بتوحشينى

[اسلام محروس]

وبتوحشينى‎ ..
‎.. ‎وانتى ساكنه نبض‎ ‎قلبى ... نور سنينى‎
وبتوحشينى .. وانتى ما بينى وبينى‎
أتنفسك .. طعم الحياه‎
‎.. ‎أحلام بتحبى فى بسمتك‎
أتنهدك .. لحظة براح‎
‎.. ‎تسحبنى منى‎
‎.. ‎وبين شعورك اتولد فى الليل أمير‎
أخدك واطير‎
‎... ‎لبلاد ما يسكنهاش بشر‎
‎.. ‎بين الحكاوى والغنا‎
ما نلاقى فيها غير قلوب عاشقه وبس‎
‎.. ‎وعيون‎ ‎بريئه بتستخبى فى النسيم‎..
‎.. ‎تندهلى اجرى اروح لها‎
ألاقيكى بالشوق تحضنينى‏‎
تدوبينى‎
‎.. ‎بين رموشك‎
‎.. ‎نظره للفجر اللى جاى‎
بين شفايفك‎
‎.. ‎كلمه تمحى لى اللى فات‎
‎.. ‎بين كفوفك‎
‎.. ‎صوره مرسومه لقلبك‎
أتولد واصرخ‎ ‎بحبك‎ ..
‎.. ‎أدوب واجيلك فى الحروف‎
‎.. ‎همسه بريئه تحضنك‎ ..
‎.. ‎تاخدك ما‎ ‎بين قلبى وبينى‎
لما تنادينى‎
‎.. ‎تفوتنى روحى تروح اليكى‎
خدتينى منى وكلى‎ ‎ليكى‎
وبيكى قدرت روحى تتهجى الحياه‎
وقدرت اغنى للقمر واسمع غناه‎
وقدرت‎ ‎اكون انسان عشان بس اعشقك‎
واسكنك ما بين ملامحى‎
فى ضى عينى‎
وجوا منى‎ ............ ‎توحشينى

[مروة عبدالله]

علمت قلبي الهوى
وحفرته فِ الشريان
علمت قلبي الهوى
يعشق يكون إنسان

***

مهما الزمان هزني
فِ النبض عنوانك
علمت قلبي الهوى
وعشقت إحساسك

***
اسقيني شهد الهوى
من نهر أحلامك
اسقيني شهد الهوى
من نهر أحلامك

***
إســــــــــــــــــــــل ام

من سنابل حرفك ينبت الابداع

سلمت لنا هذه الأاحاسيس الدافئة والمشاعر المرهفة

أرق التحايا وأعطرها ملؤها كل تقدير واحترام

[اسلام محروس]

علمت قلبي الهوى
وحفرته فِ الشريان
علمت قلبي الهوى
يعشق يكون إنسان
***
مهما الزمان هزني
فِ النبض عنوانك
علمت قلبي الهوى
وعشقت إحساسك
***
اسقيني شهد الهوى
من نهر أحلامك
اسقيني شهد الهوى
من نهر أحلامك
***
إســــــــــــــــــــــل ام

من سنابل حرفك ينبت الابداع
سلمت لنا هذه الأاحاسيس الدافئة والمشاعر المرهفة
أرق التحايا وأعطرها ملؤها كل تقدير واحترام
كنت فاكر نفسى شاعر
والكلام لعبه فى ايديا
تاه كلامى وحتى إسمى
لما هليتى عليه
أصله نور البدر حرفك
والنقط هى النجوم
"مروه" كيف القى الكلام
يوصف اللى عملتى فيه
الأميرة الجميله/ مروة
ردك الرائع اعجزنى عن الرد
وجعل صباحى مشرق وملىء بالأمل
وحقا للرقة أهلها
بالله عليك لا تحرمينى اشراقتك الطيبه ابدا
كل الشكر والتقدير
واحترا:0014: ماتى

[د. فوزى أبو دنيا]

عينى ع المساجلات الجميلة
تحياتى وتقديرى لك

[نادية حسين]

‎تفوتنى روحى تروح اليكى‎
خدتينى منى وكلى‎ ‎ليكى‎
وبيكى قدرت روحى تتهجى الحياه‎
وقدرت اغنى للقمر واسمع غناه‎
وقدرت‎ ‎اكون انسان عشان بس اعشقك‎
واسكنك ما بين ملامحى‎
فى ضى عينى‎
وجوا منى‎ ............ ‎توحشينى


اسلام

مفيش بعد الكلام دى كلام

كلام جميل كلام معسول مقدرش اقول حاجة عنه

كلام خفيف ع القلب

تسلم ياسلام .. ولك مني الف تحية وسلام

[اسلام محروس]

عينى ع المساجلات الجميلة
تحياتى وتقديرى لك
دكتور فوزى
مشرف العمل يا دى الفرح والهنا اللى انا فيه
جزيل شكرى
واحترا:0014: ماتى

[اسلام محروس]

‎تفوتنى روحى تروح اليكى‎
خدتينى منى وكلى‎ ‎ليكى‎
وبيكى قدرت روحى تتهجى الحياه‎
وقدرت اغنى للقمر واسمع غناه‎
وقدرت‎ ‎اكون انسان عشان بس اعشقك‎
واسكنك ما بين ملامحى‎
فى ضى عينى‎
وجوا منى‎ ............ ‎توحشينى
اسلام
مفيش بعد الكلام دى كلام
كلام جميل كلام معسول مقدرش اقول حاجة عنه
كلام خفيف ع القلب
تسلم ياسلام .. ولك مني الف تحية وسلام
الاميرة الجميله \ نادية
كلامك الرقيق اكبر من ان اجد كلمات شكر كافيه للرد عليه فى معجمى المتواضع
فالصمت فى حرم الجمال جمال
كل تقديرى
واحترا:0014: ماتى

[الهام احمد سعد]

وبتوحشينى‎ ..
‎.. ‎وانتى ساكنه نبض‎ ‎قلبى ... نور سنينى‎
وبتوحشينى .. وانتى ما بينى وبينى‎
أتنفسك .. طعم الحياه‎
‎.. ‎أحلام بتحبى فى بسمتك‎
أتنهدك .. لحظة براح‎
‎.. ‎تسحبنى منى‎
‎.. ‎وبين شعورك اتولد فى الليل أمير‎
أخدك واطير‎
‎... ‎لبلاد ما يسكنهاش بشر‎
‎.. ‎بين الحكاوى والغنا‎
ما نلاقى فيها غير قلوب عاشقه وبس‎
‎.. ‎وعيون‎ ‎بريئه بتستخبى فى النسيم‎..
‎.. ‎تندهلى اجرى اروح لها‎
ألاقيكى بالشوق تحضنينى‏‎
تدوبينى‎
‎.. ‎بين رموشك‎
‎.. ‎نظره للفجر اللى جاى‎
بين شفايفك‎
‎.. ‎كلمه تمحى لى اللى فات‎
‎.. ‎بين كفوفك‎
‎.. ‎صوره مرسومه لقلبك‎
أتولد واصرخ‎ ‎بحبك‎ ..
‎.. ‎أدوب واجيلك فى الحروف‎
‎.. ‎همسه بريئه تحضنك‎ ..
‎.. ‎تاخدك ما‎ ‎بين قلبى وبينى‎
لما تنادينى‎
‎.. ‎تفوتنى روحى تروح اليكى‎
خدتينى منى وكلى‎ ‎ليكى‎
وبيكى قدرت روحى تتهجى الحياه‎
وقدرت اغنى للقمر واسمع غناه‎
وقدرت‎ ‎اكون انسان عشان بس اعشقك‎
واسكنك ما بين ملامحى‎
فى ضى عينى‎
وجوا منى‎ ............ ‎توحشينى

بتوحشها وساكن نبضها وبالها
بتوحشها وجو القلب شايلها
وبتحبك وبتريدك ومهما بعدت هتجيلك
عشان انت بتوحشها
ولو حتى قريب منها ...بتوحشها
ولو ساكن مابين القلب والننى ...بتوحشها
فخليها قصاد عينك
عشان برضه لو انت معاها
اكيد برضه بتوحشها
فاهون ليها وانت معاها توحشها


الشاعر الرائع / إسلام محروس
اهلا بك فى الواحة واهلا بقصيدتك تقبل تحياتى لنصك الرائع
لك التحية والتقدير

[اسلام محروس]

بتوحشها وساكن نبضها وبالها
بتوحشها وجو القلب شايلها
وبتحبك وبتريدك ومهما بعدت هتجيلك
عشان انت بتوحشها
ولو حتى قريب منها ...بتوحشها
ولو ساكن مابين القلب والننى ...بتوحشها
فخليها قصاد عينك
عشان برضه لو انت معاها
اكيد برضه بتوحشها
فاهون ليها وانت معاها توحشها
الشاعر الرائع / إسلام محروس
اهلا بك فى الواحة واهلا بقصيدتك تقبل تحياتى لنصك الرائع
لك التحية والتقدير
عشانى مش صنايعى شعر ..ولا غاوى ابيع فى كلام
ولا باوزن بوزن خليلى .. أنا باوزن على الاحلام
فلازم احس حرف بحرف .. ومن نبضى يفيض القول
وأستنى هبوط الوحى ... وكيف أكتب بدون "إلهام"
عزيزتى شرفتى العمل بزيارتك العطرة وكلماتك الرقيقة الراقيه
فلك كل التقدير والتحيه
وتحيه خاصه لأننا طلعنا بلديات
ما انا اصلى منصوراوى كمان
احترا:0014: ماتى

[الهام احمد سعد]

عشانى مش صنايعى شعر ..ولا غاوى ابيع فى كلام
ولا باوزن بوزن خليلى .. أنا باوزن على الاحلام
فلازم احس حرف بحرف .. ومن نبضى يفيض القول
وأستنى هبوط الوحى ... وكيف أكتب بدون "إلهام"
عزيزتى شرفتى العمل بزيارتك العطرة وكلماتك الرقيقة الراقيه
فلك كل التقدير والتحيه
وتحيه خاصه لأننا طلعنا بلديات
ما انا اصلى منصوراوى كمان
احترا:0014: ماتى


عشان انت من المنصورة
من بلدى وبعشقها
وباين برضه م الصورة
خيال شاعر كلام شاعر
باوزانه واحلامه والهامه
وكام قصه بتحكيهم عيون سمرا
فخليك ماشى ف السكة
ومتملش عشان الشعر بيطول
وسكة قلبنا الشعرا بتتحول
واحلى سلام يا منصورى
ومن بلدى وبعشقها


تقبل تحياتى واحترامى

[نادية حسين]

ولا باوزن بوزن خليلى .. أنا باوزن على الاحلام

شاعر

ياسلام عليك ياسلام

[اسلام محروس]

عشان انت من المنصورة
من بلدى وبعشقها
وباين برضه م الصورة
خيال شاعر كلام شاعر
باوزانه واحلامه والهامه
وكام قصه بتحكيهم عيون سمرا
فخليك ماشى ف السكة
ومتملش عشان الشعر بيطول
وسكة قلبنا الشعرا بتتحول
واحلى سلام يا منصورى
ومن بلدى وبعشقها
تقبل تحياتى واحترامى
ومين يقدر فى عز الحر
يلاقى السلسبيل سايل ما بين كفين من الجنه
وما يشربشى
ومين يلمح فى عتمة ليل
قمر فضى بيتهادى فى ضياه الاحلام
ما يسهرشى
ومين يرضى يجيه الإلهام باحلى كلام
ما يكتبشى
دا يبقى بجد لا شاعر ولا حتى بيتشاعر
من الاخر ما يفهمشى
العزيزة إلهام
لك منى كل التحية والتقدير
على كل حرف خطه قلمك ولونته أحاسيك المرهفه الراقيه
كل تقديرى
واحترا:0014: ماتى

[نادية حسين]

متصفح جميل

ومحاورات روووووووووعة

الله الله


ومين يقدر فى عز الحر
يلاقى السلسبيل سايل ما بين كفين من الجنه
وما يشربشى
ومين يلمح فى عتمة ليل
قمر فضى بيتهادى فى ضياه الاحلام
ما يسهرشى
ومين يرضى يجيه الإلهام باحلى كلام
ما يكتبشى
دا يبقى بجد لا شاعر ولا حتى بيتشاعر
من الاخر ما يفهمشى



حتعلم اللهجة المصرية

واجاريكم

بس استنو عليا شويه

[اسلام محروس]

ولا باوزن بوزن خليلى .. أنا باوزن على الاحلام
شاعر
ياسلام عليك ياسلام
صباح نادى .. وأحلى نسمة بتنادى ..
على شوك جوا عالم بور فيتحول زهور نادية
وناديه ع الكلام يتقال فيتغنى السكوت موال
على دى الحال يعدى الحرف
ندى سايل من الجنه
أمل بالرقة يتحنى
دروب بنور تغازلنا
يمين لو يوم تقابلنا
هموم الكون تضللنا .. لنجمع م الكلام الاسم
فتتحول دموع الآه
لفرحة على القلوب ناديه
عزيزتى سعدت جدا باطلالتك مرتيين على العمل كانهما اشراقة الشمس لبداية يوم جديد
و سطوع القمر لينير عتمة الليل
كل تقديرى
واحترا:0014: ماتى

[اسلام محروس]

تسمح لي يا أستاذ يا شاعر يا أصيل أقرأ وأستمتع من غير تعليق ، فقط بين كل كلمة وكلمة أصفق:NJ:
وأقدم احتراماتي:hat: وأهديك :001:
محبتي الخالصة
شاهين
وهل تسمح لى يا استاذى ان انحنى تقديرا لزيارتك العطرة
فيكفينى فقط شرف مرورك الكريم
لترتعد اوصال حروفى عندما تمر عليها عيناك الفاحصة الواعيه بحق
تقبل منى خالص الشكر
وكل التقدير
واحترا:0014: ماتى

[الهام احمد سعد]

ومين يقدر فى عز الحر
يلاقى السلسبيل سايل ما بين كفين من الجنه
وما يشربشى
ومين يلمح فى عتمة ليل
قمر فضى بيتهادى فى ضياه الاحلام
ما يسهرشى
ومين يرضى يجيه الإلهام باحلى كلام
ما يكتبشى
دا يبقى بجد لا شاعر ولا حتى بيتشاعر
من الاخر ما يفهمشى
العزيزة إلهام
لك منى كل التحية والتقدير
على كل حرف خطه قلمك ولونته أحاسيك المرهفه الراقيه
كل تقديرى
واحترا:0014: ماتى

ومين بعد ده كله ميسعدش
يا اسلام دنتا قولت كتير
وبعد القول مفيش مواوييل هتتغنى
فين الالهام وبعد الشعر يا اسلام
مفيش تانى غير انى بقول كلام ف كلام
واحلى سلام على شاعر
مواوييله ترد الروح
وزادك ربنا وصانك
واوعى ف يوم متكتبش

تقبل تحياتى وتقديرى لك ولشعرك

[اسلام محروس]

ومين بعد ده كله ميسعدش
يا اسلام دنتا قولت كتير
وبعد القول مفيش مواوييل هتتغنى
فين الالهام وبعد الشعر يا اسلام
مفيش تانى غير انى بقول كلام ف كلام
واحلى سلام على شاعر
مواوييله ترد الروح
وزادك ربنا وصانك
واوعى ف يوم متكتبش
تقبل تحياتى وتقديرى لك ولشعرك
لا أنا شاعر ولا حاجه
يا الهام الكلام بيدوب اذا مرة سمع اسمك
واذا اتجرأت يوم وكتبت .. يترعش القلم فجأه يسيب ايدى
يقوم راسمك
يغير منى الورق يهرب بصورتك فوق
فألقى البدر من نورك جرى مكسوف
والقى قلوب جميع الخلق واقفه صفوف
ويصبح حال جميع الناس دا غير الحال
ما عاد فيه شعر يقدر يوصف اللى صار
ولا فيه قول ولا شعرا ولا موال
الهام العزيزة
كثيرا ما يقف الكلام حيزا شديد الضيق امام اشياء لا تسعها مفردات العالم
لك كل تقديرى
وفائق
احتراماتى

[نادية حسين]

:0014: والله انته حاجه محصلتش
تسلم يابيه
ووعدك اني بجاريك بقصيدة حلوه ان شاء الله
سلام يااسلام ..

[الهام احمد سعد]

:0014: والله انته حاجه محصلتش
تسلم يابيه
ووعدك اني بجاريك بقصيدة حلوه ان شاء الله
سلام يااسلام ..


نهارك نادى يا نادية
يا اجمل ورده ف الجنه
اكيد اسلام ميحصلش
وشعره كمان ميحصلش
ولو كلناله ميت كلمه
وكام قصة ماهتكفى
فيلا معايا ونحيى
جمال شاعر ف اشعاره
واحييكى يا ناديتنا
يا اجمل ورده ف الجنه


الاستاذه الرائعة نادية احييك على تصميمك لمجارات القصيدة
انتظرك وساجاريكى انا ايضا فتقبلى ودى واحترامى
اختك الهام احمد سعد

[الهام احمد سعد]

لا أنا شاعر ولا حاجه
يا الهام الكلام بيدوب اذا مرة سمع اسمك
واذا اتجرأت يوم وكتبت .. يترعش القلم فجأه يسيب ايدى
يقوم راسمك
يغير منى الورق يهرب بصورتك فوق
فألقى البدر من نورك جرى مكسوف
والقى قلوب جميع الخلق واقفه صفوف
ويصبح حال جميع الناس دا غير الحال
ما عاد فيه شعر يقدر يوصف اللى صار
ولا فيه قول ولا شعرا ولا موال
الهام العزيزة
كثيرا ما يقف الكلام حيزا شديد الضيق امام اشياء لا تسعها مفردات العالم
لك كل تقديرى
وفائق
احتراماتى


منيش عارفه هقولك ايه
كلامى طال واشعارى مهيش عارفه تقول حاجه
وانا لسه
بخطى اول السلم
واعدى اول الموجه ف بحر الشعر
فكل كلامى مش مغنى
ولا شعرى مثيل شعرك ولا يشبه
وكلماتى بتستنى عشان
يمكن ف يوم تشبه
مفيش برضه كلام يتقال
منا برضه منيش قدك
فاحلى سلام عشان شاعر
يقول الكلمة من قلبه


خلاص بقه كفايه معتدش كلام اعرف اقوله تانى
خلصت كل الكلام مش هنشبع من شعرك ابدا
لك التحيه والود والاحترام

[اسلام محروس]

نهارك نادى يا نادية
يا اجمل ورده ف الجنه
اكيد اسلام ميحصلش
وشعره كمان ميحصلش
ولو كلناله ميت كلمه
وكام قصة ماهتكفى
فيلا معايا ونحيى
جمال شاعر ف اشعاره
واحييكى يا ناديتنا
يا اجمل ورده ف الجنه
الاستاذه الرائعة نادية احييك على تصميمك لمجارات القصيدة
انتظرك وساجاريكى انا ايضا فتقبلى ودى واحترامى
اختك الهام احمد سعد
يا شعر يا شعرا يا غازلى الموال
النجده يا أهل القول ما عاد كلام يتقال
"ناديه"مع "إلهام" جم م السما عندى
ناويين برقتهم يكسروا عندى
مدد يا أهل الحرف يا قيس ويا عنتر
كل اللى عندى كلام لا يزيد ولا يأخر
اتنين ياهوووه م الحور هلوا على دارى
ورموا حروف من نور بالدنيا ما دارى
ويا مين يلومنى يا ناس لو دبت أنا ف كلمه
ما أملكش غير احساس يا أهل الجمال رحمه
يا رب عينى الموضوع بقى صعب جدا
تخيلوا اتنين من الملائكة اتفقوا على واحد غلبان من البشر
ربنا يستر
والله انا فى قمة السعاده من الحوار الرائع الراقى ده
لأميرتى الشعر
كل شكرى
واحترا:0014: ماتى

[نادية حسين]

الله يسعدك يالهام وانتي كمان شاعرة محصلتش
ومعجبة فيكي من زمان
ربي يسعدك ويزيدك من فضله
وللشاعر اسلام الف تحية وسلام
ومشكلتي اني بحاول اكتب باللهجة المصرية
وهذ اللي مأخرني للان
دمتم بخير

[اسلام محروس]

الله يسعدك يالهام وانتي كمان شاعرة محصلتش
ومعجبة فيكي من زمان
ربي يسعدك ويزيدك من فضله
وللشاعر اسلام الف تحية وسلام
ومشكلتي اني بحاول اكتب باللهجة المصرية
وهذ اللي مأخرني للان
دمتم بخير
نادية العزيزة
منورة كالعادة
بس يا عزيزتى ما تقيدى نفسك باللهجة المصرية
لو بتكتبى شعر نبطى خليجى معاكى لأنى باعشقه
ان شا الله تكتبى هندى ولا يهمك
بس اتحفينا بفيض حروفك الراقيه
وستجدينى اجاريكى على قدر معرفتى البسيطة
احترا:0014: ماتى

[الهام احمد سعد]

منيش عارفه هقولك ايه
كلامى طال واشعارى مهيش عارفه تقول حاجه
وانا لسه
بخطى اول السلم
واعدى اول الموجه ف بحر الشعر
فكل كلامى مش مغنى
ولا شعرى مثيل شعرك ولا يشبه
وكلماتى بتستنى عشان
يمكن ف يوم تشبه
مفيش برضه كلام يتقال
منا برضه منيش قدك
فاحلى سلام عشان شاعر
يقول الكلمة من قلبه
خلاص بقه كفايه معتدش كلام اعرف اقوله تانى
خلصت كل الكلام مش هنشبع من شعرك ابدا
لك التحيه والود والاحترام
الهام احمد سعد

وليه طيب مبتردش
كتبت الرد واستنى عشان اسمع كلام شاعر
وملقيتش
اقول يمكن كمان حبه هيكتبلى
واستنى
ومتردش
انا باينّى زهّقّتك
انا هسكت ومش هكتب
خلاص تانى ومتردش
سلامى اليك يا شاعر
الهام احمد سعد

[اسلام محروس]

وليه طيب مبتردش
كتبت الرد واستنى عشان اسمع كلام شاعر
وملقيتش
اقول يمكن كمان حبه هيكتبلى
واستنى
ومتردش
انا باينّى زهّقّتك
انا هسكت ومش هكتب
خلاص تانى ومتردش
سلامى اليك يا شاعر
الهام احمد سعد
بقى معقول انا ازهق
يا إلهام كلمتك دى حرام
ومين يزهق من الجنه ومن الاحلام
دا أنا لو عشت طول العمر أكتبلك
سنين العمر ما تكفى
ولما اكتب حروف اسمك
بالاقى روحى فى كفى
لكن فعلا انا شكيت
بان انتى اللى زهقانه
وقلت يا واد كفايه عليك
لتصبح منى زعلانه
فسامحينى لسوء ظنى
ما عدتش تانى أتأخر
وكل دقيقة فاتتنى
عليها عمرى هاتحسر
الهام العزيزة
خشيت ان تملى من حوارى فقررت السكوت
ولم أكن اعلم ان سكوتى هذا خسارة فادحة ساندم عليها طوال عمرى
فبالله عليك لا تسيىء الظن بى
احترا:0014: ماتى

[الهام احمد سعد]

بقى معقول انا ازهق
يا إلهام كلمتك دى حرام
ومين يزهق من الجنه ومن الاحلام
دا أنا لو عشت طول العمر أكتبلك
سنين العمر ما تكفى
ولما اكتب حروف اسمك
بالاقى روحى فى كفى
لكن فعلا انا شكيت
بان انتى اللى زهقانه
وقلت يا واد كفايه عليك
لتصبح منى زعلانه
فسامحينى لسوء ظنى
ما عدتش تانى أتأخر
وكل دقيقة فاتتنى
عليها عمرى هاتحسر
الهام العزيزة
خشيت ان تملى من حوارى فقررت السكوت
ولم أكن اعلم ان سكوتى هذا خسارة فادحة ساندم عليها طوال عمرى
فبالله عليك لا تسيىء الظن بى
احترا:0014: ماتى

لاانا هزهق ولا حاجه
مفيش شاعر بيزهق من كلام الشعر
وهزعل ليه كمان منك
دنا قاصده اخلى كلمتك تطلع
ومن شعرك كمان اسمع
متتحسرش
وممتاخرش
انا بستنى اشعارك


هههههههه استاذ اسلام انا اردت ان استفذ مواهبك الشعريه فكتبت تلك الكلمات لكى ترد عليها
لانى اعلم انك سترد عليها لكن لا عليك هذه مزحة
شكرا لك ولحرفك وانتظر القصائد القادمة وكفايه تعليق على دى هههههههههه ولو لم تعلق ساكرر وليه طيب مبتردش هههههههههه
تقبل تحياتى واحترامى

[اسلام محروس]

لاانا هزهق ولا حاجه
مفيش شاعر بيزهق من كلام الشعر
وهزعل ليه كمان منك
دنا قاصده اخلى كلمتك تطلع
ومن شعرك كمان اسمع
متتحسرش
وممتاخرش
انا بستنى اشعارك
هههههههه استاذ اسلام انا اردت ان استفذ مواهبك الشعريه فكتبت تلك الكلمات لكى ترد عليها
لانى اعلم انك سترد عليها لكن لا عليك هذه مزحة
شكرا لك ولحرفك وانتظر القصائد القادمة وكفايه تعليق على دى هههههههههه ولو لم تعلق ساكرر وليه طيب مبتردش هههههههههه
تقبل تحياتى واحترامى
العزيزة إلهام لقد كنت بالفعل ملهمه فى كل ما مضى من مشاركات فأشكر لك اشراقتك الرائعة
وعلى رايك كفايه كده
وعلى فكره العمل التانى نزل يا افندم
ومتثبت
بس انتى مطنشه :005:
احترا:0014: ماتى

[نادية حسين]

توحشيني يا ضيا قلبي
وعيني
توحشيني ياهنا عمري وسنيني
توحشيني واه من
طول المسافة
توحشيني وفاض بي
شوقي وحنيني
افقدك وافقد كلامك
ياحنونه
من يواسي قلبي بلحظة شجونه
افقدك واتمني احط
راسي بصدرك
تمسحي دمعة فراقك
من عيونه
اه يا امي ولو تدري بحالي
عذبتني الاآآآآآآآآآه
وهموم الليالي
ولو الاقيكي بجنبي ماابالي
في عيونك
كل اسرار الحنان
اضحك وافرح وانسي كل همي
ونسي اصناف القهر
من ابن عمي
واكتفي بضمة حنان بحضن امي
مير امي راحت وضاع الامان
ياالاهي ارحم الميمه الحبيبه
حطها بجوار
سيدنا وقريبه
حطها بجوار سيدنا
وصحيبه
تغتسل كل يوم بزهور
وبرد
يمه انا بدونك تفطر
قلبي فيني
يمه انا بدونك
حزينه سامحيني
يمه انا اتمني
ولا يمكن تجيني
غير بالاحلام ياوجه السعد
وسلامتكم

يالله ترحم كل الامهات الاحياء منهم والاموات
اخوي اسلام جيتك ع الوعد .. وهذي قصيدة كيبورديه
ارجوا ان لايكون بها خلل
لاني مثلك اوزن علي ميزان المشاعر
وازيدك من الاحساس بيت

خذ صلاتي
خذ زكاتي ياكريم
زيد فيها كفة القلب الرحيم
ماابي الا رضاها
من رضاك
ياالاهي
وخفف الحزن المقيم
يارب


سعيدة يالهام وجيالك اجاريكي ياعسل
ودمتم بخير يااسلام:0014: والهام:0014:

[اسلام محروس]

توحشيني يا ضيا قلبي
وعيني
توحشيني ياهنا عمري وسنيني
توحشيني واه من
طول المسافة
توحشيني وفاض بي
شوقي وحنيني
افقدك وافقد كلامك
ياحنونه
من يواسي قلبي بلحظة شجونه
افقدك واتمني احط
راسي بصدرك
تمسحي دمعة فراقك
من عيونه
اه يا امي ولو تدري بحالي
عذبتني الاآآآآآآآآآه
وهموم الليالي
ولو الاقيكي بجنبي ماابالي
في عيونك
كل اسرار الحنان
اضحك وافرح وانسي كل همي
ونسي اصناف القهر
من ابن عمي
واكتفي بضمة حنان بحضن امي
مير امي راحت وضاع الامان
ياالاهي ارحم الميمه الحبيبه
حطها بجوار
سيدنا وقريبه
حطها بجوار سيدنا
وصحيبه
تغتسل كل يوم بزهور
وبرد
يمه انا بدونك تفطر
قلبي فيني
يمه انا بدونك
حزينه سامحيني
يمه انا اتمني
ولا يمكن تجيني
غير بالاحلام ياوجه السعد
وسلامتكم
يالله ترحم كل الامهات الاحياء منهم والاموات
اخوي اسلام جيتك ع الوعد .. وهذي قصيدة كيبورديه
ارجوا ان لايكون بها خلل
لاني مثلك اوزن علي ميزان المشاعر
وازيدك من الاحساس بيت
خذ صلاتي
خذ زكاتي ياكريم
زيد فيها كفة القلب الرحيم
ماابي الا رضاها
من رضاك
ياالاهي
وخفف الحزن المقيم
يارب
سعيدة يالهام وجيالك اجاريكي ياعسل
ودمتم بخير يااسلام:0014: والهام:0014:
يا الهى ارحم الأم اللى ربت
واللى هاديتنا بأجمل زهرة نادية
اللى نادت ع القلوب التايهه لبت
فوق لهيب النار بشوقها جايه جاريه
يا الهى لا ترد الدعوة منى
انت عالم باللى جوه الروح اليها
من حنايا القلب بأدعيها لأنى
لو هاتطلب بأرمى عمرى بين ايديها
الرائعة نادية
سعادتى لا توصف بأن اضعت من وقتك القليل لتفكرى بالرد على كلماتى
بحرفك الرقيقة التى تشرفت عينى برؤياها وساظل ارددها طوال العمر التماسا لشذاها الأخاذ
تقبلى كل التقدير
والشكر الجزيل
واحترا:0014: ماتى

[نادية حسين]

الله يسلمك يااسلام
صح السانك
الله يرحم مميتا الحنونه
وكل المسلمين
امين
شوف اسلام امبارح كتبت هذا الرد حاولت اكتب مصري لكن جات كذا بسيطة ووزنها نونو

لكن عاوزه اعرف ايه رأيك في الكلام مصري ولا لا

اصل الغزل مصري
واصل الهوى بحري
الله علي القبلي
والشعر دا حصري
النيل ونسمه
والخضره والنعمه
والسحر في الكلمه
يعرف لها المصري

واصل العسل مصري
واللي وصل مصري
واللي هنا حصري
سلملي ع المصري

وسلامتك
لكن اوعى تسجلها .. عشان عاوزة اعمل وحدة طويلة وجميلة وتستاهل تسجلها بصوتك الحلو
عوزاها مصريه وهتعلم اكلم مصري عشان اعرف اكتبها صح وتطلع حلوه
اصلا شاكة بكلمه
(سلملي) ع المصري
بتقولو سلملي؟

سلام يااسلام

[اسلام محروس]

الله يسلمك يااسلام
صح السانك
الله يرحم مميتا الحنونه
وكل المسلمين
امين
شوف اسلام امبارح كتبت هذا الرد حاولت اكتب مصري لكن جات كذا بسيطة ووزنها نونو
لكن عاوزه اعرف ايه رأيك في الكلام مصري ولا لا
اصل الغزل مصري
واصل الهوى بحري
الله علي القبلي
والشعر دا حصري
النيل ونسمه
والخضره والنعمه
والسحر في الكلمه
يعرف لها المصري
واصل العسل مصري
واللي وصل مصري
واللي هنا حصري
سلملي ع المصري
وسلامتك
لكن اوعى تسجلها .. عشان عاوزة اعمل وحدة طويلة وجميلة وتستاهل تسجلها بصوتك الحلو
عوزاها مصريه وهتعلم اكلم مصري عشان اعرف اكتبها صح وتطلع حلوه
اصلا شاكة بكلمه
(سلملي) ع المصري
بتقولو سلملي؟
سلام يااسلام
الملاك الجميل نادية:001:
مصرى مصرى:010:
وشرفتى اللهجة المصرية ان خرجت من بين شفتيك بحروف من نور
بس كده يا نادية
هاتوقفى حال الشعرا المصريين لما تكتبى مصرى
يعنى مين هايعبرنى بقى لما يكون ليه وفى نفس الوقت ليكى عمل
بس مش مشكله عشان خاطرك كل شىء يهون
ابدعتى يا ناديه:hat: :NJ:
ومنتظر بقى القصيده بشوق عشان اسجلها
بس بشرط انى اسمعها بصوتك الاول وبعدها اقرر
ولو انى عارف انى لما هاسمعها مستحيل اسجلها بصوتى لأنه هايبوظها خالص
بس هاحاول وامرى لله
احترا:0014: ماتى

[نادية حسين]

صباح الخير ياشاعر النيل
الحمد لله
شهادة اعتز فيها .. وهذى محاولة علي الماشي كتبتها بثواني
يعني لما اسلطن هسلطن ان شاء الله
والكلمه اللي تشوفها مش مصرية حط بدالها مصرية وتطلع مية ميه
بس خليها علي الوزن تمام
والله يااسلام انا مقدرش اسجل صوتي .. وانشرة تقاليدنا وووووووووالخ الخ
انت لما تسجلها قول شعر نادية حسين القاء اسلام محروس منتديات رابطة الواحة الثقافية
وكذا احسن ونسوي كاسيت كامل يكون حاجة محصلتش
وان شاء الله اليوم انقح القصيده اصلها خلصت باقي اضيفها هنا
وتقولي رأيك
وحيكون بيننا تعاون فني :001: :010:
ربي يسعدك يااسلام والله انته مجدع ..
تعرف اغنية ولا ياولا وارحمني ياولا .. تعجبني يمكن اعمل علي وزنها قصيده جديده
او اغنية
عبد الهادي يجمالو.. عبد الهادي يجنانو
عبد الهادي من قدووووو
واغنية بهيه .. وظلموا البنيه
ردي البيبان يبهية ..لاناس يحسدوكي آه داري العيون يصبيه لناس يحسدوكي
الله روعه
اموت بالشعر الشعبي المصري الاصيل واحب الشاعر(نجم)
سلام :) الظاهر طولت
سلام

[اسلام محروس]

صباح الخير ياشاعر النيل
الحمد لله
شهادة اعتز فيها .. وهذى محاولة علي الماشي كتبتها بثواني
يعني لما اسلطن هسلطن ان شاء الله
والكلمه اللي تشوفها مش مصرية حط بدالها مصرية وتطلع مية ميه
بس خليها علي الوزن تمام
والله يااسلام انا مقدرش اسجل صوتي .. وانشرة تقاليدنا وووووووووالخ الخ
انت لما تسجلها قول شعر نادية حسين القاء اسلام محروس منتديات رابطة الواحة الثقافية
وكذا احسن ونسوي كاسيت كامل يكون حاجة محصلتش
وان شاء الله اليوم انقح القصيده اصلها خلصت باقي اضيفها هنا
وتقولي رأيك
وحيكون بيننا تعاون فني :001: :010:
ربي يسعدك يااسلام والله انته مجدع ..
تعرف اغنية ولا ياولا وارحمني ياولا .. تعجبني يمكن اعمل علي وزنها قصيده جديده
او اغنية
عبد الهادي يجمالو.. عبد الهادي يجنانو
عبد الهادي من قدووووو
واغنية بهيه .. وظلموا البنيه
ردي البيبان يبهية ..لاناس يحسدوكي آه داري العيون يصبيه لناس يحسدوكي
الله روعه
اموت بالشعر الشعبي المصري الاصيل واحب الشاعر(نجم)
سلام :) الظاهر طولت
سلام
الملاك الرقيق / نادية
والله انا اكون فى غاية السعادة بهذا التعاون وسيتشرف كل جزء منى جسدى وروحى بنطق كلماتك الرقيقه
وخسارة كبيرة التقاليد اللى حرمتنى من سماع صوتك
فى انتظار القصيده
على نااااااااااااااااااااار
احتراماتى

[نادية حسين]

صباح الورد والياسمين


اسفه علي التأخير يااسلام .. لاتحسبني ناسية

في اقرب وقت حقولها

بس عاوزه احبكها

وتقول خايف اصير احسن منك ؟ توي انتبهت اني مارديت ع الجملة دي

العين ماتعلي علي الحاجب

وانتم الكل بالكل

ربي يسعدك ويوعدك وتصير شاعر النيل .. لان فيه مسابقة بعد شاعر العرب

حضر نفسك للمشاركة عشان حصوت لك

سلام

[اسلام محروس]

صباح الورد والياسمين
اسفه علي التأخير يااسلام .. لاتحسبني ناسية
في اقرب وقت حقولها
بس عاوزه احبكها
وتقول خايف اصير احسن منك ؟ توي انتبهت اني مارديت ع الجملة دي
العين ماتعلي علي الحاجب
وانتم الكل بالكل
ربي يسعدك ويوعدك وتصير شاعر النيل .. لان فيه مسابقة بعد شاعر العرب
حضر نفسك للمشاركة عشان حصوت لك
سلام
الملاك الرقيق نادية
أجمل وأرق صباح لأرق الناس
العين تعلا وتعلى مليون مره
ويشرفنى ده
فى االانتظار بشوق
وربنا يكرمك يا رب على رأيك الطيب ده
احترا:0014: ماتى

[أحمد موسي]

هههههههههههههههه
والله أحلى متصفح دخلت عليه من يوم اشتراكي ف الواحه
أحييك أستاذى الشاعر إسلام وأحيي أختي الشاعره الباهره إلهام
وأحيي الأخت الفاضله ناديه بأحلي كلام

وتقبلوا إرتجالي الصغير القادم

هقول إيه بس وأكتب إيه
وانا تايه مابين النص وردوده
كلام ناديه وسلم وإلهام
دا فاق الوصف وحدوده
زماني خدعني صورلي وهيألي
بإني هكون من الشعرا
وإني كمان هكون مشهور
وصيتي مغطي ع الأوبرا
لقيت لسه طريقي طويييل
وفيكم تتكتب مواويل
وانا إللي بقول على نفسي
أنا شاعر
وهوصل حتي لو كان
الطريق واعر
أتاريني ياناس مخدوع
ف وهم كبير ملوش آخر
وكنت تملي بتحايل على الكلمه
وبعمل منها ميت موال
ودالوقت انا ساكت ومتكتف
ومش لاقي كلام يتقال
فقلت أكرملي لو أسكت
لاني الصمت قدام الجمال
دا جماااااااااااااااال

انا عارف اني حروفي خايبه
ومهش قد الحروف الرائعه اللي قريتها هنا
ولكن تقبلوها ومتحرموناش من إبداعكم
والله يعوض عليا بقه كنت بقول على نفسى شاعر
طلعت ................!!! هههههههههه بطيخه

اسمحولي أنحني تقديرا واحتراما لكن حرف وضع على هذا المتصفح

المخلص في حبكم / أحمد موسي

[محمد كمال الدين]

الله

قصيدة رائعة جميلة

بوركت أيها الشاعر الشاعر