قصيدة .. [ مؤمن جداً بتلاقي الأرواح ] شعر / نبيل مصيلحي

[نبيل مصيلحى]

[ مؤمن جداً بتلاقى الأرواح ]
............................

كان ممكن أقول لك
آسف جداً
مش عارف ليه
فتّحت بيبان القلب
وسيبته عشانك
عاش
مش ممكن أبداً أبداً
مش أول مره
بشوفك
لأ .. جايز
أنا مؤمن جداً بتلاقى
الأرواح
معقول .....
طب بس ازاى ..
وكأنك قريانى كويس جداً
اسمى
ميلادى
خط العمر
وبرج الحظ
ومستقبل أنا وانتى
بنحلم بيه
مش قادر افسر ليه
أنا أول مره باكون مبهور
شيلانى طيور الجنه
ومش حاسس بيّا
مش دارى بنفسى
كأنى فى عالم
مفيهوش
أزواج
زوجات
عيال
وبنات
وزحام فى القلب
مفرّغ منه الروح
عالم آخر
مفيهوش
أمواج
أحزان
أوجاع
عكننه
فى البيت
والشارع
والحواديت
بتسد النفس
المفتوحه تعيش
ياااااه
يلعنها ظروف
خلتنى انا وانتى
نعيش الآه
خلتنا طحين
يخبزنا اليوم
على نار القسوه
ياكلنا
الريح
والليل
وضمير الناس الأستيك
وبرغم اننا بنحاسب روحنا
وبنعذّب مع كل غروب
للشمس السوده
ضميرنا
كان قدامنا ..
( إن زدنا لزاد السقا )
وطفح الكيل
ونسينا وتوهنا
غرقنا فى قلب عيون ( ابليس )
اغفر لى يارب الكون
إحساسى
وهذا الحب العذرى
يكون لى نصيب
فى النور ألقاه
يلاقينى / حلال
أرويه ....
يطلع لى
عيال تشبهنى
....

[الشربينى خطاب]

إقتباس :

والليل
وضمير الناس الأستيك
وبرغم اننا بنحاسب روحنا
وبنعذّب مع كل غروب
للشمس السوده
ضميرنا
كان قدامنا ..
( إن زدنا لزاد السقا )
وطفح الكيل
ونسينا وتوهنا
غرقنا فى قلب عيون ( ابليس )
اغفر لى يارب الكون
إحساسى
وهذا الحب العذرى
يكون لى نصيب
فى النور ألقاه
يلاقينى / حلال
أرويه ....
يطلع لى
عيال تشبهنى
0000

عيال حساسة للنسمة
وعبير الورد
بعيون سوده مبتسمة
وغمزه ع الخد
بصه لطريقها وملتزمة
بهمة وجد
تزرع في الفجر ضحكتها
وتشد الغد
تتوضي وتطهر سريرتها
م الشمس السودة
وسواد إبليس
والعتمة الخرص
سوادها غطيس
لابد في القلب
وأنا روحي غرقانة
في الحيرة والشك
أنا رحت فطيس

[جوتيار تمر]

المصيلحي الرائع ابدا..

عندما شاهدت العنوان ظننت انا امام نص يحكي لي قصة او قصية عن تناسخ الارواح..
وكأني بالارواح في نصك تتناسخ
لكنها ارواح عاشقة تبغي التوحد والبقاء..
تبغي الولوج في الاخر حتى بعناء..

وكأني بك ترسم لنا مسيرة الروح وهي تبغي وسط الاحياء والشوارع والحوانيت ووو..
ان تصل الى نبتغاها...وكل مايرافق هذه الروح من همسات ولسعات ولدغات وافكار..
في طريق الوصول.

رائع ما سطرت

محبتي لك
جوتيار

[محمود سامي]

ياااااااااااااااااااااااه
مش دايما ألاقي شعر بجد ف منتديات
تحياتي
محمود سامي

[د. فوزى أبو دنيا]

نبيل مصيلحى فى صوره لم اعهدها من قبل هنا


عندما يتحول اللامعقول الى معقول ويصير الحلم واقع تتغير الاشياء
والابعد دوما ذو رونق خاص ينطفىء بالتلاقى
دمت بخير:nj:

[علاء عيسى]

" يلعنها ظروف
خلتنى انا وانتى
نعيش الآه
خلتنا طحين
يخبزنا اليوم
على نار القسوه
ياكلنا
الريح
والليل
وضمير الناس الأستيك
وبرغم اننا بنحاسب روحنا
وبنعذّب مع كل غروب
للشمس السوده
ضميرنا
كان قدامنا ..
( إن زدنا لزاد السقا )
وطفح الكيل
ونسينا وتوهنا
غرقنا فى قلب عيون ( ابليس )
اغفر لى يارب الكون
إحساسى
وهذا الحب العذرى
يكون لى نصيب
فى النور ألقاه
يلاقينى / حلال
أرويه ....
يطلع لى
عيال تشبهنى "؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟
!!!!!!!!!!!
؟؟؟؟؟؟
!!!" نبيل المتجدد دائماً "
رأيتك آخر هنا
تحياااااااااااااتى

[الهام احمد سعد]

[ مؤمن جداً بتلاقى الأرواح ]
............................
كان ممكن أقول لك
آسف جداً
مش عارف ليه
فتّحت بيبان القلب
وسيبته عشانك
عاش
مش ممكن أبداً أبداً
مش أول مره
بشوفك
لأ .. جايز
أنا مؤمن جداً بتلاقى
الأرواح
معقول .....
طب بس ازاى ..
وكأنك قريانى كويس جداً
اسمى
ميلادى
خط العمر
وبرج الحظ
ومستقبل أنا وانتى
بنحلم بيه
مش قادر افسر ليه
أنا أول مره باكون مبهور
شيلانى طيور الجنه
ومش حاسس بيّا
مش دارى بنفسى
كأنى فى عالم
مفيهوش
أزواج
زوجات
عيال
وبنات
وزحام فى القلب
مفرّغ منه الروح
عالم آخر
مفيهوش
أمواج
أحزان
أوجاع
عكننه
فى البيت
والشارع
والحواديت
بتسد النفس
المفتوحه تعيش
ياااااه
يلعنها ظروف
خلتنى انا وانتى
نعيش الآه
خلتنا طحين
يخبزنا اليوم
على نار القسوه
ياكلنا
الريح
والليل
وضمير الناس الأستيك
وبرغم اننا بنحاسب روحنا
وبنعذّب مع كل غروب
للشمس السوده
ضميرنا
كان قدامنا ..
( إن زدنا لزاد السقا )
وطفح الكيل
ونسينا وتوهنا
غرقنا فى قلب عيون ( ابليس )
اغفر لى يارب الكون
إحساسى
وهذا الحب العذرى
يكون لى نصيب
فى النور ألقاه
يلاقينى / حلال
أرويه ....
يطلع لى
عيال تشبهنى
....

الشاعر الرائع / نبيل مصيلحى
المؤمن جدا بتلاقى الارواح
وانا مؤمنه جدا ان حضرتك شاعر عظيم
تحياتى لنصك الرائع ولابداعك الجميل

[نبيل مصيلحى]

الصديق /شاهين أبو الفتوح

تحية لإخلاصك الفياض..
شكراً على إطراءك
دمت صديقاً رائعاً
تحياتي

[نبيل مصيلحى]

الصديق / الشربيني خطاب
خالص مودتي
مرورك دائماً يروق لي بما تهدي من باقات شعر جميلة ..
دمت موفقاً
نبيل مصيلحي

[نبيل مصيلحى]

الصديق / جوتيار تمر

أنت كما عرفتك .. ذو بصيرة
تعرف نفسك , ولذلك تتوثق علاقات الآخر بك ..
دمت صديقاً رائعاً
خالص مودتي
نبيل مصيلحي

[نبيل مصيلحى]

الأخ / محمود سامي
يكفيني مرورك .........
تحياتي
نبيل مصيلحي

[نبيل مصيلحى]

الصديق / الدكتور فوزي
خالص مودتي
النجمان اذا توحدا زاد نورهما ..
أشكرك
نبيل مصيلحي

[نبيل مصيلحى]

أبو دينا [ علاء عيسى ]
باقة ورد لآقرب صديق ..
تحياتي

[نبيل مصيلحى]

الأخت الأديبة الواعية / إلهام أحمد سعيد
تحياتي
الروعة في أن نتواصل , وأن نكون مرآة صادقة لبعضنا ..
حتى ننعم بالثراء الأدبي والتميز .
أشكرك .. على اهتمامك ومتابعتك وانطباعك
دمت رائعة

[حنين الفيروز]

كان لسه يادووووووب متخلق....متلونش
كان عارف ليه مقفلتش اى بيبان
كان ايييييييييييييييييييييييي ييييييه.........................
لما انتظر يسمع غناوى الصيادين....جوه الشبك
على باب حارتهم
والقناطر زهزهة...
فلقت كل الفولات نصين
كان لسه حنين
وجنين انسان ع الفطرة
كان عارف ليه........مقفلتش؟

تثور المشاعر رغما عنا وتهتز ويمكن ان تصل الى حد الزلزلة عندما تزغدها الذكريات بحلوها ومرها
دائما الكثير من حولى يفضلون كلماتك...... تعبيراتك..............التى تترجم بصدق صدوق ولذلك يصل بسرعة البرق الى قلوب من يستشعرون معانى الكلمات ومابين السطور
هناك فى قلوبنا العذراء جنة........................سنعيشها
ولو فى رحاب الكلمات

الاخ الشاعر نبيل مصيلحى
شكرا ................لذلك البوح الطيب
تحياتى

[نبيل مصيلحى]

حنين الفيروز

تحياتي

تأخرت كثيراً في الرد عليك
آسف يا مبدعة بحق الكلام
هذه المقابلة الرائعة أقدرها
وأعترف بروعة إحساسها
أين أنت من زمان
أهلاً بك
ومرحباً بتواصلك على طريق الإبداع
خالص مودتي
نبيل مصيلحي