كلاب الأمير

[سيد الموجى]

كلاب الأمير
سيد الموجى
" أنا المصرى كريم العنصرين
بنيت المجد بين الأهرامين "
يا عينى عليك يا " سيد " جملة حلوة
قوى متبروزة ما بين قوسين
ولما بننزنق بنقولها دايما
يا " درويش " واحنا – قال إيه - فرحانين
لكن مين اللى هيصدق كلامك
وحال المصرى أصيح زفت طين
خصوصا بعد ما كلاب الحراسة
بقوا بشراسة فعلا مدمنين
لدمه ومنعه من حقه الطبيعى
كصاحب بيت فى إنه يكون امين
على أرضه – اللى مفروض تبقى أرضه –
ويتعالى عليه اللاجئين
ولو حاول مذيع " تسعين دقيقة "
يقول الحق للمتفرجين
يلاقى خلق - شربوا معانا نيلنا
وقاسمونا الرغيف - متعاطفين
مع كلاب الأمير ويجوز يطالبوا
بتعويض للكلاب م المعضوضين
خلاصة المسألة على رأى ثومة
باقولها " نروح لمين ونقول يا مين " !

[د. فوزى أبو دنيا]

قول يارب ياعمنا

مالناش غيرة

المهم انت منور القاعة ومش عارف هتقدر تيجى تحضر معانا لقاءت فرع مصر اللى فالاعلان ولا ايه

[جوتيار تمر]

الموجي الرائع...

ولاشيء ينهي وجود كلاب الامير...!

النفوس اصبحت مدمنة على التخاذل..والخوف..والعبودية لهم

دمت بخير
محبتي
جوتيار

[محمود الديدامونى]

المبدع الكبير /سيد الموجى
يبدو اننا سنظل فى نفس الدائرة المفرغة
لم يتغير شيء
لقد كان سيد درويش يستحث الحماسة فيمن حوله
لأن الهدف يومها كان جماعيا
أما اليوم فكل واحد فى واد.......................
أشتات ....اشتات
مش للعفاريت طبعا يا عمنا
لأن العفاريت ما تعرفناش

[سيد الموجى]

قول يارب ياعمنا
مالناش غيرة
المهم انت منور القاعة ومش عارف هتقدر تيجى تحضر معانا لقاءت فرع مصر اللى فالاعلان ولا ايه

ونعم بالله يا دكتور
أما عن النور فإننى أستنير بنوركم دائما
دامت بيننا المودة

[سيد الموجى]

الموجي الرائع...
ولاشيء ينهي وجود كلاب الامير...!
النفوس اصبحت مدمنة على التخاذل..والخوف..والعبودية لهم
دمت بخير
محبتي
جوتيار

عزيزى / جوتيار
أحيانا يحمّس المسيرة نُباح الكلاب
مزيدا من الصبر فلعل وعسى
تحياتى إليك

[سيد الموجى]

المبدع الكبير /سيد الموجى
يبدو اننا سنظل فى نفس الدائرة المفرغة
لم يتغير شيء
لقد كان سيد درويش يستحث الحماسة فيمن حوله
لأن الهدف يومها كان جماعيا
أما اليوم فكل واحد فى واد.......................
أشتات ....اشتات
مش للعفاريت طبعا يا عمنا
لأن العفاريت ما تعرفناش

المبدع الرائع / محمود الديدامونى
حقا لو عاش بيننا هذه الأيام سيد درويش لقال كلاما آخر
بل أستطيع أن أزعم أنه كان سيلوذ بالصمت
حتى لا يطاله قانون الإرهاب الجديد " المدستر "
واحشنى يا أخى الحبيب

[محمود الديدامونى]

والله نحتاج لأن نلتقى
دمت مبدعا كبيرا
استاذا وصديقا

[بابيه أمال]

يا رب لك المشتكى

في أن تكف الكلاب عن النباح، ويصبح الأمير أليفا..

دامت لك الكلمة سيدة يا سيد موجي.

[محمود سامي]

كلب الشارع
لو يعوي عليك
دي فراغة بطن و و فعل الخوف
و كلاب الناس
لو تهبش فيك
ده يبقى بحكم العادة
و حكم القدرة
و حكم القوة
و حكم.....
حبة أحكام
و تلاقى نهايتك حتة لحمة و و حبة عضم ف بطن كلاب

[سيد الموجى]

والله نحتاج لأن نلتقى
دمت مبدعا كبيرا
استاذا وصديقا

الأديب والناقد المتميز / محمود الديدامونى
شرف كبير لى أن يجمعنا لقاء قريب بإذن الله
دمت بخير أيها الصديق الحبيب

[سيد الموجى]

يا رب لك المشتكى
في أن تكف الكلاب عن النباح، ويصبح الأمير أليفا..
دامت لك الكلمة سيدة يا سيد موجي.

عزيزتى / نهيلة نور
نباح الكلاب لا يكف إلا إذا وجدت من يجبرها على ذلك
سعدت كثيرا بمرورك الكريم بصفحتى المتواضعة
وأرجو أن أكون دائما عند حسن ظنك بى
دمت مبدعة

[سيد الموجى]

كلب الشارع
لو يعوي عليك
دي فراغة بطن و و فعل الخوف
و كلاب الناس
لو تهبش فيك
ده يبقى بحكم العادة
و حكم القدرة
و حكم القوة
و حكم.....
حبة أحكام
و تلاقى نهايتك حتة لحمة و و حبة عضم ف بطن كلاب
الشاعر الجميل د / محمود سامى
كلب الشارع لو يعوى عليك
زى ما بتقول
أمر طبيعى فى رأيى ومقبول
لكن كلب الأغراب لما
ينهش لحمك
يبقى المطلوب إنك تاخد
موقف حاسم
وتحاسبه ولو كان بيسانده
أكبر مسئول !