أسامة عبد الصبور
04-05-2007, 06:55 PM
الطــوفان
حُط وِلدَك تحت رجلك لو فـ يوم ييجي الطوفان
حكـمة قالهـا جـد جـدك بس قالها من زمان
جـد جـدك كـان حكيـم بـس والله العظيم
الكــلام دا مــش سـليــم
لما وِلــدي تحت رجلي يبقى مين فوق الكتاف ؟
وِلدي لجله عشت عمري بتحرم مـ اللقمة حاف
لو أشيلة فوق كتافي وأمشي به عـ الجمـر حافي
وأترعب لو يوم جبينه يبقـى بـس شـوية دافي
لو مـاكنتش أخـاف علـى ابني
يبـقى أنا عـلى إيـه هـخاف؟
لما ولدي تحت رجلي يبقى مين فـوق الكتـاف؟
وِلدي من ساعـت ما شـرّف إتولد قلبي الحنين
كل شيء ف الكون يقَرّف شفته شيء تافه وهين
حتى أحلامي إللي كانـوا بالـتراب متغطيـين
وإللى تاهوا وإللي هانوا وإللي كـانوا مغمّضين
لما شفـته بعـيني بـانوا مـن جـديد متلمَعين
قلت أحلمهـم عشـانه والـزمن فتـّح وشاف
لما ولدي تحت رجلي يبقى مين فـوق الكتـاف؟
لما ولدي تحت رجلي يبقى مـين فـ عيوني جوّة؟
وإن صحيح هايهون عـليَّ يبقى إيه معنى الأبوة؟
هوّه إيه فـ الدنيا ديَّ يسـوى عنـدي إلا هوّه؟
قلبي لو يعـرف أسـيَّة تبـقى فـين بس المِرُوَّة؟
رغـم كـل الإحتـرام والـتحـية والسـلام
رغم ودي رآي جدي - لو هايسمح - مش تمام
بعـض أمثـالنا الـقديمة ضـد فطرتنا السليمة
يبقـى أجـدادنا الحـكيمة يسمحولنا بالخلاف
لما وِلـدي تحت رجـلي يبقى مين فوق الكتاف؟
حُط وِلدَك تحت رجلك لو فـ يوم ييجي الطوفان
حكـمة قالهـا جـد جـدك بس قالها من زمان
جـد جـدك كـان حكيـم بـس والله العظيم
الكــلام دا مــش سـليــم
لما وِلــدي تحت رجلي يبقى مين فوق الكتاف ؟
وِلدي لجله عشت عمري بتحرم مـ اللقمة حاف
لو أشيلة فوق كتافي وأمشي به عـ الجمـر حافي
وأترعب لو يوم جبينه يبقـى بـس شـوية دافي
لو مـاكنتش أخـاف علـى ابني
يبـقى أنا عـلى إيـه هـخاف؟
لما ولدي تحت رجلي يبقى مين فـوق الكتـاف؟
وِلدي من ساعـت ما شـرّف إتولد قلبي الحنين
كل شيء ف الكون يقَرّف شفته شيء تافه وهين
حتى أحلامي إللي كانـوا بالـتراب متغطيـين
وإللى تاهوا وإللي هانوا وإللي كـانوا مغمّضين
لما شفـته بعـيني بـانوا مـن جـديد متلمَعين
قلت أحلمهـم عشـانه والـزمن فتـّح وشاف
لما ولدي تحت رجلي يبقى مين فـوق الكتـاف؟
لما ولدي تحت رجلي يبقى مـين فـ عيوني جوّة؟
وإن صحيح هايهون عـليَّ يبقى إيه معنى الأبوة؟
هوّه إيه فـ الدنيا ديَّ يسـوى عنـدي إلا هوّه؟
قلبي لو يعـرف أسـيَّة تبـقى فـين بس المِرُوَّة؟
رغـم كـل الإحتـرام والـتحـية والسـلام
رغم ودي رآي جدي - لو هايسمح - مش تمام
بعـض أمثـالنا الـقديمة ضـد فطرتنا السليمة
يبقـى أجـدادنا الحـكيمة يسمحولنا بالخلاف
لما وِلـدي تحت رجـلي يبقى مين فوق الكتاف؟