المساعد الشخصي الرقمي

مشاهدة النسخة كاملة : البنت النعسانة


د. فوزى أبو دنيا
08-04-2007, 01:18 AM
البنت النعسانة


البنت النعسانة فحضن الخضرة
فاقت من حلم كئيب.
البيت المزروع ف عيونها خضار
انهار على راسها
واتهدت كل التكاعيب.
احضان البيت المرميه
فتافيت ...فتافيت
ف عنيها
عفاريت ...عفاريت
متبعزقة على راس الحلم الصاحى من النوم
............جنب النهر
ع اليل الشايل وياه احزانه ف منديله الاسود
.............دمعه وقهر
باب الضلمة بيفتح على وسعه
وبيفضل طول الليل
الحلم يوهط ف الضلمه لحد عنيه
ميشفش
فيلف ... يدور... ويدور
وكانه الساقية اللى مدورها التور
لحد ماتفضى قواديسها
اللى بتحدف ف النور
والبنت الفايقة من النوم
لساها................
بتدور ف الوقت الضايع
عن صورة للحلم المكسور ف سواد العين
بتجمع اشتات الافكار الهربانة
مش عارفه تجيبها منين
الصورة البهتانه الباكيه ف عينها
بتلملم اشلاء اللون الاخضر
من وسط طوفان الالوان
بتحاول ترسم من تانى نفس المنظر
من اشلاء الصورة
على جدار الحلم المكسور
لصورة اترسمت ف عيونها زمان
قبل ماتغفل عينها .... وتنام
ندمانه البنت انها نامت
علشان م الصورة اللى بترسم ملامحها
مليانه شروخ
بتخليها اما تبصلها تدوخ
فيضان الدمع ف عينها
بيدبل ف خدودها الخوخ
شريف سيد صلاح
08-04-2007, 11:39 AM
وزى مايكون مصر بتضحك ف وسط القصيده:
استاذى الدكتور فوزى وصلك من قبل تعليقى على هذا العمل الجميل قبل ان يطرح للنقاش فى الواحه .
سيدى انت كاتب جيد جدا.ولكن..................................
...................................؟؟
ابنك شريف سيد صلاح
بابيه أمال
08-04-2007, 03:36 PM
البنت النعسانة
البنت النعسانة فحضن الخضرة
فاقت من حلم كئيب.
البيت المزروع ف عيونها خضار
انهار على راسها
واتهدت كل التكاعيب.
احضان البيت المرميه
فتافيت ...فتافيت
ف عنيها
عفاريت ...عفاريت
متبعزقة على راس الحلم الصاحى من النوم
............جنب النهر
ع اليل الشايل وياه احزانه ف منديله الاسود
.............دمعه وقهر
باب الضلمة بيفتح على وسعه
وبيفضل طول الليل
الحلم يوهط ف الضلمه لحد عنيه
ميشفش
فيلف ... يدور... ويدور
وكانه الساقية اللى مدورها التور
لحد ماتفضى قواديسها
اللى بتحدف ف النور
والبنت الفايقة من النوم
لساها................
بتدور ف الوقت الضايع
عن صورة للحلم المكسور ف سواد العين
بتجمع اشتات الافكار الهربانة
مش عارفه تجيبها منين
الصورة البهتانه الباكيه ف عينها
بتلملم اشلاء اللون الاخضر
من وسط طوفان الالوان
بتحاول ترسم من تانى نفس المنظر
من اشلاء الصورة
على جدار الحلم المكسور
لصورة اترسمت ف عيونها زمان
قبل ماتغفل عينها .... وتنام
ندمانه البنت انها نامت
علشان م الصورة اللى بترسم ملامحها
مليانه شروخ
بتخليها اما تبصلها تدوخ
فيضان الدمع ف عينها
بيدبل ف خدودها الخوخ

هنا البنت النعسانة والبنت اللي لساها فايقة
طب واللي فايقة على طول؟ وعينيها مفتحة:011:

د. فوزي أبو الدنيا
لقصائدك هنا أكثر من معنى وأكثر من رسالة..
نفّع الله بني أمتك بك سيدي..
دمت بخير..
نبيل مصيلحى
08-04-2007, 10:48 PM
صور رائعة رسمت بريشة فنان
مفردات شجية واكبت الفكرة وما طرح من رؤى
موسيقى ناعمة توجت القصيدة بتاج الغنائية المريحة
...................
أخي المبدع الدكتور / فوزي أبو دنيا
أحسنت وأضفت إلى رصيد العامية هذا الإبداع المتميز ..
دمت مبدعاً حقيقياً ..
خالص مودتي
نبيل مصيلحي
د. فوزى أبو دنيا
08-04-2007, 11:06 PM
وزى مايكون مصر بتضحك ف وسط القصيده:
استاذى الدكتور فوزى وصلك من قبل تعليقى على هذا العمل الجميل قبل ان يطرح للنقاش فى الواحه .
سيدى انت كاتب جيد جدا.ولكن..................................
...................................؟؟
ابنك شريف سيد صلاح


كنت امل ان يكون هناك نقد وليس نقاط غامضة
انتظر القراءة وان كانت ضدد ما اكتب
............؟
د. فوزى أبو دنيا
08-04-2007, 11:23 PM
هنا البنت النعسانة والبنت اللي لساها فايقة
طب واللي فايقة على طول؟ وعينيها مفتحة:011:
د. فوزي أبو الدنيا
لقصائدك هنا أكثر من معنى وأكثر من رسالة..
نفّع الله بني أمتك بك سيدي..
دمت بخير..

اشكرك على المرور

واشكرك على هذه القراءة المتانية
تحياتى وتقديرى
د. فوزى أبو دنيا
08-04-2007, 11:29 PM
صور رائعة رسمت بريشة فنان
مفردات شجية واكبت الفكرة وما طرح من رؤى
موسيقى ناعمة توجت القصيدة بتاج الغنائية المريحة
...................
أخي المبدع الدكتور / فوزي أبو دنيا
أحسنت وأضفت إلى رصيد العامية هذا الإبداع المتميز ..
دمت مبدعاً حقيقياً ..
خالص مودتي
نبيل مصيلحي


اخى الحبيب الاستاذ نبيل مصيلحى
ان كان فى عملى بعض جمال
فمرورك كل الجمال

تقبل تقدير ومحبتى
علاء عيسى
09-04-2007, 10:22 PM
د .
فوزى
لقصيدتك هذه نكهة خاصة
ترى ؟
لم؟
لأنها
صادقة