أجمل مافى بنات حواء

[سعيد شكري]

بعد الحب ماتبت جدوره
ف سابع أرض
وبات حلمى البرئ طارح
جناين ورد
وقولت الدنيا ضحكت لى
وغنت لى غناوى السعد
وبات النور
على شباك الأمل صاحى
يضم الفجر بجناحى
ويرسم ليا أفراحى
بضحكة طفل بتنور حياة أمه
ولعبو وهى بتضمه
وتعصر صدرها ف فمو
عشان يكبر ويتقوا
يا أجمل ما ف بنات حوا
يا حضن الأم
أنا هو
وحالى برضو من حالو
ونفسى اكبر على إيدك
وتخرج ضحكتى م القلب
من جوه
وتزلزل كيان الجرح
وتجلجل ف كل الكون
يسمعها الحزين يتناسى أحزانه
يحاول زينا يضحك
ويسمعها الغريب يشتاق لأوطانه
ويرجع يلقى صدر حنون
هناك مستنى علشانه
يا أجمل ما ف بنات حوا
يا حضن الأم أنا هو
ونفسى أرجع لأحضانك
بعد الحلم ماتبدد
ف لحظة ضعف
كان زى الجبل وإنهار
وفات يومى بألف نهار
وبعد التلج ما طفى
فى قلبى النار
لقيت وسط الحطام حبك
كما هو
عايش يرتوى بدمى
يمد جذورو ف كيانى
ويغسل بالأمل همى
كما الأنهار
وانا غصن الوفا سارح مع الأمواج
وبعد التوهه والترحال
لقيت بر السماح مرسى
رسيت ف الحال
وشايل قلبى على إيدى
وعارف إنى عمرى ماهون
مانا عارفك وحافظك صم
يا أجمل ما ف بنات حوا
يا حضن الأم

[جوتيار تمر]

الرائع سعيد..
هس سعادة بعثت فيك فسطرتها هنا
لتكون لوحة جميلة..

وتزلزل كيان الجرح
وتجلجل ف كل الكون
يسمعها الحزين يتناسى أحزانه


رائعة هذه الصورة
محبتي لك
جوتيار

[سعيد شكري]

الرائع سعيد..
هس سعادة بعثت فيك فسطرتها هنا
لتكون لوحة جميلة..
وتزلزل كيان الجرح
وتجلجل ف كل الكون
يسمعها الحزين يتناسى أحزانه
رائعة هذه الصورة
محبتي لك
جوتيار
بكل الحب أتقبل مرورك الكريم
لاحرمنا الله منك ومنه
فتقبل منى خالص تحياتى وتقديرى
سعيد شكرى

[د. فوزى أبو دنيا]

اخى الاستاذ سعيد
اجدك تغيب عنا ونحن نود ان نراك معنا دوما
لماذا لم تحض معنا لقاء الخميس الاول من كل شهر
ارجو النظر فى هذا الموضوع
https://www.rabitat-alwaha.net/showthread.php?p=265552#post265552

[الهام احمد سعد]

بعد الحب ماتبت جدوره
ف سابع أرض
وبات حلمى البرئ طارح
جناين ورد
وقولت الدنيا ضحكت لى
وغنت لى غناوى السعد
وبات النور
على شباك الأمل صاحى
يضم الفجر بجناحى
ويرسم ليا أفراحى
بضحكة طفل بتنور حياة أمه
ولعبو وهى بتضمه
وتعصر صدرها ف فمو
عشان يكبر ويتقوا
يا أجمل ما ف بنات حوا
يا حضن الأم
أنا هو
وحالى برضو من حالو
ونفسى اكبر على إيدك
وتخرج ضحكتى م القلب
من جوه
وتزلزل كيان الجرح
وتجلجل ف كل الكون
يسمعها الحزين يتناسى أحزانه
يحاول زينا يضحك
ويسمعها الغريب يشتاق لأوطانه
ويرجع يلقى صدر حنون
هناك مستنى علشانه
يا أجمل ما ف بنات حوا
يا حضن الأم أنا هو
ونفسى أرجع لأحضانك
بعد الحلم ماتبدد
ف لحظة ضعف
كان زى الجبل وإنهار
وفات يومى بألف نهار
وبعد التلج ما طفى
فى قلبى النار
لقيت وسط الحطام حبك
كما هو
عايش يرتوى بدمى
يمد جذورو ف كيانى
ويغسل بالأمل همى
كما الأنهار
وانا غصن الوفا سارح مع الأمواج
وبعد التوهه والترحال
لقيت بر السماح مرسى
رسيت ف الحال
وشايل قلبى على إيدى
وعارف إنى عمرى ماهون
مانا عارفك وحافظك صم
يا أجمل ما ف بنات حوا
يا حضن الأم

استاذ سعيد شكرى انا سعيييييييدة بك واشكرك على هذه القصيدة الملئة بالمشاعر والاحاسيس الفياضفة فانهالت على صفحة الواحة وزادتها اشراقا
فجعلتنا نشعر بكل بيت فيها
تحياتى لك ولنصك

[الشربينى خطاب]

عشان الأم ما تبقي أم
دا لازم ضلعها الأعوج
يحوَّط علي الهوي ويضم
برمش العين غزل اخضر
دنا ياما أخدني الشوق
لغزالي اللي ماشي يتمخطر
فحن ومال علي سدري
فكانت بنتنا البكري
فرع من بنات حوا