سوسطائى

[محمود النجار]

سوفسطائى
بقول أشعار و ده دائى
عن الأوباش كلام ببلاش
بسطر بيه انا اوراقى
و لو لحظه يبان الحق
اقول انا لأ
و ان الصح أخطائى
سوفسطائى
أغالط بين كلام و كلام
و أبدل حق بالباطل
و لو لحظه صحى اللى نام
يموت و نقول أدى القاتل
على قبره انا هبكى
و أقوله يا نبعى يا سواقى
سوفسطائى
و راضى أعيش
بماضى
قالوا كان كداب
و حاضر يقفل الأبواب
و إن الحق مات و مفيش
و إن الظلم بيلاقى
ببان و ببان بتفتحله
و تندهله
و اديه باقى
سوفسطائى
و جدلى بيه اتا راضى
طريق إحساس غلط عادى
و ادينى اهه فى اسواقى
ببيع الرمل فى الوادى
فى عز الأزمه وبنادى
سوفسطائى سوفسطائى

[احمد علم الدين]

من محمود النجار اسف بها اخطاء كتابيه و ساصححها