنى

ما هو مش طبعى أأمن يعنى

جيت ولحدك رحت مسلم

علشان تجرح وتضيعنى

مش هنساك ولا هاظلم قلبك

علشان كنت بجد بحبك

بس عشان يبقى ف معلومك

انا أخلصت وعمرى ما خونتك



عارف إيه مخلينى حزين ؟

إنى عشقت ف غمضة عين.

بعد ما باب الحب قفلته

بعد ما عشت لوحدى سنين

يلا... عموما عيش وارتاح

ميهمكش أعيش فى جراح

سيبلى الحزن بوجعه وناره

وخد من قلبى جميع الافراح

[حسن صلاح حسن]

أخى الشاعر الرقيق/ فريد عبد العزيز
غنائية جميلة جدا ... دمت مبدعا يا أخى


كنت فاكرنى هاجرح فيك ؟

أو هاتعصب وأقسى عليك؟

اللى يحب لايمكن يقسى

وانا حبيت....

مكدبش عليك

(عارف رغم قساوتى....

معاك..)

كنت الاقينى رقيق وملاك

كنت اتحمل ادوس على قلبى

ولا اتحمل اكون لسواك

أعتقد يا أخى أن هذا البيت يحتاج منك وقفة (عارف رغم قساوتى...معاك...)
بارك الله خطاك

[جوتيار تمر]

نخلقها وننهيا
انها قيمة انسانية عليا
لكن متى بدأنا ومت انتهينا
وهل فعلا بدأنا
حتى ننتهي

خلصت الحدودة

نعم خلصت

محبتي لك
جوتيار

[فريد عبدالعزيز]

أخى الشاعر الرقيق/ فريد عبد العزيز
غنائية جميلة جدا ... دمت مبدعا يا أخى
كنت فاكرنى هاجرح فيك ؟
أو هاتعصب وأقسى عليك؟
اللى يحب لايمكن يقسى
وانا حبيت....
مكدبش عليك
(عارف رغم قساوتى....
معاك..)
كنت الاقينى رقيق وملاك
كنت اتحمل ادوس على قلبى
ولا اتحمل اكون لسواك
أعتقد يا أخى أن هذا البيت يحتاج منك وقفة (عارف رغم قساوتى...معاك...)
بارك الله خطاك

أخى وأستاذى الشاعر / حسن صلاح

سعيد بمرورك على عملى المتواضع يا استاذى ولا حرمنا الله منك وبالنسبه للبيت فسوف أحاول تعديله لانه ربما يكون مبهم المعنى وغير واضح فقط كنت اقصد انه رغم قسوتى مع الاخرين الا انى امامك أشعر وكأننى ملاك

خالص تحياتى ودمت بكل روعه وود :noc:

[فريد عبدالعزيز]

خلصت الحدوته
خلصت فى أولها
وحياتى من بعدك
جارى فى تعديلها
لو حلوه أو مره
لازم أكملها....
ولو قلت ذلك فقط لكفاك ، ففيه مربط الفرس و .. باطن الشاعر !
أبدعت يا أستاذ فريد
محبتي واحترامي


الأستاذ الشاعر / شاهين أبو الفتوح

مجرد مرورك الكريم يسعدنى ... فما بالك بكلمات بروعة كلماتك ....بارك الله فيك ولا حرمنا منك ولا من مرورك العطر

خالص تحياتى ومحبتى لك :001:

[فريد عبدالعزيز]

نخلقها وننهيها
انها قيمة انسانية عليا
لكن متى بدأنا ومت انتهينا
وهل فعلا بدأنا
حتى ننتهي
خلصت الحدودة
نعم خلصت
محبتي لك
جوتيار


الرائع أستاذ / جوتيار

لا يسعنى إلا شكرك على تعليقك الرقيق ايها المفكر ..... وسعيد لوجودى بين مبدعين أمثالكم

خالص تحياتى ودمت مبدعا جميلا :001:

[د. فوزى أبو دنيا]

اخى الاستاذ فريد
اهلا بك معنا بالقاعة
واتمنى لك مقام طيب معنا

تقبل تحياتى

[حسام القاضي]

عمل جميل جداً

شعر غنائي أكثر من رائع

تمكن واضح من الأدوات

تعبيرات مبتكرة ، ومشاعر رقيقة

وموسيقى تطرب لسماعها الأذن بل والقلب أيضاً.

لك كل الشكر والتقدير .

[فريد عبدالعزيز]

اخى الاستاذ فريد
اهلا بك معنا بالقاعة
واتمنى لك مقام طيب معنا
تقبل تحياتى



اخى الشاعر الدكتور / فوزى أبو دنيا

اشكرك من اعماق قلبى على ترحيبك الطيب

خالص تحياتى لشخصكم الكريم

[فريد عبدالعزيز]

عمل جميل جداً
شعر غنائي أكثر من رائع
تمكن واضح من الأدوات
تعبيرات مبتكرة ، ومشاعر رقيقة
وموسيقى تطرب لسماعها الأذن بل والقلب أيضاً.
لك كل الشكر والتقدير .


اخى الاستاذ الأديب ( دائما) / حسام القاضى

كلماتى خجلى أمام كلماتك الرائعه .... دمت لى اخا واستاذا أعتز به

تقبل تحياتى ..... ومحبتى لك

[ينابيع السبيعي]

أخي فريد
كتبت وأجدت
ارحب بك في الواحة
اهلا بك
وبالشعر الانيق
تقديري
اختك
ينابيع السبيعي

[فريد عبدالعزيز]

أخي فريد
كتبت وأجدت
ارحب بك في الواحة
اهلا بك
وبالشعر الانيق
تقديري
اختك
ينابيع السبيعي



اختى الشاعره الرقيقه / ينابيع السبيعى

أشكرك مره لمرورك الجميل والف مره لترحيبك الأجمل

لا حرمنى الله من مرورك الرقيق

اخوك / فريد عبد العزيز

[الشربينى خطاب]

اقتباس:
كنت فاكرنى هاجرح فيك ؟
أو هاتعصب وأقسى عليك؟
اللى يحب لايمكن يقسى
وانا حبيت....
مكدبش عليك

الشاعر الجميل / فريد عبد العزيز
:0014: :0014: :0014:

أهلاً بك في سرب الواحة

:noc:

بيني وبينك
يا ابن الأية
اللي بحب
يبان ف عنيه
وانت يا صاحبي
حكايتك إيه
***
جي تتمحّك
في المكتوب
قر وتوب
وقول للدنيا
الحق عليك
***
جي تسالني
وتاخد رايي
هي نصيحة
روح لحبيبك
وامسح خوفك
ف ضي عنيه

[وائل محمد القويسنى]

عارف...عمر ما حد خدعنى

ما هو مش طبعى أأمن يعنى

جيت ولحدك رحت مسلم

علشان تجرح وتضيعنى

مش هنساك ولا هاظلم قلبك

علشان كنت بجد بحبك



هوا ده اللى بيسموه "الحب"
رغم جراحه بنفضل فيه
ورغم إن احنا ممكن نتعرض للخيانه
برضه ما بنعرفشى نخون
ربنا يكفينا شره

تحياتى....
...وائل القويسنى

[فريد عبدالعزيز]

اقتباس:
كنت فاكرنى هاجرح فيك ؟
أو هاتعصب وأقسى عليك؟
اللى يحب لايمكن يقسى
وانا حبيت....
مكدبش عليك

الشاعر الجميل / فريد عبد العزيز
:0014: :0014: :0014:

أهلاً بك في سرب الواحة

:noc:

بيني وبينك
يا ابن الأية
اللي بحب
يبان ف عنيه
وانت يا صاحبي
حكايتك إيه
***
جي تتمحّك
في المكتوب
قر وتوب
وقول للدنيا
الحق عليك
***
جي تسالني
وتاخد رايي
هي نصيحة
روح لحبيبك
وامسح خوفك
ف ضي عنيه


الشاعر الأجمل والصديق / الشربينى خطاب

انا بينكم لاتعلم منكم .... لا حرمنا الله منك يا استاذى العزيز

حبى ... وشكرى .... وتقديرى .... ومحبتى لك

[فريد عبدالعزيز]

عارف...عمر ما حد خدعنى
ما هو مش طبعى أأمن يعنى
جيت ولحدك رحت مسلم
علشان تجرح وتضيعنى
مش هنساك ولا هاظلم قلبك
علشان كنت بجد بحبك
هوا ده اللى بيسموه "الحب"
رغم جراحه بنفضل فيه
ورغم إن احنا ممكن نتعرض للخيانه
برضه ما بنعرفشى نخون
ربنا يكفينا شره
تحياتى....
...وائل القويسنى


الضربه التى لا تميتك تزيدك قوه.... صح ؟
افتكر ان الحب حلو فى كل حالاته .... ممكن اتفق معاك اننا مبنعرفش نخون بس حتى لما بنتخان ممكن نكتب كلام كويس .... يبقى ليه ربنا يكفينا شره ؟؟؟؟؟؟
تحياتى
فريد عبد العزيز