الجمال

[نورا جمال هويدى]

عايزه أقولك انك
جوا قلبى لكنك
مابتحسش بيه
عايزه أقولك
انه دافى
وانت بارد
بس ليه ما بتتأثرش بيه
هو يعنى عشان عيونك
لون أوراق الشجر
تقوم تخلى عيون حبيبك
تنزف دموع ذى المطر
لو كنت فاكر ان الجمال
بلون العيون تبقى غلطان
دا الجمال جوا القلوب
لما تحب لما تدوب
الجمال مش لون عيون
أوشفايف مرسومين
أوكام شعرايه صفر
وعالخدود سارحين
دا الجمال جمال الروح
جمال الطبع والتفكير
الجمال لما تلاقى
قلب شارى ومش بيبيع
حب باقى ومش بيضيع
ضحكه حلوه
بسمه صافيه
تشوفها بعيون الربيع
الجمال لما تكون
الحياه فى قلبك بلون
الصفا ولون العيون الفرحانين
الجمال لما قلبك
يفهم عيون اللى حواليه
مين بيحبه
ومين عايزه
ومين بجد اللى شاريه
ومش مهم لون عيونه أو خدوده
أوحتى هو ايه
المهم انه يكون
قلب شارى ومش هايبيع
حب باقى ومش هايضيع

[د. فوزى أبو دنيا]

عايزه أقولك انك
جوا قلبى لكنك
مابتحسش بيه
عايزه أقولك
انه دافى
وانت بارد
بس ليه ما بتتأثرش بيه
هو يعنى عشان عيونك
لون أوراق الشجر
تقوم تخلى عيون حبيبك
تنزف دموع ذى المطر


شوفى ياخت نورا
هذا الجزء قصيدة محترمة جدا وكفى
اما باقى العمل استرسال لاداعى منه
واخرج العمل من المضمون والفكرة
والقدرة على التكثيف هى احدى قدرات الشاعر التى يجب ان يستخدمها عند اللزوم

تقديرى لهذه المشاعر النبيلة