ورميت احلامك ع المسرح (اهداء لروح الفنان المخرج فؤاد القشلان)

[محمد الصاوي]

اهداء لروح الفنان /فؤاد القشلان
اللى محسش حد بموته


صدقنى يا عم فؤاد
الحلم اللى حلمتوا ف عمرك
كان باين بين التجاعيد
اللى الحزن نقشها ف وشك
كان باين حزنك ف عيونك
وانت بتضحك
وتضحك كل المخاليق
وكل اما تخش الكواليس
وتحاول تثبت لصحابك
انك فرحان
وانك مش خايف
يدبل يوم حلمك ف عنيك
كنت بحس برعشة قلبي
لما بشوفك واقف حيران
عمال بتمثل ادوارك
راجل غلبان
راجل زعلان
راجل بيموت
وعمرى ما شفتك ف الاخر
واقف مكسور
والاغرب كنت بشوفك فرحان وسعيد
وانت بتحنى ف ضهرك
وتحيي كراسي المسرح
اللى ماليها سكوت ف سكوت
وتحس انها بتنادى عليك
احسنت يا استاذ
دلوقتى خلاص خلصت الدور
وكتبت نهاية اخر مشهد
ونساك الجمهور
ونساك المسرح
اللى عشقتة بكل جوارك
ومراثك لولادك فايته
كام حدوتة كاتبهم عنك
حلمك مكسور
وقفلت علية الباب
ودخلت لوحدك ف تبوت
ورميت احلامك ع المسرح

[د. فوزى أبو دنيا]

ابنى الحبيب الغالى محمد الصاوى

هذه لفته كريمة منك
لاتخرج الا من كريم

دمت بحب

[الهام احمد سعد]

ان كان قد رحل
ففنه مازال باق
وحبه باق فى قلوب من يعشقه
ادام الله لك هذه المشاعر النبيله
ورحم الله الاستاذ فؤاد
الذى احببته وشعرت به
فكتبت لنا هذه القصيدة الجميلة
جميل ما كتبت وما شعرت

[علاء عيسى]

محمد الصاوىطبعا انت متذكر ماقلته عن هذا العمل هناك
ولكنى عاودت القراءة
الآن
كى أقول
استطعت أن تجعل " الأستاذ فؤاد "
ملك عام للجميع
تحياتى
لحسك

[محمد الصاوي]

ابنى الحبيب الغالى محمد الصاوى
هذه لفته كريمة منك
لاتخرج الا من كريم
دمت بحب


ابي د.فوزى
اقدم اليك اعتذار عن غيابي
ولكنك تعرف جيدا لما اغيب
وان الغياب ليس لي فية يد
ولكنى دائما معكم بقلبي
وما تبقي منى سوي قصيدة بين عيونكم
تقبل تحياتي
ابنك المحب
محمد

[محمد الصاوي]

ان كان قد رحل
ففنه مازال باق
وحبه باق فى قلوب من يعشقه
ادام الله لك هذه المشاعر النبيله
ورحم الله الاستاذ فؤاد
الذى احببته وشعرت به
فكتبت لنا هذه القصيدة الجميلة
جميل ما كتبت وما شعرت


نعم لقد رحل عن عالمنا فؤاد القشلان
رحل بجسدة الفانى
ولكن فنه باقي فى قلوبنا مهما حيينا
نحترمه ونقدرة ويشهد المسرح على عبقريه هذا الفنان
الذى اجاد واضاف الى المسرح الكثير والكثير
ولكنه احتفظ فى داخلة وعلى خشبة المسرح بالتحديد
بروح الفنان التى تسود المكان بالحب

تقبل تحياتي
محمد الصاوي

[محمد الصاوي]

محمد الصاوىطبعا انت متذكر ماقلته عن هذا العمل هناك
ولكنى عاودت القراءة
الآن
كى أقول
استطعت أن تجعل " الأستاذ فؤاد "
ملك عام للجميع
تحياتى
لحسك


الاخ الفاضل
علاء عيسي
كم اشكرك على اهتمامك الشديد بما اكتب
واعتنائك لى فى تلك الفترة
وكم ادعوا الله ان اظل عند حسن ظنكم بي
تقبل تحياتي
اخوك المحب
محمد