هو ده وشـِّي؟!

[محمد نديم]

نلوم الناس والزمن والحكام و غدر الأحباب
ده كله جميل ...في واحد فينا بص جواه وقال يمكن أكون أنا السبب؟
محمد نديم

هو دا وشي ؟



http://www.6rb4up.com/uploads/445d089f08.bmp (http://www.6rb4up.com)
هو دا وشي؟
أنا مستغرب!!!
يمكن تضحك ولا تقولِّي
أكيد مجنون
لو قلت لك أنا معرفتوش
هو دا وشي بيضحك ليا؟
والا ده قشرة خفيفة بتخفي
وراها الحية؟
وانا كدة فرحان قال متهني
إني جميل وعظيم مستني
كل الناس تضرب سلام
وانا واخد مقلب في سيادتي
مخموم أوي فيها ومغشوش؟
مين الأصل ومين الوش
وفين الرسم كمان طبعوه؟
اصلي بشوف الدنيا دي مولد
جوة الزحمة بلاقي وشوش
حتى الغش كمان غشوه؟
لما نود غريب مش لينا
ولما بنكره صوت أهالينا
نبقا حاجات ما بقاش لها قيمة
نبرم ع الشر ببريمة
ونجري وراه متقولشي وحوش؟
بنده , بصرخ , فيكو , ياهووووه
دبحوا الحب كمان وباعوه
لازم ندخل جوا ضميرنا
يعرف فينا الواحد نفسه
يغسل وشه وعفشة قلبه
ويطلع للناس كدة منفوش
يضوي بنور الحق كلامه
ينشر بين الخلق سلامه
يرمي الكلمة وما يهموش
احنا كلامنا ده نور من جوا
حتى ولو غبي مفهمهوش
ولا نعرفش نغش وشوشنا
ولا ننكرش عيوب جوانا
ولا نملاش بالسحت كروش
ولا نرسمش كلامنا خديعة
ومانسببش ,لقلب ,فجيعة
ولما يروح بسببنا ف داهية
نهرب منه بكل ندالة
أصحاب وقت وحب فاشوش!
كنا غلابة وكنا بنحلم
لما النعمة تجينا حنعمل
خير ولا يمكن ننسى خالقنا
ولما الدنيا بقت ف ايدينا
هب صبحنا نشم نفسنا
وبقا بالذمة؟ اصول نتبطر؟
علشان ما طلع لنا خربوش؟
.
قبل اللوم ع الناس وخيبتها
نشوف بلوتنا
قبل حسابنا الناس بالتيلة
ندخل جوة نشوف دي النيلة
عشش جوا ضميرنا سوادها
ونشوف حل لشرخ قلوبنا
واكيد تبقا الدنيا جميلة
وتشوف الهنا بين اصحابك
وجيرانك, أهلك , خلانك
وتحس العمر وأيامه
وكأنك لسة ما عشتوش
خدها نصيحة صريحة مريحة
م الغلبان عمك حرفوش.




محمد نديم
.

[د. فوزى أبو دنيا]

الحكمة عندم تخرج من محمد نديم المبدع يكون لها شكل اخر
انت امسكت بمركز الاوجاع يادكتور
زاستطعت ان تشخص الحالة بكل دقة
وما علينا الا ان ننتبه قبل فوات الاوان
محبتى وتقديرى لك

[بابيه أمال]

يا الله !! كلمات محكمة المعنى والهدف سيد محمد نديم..
جازاك المولى من عنده على كل حرف خطته يداك هنا..
صح سيدي، لا توجد أعذار ولا أسباب تجيز للإنسان السليم الفكر تبرير الكذب على نفسه أولا وعلى غيره ثانيا..
ما أسعدني بما قرأت..
بارك الله بك وبمن هم على شاكلتك..
دمت بخير..

[شريف سيد صلاح]

الله , يا استاذ محمد . كم انت جميل حقا؟

[سعيد شكري]

الأستاذ الفاضل /محمد نديم
إحساس بالتوهة بين الأهل والصحاب
وتوهة فىحضن الوطن
والأصعب إحساس بالتوهة حتى عن النفس
مساحة شاسعة من الضباب
حاصرت قلب صغير فى الحجم
كبير فى المحتوى
برغم صراعات الحياة
والخوف من إحتمالات التحول تحت ضغوط النفس البشرية والمؤثرات الخارجية
لكن الأصيل أصيل
وأنت شاعر أصيل ومصرى أصيل
تحياتى وتقديرى
أخوك سعيد

[علاء عيسى]

أجمل مافى نصك صديقى العزيز
" محمد "
المكاشفة مع النفس
وما أجمل أن يعرى المرء نفسه أمام نفسه
ولكنك جئت سيدى تعرى نفسك أمام نفسك
فجعلتنا نتعرى من أنفسنا خزياً من أنفسنا
أتدرى لم؟
لأن نصك
خاص ذهب بحرفية إلى العام
تحياتى أيها الجميل

[محمد البدري محمد]

هناك أشياء نحتاجها بالهروب منها فقد يظن القارئ حالته المرئية تستدعي تواجدا
فيحيله ذلك إلى منطقة جليدية شمال الروح فيسكن إليها مرتين .........................
والثانية حينما لا يتذكر غيرها فتثبت صورة الدماء ويختفي الجرح لكن المؤكد أنه سيسيقط من الجبل لا محالة ولو لم يعد كما كان فستنكسر فيه الروح وبالتالي يختفي منه النبض

[ناديه محمد الجابي]

ياله من حكيم فهيم هذا الحرفوش
تجلت هنا حكم الحياة ومعان عميقة بصياغة فنية بديعة هادفة
عزفت لنا نغمة جميلة ورسمت لوحات واضحة لغش الوشوش
أبدعت حرفا وأطربت عزفا.
بورك القلم والفكر والمداد.
:v1:D::0014: