محمود موسى
25-03-2007, 04:31 PM
محمود عبد الله
هذه القصيدة إليكم يا جماعة رؤى
كتبتها إليكم قبل سفري
جمع الله شملنا جميعا على خير
تذكروني دوما دوما
أحبكم بصدق
شباب عواجيز
تصدقوا باللي خلاكم
تقولوا الشعر بلسانكم
أنا حزنان على بعادكم
أنا رايح بلاد تانية
وفايتكم
وفايت قلبي فـ بلادنا
وسايب ليل قصايدكم
وسايب نيل بيروينا
ونهر الغربة ما يروي
ولو كان حتى نهر السين
وسايب ضحكة فـ بيوتكم
وفايت دمعتين حايرين
لعل الدمع يرويني ويرويكم
وهاتفوتني مجالسكم
وندوة جميلة يوم الحد
يقول صادق شتا قلبي ومتمدن
وكارم يجي متأخر
يضحكم يداديكم
ويشكي مر حال بلده
فـ وسط قصيدة التخاريف
وموسى لو نقول نكته
على القهوة
أوام يحمروا خدينه
يقول انا ماشي خليكم
وابو مازن
فـ طول مواله يتوجع
يقول ليكم كلام يوجع
يبكيكم
وفوزي اللي ما بيخافشي
يقول الحق لو هايضيع
وهي دي قضيتكم
شباب عواجيز
وخليتوا بيوت الشعر عكاكيزكم
هايوحشني اللقا بينَّا
قصيدة اسمعها مـ البنا
برغم انه صغير السن
لاكنّه عجوز القوله والمعنى
فمدوا الإيد مع الأحضان
وضموني
ونسوني بلاد الغربة قبل امَّا أتوه فيها
ويلا ادعوا عشان ارجعلكم سالم
نعيد الكرة ميت مرة
وتحكولي حواديتكم
أنا مسلمة :
جميل فعلاً
تكون الكلمة ضحكاية
تجمعنا
و نسمعها
و تسمعنا
و لو مرة حنتغرب
تنادينا
ترجعنا
جميل فعلاً
تكون الكلمة حضن و بيت
و سبورة
تعلمنا
و تحمينا
تشاركنا امانينا
و بتطبطب على قلوبنا
و توجعنا
جميل فعلاً تكون الكلمة
جامعانا
نروح لكن ...
حيتفضل هنا
المعنى .....
محمود البنا :
وإيه عَجزِّني غير قُولك ..
يافارسنا ..
ولمًّا تتفزع فجأة ..
وتِلقي علينا أشعارك ،
تعاكسنا ..
" نقول الجاي زي الورد "
فتتبسم ..
تقول الورد
وقت الجَد ليه مايكونشي عايزانا ؟
وتغمزلي ..
.......
وقبل ماتمشي وتسيبنا ،
نِحبك
" والهوى نِية "
هاأطمِن فكرتك فيا ..
،
" وفاكر ،
لمَّا قلتلي قِطع شطرنج والله "
خلاص ..
مابقتش جواهم ..
محمد كارم :
وخلاص هتسافر
وخلاص هتغيب
وخلاص الضحكة
من بعدك يا جميل
هتخيب
هتكون من بعدك
بهتانة مليانة نحيب
وهتاخدك بنت الكلب فرنسا
وتقولك محتاج ترتيب
وهناك هتشوف الدنيا نضيفة
مفيهاش تخريب
بس وبعد الفرجة بثانية يا صاحبي
هتشوفها بتنده في عيونك
هتشوف الدنيا المخنوقة
محفورة يا صاحبي وترابها
بيعوم في جفونك
واوصيك
لما تروح لباريس
وتشوف البرج العالي هناك
ارميلي سلامك
هيتوه ويغيب
بس هيرجع يوم ماتصيبك
نوبة الغربة وتحلف بالمعصوم
لا تسيب الدنيا المغسولة
وتعود لميدان رمسيس
رمسيس فاكر ياض رمسيس
فاكر وانت بتجري بتلحق عربية شبرا
فاكر لما مشينا اناوانت لغاية العتبة
فاكر رابعة
فاكر لما قعدت على التكعيبة
لما ضحكنا أنا وانت وموسى
وانت بتحكي على الهليبة
فاكر لما بكيت
وانت بتلقي الشعر وجيت
بصيت في عنيك
ياااااااااااااااااااااااا ااااااااااااه
أنا كل ما أروح الساقية ياصاحبي
هابكي عليك
وإياك
تنسانا في توهة دوامتك
واوعاك
تنساها هناك
اكتب على صدرك
بالفم المليان
انا مصري
وأصيل
ومانيش مطرود من بلدي
وقلبي عويل
هتعيش يا جميل
وهاشوفك تاني ونتمشى
على كوبري اكتوبر
وهاغني
على شط النيل
محمود موسى:
فاكرنى بإيه ؟
حلاوتك لما تدينى الكلام بالوصف
وهتسافر
وحبى لما هتسافر يزيد الضعف
لحد اللحظة يا سلامة مانيش قادر
أسدأ فكرة الطيران
خلاص هتطير؟!
وهتسيبنا مع التدوير
نقول كانت هنا الكلمة
بصوته رنة بتعلم
فى جو الصحبة وتسافر معاك وتروح
وبرضه هتفضل الكلمة اللى مابتروح
برغم ان الكلام مجروح
بأحوالنا
ونقرا نقول دا كان كاتب
وقصده يقول
عن المسئول
فى دايرة شارع الأزمة
بيدى إشارة للرسمة مايعدلهاش
نقول لو كلمتك هترد رحنا بلاش
لكن نرجع
نقول ازاى مانحسبهاش
بنظرة طفل متحمس
يفكر : إمتى بس اكبر
واغير كل شىء زايف
يكون حالف
وحلفانك يا عبد الله ماسدأتوش
غير اما سمعت صيحاتك
وإصرار البطل بالبوح
منين مايروح
خلاص هتروح
ومستنيك أنا وكارم
وفوزى ولورد والبنا
لكن ماتغيبش
غيابك ذنب مش مسموح
وختاما .. محمود عبد الله :
ولو هانتوه
لازم نمشي
ولو مغلوب لازم أمشي
واداري مـ البكا وشي
عشان الدمع تاعبكم وتاعبني
لازم أمشي
لكن راجع
ورب الكعبة لو أرجع
لأحضنكم بأشعاري
وأخلي الشمس بنهاري
بيوت الشعر بلسانكم
يا موسى يا صاحبي انا ماشي
لكن خايف
ماألقاشي
وشوش بتعاكس النسمة
وشوش راح ترسم البسمة
أكيد فايتها ببلادي
يا موسي ادعيلي إني ارجع
وراح يرجع
معايا ديواني مـ الغربة
راح ارجع تاني للكربة
ولكن طعمها أحلى وزي الشهد في بلادي
من أحلى طعوم من الغربة
هذه القصيدة إليكم يا جماعة رؤى
كتبتها إليكم قبل سفري
جمع الله شملنا جميعا على خير
تذكروني دوما دوما
أحبكم بصدق
شباب عواجيز
تصدقوا باللي خلاكم
تقولوا الشعر بلسانكم
أنا حزنان على بعادكم
أنا رايح بلاد تانية
وفايتكم
وفايت قلبي فـ بلادنا
وسايب ليل قصايدكم
وسايب نيل بيروينا
ونهر الغربة ما يروي
ولو كان حتى نهر السين
وسايب ضحكة فـ بيوتكم
وفايت دمعتين حايرين
لعل الدمع يرويني ويرويكم
وهاتفوتني مجالسكم
وندوة جميلة يوم الحد
يقول صادق شتا قلبي ومتمدن
وكارم يجي متأخر
يضحكم يداديكم
ويشكي مر حال بلده
فـ وسط قصيدة التخاريف
وموسى لو نقول نكته
على القهوة
أوام يحمروا خدينه
يقول انا ماشي خليكم
وابو مازن
فـ طول مواله يتوجع
يقول ليكم كلام يوجع
يبكيكم
وفوزي اللي ما بيخافشي
يقول الحق لو هايضيع
وهي دي قضيتكم
شباب عواجيز
وخليتوا بيوت الشعر عكاكيزكم
هايوحشني اللقا بينَّا
قصيدة اسمعها مـ البنا
برغم انه صغير السن
لاكنّه عجوز القوله والمعنى
فمدوا الإيد مع الأحضان
وضموني
ونسوني بلاد الغربة قبل امَّا أتوه فيها
ويلا ادعوا عشان ارجعلكم سالم
نعيد الكرة ميت مرة
وتحكولي حواديتكم
أنا مسلمة :
جميل فعلاً
تكون الكلمة ضحكاية
تجمعنا
و نسمعها
و تسمعنا
و لو مرة حنتغرب
تنادينا
ترجعنا
جميل فعلاً
تكون الكلمة حضن و بيت
و سبورة
تعلمنا
و تحمينا
تشاركنا امانينا
و بتطبطب على قلوبنا
و توجعنا
جميل فعلاً تكون الكلمة
جامعانا
نروح لكن ...
حيتفضل هنا
المعنى .....
محمود البنا :
وإيه عَجزِّني غير قُولك ..
يافارسنا ..
ولمًّا تتفزع فجأة ..
وتِلقي علينا أشعارك ،
تعاكسنا ..
" نقول الجاي زي الورد "
فتتبسم ..
تقول الورد
وقت الجَد ليه مايكونشي عايزانا ؟
وتغمزلي ..
.......
وقبل ماتمشي وتسيبنا ،
نِحبك
" والهوى نِية "
هاأطمِن فكرتك فيا ..
،
" وفاكر ،
لمَّا قلتلي قِطع شطرنج والله "
خلاص ..
مابقتش جواهم ..
محمد كارم :
وخلاص هتسافر
وخلاص هتغيب
وخلاص الضحكة
من بعدك يا جميل
هتخيب
هتكون من بعدك
بهتانة مليانة نحيب
وهتاخدك بنت الكلب فرنسا
وتقولك محتاج ترتيب
وهناك هتشوف الدنيا نضيفة
مفيهاش تخريب
بس وبعد الفرجة بثانية يا صاحبي
هتشوفها بتنده في عيونك
هتشوف الدنيا المخنوقة
محفورة يا صاحبي وترابها
بيعوم في جفونك
واوصيك
لما تروح لباريس
وتشوف البرج العالي هناك
ارميلي سلامك
هيتوه ويغيب
بس هيرجع يوم ماتصيبك
نوبة الغربة وتحلف بالمعصوم
لا تسيب الدنيا المغسولة
وتعود لميدان رمسيس
رمسيس فاكر ياض رمسيس
فاكر وانت بتجري بتلحق عربية شبرا
فاكر لما مشينا اناوانت لغاية العتبة
فاكر رابعة
فاكر لما قعدت على التكعيبة
لما ضحكنا أنا وانت وموسى
وانت بتحكي على الهليبة
فاكر لما بكيت
وانت بتلقي الشعر وجيت
بصيت في عنيك
ياااااااااااااااااااااااا ااااااااااااه
أنا كل ما أروح الساقية ياصاحبي
هابكي عليك
وإياك
تنسانا في توهة دوامتك
واوعاك
تنساها هناك
اكتب على صدرك
بالفم المليان
انا مصري
وأصيل
ومانيش مطرود من بلدي
وقلبي عويل
هتعيش يا جميل
وهاشوفك تاني ونتمشى
على كوبري اكتوبر
وهاغني
على شط النيل
محمود موسى:
فاكرنى بإيه ؟
حلاوتك لما تدينى الكلام بالوصف
وهتسافر
وحبى لما هتسافر يزيد الضعف
لحد اللحظة يا سلامة مانيش قادر
أسدأ فكرة الطيران
خلاص هتطير؟!
وهتسيبنا مع التدوير
نقول كانت هنا الكلمة
بصوته رنة بتعلم
فى جو الصحبة وتسافر معاك وتروح
وبرضه هتفضل الكلمة اللى مابتروح
برغم ان الكلام مجروح
بأحوالنا
ونقرا نقول دا كان كاتب
وقصده يقول
عن المسئول
فى دايرة شارع الأزمة
بيدى إشارة للرسمة مايعدلهاش
نقول لو كلمتك هترد رحنا بلاش
لكن نرجع
نقول ازاى مانحسبهاش
بنظرة طفل متحمس
يفكر : إمتى بس اكبر
واغير كل شىء زايف
يكون حالف
وحلفانك يا عبد الله ماسدأتوش
غير اما سمعت صيحاتك
وإصرار البطل بالبوح
منين مايروح
خلاص هتروح
ومستنيك أنا وكارم
وفوزى ولورد والبنا
لكن ماتغيبش
غيابك ذنب مش مسموح
وختاما .. محمود عبد الله :
ولو هانتوه
لازم نمشي
ولو مغلوب لازم أمشي
واداري مـ البكا وشي
عشان الدمع تاعبكم وتاعبني
لازم أمشي
لكن راجع
ورب الكعبة لو أرجع
لأحضنكم بأشعاري
وأخلي الشمس بنهاري
بيوت الشعر بلسانكم
يا موسى يا صاحبي انا ماشي
لكن خايف
ماألقاشي
وشوش بتعاكس النسمة
وشوش راح ترسم البسمة
أكيد فايتها ببلادي
يا موسي ادعيلي إني ارجع
وراح يرجع
معايا ديواني مـ الغربة
راح ارجع تاني للكربة
ولكن طعمها أحلى وزي الشهد في بلادي
من أحلى طعوم من الغربة