المساعد الشخصي الرقمي

مشاهدة النسخة كاملة : سلام مربع للجدعان



صباح الحكيم
01-05-2007, 11:08 PM
قالوا حرام
قلنا حرام
تقول كلام
على الحكام
تخرس توافق د اسمو نظام
سلام سلام
على النظام
سلام مربع للجدعان
*
هو النظام ؟؟
تداس تهان
نوقف نسقف ليل ونهار
ذل و احتقار
سعادة الباشا أصدر قرار
؟؟؟؟؟
هو كدة مافيش خيار
إخرس يا واد بلاش هزار
اسمع أوامر اكبر حمار
و إلا مصيرك خلف الستار
*
راح الزمان
وجيه الزمان
و الناس تعاني م الحرمان
فقر..وباء ف كل مكان
أمطار غزيرة م الأشجان
والشعب غارق و الأحزان
سلام سلام
على الكرام
بيدير شؤون من غير إحسان
*
يبصم وثائق يمضي عهود
إن الشعب يبات مكبوت
مافيش حقوق
ينام محروم
طول العمر
يبات مهموم
*
هو كدة مافيش نقاش
قلنا ياواد بلاش نقاش
سيب الاقضية فوق الفراش
و اوطانا يسرقها الأوباش
إفهم بقى..مافيش نقاش

بلاش عتاب
بلاش تنادي تقول مظلوم
فين الحقوق يا ناس يا قوم
ح يعلقوك م خشب الباب
و ينقشوا فوقك إرهاب
إوعى تقول دا إسمو عذاب
*
ح قول و أقول
و أفضل أقول
هو أنا عايش عشان أموت؟
دا مش معقول
فين الشهامة يا اخوان
فين العروبة والأوطان
ضعنا يا ناس
خلاص خلاص
ما فيش عقول
مسكين يا قلبي ح تموت مخنوق
بين الحقيقة و الأوهام
حتموت يا قلبي ح تموت مقتول

علاء عيسى
02-05-2007, 02:20 AM
صباح الحكيم
إن كانت تلك أولى مشاركاتك
فأهلاً
بك
وسط إخوة يحبون الناس
ويحبونهم الناس
ننتظر منك مشاركات ومشاركات
ومعاً
على طريق
التميز
خطوة خطوة
تحياتى
وسلام مربع لحضور بيننا

قلب الشمس ام حبيبة
02-05-2007, 03:07 PM
كلام جميل
لكن............
يمكن تكون دى أول مشاركاتك
أو أول حاجة أقرأها لك
ف خلي اللي بعد لكن .....لقدام شوية


وأهلا بيك ع الواحة

صباح الحكيم
05-05-2007, 02:18 PM
شيئ ما أزعج أذني فيما قرأت وإن تتبعت الفكرة ولم يصيبني الملل ، أتمنى أن يقرأها أستاذ موسيقي "يظبطهالك"
أسجل إعحابي
محبتي واحترامي
شاهين

و مرور مشرف ادخل الى قلب الحروف هالات من الفرح و السرور

تحية شكر و اجلال و ما حرمت اطلالتكم


صباح

صباح الحكيم
05-05-2007, 02:21 PM
صباح الحكيم
إن كانت تلك أولى مشاركاتك
فأهلاً
بك
وسط إخوة يحبون الناس
ويحبونهم الناس
ننتظر منك مشاركات ومشاركات
ومعاً
على طريق
التميز
خطوة خطوة
تحياتى
وسلام مربع لحضور بيننا

اهلا بالاستاذ علاء عيسى
و شكرا لحفاوة الترحيب و ارجو ان لا أخيب ظنكم
و لكم جزيل الشكر لنثر عبير المرور فوف حروفي المتواضة

و تقبل مني خالص تحياتي


صباح

صباح الحكيم
05-05-2007, 02:26 PM
كلام جميل
لكن............
يمكن تكون دى أول مشاركاتك
أو أول حاجة أقرأها لك
ف خلي اللي بعد لكن .....لقدام شوية
وأهلا بيك ع الواحة

الغالية قلب الشمس ام حبيبة

جمال حضوركِ سيدتي الأنيقة جمل واحتي
نعم هذه اول مشاركة لي في العامية و ليس لي الكثير في هذا المجال لان مجالي هو الفصيح

شكرا لأشراقتك في واحتي الصغيرة
و دمت بكل خير

و لكِ مني أرق التحايا

صباح