المساعد الشخصي الرقمي

مشاهدة النسخة كاملة : يعني ايه كلمة بحبك



مصطفى عمار
21-03-2007, 04:12 PM
ياسؤال في القلب حاير
نفسي ألقالك جواب
من زمان والقلب عاشق
والهوى له ألف باب
بس قومت عليها داير
قفلوا ابواب السراب
يعني إيه كلمة بحبك ؟
يعني إيه انا قلبي عاشقك ؟
يعني إيه؟
هيا كلمة "حب " سهلة ؟
ولا سلة
يترمى فيها الكلام ؟
ولا كلمة ذل ذلة ؟
ولا ولا
لوباعوها تسوى كام ؟
يعني إيه كلمة بحبك ؟
يعني سهران الليالي
برسمك وردة فـ خيالي
واديهالك تقطفيها واحدة واحدة
يمكن اطلع مش بحبك ؟
يعني إيه كلمة بحبك ؟
يعني لما أشوفك اجري ؟
فاتح الدراعين لقلبي
لجل يحضن من نسيم الحب عمرك ؟
يعني إيه كلمة بحبك ؟
يعني أحفر فوق جدار القلب حرفك ؟
ولا أرسم قلب مضروب سهم في الجنب الشمال ؟
ولا لجل ما اقول بحبك
أسألك مليون سؤال ؟
يعني إيه كلمة بحبك ؟
يعني ميسد وكام رسالة ؟
ولا حالة ؟
والحقيقة في النهاية إنها كات اشتغاله
يا سؤال في القلب حاير
نفسي ألقالك جواب:002:

مروة عبدالله
21-03-2007, 10:13 PM
يا الله على الجمال

أعجبتنى جدااااااااا

بوركت وسلمت يداك

مرمر

أحمد إبراهيم أحمد
21-03-2007, 11:22 PM
الشاعر الجميل مصطفي عمار
زي ماقال عمنا شاهين
قول كمان
فكلامك عن الحب رائع
وغير مفتعل
تحياتي
احمد ابراهيم

د. فوزى أبو دنيا
22-03-2007, 06:57 PM
شاعرنا مصطفى عمار جميل انت فى مدرستك الشعرية
وتمتلك فيها حرفية التعبير
مزيد من العطاء والرقى

الشربينى خطاب
22-03-2007, 07:42 PM
فيه ملك قالوا زمان
لمَّا حب ساب عرشه
كان سأل نفس السؤال
تاه ياعيني في عين صبية
قال وغني ورقع موال
حضن شوقه جوه عشه
نام وقلبه مرتاح البال
وانا قلبي راح ضحية
برضه بنفس السؤال
لمَّا قال عاشق بعلمه
كل حب نبت ف قلبك
زي طير لبد ف عشك
مستحيل تقدر تنشه

مصطفى عمار
25-03-2007, 08:36 PM
لو كلامي كان صغير
قلبي عمره ما كان صغير
جوا مني قلب شاعر
ساكنه جواه المشاعر
بس برده جاي عشان ابقالكوا ورده
راح تفوح بالعطر بينكوا
واسمحولي ابقى منكوا



شكرا جزيلا لكل من تكرم واطلع على قصائدي

صابرين عبد القادر شوقت
28-03-2007, 02:09 AM
قوووووووووووول كمان ياشاعر
إيه الكلام الجامد ده
القصيده جميلة جداً
ما اقدرش أقول بجد أكتر من كده
القصيدة جامده بجد............

أختك/صابرين:hat:

علاء عيسى
29-03-2007, 04:39 AM
برسمك وردة فـ خيالي
واديهالك تقطفيها واحدة واحدة
يمكن اطلع مش بحبك ؟
" الله عليك يابو درش
تحياتى أيها الشاعر المعطاء "

مصطفى عمار
02-04-2007, 11:50 AM
أستاذي الكبير / علاء عيسى


لو كان الكلام من فضة
فالشكر ليك من دهب

دمت طيبا مبدعا وما أنا إلا من اللذين أعجبوا بشعر الأستاذ علاء عيسى


ورجاءً أحاول أن اكلم حضرتك لا أستطيع أرجوا أن أقابل حضرتك لو تسمحلي

اخوك الصغير مصطفى عمار

محمود العريان
02-04-2007, 09:01 PM
يعني إيه كلمة بحبك ؟
يعني أحفر فوق جدار القلب حرفك ؟
ولا أرسم قلب مضروب سهم في الجنب الشمال ؟
ولا لجل ما اقول بحبك
أسألك مليون سؤال ؟
يعني إيه كلمة بحبك ؟
يعني ميسد وكام رسالة ؟
ولا حالة ؟
والحقيقة في النهاية إنها كات اشتغاله
يا سؤال في القلب حاير
نفسي ألقالك جواب:002:

الشاعر الجميل مصطفي عمار
حقيقي لك أسلوب مميز خصوصاً في استخدام مفردات عامية عصرية ترتقي بها مع جملتك الشعرية في كل نص وهذا هو الفرق الحقيقي بين الكلام المبتذل المسف والكلام الذي يرتقي الي الشاعرية
وهذه القصيدة الثانية التي أقرأها لك وتحمل تلك الكلمات اليومية التي أدخلتها الي النص فسمي بها ولم تهبط به فأنت شاعر متمكن من أدواتك .
وده رأيي ومش اشتغاله
دمت مبدعاً

قلب الشمس ام حبيبة
11-04-2007, 03:33 PM
......الله عليك يا مصطفى
أختك الصغيرة
ام حبيبة

محمدعثمان جبريل
11-04-2007, 05:16 PM
الشاعر مصطفى عمار
جميل جدا .. الله عليك ..
ننتظر منك الكثير
مع مودتى و تقديرى

زكريا زكريا
30-10-2008, 07:51 AM
الشاعر مصطفى عمار
جميل جدا .. الله عليك ..
ننتظر منك الكثير
مع مودتى و تقديرى
واجابي

يحيى سليمان
30-10-2008, 02:44 PM
عمل جميل وبه مضمون
وشاعر كريم الفكرة
دمت كما تحب يا صديق

أحمد موسي
08-03-2009, 10:39 PM
بسم الله ماشاء الله
ما اعذب كلماتك ** وما أرق تعبيراتك** أشكرك على احساسك المرهف
أخوك أحمد موسي عضو جديد ف المنتدى

أحمد موسي
08-03-2009, 10:50 PM
حفظك الله يا استاذ مصطفى اسمحلي اكون اخوك الصغير وبسم الله ماشاء الله ربنا يحميك يارب وتشجينا دايما باشعارك الفوق الممتازة الى بتخلي الواحد محتار يقول اي من جمالها افضل شيء انى اصمت لان اى تعبير هقوله هيكون اقل من قيمه كلماتك أخوك احمد موسي

أحمد موسي
08-03-2009, 10:53 PM
ممتاااااااااااااااااااااا ااااااااااااااااااااااااا اااااااااااااااز

مصطفى عمار
11-03-2009, 08:49 PM
أخي الحبيب أحمد موسى
السلام عليكم ورحمة الله
شكرا على مرورك الكريم ولست بأخي الصغير ولكنك أخي الكبير عسى الله ألا يحرمنا من الحب فيه
أخوك الصغير مصطفى عمار

أحمد موسي
11-03-2009, 11:38 PM
ربنا يبارك فيك يارب
ويديم الاخاء بيننا
انت انسان رفيع لان الرفيع اذا نودي تواضع
وانت قمه التواضع
أرجو معرفه رايك ف كتاباتى الصغيره
حتى ولو كان رايك انها مش كويسه
فرايك محبب الي جداااااااااااااااا
ف الانتظار

محمد كمال الدين
16-09-2013, 04:38 PM
روعة أيها الشاعر

خالص تقديري

فاتن دراوشة
16-09-2013, 09:05 PM
أفضل الأسئلة هي التي لا نجد لها إجابة شافية وتبقينا في حيرة دائما

ربّما ذلك ما يجعلنا نتمسّك بالحبّ رغم كلّ عيوبه

دمت مبدعًا

مودّتي